ဂျပန်နိုင်ငံခြားရေးပေါ်လစီအသစ် အာရှနဲ. မြန်မာပြည်

ဟဲမင်းဝေးက “ဘယ်သူ့အတွက်ခေါင်းလောင်းထိုးတာလဲ” ဟူသော ၀တ္ထုတစ်ပုဒ်ရေးခဲ့ဖူးသည်။ ၂၁ရာစုအ၀င်တွင်တော့ အာရှတွင် ခေါင်းလောင်းသံတွေညံ လှသည်။ အာရှရာစု၊ အာစီယံနိုင်ငံများလက်နက်အပြိုင်တပ်ဆင်ခြင်း၊ တရုတ်အင်အားကြီးမားလာခြင်း၊ တောင်တရုတ်ပင်လယ်အငြင်းပွားမှု စသည့်ခေါင်းလောင်းသံများ။

အာရှဆူညံသံများသည် တနည်းအားဖြင့် တရုတ်နှင့် ဆက်သွယ်နေသည်သာဖြစ်သည်။ ယခုလည်း အင်အားကြီးလာသော တရုတ်ကို ကာပြန်ရင်ဖြစ်စေ၊ ကျဆင်းနေသော စီးပွားရေးကို အဖက်ဆယ်ရန်ပင်ဖြစ်စေ ယခုဂျပန်က အစိုးရသစ်တက်ပြီး မကြာခင်ပင် နိုင်ငံခြားရေးပေါ်လစီ အပြောင်းလဲများကို တွေ့လာရသည်။ တရုတ်လက်ဦးမှုရယူထားသော ဈေးကွက်များကိုသာမက၊ ပထ၀ီနိုင်ငံရေးအတွက်ပင် ဂျပန်က ခြေလှမ်းခပ်သွက်သွက် ခပ်ကျဲကျဲ လှမ်းလာသည်ကို တွေ့ရသည်။
ပင်ကိုအားဖြင့် ဂျပန်နိုင်ငံသည် ပြည်ပအရေးကိစ္စများနှင့် ခပ်ရှင်းရှင်းနေရင်း၊ ပြည်ပသို့ သူ၏သြဇာမချဲ့သည်မှာ ဆယ်စုနှစ် ၅စုနီးပါးရှိနေပြီဖြစ်သည်။ ယခု တက်လာသော ဂျပန်အစိုးရသစ် ၀န်ကြီးချုပ်ရှင်ဇိုအဘေး က တာဝန်ယူပြီး ၃ ပတ်အကြာတွင် အရှေ့တောင်အာရှနိုင်ငံများဖြစ်သော ထိုင်း၊ ဗီယက်နမ်နှင့် အင်ဒိုနီရှားတို့ကို ယခုအပတ်တွင်း သွားရောက်မည်ဖြစ်သည်။ ဒုတိယ၀န်ကြီးချုပ် တာရိုအဆို၏ မြန်မာပြည်ခရီးစဉ်နှင့် နိုင်ငံခြားရေးဝန်ကြီး ဖူမီရို ကီရှီဒါတို့၏ ဖိလစ်ပိုင်၊စင်ကာပူနှင့် ဘရူနိုင်း ခရီးစဉ်တို့ ကလည်း ဂျပန်နိုင်ငံသည် အာရှကို တရုတ်လက်ထဲတွင် လွှတ်မထားတော့ကြောင်း အချက်ပြခေါင်းလောင်းသံဖြစ်နိုင်သည်။

နှစ်ပေါင်းများစွာ ဂျပန်သည် အာစီယံနိုင်ငံများနှင့် ကောင်းမွန်သော ဆက်ဆံရေးရှိခဲ့သည်။ ၁၉၇၇ခုနှစ်ကတည်း ဂျပန်သည် အာစီယံ၏ မိတ်ဖက်အဖြစ်ဆက်ဆံခဲ့သော်၊ အလွန်ကောင်းမွန်သော ဆက်ဆံရေးတို့မရှိခဲ့ပေ။ ဂျပန်သည် နိုင်ငံရေးနှင့် စီးပွားရေးအကျိုးစီးပွားအတွက် အမေရိကန်အပေါ်တွင်သာ အားပြုခဲ့ပြီး၊ အာစီယံနိုင်ငံများနှင့် မဟာဗျုဟာ ဆက်ဆံရေးအားနည်းခဲ့ခြင်းကြောင့်ဖြစ်သည်။ ၁၉၇၇ခုနှစ်က ဂျပန်ဝန်ကြီးချုပ် တာကီရိုဖူကူဒါ၏ မနီလာမြို့တွင်ပြောကြားခဲ့သော သမိုင်းဝင် မိန့်ခွန်းက ဒုတိယကမ္ဘာစစ်ပြီးကာလတွင် အာရှတွင် ဂျပန်အနေဖြင့် နိုင်ငံရေးနှင့် စီးပွားရေးတွင် တက်ကြွစွာပါဝင်သော်လည်း စစ်ရေးကဏ္ဍတွင် ပါဝင်ရန်ဆန္ဒမရှိခဲ့ပေ။ စစ်ရေးပူးပေါင်းမှု မရှိခြင်း၊ ယုံကြည်မှုအပြန်လှန်တည်ဆောက်ရေး၊ ငြိမ်းချမ်းရေးနှင့် ကြွယ်ဝမှုတည်ဆောက်ရေးတို့သည်အာစီယံနိုင်ငံများနှင့် ဂျပန်နိုင်ငံ၏အဓိက ဆက်ဆံရေးဖြစ်ခဲ့သည်။ ၀န်ကြီးချုပ် ဖူကူဒါ၏ နိုင်ငံခြားရေးပေါ်လစီသည် ပြောင်းလဲနေသောဒေသတွင်း အခြေနေများနှင့် ကိုက်ညီမှုမရှိခြင်းကြောင့် ၂၀၀၈ခုနှစ်တွင် ၀န်ကြီးချုပ်ဖြစ်လာသော သူ၏သား ယာဆူအို ဖူကူဒါလက်ထက်တွင် “inland Sea” အယူဆဖြင့် နိုင်ငံခြားရေးမူဝါဒကို ပြုပြင်ခဲ့ရသည်။ “ဖူကူဒါ မူဝါဒ” ၏ အဓိက အားနည်းချက်မှာ အင်အားကြီးလာသော တရုတ်ကို ထိန်းချုပ်ရန် နည်းလမ်းများ မပါခြင်းဖြစ်သည်။

၁၉၇၉ခုနှစ် တိန့်ရှောင်ပင်၏ လေးမျိုးခေတ်မီရေးနောက်ပိုင်း အရှိန်ဟုန်ဖြင့် တိုးတက်လာသော တရုတ်ပြည်သည် ဒေသတွင်း အင်အားကြီးနိုင်ငံဖြစ်လာခဲ့သည်။ ထို့အပြင် အမေရိကန်သမ္မတဟောင်း ဂျော့လ်ဘု၏ အရှေ့အလယ်ပိုင်းဦးစားပေးမူဝါဒနှင့် အာရှကို အလေးပေးမှုလျော.နည်းခြင်းက အာရှတွင် အမေရိကန်၏ သြဇာကျဆင်းလာပြီး တရုတ်၏ သြဇာပိုမိုကြီးထွားလာခဲ့သည်။ ထို့ကြောင့်တရုတ်အနေဖြင့် ဒေသတွင်ပိုမို တန်ခိုးထွားလာပြီး ပိုမို ရန်လိုလာခဲ့သည်။တရုတ်သည် ဖိလစ်ပင်၊ဂျပန်၊ဗီယက်နမ်စသည့်နိုင်ငံများနှင့် ဒေသတွင်း ပိုင်နက်အငြင်းပွားမှုများဖြစ်လာခဲ့ပြီး ပိုမို ရန်လိုလာ နေသည်။ ထိုအခြေနေကို ဂျပန်အနေဖြင့် လက်ခံနိုင်ဖွယ်မရှိပေ။ အရှေ့တောင်အာရှရှိ ဂျပန်၏ အကျိုးစီးပွားများကို ကာကွယ်ရန် ဂျပန်အနေဖြင့် နိုင်ငံခြားရေးမူဝါဒကို ပြန်လည် သုံးသပ်ရန်လိုအပ်လာခဲ့သည်။

ဆယ်စုနှစ်များစွာ ဂျပန်သည် ပြည်တွင်းစီးပွားရေးတိုးတက်မှုကို ဇောင်းပေးခြင်းကို ကျင့်သုံးရာမှ ပြည်ပသို့ မျက်နှာမူသော နိုင်ငံခြားရေးမူဝါဒကို ယခုအခါ ပြန်လည် ကျင့်သုံးလာခြင်းဖြစ်သည်။ ၀န်ကြီးချုပ်အဘေး အနေဖြင့် နိုင်ငံခြားရေးမူဝါ၏ အားနည်းချက်၊ အားကောင်းချက်များကို ကောင်းစွာ သဘောပေါက်သူဖြစ်သည်။ သူပထမဆုံးအကြိမ် ၀န်ကြီးချုပ်အဖြစ်တာဝန်ယူစဉ် (၂၀၀၆-၂၀၀၇)က ဂျပန်သည် ကမ္ဘာတွင် စီးပွားရေးအရ ဒုတိယအကြီးဆုံးနိုင်ငံဖြစ်သည်။ လွန်ခဲ့သော ၆နှစ်အတွင်း ဂျပန်စီးပွားရေးသည် ဆက်တိုက် ကျဆင်းနေပြီး ၂၀၁၂ခုနှစ် ဘဏ္ဍာရေးတတိယအပတ်တွင် GDP သည် ၀.၉၀ ထိကျုံ့ဝင်နေသည်။ ၂၀၁၂ခုနှစ် ဒီဇင်ဘာလဖြစ်ပွားခဲ့သော ငလျင်အပါဝင်၊ ဆူနာမီဂယက်များကလည်း ဂျပန်နိုင်ငံ၏ စီးပွားးရေးကို ဘူးလေးရာ ဖရုံဆင့်စေသည်။

ဤသို့သော အခက်ခဲများကြားမှ ၀န်ကြီးချုပ်ဖြစ်လာသော အဘေးအနေဖြင့် ပြည်သူတို့၏ ယုံကြည်မှုမြင့်တက်စေရန်နှင့် ဂျပန်နိုင်ငံ၏ စီးပွားရေးပြန်လည် ဦးမော့လာစေရန် ပြည်ပသို့ မျက်နှာမူခြင်းလည်းဖြစ်နိုင်သည်။ ရန်လိုအကဲဆက်လာသော တရုတ်ပြည်ကြောင့် တရုတ်ပြည်တွင်းရှိ ဂျပန်စက်ရုံများ မကြာခဏ ပိတ်ရခြင်း၊ ဂျပန်စီးပွားရေးလုပ်ငန်းများ တရုတ်ပြည်အတွင်း လုံခြုံရေးအားနည်းလားခြင်းအပါဝင် အာရှတွင် တဖြည်းဖြည်း ကြီးထွားလာသော သြဇာအတွက် ဂျပန်အနေဖြင့် နိုင်ငံခြားမူဝါဒများကို ပြင်လည်ပြုပြင်ပြီး ပြင်ပနိုင်ငံများ အထူးသဖြင့် အာရှနိုင်ငံများသို့ သြဇာချဲ့ရန်ဖြစ်လာ စေခဲ့သည်။ ၂၀၁၂ခုနှစ်၊ စက်တင်ဘာလက ဒိုင်းယု/စန်ကာခုကျွန်း အရေးကြောင့် တရုတ်-ဂျပန်ဆက်ဆံရေးစွန်းထင်းခဲ့ပြီး၊ တရုတ်-ဂျပန်ဆက်ဆံရေးတင်းမာလာမှုကြောင့် နစ်ဆန်း၊တိုရိုတာကားစက်ရုံများထုတ်လုပ်မှု ထက်ဝက်လျော့ချခဲ့ရပြီး ဂျပန်စက်ရုံအများပြားပိတ်ခဲ့ရသည်။ တိုယာတာ ကားကုမ္ပဏီအနေဖြင့် တစ်နှစ်လျှင် ကားတစ်စင်းရေ တစ်သန်းခန့်ထုတ်ရာမှ ဆက်ဆံရေးတင်းမာလာ၍ ၀ယ်လိုအားကျဆင်းလာခြင်းကြောင်း ထက်ဝက်ချ လျော့ချခဲ့ရသည်။ မြို့ကြီး ၅၀ တွင်ဖြစ်ပွားခဲ့သော ဂျပန်စက်ရုံများကို ဆန္ဒပြမှုများကြောင့် ဂျပန်များအနေဖြင့် စက်ရုံများပိတ်ပစ်ရခြင်း၊ ဂျပန်ဝန်ထမ်းများအား တရုတ်ပြည်မှ ပြန်လည်ခေါ်ခြင်းများပြုလုပ်ခဲ့ရပြီး စီးပွားရေးအရ နစ်နာဆုံးရှုံးမှုများစွာ ရှိခဲ့ရသည်။ ထို့အတွက်မြန်မာအပါဝင်၊ တခြားနိုင်ငံများသည် ဂျပန်ဈေးကွက်အတွက်နှင့် တရုတ်၏တနေ့တခြားကြီးမားလာသော သြဇာလျော့ချဖို့အတွက် ဖြစ်လာရသည်။

ဝန်ကြီးချုပ် အဘေးအနေဖြင့် သူပထမအကြိမ် ၀န်ကြီးချုပ် တာဝန်ထမ်းဆောင်စဉ်က အိန္ဒိယနှင့် နိုင်ငံရေး၊ စီးပွားရေးတိုးမြှင့်အောင် ပူးပေါင်းဆောင်ရွက်နိုင်ခဲ့သည်။ ယခုအကြိမ်တွင်လည်း အင်ဒို-ပိစိဖိတ်ဒေသတွင် ဂျပန်သည် အိန္ဒိယနှင့် ပူးတွဲပြီး တရုတ်၏ တစ်ဦးတည်း ကြီးစိုးလက်ဝါးကြီးအုပ်မှုကို ထိန်းချုပ်လာနိုင်သည်။ “ကျယ်ပြောသော အာရှ” စီမံကိန်းအရ ဂျပန် “လစ်ဘရယ် ဒီမိုကရက်တစ်ပါတီ(LDP)သည် မကြာသေးခင်က ပြုလုပ်သော ရွေးကောက်ပွဲမဲဆွယ်မှုများတွင် ဂျပန်အနေဖြင့် အိန္ဒိယနှင့် ပူးပေါင်းပြီး အမျိုးသားလုံခြုံရေးနှင့် စွမ်းအင်ပြဿနာများကို လက်တွဲဖြေရှင်းသွားမည်ကြောင်း ကတိပြုခြင်းက ၀န်ကြီးချုပ်အဘေးအနေဖြင့် ဂျပန်သည် ဒေသတွင် လှုပ်ရှားမှုများ၌ အိန္ဒိယကို မိတ်ဖက်အဖြစ် မျှော်ကြည့်ထားကြောင်းထင်ရှားလှသည်။

ထို့အပြင် ဂျပန် ဒုဝန်ကြီးချုပ် တာရိုအဆို၏ မြန်မာပြည်ခရီးစဉ်ကလည်း ဂျပန်အနေဖြင့် အာရှဒေသတွင် သံတမန်ဆက်ဆံရေးပြန်လည် အသက်သွင်းလာခြင်း၏ ပြယုဂ်တစ်ခုဖြစ်ကြောင်း ဂျပန်သတင်းစာများကဆိုကြသည်။ ဂျပန် ဒုဝန်ကြီးချုပ် တာရိုအဆို၏ မြန်မာပြည်ခရီးစဉ်ကလည်းက ဂျပန်လူမျိုးများကို အံ့သြသင့်စေခဲ့သည်။ ထိုခရီးစဉ်က အမေရိကန်၏ “အာရှ မဏ္ဍိုင်(Asia Pivot)”ကို မဟာမိတ် ဂျပန်အနေဖြင့် အားဖြင့်ခြင်းလည်းဖြစ်သည်။ အထူးသဖြင့် မြန်မာနိုင်ငံလို အလားလာရှိသော ဈေးကွက်များကို လက်ဦးမှုရယူခြင်းနှင့် တရုတ်၏ အခန်းကဏ္ဍကို လျော့ချရန်လည်း ဖြစ်သည်။ နှစ်ပေါင်းများစွာ အနောက်နိုင်ငံများက မြန်မာနိုင်ငံကို စီးပွားရေးပိတ်ဆို့ခဲ့သော်လည်း ဂျပန်နိုင်ငံသည် မြန်မာနိုင်ငံကို စီးပွားရေးဆက်ဆံမှုနှင့် အကူညီပေးမှုများအထောက်အလျောက်ရှိခဲ့သည်။ ယခု ဒုဝန်ကြီးချုပ်ခရီးစဉ်အတွင်း စတုရန်းဟက်တာ ၂၄၀၀ကျယ်ဝန်းသော သီလ၀ါ အထူးစီးပွားရေးဇုန်စီမံကိန်းအတွက် ဂျပန်က အခြေခံအဆောက်အဦများ တည်ဆောက်ရန် ဂျပန်နိုင်ငံမှ အမေရိကန်ဒေါ်လာ ၁၂ ဒသမ ၆ ဘီလျံ ထောက်ပံ့ရန်စီစဉ်ထားကြောင်းပြီး၊ အလုပ်ကိုင်အခွင့်လမ်းပေါင်း ၃၃၀၀၀မှ ၄၅၀၀၀ထိရရှိမည့် ယင်း သီလ၀ါအထူးစီးပွားရေးဇုန်တွင် လုပ်ကိုင်ရန် ကိုရီးယား၊ ထိုင်းအပါအ၀င် နိုင်ငံတကာမှ ရင်းနှီးတည်ဆောက်သူ  Developer များ လာရောက်လေ့လာ ဆွေးနွေးလျက်ရှိသော်လည်း ပထမအဆင့် ဟက်တာ ၄၅၀ ကိုမူ ဂျပန်နှင့် မြန်မာကုမ္ပဏီများ ပူးပေါင်းအကောင်အထည်ဖော်မည် ဖြစ်သည်။ ဂျပန်အနေဖြင့် မြန်မာနိုင်ငံတွင် တင်ရှိနေသော ကြွေးမီ အမေရိကန်ဒေါ်လာ ၆ဘီလျံအား ပယ်ဖျက်ပေးခဲ့ပြီး ၊ နောက်ထပ် အမေရိကန်ဒေါ်လာ သန်း၆၀၀ ထုတ်ချေးမည်ဖြစ်ကြောင်း ဂျပန်ဒုဝန်ကြီးချုပ်ခရီးစဉ်တွင်းပြောကြားခဲ့သည်။ ယင်းသည်တို့က ဂျပန်သည် မြန်မာနိုင်ငံတွင် ကြီးထွားလာနေသော တရုတ်သြဇာလျော့ချရန်နှင့် စီးပွားရေးတွင်လက်ဦးမှု ရယူထားသော တရုတ်ရန် ကာပြန်ရန်အတွက်ဖြစ်သည်။ ထို့အတွက်လည်း တရုတ်အစိုးရအာဘော် ဂလိုဘယ်တိုင်းသတင်းစာက မြန်မာနိုင်ငံအနောက်နိုင်ငံများနှင့် ပြန်လည်သင့်မြတ်လာခြင်း၊ ဂျပန်နိုင်ငံက အင်တိုက်အားတိုက်ပါဝင်လာခြင်းကို တရုတ်နောက်ဘက်ပိုင်းမှ မတည်ငြိမ်အောင်ဖန်တီးခြင်းဟု စွပ်စွဲခြင်းဖြစ်သည်။ ထို့အပြင် အဘေး၏ ကာကွယ်ရေးသုံးစရိတ် တိုးမြှင့်ရန်တိုက်တွန်းခြင်း၊ စစ်တပ်နှင့် ပတ်သတ်ပြီး ဖွဲ့စည်းပုံအရ တင်းကျပ်ထားသည်များကို ဖြေလျော့ပေးရန်၊ မြို့စောင့် တပ်သာသာရှိသော ဂျပန်စစ်တပ်အား အပြည့်ဝစစ်တပ်အဖြစ် တိုးမြှင့်ခြင်းက အရှေ့အာရှတည်ငြိမ်ရေးကို ထိခိုက်မည်ဖြစ်ကြောင်း လွန်ခဲ့သည့်အပတ်က “တရုတ်ပြည်သူ” နေစဉ်သတင်းစာက ဖော်ပြခဲ့သည်။မည်သို့ပင်ဆိုစေ ဂျပန်အနေဖြင့် အာစီယံနှင့် မြန်မာနိုင်ငံရှိ ၎င်း၏ အကျိုးစီးပွားများကို ကာကွယ်ရန် တရုတ်နှင့် ထိပ်တိုက်တွေ့ရမည်ပင်ဖြစ်သည်။ ခြေကုတ်ရယူပြီဖြစ်သော တရုတ်ကို ယှဉ်ပြိုင်နိုင်ရန် ဂျပန်နိုင်ငံအနေဖြင့် အကန့်သတ်များရှိနေသည်။ ပြည်တွင်းစီးပွားရေးကျဆင်းနေခြင်းကလည်း ဂျပန်နိုင်ငံခြားရေးမူဝါအသစ်ကို အကောင်ထည်ဖော်ရာတွင် အဓိက အတားဆီးဖြစ်နိုင်သည်။ ၀န်ကြီးချုပ်သစ် အဘေးအနေဖြင့် အရှေ့တောင်အာရှကို ဦးဆောင်ရန် တရုတ်နှင့် ထိပ်တိုက်တွေ့နိုင်မည်လား မေးခွန်းကို တော့ လူသိရှင်ကြားဖြေရန်လိုအပ်နေသည်။

Read More

ပုဂ္ဂလိကကဏ္ဍ ဖွံ့ဖြိုးရေး ဖူကူးယားမားတို့ တိုက်တွန်း

ရန်ကုန် (မဇ္ဈိမ) ။       ။ တိုင်းပြည်စီးပွား ဖွံ့ဖြိုးတိုးတက်စေရန် ဆောင်ရွက်ရာတွင် ပုဂ္ဂလိက ကဏ္ဍနှင့် အရပ်ဘက် လူ့အဖွဲ့စည်းများ အားကောင်းစေရန် ဆောင်ရွက်သင့်ကြောင်း မြန်မာနိုင်ငံသို့ ရောက်ရှိနေသည့် အမေရိကန် ပညာရှင်
ဒေါက်တာ ဖရန်စစ် ဖူကူယားမားနှင့် ဒေါက်တာ ရိုဂျာလိဒ် တို့က ပြောကြားလိုက်သည်။

အမေရိကန် စတန်းဖိုဒ့် တက္ကသိုလ် ဖွံ့ဖြိုးတိုးတက်ရေး၊ အခြေခံဥပဒေနှင့် ဒီမိုကရေစီရေးရာ ဌာနမှ Senior Fellow တဦးဖြစ်သူ ဖူကူယားမားသည် ကမ္ဘာကျော် “သမိုင်း နိဂုံးချုပ်ပြီ” (The End of History and the Last Man) စာအုပ် ရေးသားခဲ့သူ ဖြစ်သည်။ စီးပွားရေး လုပ်ငန်း၊ ဆင်းရဲနွမ်းပါးမှု လျှော့ချရေး နှင့် ပတ်သက်သည်များကို
ဟောပြောရန် အတွက် ဂျွန်ဟော့ကင်း တက္ကသိုလ်မှ ပါမောက ဒေါက်တာ ရိုဂျာလိဒ် နှင့်အတူ မြန်မာနိုင်ငံသို့ သြဂုတ် ၂၂ ရက်က ရောက်ရှိခဲ့ကြသည်။

ရန်ကုန်မြို့၊ ဆီဒိုးနားဟိုတယ်တွင် သြဂုတ်လ ၂၇ ရက်နေ့က ဟောပြောပွဲအပြီး သတင်းထောက်များ၏ အမေးကို
ဖြေကြားရာတွင် ဒေါက်တာ ဖူကူယားမားက ပုဂ္ဂလိကအခန်းကဏ္ဍ လွတ်လပ်မှုနှင့် ရင်းနှီးမြှုပ်နှံသူများအား အကာအကွယ်ပေးရန် အရေးကြီးကြောင်း ဖြေကြားသွားခဲ့သည်။

“ဘယ်နိုင်ငံမှာမဆို စွမ်းဆောင်အားမြှင့်တဲ့ ပုဂ္ဂလိက စီးပွားရေးကဏ္ဍဟာ အရမ်း အရေးကြီးပါတယ်။ ဒီကဏ္ဍ တိုးတက် ဖို့အတွက် အစိုးရအနေနဲ့ လုပ်ကိုင်နိုင်စွမ်းကို တိုးတက်စေတဲ့ အခြေနေအရပ်ရပ်ကို ဖန်တီးပေးရပါမယ်။ ဥပမာ တရားဥပဒေ စိုးမိုးရေးက အရေးကြီးသလို မလိုလားအပ်တဲ့ အတားဆီးတွေကို ပယ်ဖျက်ပေးဖို့ လိုအပ်ပါတယ်။ လာဘ်ပေးလာဘ်ယူမှုကို တိုက်ဖျက်ဖို့၊ ရင်းနှီးမြှုပ်နှံသူကို ကာကွယ်ပေးမယ့် ဥပဒေကောင်းတွေ လိုပါတယ်” ဟု ဆိုသည်။

အစိုးရအနေဖြင့် ပြောင်းလဲမှု ပြုလုပ်ရာတွင် ပွင့်လင်းမြင်သာမှု လိုကြောင်းနှင့် သတင်း အချက်လက်များကို အဖွဲ့အစည်း အားလုံးသို့ ပေးရန် လိုကြောင်းလည်း ပြောကြားခဲ့သည်။

“နှစ်ပေါင်းများစွာ အာဏာရှင်လက်အောက်မှာ နေခဲ့ရတုန်းက ဘယ်သူက ဘာတွေ ဘယ်လိုလုပ်ကိုင်နေတယ်ဆိုတာ သာမန်လူတွေအနေနဲ့ မသိရဘူး။ အခုမြန်မာပြည်မှာ အပြောင်းလဲဖြစ်နေတော့ သာမန်လူတွေအနေနဲ့လည်း အစိုးရ အနေနဲ့ ဘယ်လို လုပ်ငန်းတွေကို ပြည်သူတွေအတွက် လုပ်နေပါတယ်ဆိုတာ ပွင့်လင်းဖို့ လိုအပ်နေပါတယ်” ဟု ဖူကူယားမား က ပြောသည်။

အတိုက်အခံ အဖွဲ့စည်းများအနေဖြင့်လည်း လွှတ်တော်ထဲတွင် ပါဝင်လာပြီ ဖြစ်ခြင်းကြောင့် ပြည်သူ့ရေးရာ မူဝါဒများ၊ စီးပွားရေးမူဝါဒ၊ ပညာရေး၊ ကျန်းမာရေးဆိုင်ရာ မူဝါဒများကိုလည်း ဖွံ့ဖြိုးအောင် လုပ်သင့်ကြောင်း ထပ်လောင်း
ပြောကြားသည်။

ဖူကူယားမားနှင့်အတူ လိုက်ပါလာသည့် ဂျွန်ဟော့ကင်း တက္ကသိုလ်မှ ပါမောက ဒေါက်တာ ရိုဂျာလိဒ် ကလည်း ပုဂ္ဂလိကကဏ္ဍ အားကောင်းရန်အတွက် အခွင့်လမ်းများ၊ မက်လုံးများ ပေးရန် လိုအပ်သကဲ့သို့ လူ့စွမ်းအား ဖွံ့ဖြိုးရေးအတွက် အရေးကြီးသော ပညာရေးကို အဓိက ဆောင်ရွက်ရမည် ဖြစ်ကြောင်း ပြောကြားသွားခဲ့သည်။       ကိုအောင်

Read More

ဘူတာအို

ဘူတာအို
မှိုင်းပြပြကောင်းကင်အောက်မှာ လူတစ်ယောက်မတ်တပ်ရပ်ကာ ရထားတွေလာလာကြည်.တာ ကျွန်တော်သတိထားမိသည်။သူ၏ရပ်တည်ခြင်းက

ပတ်ဝန်းကျင်ရှိအရာအားလုံးကိုမသိသလို။ရွေးလျားနေသောတိမ်တွေနောက်လည်းမလိုက်၊ အပြေးသွားနေသောလေညှင်းနှင့်လည်းခရီးမနှင် ၊

အသော.ကြွေနေသောရွက်ဝါကြွေပမာမပြု။မိုးဦးလေ၏ စူရှရှ အပ်ဖျားဖြင့်ထိုးသလို စူးရှလှသော လေအသွားကိုလည်းဂရုမမူ။လူအိုက

အဝေးကို တွေးငေးနေသည်။သူမျက်နှာမှာ ကာလသုံးပါး၏ တိုက်စားမှု့ကြောင့် အရေးကြောင်းတွေရှိသည်။ လောကဓံကို သယ်ပိုးခဲ. ၇သောကြောင့်

သူခါးတွေပင် ကိုင်းလှပြီ။ သို.သော် ရထားတွေကိုမြင်လျှင်တော. သူမျက်လုံးတွေက မျှော်လင့်ချက်တွေဖြင့် ၀င်းလဲ.လာတတ်သည်။ညနေတိုင်း

သည်ဘူတာအိုမှာ သူသည်အဖိုးအိုကိုတွေ.နေရသည်။ကျနေအိုမျက်နှာမူနေတတ်သော အ၇ွယ်လွန်တဦး။ တခါတလေတော. သူမျက်လုံးတွေက

ရထားလာ၇ာဘက်ဆီ မျှော်လင့်ကြီး စွာငေးမျှော်နေတတ်သည်။တကယ်ဆိုတော. သူတ်ို.မြိုမှာ ဘူတာဆိုလို. အိုဟောင်းနေသော သည်ဘူတာ တစ်ခုသာ

ရှိသည်။ဘူတာ ဆိုသော်လည်း လာသည်.ရထားတိုင်း၇ပ်သည်မဟုတ်။ ကြားဘူမဟုတ်လား။လူရိုသေ ရှင်၇ိုသေ

ဘူတာမဟုတ်ဟုပြောသော်ရနိုင်သည်။သည်ဘူတာက သူတို.မြို.သည်အရာအားလုံးနှင်းဆက်စပ်နေပါသည်ဟုဆိုတာထက်ပို ပုံမရ။ခရီးသွား

ခရီးလာတွေတော. ကျိုးတိုးကျဲတဲ ရှိသည်။ငိုက်မြည်းနေသော လက်မှတ်ရောင်းနှင့် စာကလေးတွေလို

တစာစာအော်တတ်သော ဈေးသည်ကလေးတွေရှိသည်။သူတို.တွေက အစာ၀၀မစားရလို.ထင်သည် စာကလေးတွေလို

ပိန်သေးနေသည်။ရထားဆိုက်ရင်တော. သိသာသည် ရထားတွေက ငယ်သံပါအောင်အော်လာသောကြောင့်ဖြစ်သည်။ရထားဘယ်အချိန်ဆိုက်သလဲ သိချင်၍

ရု့ပိုင်သွားမေးရင်တော. ဥညြသံ ကြား၇င်ရထားဆိုက်တော.မယ် သူကသည်လိုဖြေမြဲ။ သူကိုယ်တိုင်းလည်းမသိလို.ဖြစ်နိုင်သလို

မဖြေချင်လို.လည်းဖြစ်နိုင်သည်။တခါတလေစိတ်ပါလို. ထင်သည် သူက အော်လံမှတဆငိ့

"မကြာခင် ရထားဆိုက်ပါတော.မယ် "

ဟုထအော်တတ်သည်။ထိုအခါတော. လူတွေက ပျင်းရိပျင်းတွဲထကာ ရထားလာရာကို ငေးကြည်နေတတ်ကြသည်။ ရထားကိုမြင်လျှင်တော. အဘိုးအိုက

သူပင်ရထားဖြင့်လိုက်ပါတော.မည်.ခရီးသည်လို ရထားလာရာဘက်သို.အပြေးလေးသွားတတ်သည်။ကျွန်တော် သည်လိုနှင့်အဘိုးအို

ကိုသတိထားမိခဲ.သည်။ကျွန်တော်လည်းတခါတရံ အပျင်းပြေအဓိပ္ပာယ်မရှိ ရထားတွေလာလာကြည်.တတ်သည်။သည်လို.နှင့်တနေ.တော.

အဘိုးအိုနှင်စကားဆိုဖြစ်သည်။

"အဘိုးက ခဏခဏ ခရီးထွက်တယ်ထင်တယ်"

အဘိုးအိုက မသိမသာပြုးလိုက်သည်။

"အဘိုးငယ်ငယ်ကတည်းကနေ ဒီနေ.ထိ ရထားမစီးစီးဘူး ၊တနေ. တော. ရထားစီးပြီး မိုးကုတ်စက်ဝိုင်းရဲ.အနားစွန်းဆီ သွားနိုင်မယ်လို.မျှောလင့်တာပဲ" သူအသံက

တိုးတိုးလေး သို.သော်ညင်သာလှသည်။ပြီး အဘိုးအိုက မိုးကုတ်စက်ဝိုင်းဆီကို မျှော်ငေးနေသည်။

ရုံပိုင်အခန်ဝမှ နာရီကြီးက တချက်ချက်ပင်မမည်တာ ကြာလှပြီ။နာရီလက်တံ သစ္စာ၇ှိစွာနေရာတခုတည်းကို ညွန်ပြနေသည်။ ကျိုးပဲ.နေသောထိုင်းခုံပေါ်မှာ

လူတွေက အတင်းအားယူထိုင်နေကြသည်။ခွေးလေခွေးလင့်တွေကလည်း ပါးစပ်ဟကာ သန်းပြနေတတ်သည်။မြက်ပင်တွေက ရထားသံလမ်းကြားမှ

အပြိုင်းရိုင်းမတ်တပ်ရပ်နေကြသည်။ရထားလာလျှင်တော. သူတို.လည်းခေါင်းလျှိုရမည်သာ။ သည်ဘူတာက ဘူတာဆိုသော်လည်း ရထားနှင့်မအပ်စပ်သလို

တစ်နေ.ကုန်နေမှ ရထားသူံးလေးစင်းသာ ဖြတ်သွားတတ်သည်။ မလှမ်းမကမ်း တမာပင်အောက်မှာေ၇ချမ်းစင်တစ်ခုရှိသည်။ရေအိုးထဲမှာ ရေက

စပ်စပ်ပင်မရှိတော.။ရထားတွေက သည်ဘူတာမှာ ကြာကြာမရပ်။မပြီးဆုံးသေးသောခရီးကိုနှင်ရသလို

ခပ်သုတ်သုတ်ထွက်သွားကြသည်။သူသည်ဘူတာကိုစတင်ရောက်ရှိခဲ.သည်နေ.ကိုမှတ်မိသေးသည်။ရထားမမြင်ဘူးသေးသော သူကိုသူဖခင်က

ရထားပြ၇န်ခေါ်ခဲ.ခြင်းဖြစ်သည်။သည်တုံးက သူက ရထားစီးရင်ဘယ်ရောက်လဲ ဟုသူ.အဖေကိုမေးခဲ.သေးသည်။

"ဟိုးမိုးကုတ်စက်ဝိုင်းဆီကိုလား "

သူ.အဖေက သဘောကျစွာ ပြုံးနေခဲ.သည်။သူကြီးလာသည်တနေ. ရထားစီးပြီးအဝေးကို သွားမည်ဟု သူဆုံးဖြတ်ခဲ.သည်။ထို.ကြောင့်လည်းသူသည်

မီး၇ထားလတ်မှတ်ရောင်းသည်.အလုပ်လုပ်ခဲ.၇သည်ထင်သည်။ အခုတော. အဘိုးအိုက ရထားမစီးဖူးဖူးပြောတော. သူအလွန်အံ.သြနေမိသည်။

"ငါသေတဲ. အထိရထားစီးရပါမလား မသိပါဘူးကွယ်"

အဘိုးအိုက ၇ထားပေါ်မှာ လူများကို အားကျစွာကြည်.ရင်းဆိုနေသည်။သူမျက်လုံးတွေက

တစ်နေ.ကျငါလည်း အဝေးကို သွားမှာပါဟုပြောနေသရောင်။အဘိုးအိုက ဘူတာအိုလို အိုလှပြီ။ ဖြူလွသောဆံပင်တွေက သူခေါင်းထက်မှာဝဲကျနေသည်။

ကျွန်တော် ခရီးထွက်သည်.တစ်နေ. ရထားစီးဖို. သည်အဘိုးအိုကို ခေါ်သွား၇င် ဆုံးဖြတ်လိုက်သည်။လူတစ်ယောက်၏ဆန္ဒတစ်စုံကို သူလေးစား၍ဖြစ်သည်။

မိုးအေးသောတစ်မနက်သူ ဘူတာကို ပျင်း၇ိပျင်းတွဲရောက်လာခဲ.သည်။

လူတွေက စုစုနှင့်မီးရထားသံလမ်းကို စြု့ပုံတိုးခွေ.နေကြသည်။

သူခြေလှမ်းတွေကလည်း အလိုလို ထိုလူအုပ်ရှိရာခြေဦးလှည်.လိုက်သည်။

ဖြူလွနေသော ဆံပင်တွေကို သူတွေလိုက်ရသည်။

သည်မနက်မည်သူမည်ဝါမှန်းမသိသော လူအိုတစ်ယောက် သံလမ်းပေါ်သေဆုံးနေတာ ရုံပိုင်ကြီးက စတင်တွေ.ရှိခဲ.သည်။အမြဲငိုက်မြည်းနေသော

ရုံပိုင်ကြီး၏မျက်လုံးတွေပင် ပြူးကျယ်ခဲ.ရသည်ဆိုသည်။

သေဆုံးနေသူက ရထားလာ၇ာဘက်ဆီကို မျက်နှာမူထားသည်။ ခရီးသွားလွယ်အိတ်တစ်လံုးကိုလည်းသူနားမှာ တွေ.ရသည်။

"ခရီးသည်တစ်ဦးနဲ.တူတယ် ရထားမြင်တာနဲ.အတင်းတတ်တာကိုး၊ အသက်ကြီးတော.လက်မမြဲ.ပဲ ပြုတ်ကျတာလေ ရထားကလည်းအရှိန်မသေသေးတော. ....."
သူဆက်ပြီးနားမထောင်တော.ပါ။

ထိုနေ.ကပတ်ဝန်းကျင်မှာ မိုးတွေအုံးမှိုင်းနေတာသူသတိပြုမိခဲသည်။

Read More

နီကိုရဲ (သို.မဟုတ် )ရနံ.ပြယ်သွားသောနှင်းဆီတစ်ပွင့်

နွေညရဲ. လေကတသုန်သုန်။ညရဲ. ကိုယ်သင်းရနံ.ကိုရှုရှိက်ရင်း ကျွန်တော်နဲ.ကိုရဲ စကားတွေပြောခဲ.ကြသည်။ ကိုရဲ ရဲ.ရှေမှာ ဂ၇င်းရွင်၇ယ် ၀ီစကီ တစ်ပုလင်း။ပုလင်းက မတ်တပ်၇ပ်လို.။ပုလင်းထဲမှာ

လဲ.လဲ.ထနေတဲ.၀ီစကီတွေက တစ်ဝက်ချိုးကျသွားပြီ။ တစ်ဝက်ပြည်.နေတယ် ပြော၇င်လည်း ၇မယ်ထင်တယ်။ဖန်ခွက်ထဲမှ သောက်လက်စ ၀ီစကီက မီးရောင်အလက်မှာ ၀င်းခနဲ ။

'ဘဲဥ ဦး ရွှေအောင် ၇ဲ. ၇သစာပေရဲ. ၇သ ဖတ်ပြီး ပြီလား "

 " အင်း " အထက်တန်းကျောင်းသား တစ်ယောက် ဆယ်ကျော်သက်က ပြန်ဖြေလိုက်သည်။

"နာလည်းလား"  ကျွန်တော် ခပ်ယဲ.ယဲ. ပြုံလိုက်သည်။

အငြင်းဝါကျတစ်ကြောင်းသုံးလိုက်

သည်။  သိပ်နားမလည်းဘူးး စာေ၇းဆရာက ခပ်မိန်.မိန်.လုပ်နေသည်။

"မင်းစာရေးသင်.တယ် ဘဲဥ"  

ကျွန်တော် အိပ်ချင်မူးတူး ဖြစ်နေရာမှ ပြူးကြောင်ကြောင်မျက်လုံးဖြင့် ကြည်.လိုက်သည်။ ညကတိတ်ဆိတ်နေသည်။သန်းခေါင်ပင်ကျော်ပြီ မဟုတ်လား။

ခပ်လှမ်းလှမ်းမီးကင်းမှ သံချောင်း ကို ပျင်းတွဲတွဲ ခေါက်သံ ကြားလိုက် ရသည်။

" ဒေါင် ဒေါင် "

ညနှစ်နာရီ ၊ လူ နှစ်ယောက်။

"ကျွန်တော်စာပဲဖတ်ချင်တာ မေ၇းတတ်ဖူး ရေးလည်းမရေးချင်ဘူး" 

"  အေးလေ ဆက်ဖတ်ပါ ရင်ထဲ ပြည်ကျပ်လာတဲ. တစ်နေ. မင်းစာရေးချင်လာလိမ်.မယ်"

ကျွန်တော်နဲ. သူ ဒီလိုညပေါင်းများစွာကို ဖြတ်ကျော်ခဲ. ဖူးသည်။ အထူးသဖြင်း ကျွန်တော် ကျောင်းပိတ်ရက် စနေ.ညများ။ကျောင်းပိတ် တိုင်း ကျွန်တော်သူ .အိမ်ရောက်သွားတတ်သည်။

စာအုပ်ငှား၇င်နှင့်စာကြောင်းပြောရန် ကျွန်တော်ပြောတာထက် သူပြောတာကို နားထောင်သည်ဟုဆိုက ပိုမှန်လိမ်.မည်။ သူကနားထောင်သူ၇ှိလျှင် အလွန်ပြောနိုင်သူ။ သူအိမ်မှာ

စာေ၇းဆရာတွေကို တွေ.၇တတ်သည်။ ကျွန်တော် အလွန်အားကျသူတွေပေါ့။ ကျွန်တော်မှာ မွေးရာပါရောဂါ ဟုဆိုချင်ဆို ရောဂါတစ်ခုရှိသည်။စာအုပ်ချစ်ခြင်း နှင်. စာရေးဆရာဆို

လွတ်လေးစား ခြင်း။ခပ် နွမ်းနွမ်း အ၀တ်စားနှင့်စာရေးဆရာ ရှိုးကျကျဝတ်ထားသော စာရေးဆ၇ာ အနှီဆ၇ာတို.ကို ဤဒွန္နယာကြီးပေါ် ရပ်နေသော ကျွန်တော်က အားကျစိတ်ဖြင့်

ရင်ဘတ်ကြီးပြည်.နှက်နေသည်။

"ငါ ရွှေဥဒေါင်း သိပ်ခိုက်တယ် စကားဆက်သုံးတာ သိပ်ကောင်းတယ် မင်းလေ.လာသင့်တယ် သူလိုရေး နိုင်တာ ရွှေဥဒေါင်းပဲရှိတယ်   မင်းဘူးဦးသြဘာသ ကျတော.

စကားပြေဘယ်လောက်ရှင်းလဲ"

 "ဟုတ်"

ကျွန်တော် ရောရောင်ခေါင်းငြိမ်.လိုက်သည်။

" ငါဆရာနတ်နွယ်ကို သိပ်အားကျတယ် မြန်မာပြည်မြောက်ပိုင်းလို ၀တ္ထုရှည်ကြီးရေးချင်တယ်   ခေတ်သုံးခေတ် မျိုးဆက်သုံးဆက် လွတ်လပ်ရေးရစခေတ်ကနေ မင်းတို.ခေတ်ထိပေါ. အချိန်အတော်ယူရမယ်ကွာ"

  သူကအဝေးကို ထွက်သွားသောမျက်လုံးများဖြင်းစကားတွေဆိုနေသည်။သူ.မျက်လုံးတွေက ရီဝေနေပြီ။

"ဘဲဥအိပ်တော."       တရေးနိုးလာသော မဒမ်နီကိုရဲက ပြောလိုက်သည်။

"မအိပ်ချင်သေးဘူး အန်တီနိုင်သားတို.စကားကောင်းတုံး" ဤသည်တို.ကာ တိတ်ဆိတ်ည၏ ပုံရိပ်ကားချပ်တွေဖြစ်ခဲ.သည်။

တစ်ခါတော. မဟေသီ မဂ္ဂဇင်းတွင်ပါသော နီကိုရဲ၊ ကိုဦးဆွေ အင်တာဗျူးနှင့်ပတ်သတ်၍တော်တော်များများက ဝေဖန်ကြသည်။

ကိုရဲ က ဆရာဗန်မော်တင်အောင်၊ဆ၇ာကြီး ဒဂုံတာရာတိုနှင့်ပတ်သတ်ပြီးပြောတာ အတော်လွန်သည်ဆိုကြသည်။ တချို.ကလည်း ဒီကောင်မူးပြီးလျှောက်ပြောသည်ဆိုကြသည်။

တစ်ညတော.

"ငါမူးလို.ပြောတာမဟုတ်ဘူး ဘဲဥ  ငါမူးလို.မဟုတ်ဘူးကွ စာရေးဆ၇ာတစ်ယောက်ဟာ ၀ါဒတစ်ခု၊စနစ်တစ်ခုအောက်မှာ စာေ၇းရင်သူ.စာဟာ ခေတ်တိုက်စားတာ မခံဘူး၊ အနုပညာမမြောက်တော.ဘူးကွ

ဆ၇ာကြီ ရွှေဥဒေါင်းတို. ဆ၇ာဇော်ဂျီစာတွေကြည်. ဘယ်ဝါဒမှ မစွန်းဘူး အနုပညာသက်သက်ဒါကြောင်ဒီနေ.ထိ ခံစားလို.ဖတ်လို.ရနေတာပေါ့"          ကျွန်တော်သူကို.ငေးငေးရီရီကြည်.နေမိသည်။

ဘာသာရေးနှင်ပတ်သတ်၇င်တော. သူနှင့်ကျွန်တော် ဆ၇ာကြီးဦး ရွှေအောင်နှင့် ချမ်းမြေ.ဆ၇ာတော် စာအုပ်တွေအကြောင်းပြောဖြစ်ကြသည်။

"မင်းကျောင်းစာလည်းကျက်ဦး"

"ဟုတ်ကဲ."

တနေမှာ ကျွန်တော်က ကျွန်တော်ခေါင်းကို အဓိက ရိုက်နှက်သော စာအုပ်သုံးအုပ်အကြောင်းပြောမိသည်။

ဦး ရွှေအောင်၏ ပါရမီဆယ်ပါး စာအုပ်ပါးလေး၊ ဆရာပါ၇ဂူ၏ စိတ္တလေခါ၊ ဟာမန်ဟတ်၏ သိဒ္ဒဓ

သူကပြုံးတချက်ပြုံးနေသည်။

ကျွန်တော်က ဂိုထေး၏ The Sorrows of Young Werther ကို သဘောကျကြောင်းပြောမိသည်။ ရူးဆို၏ social contract ထက် Mercus Aurelius ၏  The Meditations of Marcus Aurelius

ကိုပိုသဘောကျကြောင်းပြောပြမိသည်။ဒီစာအုပ်က တရုတ်ဝန်ကြီးချုပ် ၀န်ကျားပေါင် ၏အကြိုက်ဆုံးစာအုပ်ဟုကြားဖူးသည်။

သူက ခပ်ပြုံးပြုံးကြီးလုပ်နေသည်။

"ဘဲဥ မင်းကိုတစ်ခုပြောမယ် ၊ မင်းစာရေး၇င် သတိထားဖို. ၊ဘယ်တော.မှ ကိုယ်သိတယ် ထင်ပြီး သိပ်မပြောချင်နဲ. အကွက်မဆိုက်ဘဲ ထိုးထဲ.လိုက်သလို ဖြစ်ပြီး စာအ၇သာပျက်သွားတတ်တယ်"

ကျွန်တော်လိုလူငယ်တစ်ယောက် ဖိုးပြောချင်ဖြစ်နေသော လူတစ်ယောက်အဖို.တော. သူ.စကားတွေက ဆာမူဒိုင်း၏ ဒါးချက်လို၊

တစ်ချက်ထဲ သိသော် "တိခနဲ"

"မင်းစာဖတ်ပြီး သူများပြောတာတွေ လိုက်ပြောနေတာထက် မင်းကိုယ်ပိုင်ဦးနှောက်နဲ. အတွေးအခေါ်တွေ ရအောင်တည်ဆောက်ယူတတ်ရတယ်ကွ ဒါမှစာဖတ်တာတန်ဖိုးရှိမှာ"

ဒီစကားတွေက ကျွန်တော်ရင်ထဲမှာ "လင်းခနဲ"

satori (ဆာတိုရီ)လေးတစ်ခု။ ပိတ်ထားသော တံခါးတွေကို ၀ုန်းခနဲ ရိုက်ဖွင့်လိုက်သလို၊ တရုတ်လိုတော. ခိုင်းမ်ိန် လို ပြောလို.၇မည်ထင်သည်။ နားလည်မှု.ကို ဖွင့်ခြင်းပေါ့။

ကျွန်တော် အကြောင်းကြောင်းကြောင့်ပြင်ပမှာ နေဖြစ်သည်၊ သူနှင့်ကာလ ခြားကာ တွေ.ဆုံးခြင်းတွေ ဝေးခဲ.ရသည်။

တနေ.

ထိုတစ်နေ.၀ယ်

ကျွန်တော်ညီမလေးက ကျွန်တော်ဆီ ဖုန်းဆက်လာသည်။

"ကိုကြီး ဦးရဲ ဆုံးသွားပြီ.. "    သူမအသံက ဆို.နင့်နေသည်။

"အန်တီနိုင်က ကိုကြီးကိုမပြောဖို. တားသေးတယ်၊ အဖေကြီးက နောင်လဲသိမှာဘဲ ပြောလိုက်ဆိုလို. ဖုန်းဆက်တာ"

ရှေ့ စားပွဲခုံပေါ် တင်ထားသော နွမ်းစပြုနေသော နှင်းဆီးပွင့်ကို ကျွန်တော် ကြေကွဲစွာ ကြည်.နေမိသည်။

ညီမလေး၏ အသံကလည်းတို.းဝင်ပျောက်ကွယ်သွား ပြီ။

ကျွန်တော်.ေ၀၀ါးမျက်လုံးးတွေက နှင်းဆီပွင့်ဆီမှာ..............

နွမ်းလျနှင်းဆီက ရနံ.ပြယ်နေပြီကော။

-- 
ကိုအောင်

Read More

သံစုံကြူးတဲ့ည

ညက
တိတ်ဆိတ်လို့.
ခုန်နေတဲ့ကြယ်သံတချွင်ချွင်လည်းမရှိ
အတွေးကို
စကားအကျယ်ကြီးပြောမယ့်
လမင်းလည်းမရှိ
လေပြည်လည်းလက်ပြတ်ကျ
သစ်ရွက်တွေညပ်ခဲနေတဲ့ညပေါ့..
အဲဒီညမှာ
ကတိစကားနဲ့အမှား
ဦးသူစားတမ်းဖြစ်ခဲ့တယ်။
ပန်းပွင့်တွေက
ကိုယ်ပွင့်တဲ့ပန်းကိုကိုယ်ပြန်ပန်ထားတဲ့ည
ကိုယ်ချင်းစာတရားနဲ့ရင်ခုန်သံ
အပြန်အလှန်မျိုနေကြတဲ့ည
သန်းခေါင်ယံလရောင်ရဲ့ရည်ရွယ်ချက်က
တဖြည်းဖြည်းမင်းဘက်ကိုပါသွားတဲ့ည
အဲဒီညမှာ
စကားလုံးတွေ
ရင်ပတ်ပေါ်ဝုန်းကနဲဝုန်းကနဲ
ခုန်တက်လာကြပြီးမှ
ဘာမှမပြောပဲ
သစ္စာရှိရှိအသေခံသွားခဲ့တယ်။
မျက်ရည်တွေဖောက်ချပြီးစမျက်လုံးထဲ
နောင်တငါးတစ်ကောင်တစ်ဖျပ်ဖျပ်ခုန်နေတဲ့ည
အမှောင်နုထံစွန့်ခဲ့တဲ့အနမ်းဦးတို့
ပျော်ပါးမြူးတူးတဲ့ည
ခံစားမှုမှာ ဥိးနှောက်တစ်ခြမ်းတိတိ
ညွတ်ကွင်းမိတဲ့ည
အဲဒီညမှာ
ငယ်ဖော်..ငယ်ပေါင်း…ကျောင်းနေဖက်..
သူငယ်ချင်း…အခင်ဆုံး..အချစ်ဦး..အချစ်ဆုံး..
အဲဒီစကားလုံးတွေ
တစ်ကောင်နဲ့တစ်ကောင်
အသေကိုက်ကြပြီး..
မောသွားတော့
အမှောင်ထဲ အိပ်မောကျနေခဲ့တယ်။ ။


နီကိုရဲ

Read More

စေတနာလွန် . . . ကျွန်

လူ့လောကတွင် ဆိုးသည်များကို ကြုံတွေ့ရသလို ကောင်းသည် များ ကိုလည်း တစ်ခါတစ်ရံ ဆုံတွေ့ရတတ်ပါသည်။
ကျွန်တော် ထိုနေ့က စာပေမိတ်ဆွေများနှင့် ပျော်ပျော်ပါးပါး နေခဲ့ပြီး နောက်အိမ်ပြန်ရန် အချိန်ရောက်သဖြင့် 38 လမ်းအပေါ်လမ်း (ဗိုလ်ချုပ်လမ်း) ရုပ်ရှင်ရုံထိပ်မှ အိမ်ပြန်ရန် ကက တွေကို လက်ညှိုး ထောင်ပြီးတားရပါသည်။ ကက ငှားရသည်ကလည်းမလွယ်ပါ။
တချို့ ကားသမားတွေက တားတုန်းမှာ ထိုးရပ်လိုက်သော်လည်း သွားမည့်နေရာကို ပြောသည့်အခါတွင် ကျွန်တော်အဲ့ဒီဘက် မရောက်တော့ဖူးဗျ ဆိုပြီး ထွက်သွားတတ်ကြသည်။
တချို့ ကတော့ ဘာမျှပင်မပြောပဲ မောင်းထွက်သွားတတ်ကြ၏။ ထို့ကြောင့် ကျွန်တော်သည် သတိတကြီးနှင့် ကက ကို ငှားနေ ရခြင်းဖြစ် ပါသည်။
ရန်ကုန်မြို့ထဲမှာလည်း ဈေးသည်တွေ အသံကညံကာ လူတွေက ရှုတ်ထွေးနေသော အချိန်ဖြစ်သည်။ လူတွေသည်  ကိုယ့်အိမ် ကိုယ်ပြန် ကြဖို့ အလုအယက်ဖြစ်နေကြ၏။ ဒါဆိုလျှင် ကိုယ့်အိမ်ကနေ ကိုယ်စွန့်ပြီး ဘာကြောင့်ဒီမြို့ထဲကို ရောက်နေရသနည်း ဟု ကျွန်တော် လူတိုင်းကို လိုက်မေးလျှင် ၀တ္ထုပေါင်းရာချီပြီး ရလိမ့်မည်ထင်သည်။ မင်း လိုပဲကွ ဟု ပြောသောလူနှင့်လည်း ဆုံနိုင် ပါသည်။ ထိုအချိန်မှာပင် ကကတစ်စင်းက ကျွန်တော့်အရှေ့ကို ထိုး၍ ရပ်သည်။
“သုဝဏ္ဏသွားကောလိပ်ရှေ့ကိုသွားချင်လို့ပါခင်ဗျ”
“နှစ်ထောင်”
ကျွန်တော် ကားတံခါးကိုဖွင့်တော့ ဖွင့်မရ။ ကကကားတွေမှာ ထိုသို့ ဖြစ်သည်မှာ ထုံးစံလိုဖြစ်နေကြသည်။ အချို့တံခါးတွေက အပြင်ကဖွင့်မှ
တစ်ချို့ တံခါးတွေကအထဲမှဖွင့်မှ တစ်ချို့ တံခါးများဆိုလျှင် ပြတင်း ပေါက်ဖွင့်ရသော လက်ကိုင်ပင်မရှိ၊ သို့သော် ကျွန်တော်တို့ ငှားမိသူက သီးခံပြီးစီးရပါသည်။
ထိုနေ့က ကားဆရာကတော့ အဲဒီလိုမဟုတ်ပါ။ ကျွန်တော်တံခါးဖွင့်၍ မရမှန်း သိသဖြင့် သူကိုယ်တိုင် ဆင်းဖွင့်ပေးရှာပါသည်။ ကျွန်တော် လည်း သူ့ကိုအားနာသွား၏။ သူတောင်းသည့် ဈေးကလည်း ကျွန်တော့်အတွက် သင့်တော်ပါသည်။ အမှန်တော့ နှစ်ထောက်ငါးရာ လောက်ဈေးရှိသည်။ သို့သော်သူက တစ်ခွန်းတည်းပဲပြောသည် ဒီလို မှန်ကန်တိကျသော ကားဆရာနဲ့ ကားစီးရတာ ပျော်စရာမကောင်းလျှင် တောင် စိတ်ညစ်စရာ မရှိနိုင်ပါ . . ။
ထို့ကြောင့်ကျွန်တော်လည်း ကားနောက်ခန်းမှာ ထိုင်ပြီးကတည်းက စိတ်လွတ် ကိုယ်လွတ် ဇိမ်ယစ်နေလိုက်မိသည်။
“အသွားအလာပါးတယ်ဗျာ၊ ခုထိ အုံနာကိုပေးရမယ့် နေ့ထွက်တောင် မရသေးဘူး”
ကားဆရာသည် ကားကို ကျွမ်းကျွမ်းကျင်ကျင်မောင်းရင်းပင် စကားဆို လာသည်။ ဒီတော့ ကျွန်တော်လည်း နောက်ခန်းမှာ ဇိမ်ယစ် နေတာလေးကို လျှော့ပြီး စကားပြောရသည်။
“ကိုယ့်ဆရာ ကျွန်တော့်ကို အားမနာပါနဲ့  လမ်းကြုံရင် လူတင်ပါဗျာ ကျွန်တော်က ထမ်းထားရတာမှမဟုတ်တာ အခုသွားနေတဲ့ လမ်းနဲ့ တည့်ရင် တင်သာတင်လိုက်”
“ကျေးဇူးပဲဗျာ အဲဒီလို နားလည်တဲ့ ခရီးသည်နဲ့တွေ့ တော့ ၀မ်းသာပါ တယ်။ တစ်ချို့ကျတော့ ကားပေါ်တက်ပြီးရင် အဲဒီကားကို သူ့ကား မှတ်တာခင်ဗျ”
ကားဆရာနှင့် ကျွန်တော် အတူတူရယ်မော လိုက်ကြသည်။ ပြီးတော့ ကျွန်တော်ကလည်း ပြန်မှိန်းနေသည်။ သူကလည်း ဆက်မောင်းနေ သည်။
ခဏကြာတော့ ကားထိုးရပ်သွား၏။ ကျွန်တော်မျက်စိဖွင့်ကြည့်တော့ ပုဇွန်တောင် ကြည်တော်အိမ်ယာ အကျော်ကလေးနား မှာဖြစ်သည်။ ကားတွေကလည်း ရှုပ်ထွေးလျှက်ရှိ၏။ ကားဆရာသည် အဖွားကြီး နှစ်ယောက်နှင့် စကားပြောနေသည်။ သူတို့ဘာတွေ ပြောနေသလဲ ဆိုတာကို ကျွန်တော်စိတ်မဝင်စား၊ ကားဆရာကို လမ်းကြုံလျှင် တင်ပါဟု ကျွန်တော်ပြောထားပြီးသား စကားကလည်း ရှိသည် မဟုတ် လား..။
“အေး... မင်း နောက်ဖုံးဖွင့်လိုက် ဒီမှာပစ္စည်းတွေပါတယ်”
ကားဆရာလည်း ဘာမှမပြောဘဲ ကားပေါ်မှဆင်းပြီး ကားနောက်ဖုံးကို ဖွင့်ပေးသည်။ သို့သော် ဟိုဘက်က ပြောသံမရပ်။
“ဖြေးဖြေးမပြီးထည့်...ဖြေးဖြေး”
“ဟုတ်ကဲ့ပါ...”
“မင်းနှယ့်ကွယ်...ဒါလေးတွေ မရတာတောင်... ယောင်တိ ယောင် ကန်းနဲ့ ၊ ငါတိုနှစ်ယောက်ကို အရင်ပို့ရမှာနော်...”
“ဟုတ်ကဲ့”
ကျွန်တော် မျက်စိဖွင့်ကြည့်တော့ အဖွားကြီးနှစ်ယောက်က အသက် ငါးဆယ် နှင့် ခြောက်ဆယ်ကြား လောက်ရှိမည်။ ကျွန်တော့်အမေ အရွယ်လောက်ပေါ့။ ဒါပေမယ့် ပြောပုံဆိုပုံက နိုင်ထက်စီးနင်း လေသံရှိ သည်။ အထက်စီးက ပြောချင်သည့် လေသံမျိုးဖြစ်နေသည်။
သို့သော် ဒီကိစ္စသည် ကျွန်တော်နှင့် ဘာမျှမဆိုင်ဟု သဘောထားပြီး ပြန်မှိန်း နေလိုက်၏။
“ဟ့...ဟေ့...မင်း ရှေ့ခန်းကိုရွှေ့ပါ”
“ဗျာ”
“ရှေ့ခန်းကို သွားလို့ပြောနေတာ”
ကျွန်တော်... တော်တော်ဒေါသ ဖြစ်သွားသည်။ ကျွန်တော်က ဒီကား ကို အရင်ငှားသူဖြစ်၏။ သို့သော် ကားဆရာလှည့်ကြည့်သော အကြည့် က တောင်းပန်သော အကြည့်ဖြစ်နေသဖြင့် ကျွန်တော် ဘာမှမပြော တော့ဘဲ ရှေ့ခန်းသို့ပြောင်းပေးလိုက်သည်။
ရှေ့ခန်းသို့ ရောက်သည်နှင့် ကားဆရာကို စကားစပြောရသည်။
“ကျွန်တော့်ကို အရင်ပို့ပေးမှာလား”
“သူတို့က မေခအိမ်ယာတင်ဆရာ”
“ကျွန်တော်စံပြဈေးဘက်ကနေပဲ သွားတော့မှာ ၊ သူတို့ကိုပို့ပြီးရင် ဆရာ့ အိမ်က မဝေးပါဘူး”
“အမလေး...ငါတို့ကိုအရင်ပို့နော်၊ ညကြီး သွားရလာရတာ... ပြီးတော့ ငါတို့မှာက ရွှေနဲ့ငွေနဲ့ နင်က... ဘာဖြစ်လို့ ကားအလွတ် မငှားတာလဲ” မသိလို့ပေါ့... ဒီလိုမှန်းသာသိရင် ဘယ်ငှားပါ့မလဲ”
ကျွန်တော် တော်တော်စိတ်ပျက်သွားသည်။
ကားဆရာက ကျွန်တော့်ကို တစ်ချက်လှည့်ကြည့်သည်။ ထိုအကြည့်နှင့် ကျွန်တော့်အကြည့် မျက်ဝန်းခြင်းဆုံပါသည်။ ကျွန်တော်ဘာမျှ မပြော တော့ဘဲ ရှေ့ခန်းမှာပဲ မှိန်းနေလိုက်၏။ ကားဆရာက ကားကို အရှိန် မြှင့်ပြီး ကျွမ်းကျင်စွာ မောင်းနေသည်။
ခဏပဲကြာသည် ထိုအဖွားကြီးနှစ်ယောက်နေသော အိမ်ရာသို့ ရောက် သွား၏။ ကားဆရာက ကားထိုးရပ်ပြီး ဘာလုပ်ရမှန်းမသိဖြစ်နေသည်။
“ဟဲ့... နောက်ကိုနည်းနည်းဆုတ်ဦး ဟိုမှာတွေ့လား မီးထွန်းထားတဲ့ ဆိုင်းဘုတ် ရှေ့  မှာရပ်”
ကားဆရာသည် ဘာမျှမပြောဘဲ သူ့ဘက်ဂီယာကိုသာ သွင်းပြီး ကားကို နောက်သို့ ဆုတ်ပေးရှာပါသည်။
“အေးနေပြီ”
ကျွန်တော် . . . အခုမှ နောက်ကို သေသေချာချာလှည့်ကြည့်မိသည်။ အဖွားကြီးနှစ်ယောက်သည် အဆီတစ်ထပ် အသားတစ်ထပ် တော်တော် ၀ပြီး မျက်နှာတွေက တော်တော် အတ္တ ဆန်ကြပုံရသည်။
“အေး . . .နောက်ဖုံး ဖွင့်”
ကားဆရာ ဘာလုပ်နေသည်လည်း ဆိုတာကို ကျွန်တော် လှည့်ကြည့် တော့ ကားနောက်ဖုံးကိုဖွင့်ပြီး ခုနကဆင်ထားသော အထုတ်တွေကို ချပေးနေရသည်။
“ဖြည်းဖြည်းနော် . . . ဖြည်းဖြည်း . . . အေး ဟုတ်ပြီ . . . ဒီ တစ်ထုတ်ကို အရင်မ . . . မ လိုက်လေ . . .”
“ငါနေခဲ့မယ် . . နင် အခန်းလိုက်ပြလိုက်”
“ပစ္စည်းတွေနားမှာပဲ စောင့်နေနော် . . .”
“အေးပါ . . . ငါသိပါတယ်”
ဒီလိုနှင့် အချိန်ဆယ့်ငါးမိနစ်လောက် ကြာသွားသည်။ ကျွန်တော်လည်း ဒီမိန်းမကြီးတွေနှင့် ဘာမျှမပြောချင်တော့သဖြင့် ပြန်မှိန်းနေလိုက်၏။
ခဏကြာတော့ . . . ကားတံခါးပိတ်သံကိုကြားရသည်။ ကျွန်တော် ငဲ့ကြည့်တော့ ကားဆရာဖြစ်၏။ သူသည်ကားကိုချက်ချင်း မောင်း မထွက်နိုင်ဘဲ မော၍နေသည်။
“ဘယ်လိုဖြစ်တာလဲ ကိုယ့်ဆရာ”
“ခြောက်လွှာအထိ အထုတ်လေးထုတ်ကို ထမ်းတင်ပေးခဲ့ရတယ်ဗျာ ကြည့်စမ်းပါဦး၊ ကားငှားတော့ ထောင့်နှစ်ရာနဲ့ ကားနဲ့လည်း ပို့ပေးရသေး ဒီအထုတ်လေးထုတ်ကိုလည်း ခြောက်လွှာကို ထမ်းတင် ပေးရသေး . . . ဟာဗျာ . . တော်တော်ဆိုးတဲ့ မိန်းမကြီးတွေပဲ”
ကျွန်တော် ဘာမှမပြောတော့ဘဲ မောနေသော ကကဆရာကို ကြင်နာစွာ ကြည့်လိုက်ပါသည်။ သူသည် ကျွန်တော်စီးခဲ့ရဖူးသော ကက ဆရာမျိုးထဲတွင် တော်တော် သဘောကောင်းသော ကားဆရာ ဖြစ်ပါသည်။
သူက ကျွန်တော့်ကို စာရေးဆရာမှန်းမသိပါ။ ကျွန်တော်ကလည်း သူ့ကို မပြောပါ။
ဗိုက်သားစားသော ကားဆရာမျိုးနှင့်လည်း ကြုံခဲ့ပြီ အခုလို စေတနာ ကောင်းသော ကားဆရာနှင့်လည်း တွေ့ခဲ့ပြီ။ ထို့ကြောင့် လောကသည် ဆိုးချင်သူက ဆိုး၍ ကောင်းချင်သူက ကောင်းနေသော နေရာသာ ဖြစ်ရမည်။
“ကျွန်တော့်အဖြစ်ကို ဆရာဘာပြောချင်လဲဆရာ”
ကျွန်တော်တစ်ချက် စဉ်းစားလိုက်သည်။ ဒါမျိုးအဖြစ်ကို ကျွန်တော် လည်း ဘ၀မှာ မကြုံဖူးပါသည်။ ထို့ကြောင့် ကျွန်တော် သူ့ကို လေသံ အေးအေးဖြင့်သာ ဖြေပါသည်။
“စေတနာလွန်တော့ . . . ကျွန်ဖြစ်ပေါ့ဗျာ”
ကားဆရာသည် . . . . ခဏတိတ်သွားသည်။
ပြီးတော့ . . . အားရပါးရ ရယ်လေသည်။ ကျွန်တော်နှင့် သူရယ်သော ရယ်သံများသည် . . . သူမောင်းနေသော ကားစက်သံကိုပင် လွှမ်းသွားသည်ဟု ကျွန်တော်ထင်ပါသည် ခင်ဗျား . . .  ။      ။

နီကိုရဲ

Read More

အင်ဒိုနီး​ရှား​စီး​ပွား​ရေး​ပညာရှင် စရီ မာလယန်နီ အင်ဒြာဝတီ

(ဆောင်း ​ပါး​ရှင် အင်ဒိုနီး​ရှား​စီး​ပွား​ရေး​ပညာရှင် စရီ မာလယန်နီ အင်ဒြာဝတီ Sri Mulyani Indrawati သည် ကမ္ဘာ့​ဘဏ်အုပ်စု World Bank Group – WBG ၏ မန်​နေး​ဂျင်း​ ဒါရိုက်တာဖြစ်ပြီး​ ၂၀၀၅ ခုနှစ်က​နေ ၂၀၁၀ အထိ အင်ဒိုနီး​ရှား​နိုင်ငံရဲ့​ ဘဏ္ဍာ​ရေး​ဝန်ကြီး​အဖြစ် တာဝန်ယူခဲ့​သူ ဖြစ်ပါတယ်။ အင်ဒိုနီး​ရှား​ အသွင်ကူး​ပြောင်း​ရေး​ကာလ အမာခံ ပြုပြင် ​ပြောင်း​လဲ​ရေး​သမား​အဖြစ် သူ့​ကို သိကြပါတယ်။ စီး​ပွား​ရေး​ အကျပ်အတည်း​ကာလ (၂၀၀၇-၂၀၁၀) အတွင်း​မှာ အင်ဒိုနီး​ရှား​ နိုင်ငံထဲကို ရင်း​နှီး​မြှုပ်နှံမှု​တွေ လှိမ့်​ဝင်လာ​အောင်၊​ နိုင်ငံစီး​ပွား​ရေး​ အင်အား​တောင့်​တင်း​အောင် စီမံခန့်​ခွဲ နိုင်သူအဖြစ် အမှတ်​ပေး​ခံရသူဖြစ်ပါတယ်။)

ဆီး​ရီး​ယား​ မှာ ဆန္ဒပြသမား​တွေ နှိမ်နင်း​ခံ​နေရတာ၊​ လစ်ဗျား​က ​သွေး​ထွက်သံယို ပြည်တွင်း​စစ်၊​ ယီမင်က အဓိကရုဏ်း​ ဖြစ်လုလု အ​ခြေအ​နေ​တွေကို ကြည့်​လိုက်​တော့​ အာရပ်​နွေဦး​က မည်း​မှောင်တဲ့​ ​ဆောင်း​ရက်များ​ဆီ ကူး​ပြောင်း​သွား​ပြီလား​လို့​ စဉ်း​စား​စရာ ရှိပါတယ်။ ဟုတ်​ကောဟုတ်​သေး​ရဲ့​လား​လို့​ မယုံသင်္ကာ ဖြစ်​နေသူ​တွေလည်း​ ဒုနဲ့​ ​ဒေး​ပါပဲ။ မြန်မြန်ဆန်ဆန် အစိုး​ရ​ပြောင်း​လဲသွား​တဲ့​ အီဂျစ်နဲ့​ ကျူနီး​ရှား​မှာ​တောင် အ​ခြေအ​နေက မ​ရေရာ​သေး​ပါဘူး​။ ​လေ့​လာသူ​တွေရဲ့​ တဒင်္ဂ​မျှော်လင့်​ချက်​တွေ အခုကျ​တော့​ ဒီ​ဒေသကြီး​ရဲ့​ ​ရှေ့​အလား​လာ ဘယ်လိုလဲ၊​ စီး​ပွား​ရေး​ ​ကောင်း​ဖို့​၊​ ဒီမိုက​ရေစီ ဖြစ်ထွန်း​ဖို့​ ဖြစ်မှဖြစ်ပါ့​မလား​လို့​ ​စော​ကြော ​နေကြပြန်ပါတယ်။

တော်လှန်​ရေး​ တွေနဲ့​ ​တော်လှန်​ရေး​ပြီး​ခါစအ​ခြေအ​နေ​တွေဟာ အလှုပ်အယမ်း​တွေနဲ့​ ဘယ်​တော့​မှ မတည်ငြိမ်တတ်ပါဘူး​။ ဓား​သွား​ပေါ် လမ်း​လျှောက်ရသလိုမျိုး​ပေါ့​။ အကန့်​အသတ်ရှိတဲ့​ လုပ်နိုင် ကိုင်နိုင်စွမ်း​နဲ့​ ဘတ်ဂျက် အ​ခြေအ​နေမှာ အလွန်အကျွံ ​မျှော်လင့်​ချက်​တွေကို ဖြည့်​ဆည်း​ပေး​ရတဲ့​ ကိစ္စက စမ်း​သပ်မှုတခုပါပဲ။ အတိတ်ရဲ့​ မတရား​မှု​တွေကို ပြန်လည် တည့်​မတ်ရတဲ့​ကိစ္စ၊​ အား​လုံး​အတွက် အခွင့်​အလမ်း​တွေ ​ပေါ်လာ​အောင် စီး​ပွား​ရေး​ကို ပြန်လည် တည်​ဆောက်ရတာ​တွေဟာ စိန်​ခေါ်ချက်​တွေပါ။ ဝရုန်း​သုန်း​ကား​နဲ့​ အ​ပြောင်း​အလဲများ​တဲ့​ကာလ၊​ မ​ရေရာတဲ့​ အ​ခြေအ​နေမှာ ပွဲလန့်​တုန်း​ ဖျာခင်း​ချင်တဲ့​ နိုင်ငံ​ရေး​သမား​တွေရဲ့​ အန္တရာယ်ကလည်း​ ရှိ​နေပါတယ်။

ဒါ​ပေမယ့်​ လည်း​ အသွင်ကူး​ပြောင်း​ရေး​ကာလဆိုတာ မဟာအခွင့်​အလမ်း​တခုပါပဲ။ ၁၉၉၀ ပြည့်​လွန်နှစ်​တွေတုန်း​က အင်ဒိုနီး​ရှား​မှာ အာဏာရှင် ဆူဟာတိုကို ဖြုတ်ချနိုင်ပြီး​ ​အောင်ပွဲခံခဲ့​တဲ့​ လူ​တွေထဲမှာ ကျမလည်း​တ​ယောက်ပါ။ ဆူဟာတိုအလွန် အစိုး​ရသစ်မှာ ပါဝင်ခဲ့​ပါတယ်။ အဲဒီတုန်း​က ​လေ့​လာသူ​တွေက အင်ဒိုနီး​ရှား​လို မွတ်စလင်နိုင်ငံမှာ ဒီမိုက​ရေစီဟာ သက်တမ်း​ မရှည်နိုင်ဘူး​၊​ ​နောက်ဆုံး​တ​နေ့​မှာ ထိန်း​မနိ်ုင်သိမ်း​မရ ဖြစ်မှာပဲလို့​ ခန့်​မှန်း​ခဲ့​ပါတယ်။ ကျမတို့​ရဲ့​ ​ရှေ့​ခရီး​ကလည်း​ ​ချောက်ချား​စရာအတိနဲ့​ပါ။ ဒါ​ပေမယ့်​ ဖြစ်မှဖြစ်ပါ့​မလား​ဆိုတဲ့​ အဲဒီ သံသယ​တွေ အကုန်မှား​သွား​ပါပြီ။ အ​ရေး​ကြီး​တဲ့​ သင်ခန်း​စာတချို့​လည်း​ ရလိုက်ပါတယ်။

အ​ရေး​အကြီး​ ဆုံး​လို့​ ဆိုနိုင်တာက ဒီမိုက​ရေစီအ​ပြောင်း​အလဲမှာ ​လှေနံဓား​ထစ်ပုံ​သေနည်း​ (one-size-fits-all solution) မရှိဘူး​ဆိုတာပါပဲ။ အ​ရှေ့​အလယ်ပိုင်း​နဲ့​ ​မြောက်အာဖရိက နိုင်ငံ အသီး​သီး​မှာလည်း​ စိန်​ခေါ်ချက်​တွေက တခုနဲ့​တခု မတူနိုင်ပါဘူး​။ မတူတဲ့​အ​ခြေအ​နေကို မတူသလို ကိုင်တွယ်သွား​ဖို့​လည်း​ လိုပါတယ်။ ဒါ​ပေမယ့်​ အား​လုံး​လုပ်ရမှာ တခု​တော့​ ရှိပါတယ်။ အဲဒါက​တော့​ အသွင်သဏ္ဍာန်​ရော၊​ အနှစ်သာရပါ အတိတ်နှင့်​ လမ်း​ခွဲလိုက်ကြဖို့​ပါ။ အသစ်တက်လာတဲ့​ အာဏာပိုင်​တွေဟာ အတိတ်​နေ့​ရက်​တွေ ပြီး​ဆုံး​သွား​ခဲ့​ပါပြီ ဆိုတာကို ​သေ​သေချာချာပြသဖို့​ လိုအပ်ပါတယ်။

အ​ပြောင်း​ အလဲကို တရား​ဝင်ပြသဖို့​ လိုပါတယ်။ ဥပ​ဒေသစ်​တွေကို လူသိရှင်ကြား​ ​ရေး​ဆွဲရပါမယ်။ လွတ်လပ်စွာ ဆန္ဒ​ဖော်ထုတ်ခွင့်​၊​ လွတ်လပ်တဲ့​ ​ရွေး​ကောက်ပွဲဥပ​ဒေ၊​ လွတ်လပ်စွာ အသင်း​အပင်း​ ဖွဲ့​စည်း​ခွင့်​တို့​လို ပြည်သူ​တွေကို လုပ်ပိုင်ခွင့်​ပေး​တဲ့​ ဥပ​ဒေ​တွေက အ​ရေး​ကြီး​ပါတယ်။ ဥပ​ဒေ အထက်မှာ ဘယ်သူမှ မရှိဘူး​ဆိုတာကို လူ​တွေကြား​မှာ ရှင်း​အောင်လုပ်ဖို့​ လိုပါတယ်။ အသွင် ကူး​ပြောင်း​ရေး​အတွက် အဟန့်​အတား​ ဖြစ်​စေမယ့်​ အ​သေး​အမွှား​လေး​ကအစ ဂရုစိုက်ရပါမယ်။

အဂတိလိုက်စား​ မှုဟာ ဖွံ့​ဖြိုး​တိုး​တက်​ရေး​ရဲ့​ ဆူး​ငြောင့်​ခလုတ်ဖြစ်တဲ့​အတွက် အစိုး​ရသစ်ဟာ ဒိကိစ္စကို နှိမ်နင်း​ဖို့​ လုပ်ထုံး​လုပ်နည်း​တွေ၊​ အဖွဲ့​အစည်း​တွေကို အမြန်ဖွဲ့​စည်း​ တည်​ဆောက်ဖို့​ လိုပါတယ်။ ပွင့်​လင်း​မြင်သာမှုနဲ့​ တာဝန်ခံမှုဟာ အများ​ကြိုက် အင်အား​ကြီး​မား​တဲ့​ ကိစ္စဖြစ်ပါတယ်။ ဒါ​တွေလုပ်လို့​ အခက်အခဲ​တွေကြုံလည်း​ ​ခေါင်း​ဆောင်သစ်​တွေအ​နေနဲ့​ လက်​လျှော့​လိုက်စရာ အ​ကြောင်း​မရှိပါဘူး​။ လူထုအ​ခြေပြု အဖွဲ့​အစည်း​တွေ၊​ ​ဒေသအဖွဲ့​အစည်း​တွေ၊​ ဆင်း​ရဲသား​တွေနဲ့​ မျက်နှာမွဲ​တွေရဲ့​ ကိုယ်စား​လှယ်​တွေ၊​ အမျိုး​သမီး​ ကိုယ်စား​လှယ်​တွေကို ဆုံး​ဖြတ်ချက်ချတဲ့​ အဆင့်​တိုင်း​မှာ ပါဝင်ခွင့်​ပေး​သင့်​ပါတယ်။

အင်ဒိုနီး​ ရှား​မှာ မီဒီယာလွတ်လပ်ခွင့်​အစ၊​ ​ရွေး​ကောက်ပွဲနှင့်​ အဂတိလိုက်စား​မှုဆိုင်ရာ ဥပ​ဒေ အလယ်၊​ ဗဟိုချုပ်ကိုင်မှု ​လျှော့​ချ​ရေး​၊​ စီး​ပွား​ရေး​အရ လွတ်လပ်စွာ ပြိုင်ဆိုင်ခွင့်​နဲ့​ လက်ဝါး​ကြီး​ အုပ်မှု ကာကွယ်​ရေး​ ဥပ​ဒေ အဆုံး​၊​ ဥပ​ဒေ​ပေါင်း​ တရာ​လောက်ကို တနှစ်ခွဲကာလအတွင်း​မှာ ပြဋ္ဌာန်း​ခဲ့​ပါတယ်။ နိုင်ငံ့​ဗဟိုဘဏ်ရဲ့​ လွတ်လပ်ခွင့်​ကို အာမခံနိုင်မယ့်​ ပြည်သူ့​ဘဏ္ဍာ​ရေး​ ဥပ​ဒေသစ်ကို အတည်ပြုခဲ့​ပါတယ်။

ခေါင်း​ ဆောင်သစ်​တွေဟာ အခက်အခဲ​တွေကို ကြိုတင်​မျှော်လင့်​ပြီး​ ​ဖြေရှင်း​နိုင်စွမ်း​ ရှိရပါမယ်။ ​တော်လှန်​ရေး​ပြီး​ခါစအချိန်မှာ ​မျှော်လင့်​ချက်​တွေ မို့​မောက်​နေသ​လောက် ရင်ဆိုင်ရမယ့်​ အခက်အခဲ​တွေက ကြီး​မား​လှပါတယ်။ ကျမအ​တွေ့​အကြုံအရ အ​ကောင်း​ဆုံး​ရလဒ်​တွေကို ​အေး​အေး​ သက်သာ ဘယ်တုန်း​ကမှ မရခဲ့​ပါဘူး​။ အ​ကောင်း​ဆုံး​ ဖြစ်နိုင်​ခြေ​တွေကိုပဲ ညှိနှိုင်း​ အ​ကောင်အထည် ​ဖော်ခဲ့​ရပါတယ်။

အသွင်ကူး​ ပြောင်း​တဲ့​ကာလမှာ လုံခြုံ​ရေး​ကို ခြိမ်း​ခြောက်မှု​တွေက အကြီး​မား​ဆုံး​ အခက်အခဲပါ။ အမျိုး​သား​ရေး​ စိတ်ဓာတ်​တွေ အား​ကောင်း​နေတာကို နိုင်ငံ​ရေး​သမား​တွေ၊​ အကျိုး​စီး​ပွား​ အုပ်စု​တွေက အခွင့်​ကောင်း​ ယူနိုင်ပါတယ်။ စနစ်​ဟောင်း​ရဲ့​ လက်ကျန် လုံခြုံ​ရေး​တပ်ဖွဲ့​၊​ မလွတ်လပ်တဲ့​ တရား​စီရင်​ရေး​စနစ်​တွေကလည်း​ ရှိ​နေတတ်ပါတယ်။ အ​ပြောင်း​အလဲဖြစ်ဖို့​ အချိန်ယူရပါလိမ့်​မယ်။ ဗျူရိုက​ရေစီစနစ်​ဟောင်း​နဲ့​တော့​ အ​ပြောင်း​အလဲကို ပြီး​မြောက်​အောင် မလုပ်​ဆောင်နိုင်ပါဘူး​။

အင်ဒိုနီး​ ရှား​မှာ​တော့​ ဒီလို အကျပ်အတည်း​တွေကို တီထွင်မှုရှိရှိ ဖြတ်သန်း​ခဲ့​ရပါတယ်။ ဥပမာ ဘဏ္ဍာ​ရေး​ ​ဒေဝါလီခံတဲ့​ကိစ္စ၊​ အဂတိလိုက်စား​မှုကိစ္စ​တွေကို တာဝန်ယူ​ဖြေရှင်း​ဖို့​ လွတ်လပ်တဲ့​ တရား​သူကြီး​ တ​ယောက်ကို ခန့်​ခဲ့​ပါတယ်။ ရှိ​နေတဲ့​ တရား​သူကြီး​တွေဟာ နာမည်ပျက် ​ပေါင်း​များ​ ​နေလို့​ပါ။ အလား​တူ ဆင်း​ရဲသား​တွေကို ဦး​စား​ပေး​တဲ့​ လုပ်ငန်း​ (pro-poor agenda) အရ အလုပ်အတွက် ​ငွေ cash-for-work အစီအစဉ်ကို အ​ကောင်အထည်​ဖော်တဲ့​အခါမှာ လူထု​တွေကိုပဲ ကိုယ်ထူကိုယ်ထ လုပ်ခိုင်း​ခဲ့​ပါတယ်။

စီး​ပွား​ရေး​ လုပ်​ဆောင်မှု​တွေ အဆင်​ပြေဖို့​ဆိုရင် ​ခေါင်း​ဆောင်သစ်​တွေအတွက် အကြံ​ကောင်း​ ဉာဏ်​ကောင်း​တွေ လိုပါတယ်။ စီး​ပွား​ရေး​လုပ်ငန်း​တွေ ​နေသား​တကျ ပြန်ဖြစ်ဖို့​၊​ အထူး​သဖြင့်​ အလုပ်အကိုင် အခွင့်​အလမ်း​တွေကို ဖန်တီး​ပေမယ့်​ အဓိက အင်ဂျင်ဖြစ်တဲ့​ အ​သေး​စား​နဲ့​ အလတ်စား​ စီး​ပွား​ရေး​လုပ်ငန်း​တွေ ဖွံ့​ဖြိုး​လာ​အောင်၊​ စွန့်​ဦး​တီထွင်သူ​တွေအကြိုက် စီး​ပွား​ရေး​ ​ရေခံ​မြေခံ ဖြစ်လာ​အောင် ဖန်တီး​ပေး​ဖို့​ လိုပါတယ်။ အခုဖြစ်​နေတဲ့​ ​တော်လှန်​ရေး​တွေရဲ့​ အစဖြစ်တဲ့​ ကျူနီး​ရှား​က လမ်း​ဘေး​ သစ်သီး​သည်​လေး​တ​ယောက်ကို အာဏာပိုင်​တွေက ​နှောင့်​ယှက် ​စော်ကား​လို့​ သူ့​ကိုယ်ကို စ​တေး​သွား​တဲ့​ အဖြစ်အပျက်​လေး​ကို ပြန်သတိရဖို့​ ​ကောင်း​ပါတယ်။

တာဝန်ခံမှုမရှိ၊ ​ လူမှုအသိုက်အဝန်း​တခုလုံး​ မပါဝင်တဲ့​ စီး​ပွား​ရေး​အောင်မြင်မှုဆိုတာ ​ရေရှည်မခံပါဘူး​။ အစိုး​ရသစ်​တွေအ​နေနဲ့​ ဆင်း​ရဲသား​တွေ၊​ အခွင့်​အလမ်း​ နည်း​ပါး​သူ​တွေကို ကာကွယ်ဖို့​ ခက်ခဲတဲ့​ ​ရွေး​ချယ်မှု​တွေ လုပ်ရတာမျိုး​လည်း​ ရှိတတ်ပါတယ်။ ဆင်း​ရဲမှုတိုက်ဖျက်​ရေး​၊​ အလုပ်အကိုင် ဖန်တီး​ရေး​ အစီအစဉ်​တွေအတွက် အရင်း​အမြစ်သစ်​တွေ ပိုထွက်လာဖို့​ မလိုအပ်တဲ့​ ​နေရာ​တွေမှာ ​ငွေ​ကြေး​အရ ကျား​ကန်​ပေး​တာ​တွေကို ဖျက်သိမ်း​သင့်​ရင် ဖျက်သိမ်း​ရမှာပါပဲ။

အင်ဒိုနီး​ ရှား​မှာဆိုရင် ဆင်း​ရဲသား​ (poor) ​တွေနဲ့​ စား​နိုင်​သောက်နိုင် (near-poor) ဆိုပြီး​ ခွဲခြား​ခဲ့​ရပါတယ်။ လူတိုင်း​ကို လစာတိုး​ပေး​ဖို့​၊​ ​ငွေ​ကြေး​အရ ကျား​ကန်​ပေး​ဖို့​ ကျမတို့​ မတတ်နိုင်ခဲ့​ပါဘူး​။ ဒါ​ကြောင့်​ တကယ်လိုအပ်​နေတဲ့​ သူ​တွေကို ကူညီနိုင်ဖို့​အတွက်၊​ တခြား​သူ​တွေကို ဖယ်ထုတ်ခဲ့​ရပါတယ်။ ဒါအင်မတန် ခက်ခဲပြီး​ လူကြိုက်နည်း​တဲ့​ ​ရွေး​ချယ်မှု ဖြစ်ပါတယ်။

နောက်ဆုံး​တခု ​ပြောစရာရှိတာက အ​ပြောင်း​အလဲကာလ ရှုပ်​ထွေး​တဲ့​ ပြုပြင်​ပြောင်း​လဲမှု​တွေ အတွက် ​ငွေအပြင်၊​ နည်း​ပညာလည်း​ လိုပါတယ်။ ကျမ အင်ဒိုနီး​ရှား​ရဲ့​ ဘဏ္ဍာ​ရေး​ ဝန်ကြီး​ဖြစ်လာတဲ့​ အချိန်တုန်း​က ကျမ လက်​အောက်မှာ ဝန်ထမ်း​ ၆ ​သောင်း​ ၄ ​ထောင် ရှိခဲ့​ပါတယ်။ ဒါ​ပေမယ့်​ ကျမတို့​ နိုင်ငံရဲ့​ အခွန်စနစ်ကို ​ခေတ်မီ​အောင် လုပ်မယ်လည်း​ ဆိုလိုက်​ရော တနိုင်ငံလုံး​မှာ တကယ် အရည်အချင်း​ရှိတဲ့​ ကျွမ်း​ကျင်သူ ရှာလို့​ မရ​အောင် ဖြစ်ခဲ့​ရပါတယ်။

ဟုတ်ပါတယ်၊​ ကျမတို့​အတွက် အပြင်က​နေ အကူအညီ လိုအပ်ပါတယ်။ ဒါ​ပေမယ့်​ ပြုပြင် ​ပြောင်း​လဲ​ရေး​ လုပ်ငန်း​စဉ်ဟာ ကိုယ့်​နိုင်ငံရဲ့​ အ​ရေး​ကိစ္စ ဖြစ်တဲ့​အတိုင်း​ ကျမတို့​ ဘယ်တုန်း​ကမှ လက်​မြှောက် အရှုံး​မ​ပေး​ခဲ့​ပါဘူး​။ အလုပ်မလုပ်ဘဲ အလဟဿ မ​နေခဲ့​ပါဘူး​။ အကယ်၍ ကိုယ့်​နိုင်ငံရဲ့​ အသွင်ကူး​ပြောင်း​ရေး​ကို ကိုယ်ဘာသာ တာဝန်ယူ မလုပ်ခဲ့​ရင် အင်ဒိုနီး​ရှား​ဟာ ခပ်လွယ်လွယ်ပဲ ကျဆုံး​သွား​လောက်ပါပြီ။ ဒီသင်ခန်း​စာဟာ အသွင်ကူး​ပြောင်း​တဲ့​ နိုင်ငံတိုင်း​အတွက် ​ခေါင်း​ထဲမှာ ထည့်​ထား​သင့်​တဲ့​ ကိစ္စတခုပါပဲ။

(www.project-syndicate.org မှ Indonesia’s lessons for the Arab Spring ​ဆောင်း​ပါး​ကို ဘာသာပြန်ပါသည်)

Read More