ဆွန်ယက်ဆင်

မူရင်းဆောင်းပါးရှင် ကျန်းလန်ရှင်းသည် တရုတ်နိုင်ငံသား ဖြစ်ပြီး၊ ဗဟိုပညာရေးသိပ္ပံ အင်စတီကျု၏ အယ်ဒီတာ ဘုတ်အဖွဲ့ဝင်၊ ပညာရေးသမိုင်း လေ့လာမှု တွဲဖက်ဒါရိုက်တာ၊ အကြီးတန်း သုတေသနပညာရှင်
ဖြစ်သည်။ ဆွန်ယက်ဆင်၏ ပညာရေးအမြင်များကို ပြုစုရေးသားရာတွင် ထွန်းတောက်ခဲ့သော တော်လှန်ရေး ခေါင်းဆောင်ဘ၀၊ ဒီမိုကရေစီနှင့် သိပ္ပံနည်းကျ ပညာရေး၊ ပညာရေးဆိုင်ရာ တော်လှန်ရေး အယူအဆများ၊ ပြည်ပမှ ကျောင်းသားများကို ညီညွတ်စေခြင်း၊ ပညာရေးတန်းတူညီမျှမှု၊ ပညာရေးနှင့် ဖွံ့ဖြိုးရေး၊ ဆွန်ယက်ဆင်၏ ပညာရေးရှုထောင့်စုံ ဟူ၍ ခေါင်းစဉ်ငယ်များဖြင့် တင်ပြခဲ့ပါသည်။ ဘာသာပြန်သူအနေဖြင့် လေးပိုင်းခွဲတင်ပြမည်ဖြစ်ရာ အပိုင်း ၂ အဖြစ် ဒီမိုကရေစီနှင့် သိပ္ပံနည်းကျပညာရေး၊ ပညာရေးဆိုင်ရာ တော်လှန်ရေး အယူအဆများ တို့ကို ဆက်လက်ဖော်ပြလိုက်ရပါသည်။ _ ဘာသာပြန်သူ)

ဒီမိုကရေစီနှင့် သိပ္ပံနည်းကျ ပညာရေး
နယ်ချဲ့တို့၏ ဆိုးသွမ်းသော သဘာဝကို ဖော်ထုတ်ရန်နှင့် ချင်မင်းဆက်လက်ထက်မှ မြေပိုင်ရှင် အုပ်ချုပ်ရေးသမားတို့ ကျူးလွန်ခဲ့သမျှ ရာဇ၀တ်မှုများကို ကန့်လန်ကာရှေ့သို့ ထုတ်ယူလာရန်မှာ လူမှုပညာရေး၏ အဓိက၀တ္တရားဖြစ်သည်ဟု သူယုံကြည်သည်။

အုပ်ချုပ်သူများသည် အကျင့်ပျက်ခြစားပြီး ကိုယ်ကျင့် ဖောက်ပြန်ကြကာ ကိုယ့်ပြည်သူများကို ခေါင်းပုံဖြတ်၍ နိုင်ငံခြားသားများ၏ လိုအင်ဆန္ဒကို အညံ့ခံဖြည့်ဆည်းပေးနေကြသော တိုင်းပြည်သစ္စာဖောက်များဟု သူက မြင်သည်။ သူ၏စေတနာမှာ ပြည်သူများအကြားတွင် နယ်ချဲ့နှင့် ကံကြွေးချမြေပိုင်ရှင်စနစ်တို့ကို ဆန့်ကျင်သော နိုင်ငံရေးခံစားချက်များ ပေါ်ပေါက်လာစေရန်၊ ပြည်သူများအကြားတွင် တိုင်းပြည်ကို ချစ်မြတ်နိုးစိတ် ဖြစ်ပေါ်လာပြီး နယ်ချဲ့နှင့် ကံကြွေးချမြေပိုင်ရှင်တို့အား ဆန့်ကျင်ထကြွကြစေရန် ဖြစ်သည်။

`ကျွန်ုပ်တို့တိုင်းပြည်ကို ကယ်တင်နိုင်ရေးသည် ပြည်သူတို့၏ နိုးကြားမှုတွင် တည်သည်´၊ `တော်လှန်ရေးတွင် လျှင်မြန်စွာ အောင်မြင်မှု ရရှိနိုင်ရန်မှာ ၀ါဒဖြန့်ပညာပေးမှု ၉၀ ရာခိုင်နှုန်းနှင့် လက်နက်ကိုင်စွဲမှု ၁၀ ရာခိုင်နှုန်းတို့ပေါ်တွင် တည်သည်´ဟု သူက ကြွေးကျော်သည်။

ထိုသို့သော ၀ါဒဖြန့်ပညာပေးမှုများသည် တော်လှန်ရေး၏ ပြည်သူ့မူဝါဒသုံးရပ်ကို နှလုံးသည်းပွတ်ထိအောင် စွဲမှတ်လျက် ပြည်သူများ၏ စိတ်ကူးအကြံအစည်များကို ပြောင်းလဲပေးကာ `သမ္မတနိုင်ငံတော်´စနစ်အား ပိုမိုနှစ်သက်လိုလားသော စိတ်အခံများအား အသင့်ပြင်ဆင် ထားနိုင်ကြရန် ရည်ရွယ်သည်။

ထိုသို့ ဒီမိုကရေစီသမ္မတနိုင်ငံတော်တစ်ရပ် အတွက် ဒီမိုကရေစီစံနှုန်းများကို မျက်မှောက်ပြုနိုင်ရန် ဆွန်ယက်ဆင်သည် ခနီးလှည့်လည်ကာ ပြည်တွင်းနှင့် ပြည်ပတို့တွင် ဟောပြောမှုများစွာ ပြုလုပ်ခဲ့ရသည်။ တော်လှန်ရေးအယူအဆများ ပြည့်လျမ်းနေသော ဆောင်းပါးများကို သူရေးခဲ့ပြီး `စာဖွဲ့မခံရသည့် ဆင်းရဲတွင်းထဲမှ ဘ၀များကို ကိုယ့်အားကိုယ်ကိုးကယ်တင်ပြီး နိုင်ငံအား ကိုယ့်ခြေထောက်ပေါ်တွင် ကိုယ်ရပ်တည်နိုင်အောင် ပံ့ပိုးပေးကြဖို့´ သူနှိုးဆော်ခဲ့သည်။

ဖိနှိပ်အုပ်ချုပ်သော ချင်မင်းဆက် အုပ်ချုပ်သူများကို စတင်ဖြုတ်ချကြရန် ပြည်သူလူထုအား သူ တိုက်တွန်းနှိုးဆော်ခဲ့သည်။ ပြည်တွင်းတွင်ရော ပြည်ပတွင်ပါ ၀ါဒဖြန့် ပညာပေးရေး အဓိကအင်္ဂါရပ်များအဖြစ် `မင်းပေါင်´၊ `ဆူးပေါင်´၊ `အမျိုးသားနိုင်ငံနှင့် ဒီမိုကရေစီ´ စသည့် မဂ္ဂဇင်းများ၊ စာစောင်များစွာကို ထူထောင် ထုတ်ဝေခဲ့သည်။ ဖန်းကျီးယို ပြုစုထားသည့် `ပြည်သူ့သမ္မတနိုင်ငံ မထူထောင်မီ ပြည်တွင်းနှင့် ပြည်ပတွင် ထုတ်ဝေခဲ့သည့် တော်လှန်ရေး သတင်းစာများ´စာရင်းတွင် ထိုခေတ်ကာလက ထုတ်ဝေခဲ့သော တော်လှန်ရေးသတင်းစာနှင့် စာစောင်ပေါင်း တစ်ရာထက်မနည်းသည်ကို တွေ့ရသည်။

လူငယ်တော်လှန်ရေးသမားတစ်ဦးဖြစ်သော ကျိုရုန်းရေးသားသည့် `တော်လှန်ရေးတပ်မတော်´နှင့် ချန်းရှန်းဟွာ ရေးသားသည့် `အချက်ပေးခေါင်းလောင်းသံ´ အမည်ရှိစာစောင်များသည် စောင်ရေသောင်းချီ၍ ရောင်းချခဲ့ရသည်။ အုပ်စိုးလျက်ရှိသော ချင်မင်းဆက်တို့ ကျူးလွန်သမျှ ရာဇ၀တ်မှုများကို သူတို့က အသေးစိတ် ထုတ်ဖော်နိုင်ခဲ့ကြသဖြင့် မကျေချမ်းမှု မျိုးစေ့များကို ပျိုးပေးနိုင်ခဲ့ပြီး တော်လှန်ရေး အညွန့်ထွက်လာစေခဲ့သည်။

ဝါဒဖြန့်ပညာပေးမှုများကို ဆောင်ရွက်စဉ်အတွင်း ဆွန်ယက်ဆင်သည် တော်လှန်ရေးအင်အားစုပေါင်းများစွာကို ဖွဲ့စည်းပေးခဲ့ပြီး၊ ယင်းတို့ထဲ၌ ရှင်းကျုံး၊ ထုံးမင်၊ ရိကျီ၊ ၀မ်ရှီး၊ ကုံးကျင် အဖွဲ့များလည်း အပါအ၀င်ဖြစ်သည်။ ထိုအဖွဲ့အစည်းများမှတစ်ဆင့် သူ၏`ပြည်သူ့မူဝါဒသုံးရပ်´ကို ၀ါဒဖြန့်ချိကာ ချင်မင်းဆက်အုပ်ချုပ်သူများကို ဖြုတ်ချ၍ ပြည်သူ့သမ္မတဒီမိုကရေစီနိုင်ငံတစ်ခု ထူထောင်ရန် နှိုးဆော်ပြီး၊ စာသင်ကျောင်းများ၊ နိုင်ငံရေးအစည်းအဝေးများ၊ စစ်တပ်အစိတ်အပိုင်းများထဲတွင် တော်လှန်ရေးလှုပ်ရှားမှုများကို မြှင့်တင်ပေးခဲ့သည်။

တော်လှန်ရေးသတင်းစာများ၊ စာစောင်များနှင့် တော်လှန်ရေးအဖွဲ့အစည်းများအားဖြင့် ဆွန်ယက်ဆင်သည် ကံကြွေးချ မြေပိုင်ရှင်စနစ် ပညာရေးနှင့် ယင်း၏ စာရိတ္တပိုင်းကို ပြင်းထန်စွာ ဝေဖန်နိုင်ခဲ့သည်။ ကံကြွေးချမြေပိုင်ရှင်စနစ်၏ ပညာရေးသည် အုပ်ချုပ် သူမြေပိုင်ရှင် လူတန်းစား၏ အကျိုးစီးပွားအတွက် တန်ဆာပလာတစ်ခုသဖွယ် အသုံးတော်ခံနေရခြင်းဖြစ်ကြောင်း၊ ထိုပညာရေး၏ ရည်ရွယ်ချက်မှာ ပြည်သူများအား ခေါင်းပုံဖြတ် ဖိနှိပ်မည့် အရာရှိများကို လေ့ကျင့်ပျိုးထောင်ပေးရန်သာ ဖြစ်နေကြောင်းကို -


"အစိုးရစာမေးပွဲများတွင် အောင်မြင်မှုရရှိခြင်းအား ဂုဏ်ဒြပ်တစ်ခုအဖြစ် ယူဆကြသည်။ ထိုအောင်မြင်မှုသည် အဆင့်မြင့်ရာထူးများ ရရှိစေရန် လမ်းဖွင့်ပေးသည်။ ရာထူးတစ်ခု ရရှိသည်နှင့် လာဘ်များ ရလာသည်။ သူတို့၏ လူနေမှုအဆင့်အတန်းကို ထိန်းသိမ်းထားရန် သူတို့၏ လစာများက လုံလောက်ခြင်းမရှိသောကြောင့် အထက်လူကြီးများထံ နှစ်စဉ်သွားရောက် ဂါရ၀ပြုကြရသည်။ ထိုအတွက် လာဘ်မှမယူလျှင် မည်သည့်နေရာမှ ငွေကို သူတို့ရကြမည်နည်း။ အစိုးရက သူတို့ဘက်မှ ရပ်တည်ပေးနေသည်ဖြစ်ရာ တုံးလွန်းအလွန်းသူများမှလွဲ၍ မည်သူက ခြစားမှုမှ ကင်းအောင်နေကြပါ မည်နည်း။ သူတို့အိပ်ကပ်များထဲတွင် ငွေစကြေးစများ ပြည့်လျှံသွားသည့်အခါ အချို့အ၀က်ကို ရာထူးတိုးရေးအတွက် သုံးကြရပြန်သည်။ သူတို့အသက်ရှင်နေကြသည်မှာ ထိုအတွက်သာ ဖြစ်သည်။ ထိုသို့သော သူခိုးအရာရှိများသည် လူမှုရေး၊ နိုင်ငံရေးနှင့် တရားရေးတို့တွင် ဆုံးဖြတ်ချက်တိုင်းကို ချမှတ်ရသော အမြင့်ဆုံးရာထူးများသို့ ရောက်ရှိကြပေလိမ့်မည်။"
ဟု သူကရေးသားဖော်ပြခဲ့သည်။

မြေပိုင်ရှင် အသိုင်းအ၀ိုင်းအတွင်းမှ ရာဇ၀တ်မှုမှန်သမျှသည် ရာထူးနေရာများကို ရောင်းစားခြင်း၊ လာဘ်ပေးလာဘ်ယူပြုခြင်း၊ ဥပဒေကို ထင်သလိုပြုခြင်း၊ လူအများ၏ လွတ်လပ်မှုနှင့် အတွေးအမြင် ကျယ်ပြန့်လာခြင်းကို ကန့်သတ်ခြင်း စသည်တို့ကဲ့သို့သော အမူအကျင့်များမှ ပေါ်ပေါက်လာခြင်း ဖြစ်သည်။
ဆွန်ယက်ဆင်သည် မြေပိုင်ရှင်စနစ်၏ ပညာရေးကို ကာလရှည်ကြာ ဆန့်ကျင်ခဲ့ပြီး၊ ထိုစနစ်အတွင်း ကျောင်းသားများ လေ့လာဆည်းပူးခဲ့ရသမျှမှာ အချည်းနှီးသာဖြစ်သည်ဟု ယူဆခဲ့ခြင်းကို အောက်ပါအတိုင်း ဖော်ပြခဲ့သည်။

"ကျောင်းသားများသည် လေးစောင်တွဲ၊ ဂန္ထ၀င်ငါးကျမ်းနှင့် ယင်းတို့အား အထောက်အကူပြုမည့် စာအုပ်စာတမ်းများကိုသာ လေ့လာကြရသည်။ ထိုကျမ်းများမှာလည်း လွှမ်းမိုးဆဲ အမိန့်အာဏာ၊ လမ်းစဉ်နှင့် အတွေးအခေါ်တို့နှင့် မညီလျှင်ညီအောင် ပုံပျက်ပန်းပျက် ဖွင့်ဆိုချက်များ၊ ပြင်ဆင်မှုများ ပြုလုပ်ခံထားကြရသည်။ ယင်းတို့ကြောင့် ကျောင်းသားများမှာ အမြင်ကွယ်ကြရသည်။ သာမာန်ပြည်သူများ၏ ဘ၀အကြောင်း မပါဝင်ဘဲ ထိုနည်းအတိုင်း ကျောင်းသားများအား သင်ကြားပေးခဲ့ကြသည်။ ယင်းကြောင့်ပင် ကြင်နာမြတ်နိုးစွာ အုပ်ချုပ်သည် ဖြစ်စေ၊ ကြမ်းကြုတ်ရက်စက်စွာ အုပ်ချုပ်သည်ဖြစ်စေ၊ ရိုးဖြောင့်စွာ အုပ်ချုပ်သည်ဖြစ်စေ၊ လိမ်ညာကောက်ကျစ်လျက် အုပ်ချုပ်သည်ဖြစ်စေ လူအများက အမိန့်ဥပဒေများကို  လိုက်နာနေကြခြင်း ဖြစ်သည်။"

မြေရှင်တို့၏ ပညာရေးသည် ပြည်သူများတွေးခေါ်နိုင်မှုကို ကန့်သတ်ထားခဲ့သည်။ လူများသည် အုပ်ချုပ်သူများ၏ အလိုဆန္ဒကို မည်သို့ လိုက်နာရမည်ကိုသာ သိနိုင်ကြသည်။ ထိုပညာရေးစနစ်ကြောင့်ပင် တရုတ်နိုင်ငံအား ပိုမိုမွဲတေပြီး ခေတ်နောက်ပြန်ဆွဲကာ ကိုယ့်အား ကိုယ်မကိုးနိုင်ဖြစ်စေသည်။  ဆွန်ယက်ဆင်က
"တရုတ်ပြည်သူများသည် လက်သင့်ရာစားတော်ခေါ်သောဝါဒဖြင့် နှစ်ပေါင်းထောင်ချီနေထိုင်ရှင်သန်ခဲ့ကြရပြီး နောက်၊ တိုင်းတစ်ပါးသားတို့လက်အောက်တွင် နှစ်ပေါင်း ၂၆၀ ထက်မနည်း နေထိုင်ကြရပြန်သည်။ ကျွန်ုပ်တို့တွင် ကျင့်ဝတ်ပိုင်းအရ ဂုဏ်သိက္ခာရှိမှု ပျောက်ဆုံးသည်မှာ ကြာမြင့်ပေပြီ။ ယင်းကို ပြန်ရနိုင်ရန် ယနေ့ခေတ်ကြိုးစားရာ၌ ပညာရေးဖြင့် အစပြုရမည်"
ဟု ရေးသားခဲ့သည်။

ထို့ကြောင့် အရာရှိစာမေးပွဲများအား ဖျက်သိမ်းပေးရန် သူက ညွှန်ပြခဲ့သည်။ သူ၏ ပထမဆုံးသော တော်လှန်ရေးအဖွဲ့အစည်း ဖြစ်သည့် ရှင်းကျုံးအသင်းကြီး၏ ဖွဲ့စည်းပုံစည်းမျဉ်းတွင် "လူမှုဝန်းကျင်၏ ဥတုရာသီကို ပြောင်းလဲပေးနိုင်မည့် သတင်းစာတိုက်များ ဖွင့်လှစ်ထူထောင်နိုင်ရန်နှင့် အရည်အချင်းပြည့်မီသော လူပုဂ္ဂိုလ်များကို လေ့ကျင့်ပျိုးထောင်ပေးနိုင်မည့် စာသင်ကျောင်းများ ထူထောင်နိုင်ရန်" ရည်မှန်းချက်ထားခဲ့သည်။

၁၉၁၁ ခုနှစ် တော်လှန်ရေးပြီးနောက် ထွက်ရှိခဲ့သော ပညာရေးဆိုင်ရာ အမိန့်ကြေညာစာတွင် "ကျောင်းသင်ရိုးများထဲတွင် တရုတ်ဂန္ထ၀င်စာပေများကို နည်းနိုင်သမျှနည်းပါးပြီး၊ ပညာရေး၏ ရည်ရွယ်ချက်သည် ပြည်သူ့သမ္မတနိုင်ငံအတွက် ကိုယ်ကျင့်ဆိုင်ရာ ဂုဏ်သိက္ခာရှိမှုကို မြှင့်တင်ပေးရမည်"ဟု ဖော်ပြပါရှိခဲ့သည်။ ပဒေသရာဇ်များအား သစ္စာရှိခြင်းနှင့် ကွန်ဖျူးရှပ်အား လေးစားမြတ်နိုးမှုကို ပြသခြင်းတို့ကိုသာ ပဓာနထားနေသော ချင်မင်းဆက်၏ မြေပိုင်ရှင်စနစ်ပညာရေးကို စွန်လွှတ်စေခဲ့ခြင်းပင် ဖြစ်သည်။

နိုင်ငံအား လွတ်လပ်မှု၊ တန်းတူညီမျှမှုနှင့် ညီအစ်ကိုရင်းချာကဲ့သို့ တစ်သွေးတစ်သားတည်းဖြစ်မှုဟူသော စိတ်ဓာတ်တို့ဖြင့် အထောက်အကူပြုပြီး၊ လူတစ်ဦးချင်းစီအား ဘက်စုံထက်မြက်၍ လိုက်လျောညီထွေဖြစ်လာအောင် လေ့ကျင့်ပျိုးထောင် ပေးနိုင်မည့် နည်းလမ်းတို့ဖြင့် စစ်ပညာ၊ ပြည်သူ့နီတိ၊ ကမ္ဘာ့အမြင်နှင့် ရသအမြင်တို့အပေါ် အခြေခံသည့် မူဝါဒများကို သူဆက်လက် ညွှန်ပြခဲ့သည်။

အာဏာနှင့် ငွေကြေးရရှိရေးကိုသာ ရည်ရွယ်နေခဲ့သော မြေပိုင်ရှင်တို့၏ ပညာရေးအစား ကောင်းမွန်ပြည့်စုံသော ကျင့်ဝတ်ပိုင်း ဂုဏ်သိက္ခာကို သင်ကြားပေးနိုင်ရန် ရည်ရွယ်သည့် ဒီမိုကရေစီနည်းကျသော၊ သာတူညီမျှဖြစ်သော၊ လွှတ်လပ်သော ပညာရေးတစ်ရပ်ဖြင့် ပြောင်းလဲစေမည်ဟု သူလိုလားခဲ့သည်။
နှစ်ပေါင်း ၂၀၀၀ ကျော်ပြီဖြစ်သော မြေပိုင်ရှင်တို့၏ ပညာရေးကို ပညာရေးအသစ်ဖြင့် နိဋ္ဌိတံစေခဲ့သည်။ ထိုပညာရေးသစ်သည် တရုတ်ပြည်သူများ၏ ပညာရေးကို ဦးတည်ရာပြောင်းလဲသွားစေပြီး တိုးတက်ထွန်းကားမှုများဆီ ဦးတည်သော တရုတ်နိုင်ငံ၏ ပညာရေးစနစ်ကို ဖော်ဆောင်ပေးခဲ့ခြင်း ဖြစ်သည်။ ယင်းသည် နောက်ထပ် မျိုးဆက်သစ်များပေါ်တွင် များစွာလွှမ်းမိုးမှုရှိလေသည်။

တော်လှန်ရေးနှင့် ပညာရေး ဘယ်ဟာအရင်လဲ
၂၀ ရာစုအစဦးတွင် ခန့်ယိုရွှေနှင့် လျန်ချီချောင်းတို့ ဦးစီးသော ပြုပြင်ပြောင်းလဲရေးလိုလားသူ ဘူဇွာများသည် ချင်မင်းဆက်အား ကာကွယ်ပေးသည့် သစ္စာတော်ခံများအဖြစ် သူတို့ကိုယ်သူတို့ ပြောင်းလဲပစ်လိုက်ကြသည်။ တော်လှန်ရေးနှင့် စည်းမျဉ်းခံပဒေသရာဇ် စနစ်သို့ ရောက်ရှိစေနိုင်သည့် မည်သည့်ကြိုးပမ်းမှုမျိုးကိုမဆို သူတို့ ဆန့်ကျင်ခဲ့ကြသည်။ တော်လှန်ရေးသမားများကို တန်ပြန်ဆန့်ကျင်နေသော ယင်းတို့အုပ်စု၏ အဆန်းထွင်ချက်များသည် ချင်မင်းဆက်၏ အုပ်ချုပ်မှုအောက် ပြန်ရောက်အောင် ပြုရာသာရောက်ကြောင်း ဆွန်ယက်ဆင်က ညွှန်းပြပြောဆိုခဲ့သည်။

"ဝေကျောင်ပေါင်၏ ပိုင်ရှင်ထံသို့ ပေးပို့သောစာထဲမှ ပညာရေးအယူအဆ" ကို ရေးသားသူ ယန်ဖူက "ကျွန်ုပ်တို့ ပြည်သူများ၏ ဆင်းရဲဒုက္ခမှာ သူတို့၏ မသိမှုအ၀ိဇ္ဇာတွင်ပင် တည်နေသည်။ အကယ်၍ တော်လှန်ရေးဖြစ်လာဦးတော့ ကိုယ်ကျင့်တရား နိမ့်ကျနေပြီး အသိဥာဏ်နုံနဲ့သော တရုတ်ပြည်သူများသည် အရေးပါသော အပြောင်းအလဲများ ပေါ်ပေါက်လာအောင် ဦးဆောင်နိုင်ခြင်း ရှိမည်မဟုတ်။ လက်ရှိကာလ၏ ပရိယာယ်တွင် တိုးတက်မှုရှိသော အကူးအပြောင်းကာလတစ်ခု ဖြစ်ပေါ်လာစေရန် ပညာရေးမှပင် စတင်ရမည်"ဟု ဖော်ပြခဲ့သည်။

ထိုသို့သော ပြုပြင်ပြောင်းလဲရေးသမားများ၏ အယူအဆကို ဆွန်ယက်ဆင်က ပြင်းပြင်းထန်ထန် ဆန့်ကျင်ခြေပသည်။ ဆန့်ကျင်ဘက်အားဖြင့် လူမှုရေးပြဿနာများသည် များမြောင်ပွေလီလှသည်ဖြစ်ရာ ပြည်သူများသည် မလောက်မငဖြင့် အသက်မွေးနေကြရသည်။ နိုင်ငံအား နိမ့်ပါးနေရခြင်းမှ ဆယ်တင်၍ သေချာစွာ ဆက်လက်ရပ်တည်နိုင်ရေးအတွက် တစ်ခုတည်းသော နည်းလမ်းမှန်မှာ ပြည်သူများ၏ အသိဥာဏ်ကို ဖွံ့ဖြိုးအောင် ပြုလုပ်ပေးခြင်းနှင့် ပညာရေးကို လူမှန်သမျှ ရရှိနိုင်စေရန် ဆောင်ရွက်ပေးခြင်း ဟု သူယူဆသည်။ တစ်ချိန်တည်းတွင်ပင် ချင်မင်းဆက်အား ဖြုတ်ချရေးကို ပြည်သူများ သတိမူနေရမည်လည်း ဖြစ်သည်။

ထို့ကြောင့်ပင် ပညာရေးကို တော်လှန်ရေးထက် အရင်ပြုရမည်ဟူသော ပြုပြင်ပြောင်းလဲရေးသမားများကို သူဆန့်ကျင်ခဲ့သည်။ ချင်မင်းဆက်ကို ဖြုတ်ချနိုင်မှသာ ပညာရေးဆိုင်ရာ ပြုပြင်ပြောင်းလဲမှုများကို ပြုလုပ်နိုင်မည်ဟုလည်း သူယုံကြည်ခဲ့သည်။ တရုတ်နိုင်ငံကို ပြောင်းလဲပြုပြင်ရေးတွင် ပညာရေးသည် အရေးကြီးသော နည်းလမ်းတစ်ခု ဖြစ်သည်ဟူသော အမြင်အပေါ် သူသံသယ မထားသော်လည်း ပထမခြေလှမ်းအဖြစ်မူ အစမပြုသင့်ကြောင်း သူထုတ်ဖော်ခဲ့သည်။ ပထမခြေလှမ်းသည် တော်လှန်ရေးမှအပ အခြားမည်သည့်အရာမှ မဖြစ်နိုင်ဟူ၍…။

ဝဏ္ဏစိုး

Ref: Sun Yat-sen by Zhang Lanxin, from Thinkers on Education Part 4, UNESCO Publication

Read More

Bertrand Russell

လူ့သမိုင်းဖြစ်စဉ်ကို ပြန်ကြည့်မည်ဆိုလျှင် လူသားတို့သည် ပဋိပက္ခ အမျိုးမျိုးအား ရင်ဆိုင်ဖြေရှင်း လာခဲ့သည်ကို တွေ့ရပါ မည်။ လူသားနှင့် သဘာဝတရား၏ ပဋိပက္ခ၊ လူသားအချင်းချင်း ဖြစ်သော ပဋိပက္ခ၊ လူသားတစ်ဦး အနေဖြင့် အဇ္ဈတ္တ အတွင်း စိတ်ချင်းဖြစ်သော ပဋိပက္ခတို့ပင် ဖြစ်ပါသည်။

Bertrand Russel (1872-1970)

လူသား တစ်ဦးချင်းစီ အနေဖြင့် သော်လည်းကောင်း၊ မိမိတို့၏ အသိပညာ၊ အတတ်ပညာများအလျောက် ဖြစ်ပေါ်ခဲ့သော ပဋိပက္ခများကို ဖြေရှင်း ကျော်လွှားခဲ့သည်ကို တွေ့ရပါမည်။ သို့ရာတွင် လူ့သမိုင်းသည် ပြီးပြည့်စုံသော ငြိမ်းချမ်းသာယာမှု ပန်းတိုင်ဆီသို့ မရောက်ရှိသေးပေ။ သဘာဝတရားနှင့်လည်း ခိုက်ရန် ဖြစ်ပွားဆဲ၊ မျိုးနွယ်စု သတ်ဖြတ်ပွဲများ၊ လူမဆန်သော ဖိနှိပ်ချုပ်ချယ်မှုများ၊ ကမ္ဘာလောက၏ မသေချာ မရေရာမှုများအပေါ် ပြင်းစွာသော စိတ်သောက ရောက်မှုများမှာလည်း အဆုံး မသတ်သေးပေ။ ဤနေရာတွင် အသိပညာ၏ အခန်းကဏ္ဌကို ထည့်သွင်းစဉ်းစားရန် လိုအပ်လာပါသည်။ အသိပညာသည် လူ့အဖွဲ့အစည်းအတွင်း လူမှုဒုက္ခ အဝဝကို ဖြေရှင်းနိုင်ရန်အတွက် အဓိကကျသော ထွက်ပေါက်တစ်ခု ဖြစ်ပါသည်။ အသိပညာသည် သဘာဝ အင်အားစုများ၏ လွှမ်းမိုးချုပ်ကိုင်မှုမှ လွတ်မြောက်စေရုံမျှမက ချစ်ခြင်း၊ မုန်းခြင်း ၊ ဒေါသဖြစ်ခြင်း၊ ဝမ်းနည်းပူဆွေးခြင်း စသည့် ပြင်းပြသော ဝေဒနာဆိုးများကိုလည်း ချေဖျက်နိုင်ပါသည်။ ယင်းအသိပညာဖြင့်သာ ကျွန်ုပ်တို့၏ မျှော်လင့်ချက ကမ္ဘာကို တည်ဆောက်နိုင်မည် ဖြစ်လေသည်။

ဤသည်မှာ ဘာထရန်ရပ်ဆယ်၏ New Hopes for a Changing World မှ အတွေးအမြင် တချို့ ဖြစ်သည်။ ဘာထရန်ရပ်ဆယ်ကို ကျွန်ုပ်တို့ စာဖတ်ပရိသတ်နှင့် အထူးတလည် မိတ်ဆက်ပေးစရာ လိုအပ်မည် မထင်ပါ။ ရပ်ဆယ်သည် ဒဿနပညာရှင် စာရေးဆရာ တစ်ယောက် ဖြစ်လေသည်။ လူမှုရေး၊ ပညာရေး၊ ကိုယ်ကျင့်တရား၊ နိုင်ငံရေး ၊ အတွေးအခေါ် ပညာ စသည့် ဝိဇ္ဇာပညာရပ်များကိုသာမက သင်္ချာ၊ ရူပဗေဒ စသည့် သိပ္ပံပညာ ရပ်များကိုပါ နှံ့စပ် ကျွမ်းကျင်သော စွယ်စုံရ ပညာရှင်ကြီး ဖြစ်လေသည်။ သူ၏မွေးရပ် အင်္ဂလန်ကျွန်းကလေးကို ကျော်လွန်၍ အမေရိက၊ အရှေ့ဥရောပနှင့် တရုတ်၊ အိန္ဒိယတို့တွင်ပါ သူ၏အမည်မှာ ထင်ရှား ကျော်ကြား လေသည်။ ရပ်ဆယ်သည် ငြိမ်းချမ်းရေး မြတ်နိုးသော စစ် ဆန့်ကျင်ရေးသမား ပြုစုနေရင်း အခြားတစ်ဖက်က စစ်ဆန့်ကျင်ရေး လုပ်ငန်းများကို စွမ်းစွမ်းတမံ ဆောင်ရွက် ခဲ့လေသည်။ ဖက်ဆစ်နာဇီများ နှင့် ဗီယက်နမ် ကျူးကျော် စစ်ဆန့်ကျင်ရေး၌ ပညာရှင်များ အသိုင်းအဝိုင်းတွင် ထင်ရှားလေသည်။
သူ၏အဘိုး Lorol John Russell မှာ ထင်ရှားသော လစ်ဘရယ် ဝန်ကြီးချုပ်တစ်ယောက် ဖြစ်ခဲ့သည်။ ကုန်သွယ်ရေး လွတ်လပ်မှု၊ ပညာရေး လွတ်လပ်မှု၊ ဂျူးအမျိုးသား လွတ်လပ်ရေး တို့အတွက် အရေးဆိုခဲ့သူ ဖြစ်သည်။ နယ်ပယ် အသီးသီးကိုလည်း အရင်းအမြစ်မှစ၍ ပြုပြင် ပြောင်းလဲလိုသူ ဖြစ်သည်။ ရပ်ဆယ်၏ဖခင် (Viscount Amberley) မှာ ဆင်ခြင်းခြင်း ဝါဒီ (retionalist ) တစ်ယောက် ဖြစ်သည်။ ဘာထရန်ရပ်ဆယ်ကိုလည်း J.S Mill ၏ အတွေးအခေါ်များကို လေ့လာ သင်ကြားရန် တိုက်တွန်း ခဲ့လေသည်။ သည့်အတွက်ပင်လျှင် ရပ်ဆယ်၏ အတွေးအခေါ်များတွင် လူသားဝါဒ ၊ လွတ်လပ်မှု အယူအဆများ၏ လွှမ်းမိုးမှုများကို တွေ့ရှိနိုင်ပါသည်။
ရပ်ဆယ်၏ လူသားဝါဒတွင် လူ၏ ဂုဏ်သိက္ခ (human dignity )၊ သနားကြင်နာမှု (Mercy) နှင့် လူမှုရေး ညီမျှမှု (Social justic ) တို့ ပါဝင်ပါသည်။ အထူးသဖြင့် လွတ်လပ်သော ပုဂ္ဂလလူသား အယူအဆကို ဖော်ထုတ် ခဲ့လေသည်။ သူ၏ Road to freedom (1918), How to be free and Happy (1924),On Education (1926), Marriage and Morals (1929) တို့တွင် လူသား၏ ကာယ၊ စိတ္တ လွတ်လပ်မှု အယူအဆများနှင့် ပတ်သက်၍ ရှင်းလင်းစွာ ဖွင့်ဆိုခဲ့လေသည်။ ဤစာတမ်းတွင်မူ ရပ်ဆယ်၏ လွတ်လပ် ပွင့်လင်းသော ပညာရေး အယူအဆကို အဓိကတင်ပြရန် ရည်ရွယ်ပါသည်။
လူတို့သည် ပညာသင်ကြားရေးနှင့် ပတ်သက်ပြီး ရည်ရွယ်ချက်များ ထားရှိကြလေသည်။ သူတို့၏ လူမှုလက္ခဏ အမြင်များအလိုက် လိုလားအပ်သော ပညာရေး ရည်မှန်းချက်များလည်း တစ်ခုနှစ်တစ်ခု အမြင်ကွဲပြား ကြပါသည်။ နိုင်ငံတော်သည် အမျိုးသား အကျိုးစီးပွားနှင့် အချုပ်အခြာ အာဏာအတွက် တာဝန်ထမ်းဆောင်ရန် ၊ အစိုးရအဖွဲ့ တည်ရှိမှုအတွက် အထောက်အပံ့ပေးရန် ကလေးသူငယ်များကို ပညာ ပေးကြသည်။ အလယ်ခေတ် ပုပ်ရဟန်းတို့ကလည်း သူတို့၏ လုပ်ပိုင်ခွင့် အာဏာကို မြှင့်တင်ရန်အတွက် ဘာသာရေး ကျမ်းဂန်များကို သင်ကြားပေးရန် အလိုရှိကြသည်။ ငြိမ်းချမ်းရေး လိုလားသူများက စစ်သားကောင်း ဖြစ်ရေးအတွက် ပညာပေးခြင်းမျိုးကို ဆန့်ကျင်ကြသည်။ ထို့အတူ ကွန်မြူနစ် (Communist) များနှင့် ပုဂ္ဂလ လူသားဝါဒီများ (individualists) ၏ ပညာရေးအမြင်များမှာလည်း ကွဲပြားခြားနား နေကြပါသည်။
ရပ်ဆယ်ကမူ နိုင်ငံရေး၊ ဘာသာရေး၊ ကျင့်ဝတ်စသည့် ပညာရေးနယ်ပယ်နှင့် ပတ်သက်၍ အယူအဆ တစ်မျိုးတည်းအား လေ့ကျင့် သင်ကြားပေးခြင်းကို ဆန့်ကျင်ခဲ့သည်။ စံနှုန်း တစ်ခုတည်းကိုသာ လေ့ကျင့် သင်ကြားပေးခြင်းသည် ဆိုးဝါးသော အကျိုးသက်ရောက်မှုများကိုသာ ဖြစ်စေ နိုင်သည်ဟု ရပ်ဆယ်က ရှုမြင်ခဲ့သည်။ ဥပမာ ဘောဂဗေဒ (Economy) ကို လေ့လာ သင်ယူနေသော လူတစ်ယောက်သည် ပုဂ္ဂလဝါဒီမျာ(individualists) ၊ ဆိုရှယ်လစ်များ (Socialists) ၊ တံခါးပိတ် စီးပွားရေးဝါဒီများ (protectionists) ၊ လွတ်လပ်သော ကုန်သည် စီးပွားသမားများ (Free traders) စသည်ဖြင့် ၎င်းတို့၏ အယူအဆ အမျိုးမျိုးကို လေ့လာကြားနာ သင့်လေသည်။ အခြားသော စာအုပ် စာတမ်းများကိုလည်း ဖတ်ရှု လေ့လာရန် အားပေးရပါမည်။ ရာဇဝင်ပညာ (History) ကို သင်ယူရာတွင်လည်း မိမိတိုင်းပြည်၏ ရှုထောင့် အမြင်သာမက အခြား အခြားသော တိုင်းနိုင်ငံတို့၏ အမြင်များကိုပါ အသိအမှတ် ပြုရပေမည်။ အဘယ်ကြောင့် ဆိုသော် လူမျိုးတစ်မျိုး သို့မဟုတ် တိုင်းနိုင်ငံတစ်ခု၏ ယုံကြည် ယူဆချက်သည် အခြား မည်သည့်လူမျိုး၊ မည်သည့် နိုင်ငံတိုင်းနှင့်မျှ ထပ်တူ မညီနိုင် သောကြောင့် ဖြစ်ပါသည်။ ထို့ကြောင့် ရာဇဝင် ပညာသာမက အခြား မည်သည့် ဘာသာရပ်ကိုမဆို ဓမ္မဓိဠာန်ကျကျ လေ့လာ သိရှိနိုင်ရန် စာသင်သားများကို လွတ်လပ်သည့် ထင်မြင်ယူဆခွင့် (Free speculation) ပေးရမည် ဖြစ်လေသည်။
ရပ်ဆယ်၏ ပညာသင်ကြားရေး ရည်မှန်းချက်များမှာ ရည်မွန် ယဉ်ကျေးသော လူသားများ ဖြစ်မြောက်ရေးပင် ဖြစ်သည်။ ရည်မွန် ယဉ်ကျေးသူသည် မှန်သည်ထင်သော အရာများတွင် လူအများက မထောက်ခံသည် တိုင်အောင် လုပ်ရဲကိုင်ရဲ ရှိလာသည်။ မတရားသော လူမှုရေး၊ စီးပွားရေး စနစ်များအကြောင်း ကောင်းကောင်းသိပြီး တိုက် ဖျက်တွန်းလှန်လို စိတ်လည်း ရှိသည်။ လူသားများအပေါ် အကြင်နာမေတ္တာ ထားနိုင်စွမ်းလည်း ရှိသည်ဟု ရပ်ဆယ်က ဆိုပါသည်။ ရပ်ဆယ်၏ အလိုအရ လူဆန်သော လူတစ်ယောက် ဖြစ်လာစေရေး အတွက် အသိဉာဏ်ပညာနှင့် ကိုယ်ကျင့်တရားဆိုင်ရာ ကောင်းမြတ်မှုတို့ လိုအပ်ပါသည်။
အသိပညာကို ယေဘူယျနှစ်ပိုင်း ခွဲခြားပြီး အချက်အလက်များနှင့် ဆိုင်သော သုတပညာ (Information Knowledge ) နှင့် ဉာဏ်အမြော်အမြင်နှင့် ဆိုင်သော ဉာဏ်ပညာ (Intellectual Knowledge ) ဟူ၍ သတ်မှတ်ထားပါသည်။ အချက်အလက်များနှင့် ဆိုင်သော အသိပညာ ဆိုသည်မှာ အခြေခံ အရေးအဖတ် ဘာသာ စကားမှအစ စိုက်ပျိုးမွေးမြူရေးပညာ၊ သိပ္ပံပညာ၊ ဗိသုကာပညာ၊ ဆေးပညာနှင့် အခြား အသက်မွေးဝမ်းကျောင်း ပညာရပ်များကို ဆိုလိုပါသည်။ ဉာဏ်အမြော်အမြင်နှင့် သက်ဆိုင်သော အသိပညာ ဆိုသည်မှာ စူးစမ်း လေ့လာမှု စိတ်ဓာတ် ဖြစ်သည်ဟု ရပ်ဆယ်က ဆိုပါသည်။ ဤကဏ္ဍတွင် စဉ်းစားတွေးခေါ်တတ်မှု၊ ကိုယ့်ကြမ္မာကိုယ်ဖန်တီးနိုင်မှု၊ တန်ဖိုး ဆုံးဖြတ်ချက်များ ချမှတ် ဆောင်ရွက်နိုင်မှုအထိ ကျယ်ကျယ် ပြန့်ပြန့် ပါဝင်ပါသည်။ ရပ်ဆယ်၏ အလိုအရ လူသားသည် အသိပညာ ရရှိရန်အတွက် မိမိ၏ ရှင်သန်နိုးကြားမှု အလျောက် စူးစမ်းရှာဖွေစိတ် ရှိရပါမည်။ မိမိကိုယ်တိုင်ရော ၊ အခြား ပုဂ္ဂိုလ်များကိုပါ လူမှုရေးအရဖြစ်စေ၊ အသိပညာ ရရာရကြောင်း အတွက်ဖြစ်စေ၊ အခြားခြားသော အကြောင်းကြောင်းတွေ ကြောင့်ဖြစ်စေ ရိုသေ လေးစားမှုနှင့် စာနာကရုဏထားမှု ရှိရမည် ဖြစ်သည်။ မိမိကိုယ်မိမိ ယုံကြည်မှုရှိလာသည့် လူသားသည် အသိပညာရရှိရန် လွယ်ကူလာပါမည်။ ရရှိပြီးသား အသိပညာနှင့်လည်း မိမိဘဝကိုရော လောက တစ်ဝှမ်းလုံးကိုပါ ပြောင်းလဲပစ်ရန် ရည်ရွယ်လာပါ လိမ့်မည်။ သို့မှသာ စစ်မှန်သော လူသား၏ အဓိပ္ပာယ်ရှိမှုကို အောင်မြင်စွာ ဖော်ဆောင် လာနိုင်လိမ့်မည် ဖြစ်လေသည်။
ကျင့်ဝတ်ဆိုင်ရာ ပညာရေး (Moral education) တွင် မှန်ကန်မှု (Truthfulness) သည် အရေးကြီးသော သော့ချက်တစ်ခု ဖြစ်ပါသည်။ မှန်ကန်မှုဆိုရာ၌ ပြောဆို ဆက်ဆံရေး၌ သာမက အတွေးအကြံနှင့် အပြုအမူများပါ မှန်ကန်စေရန် လိုအပ်ပါသည်။ တစ်ဖက်ကလည်း ကလေးသူငယ်များအား ကြောက်ရွံ့ထိန့်လန့်မှု ကင်းစေပြီး အမှန်တရားကို သိမြင်စေရန် အတွက် ပြုစုပျိုးထောင်သွားရပါမည်။ ရှေ့၌ဆိုခဲ့သည့် လူသားဂုဏ်သိက္ခာ၊ သနားကြင်နာမှု၊ လူမှုရေးညီိမျှမှုများ တိုးတက် ထွန်းကားလာစေရန်မှာ ကိုယ်ကျင့် တရားဆိုင်ရာ ပညာပေးမှုနှင့် ပတ်သက် နေပါသည်။ မိမိ အယူအဆနှင့် အပြုအမူများသာ ထာဝရမှန်ကန်သည် ဆိုသော အစွန်းရောက် အမြင်မျိုးကိုလည်း ရှောင်ရှားတတ်စေရန် လေ့ကျင့် ပေးရပါမည်။ ကိုယ်ချင်း မစာနာသော (Uncharitable)၊ သည်းမခံနိုင်သော (intolerant) ၊ ရက်စက် ယုတ်မာသော (cruel )၊ ရန်လိုသော belligerent (bellicose) အပြုအမူများကို လူ့အဖွဲ့အစည်း၏ မလိုလားအပ်သော အရာများအဖြစ် တားမြစ်ရပါမည်။ ဤလူမဆန်သော ၊ မလိုလားအပ်သော အပြုအမူများကို ပြေပျောက် စေရန်မှာလည်း သက်ဆိုင်ရာ လူ့အဖွဲ့အစည်းတို့၏ ပညာပေးမှု အစီအစဉ်နှင့် ပတ်သက်နေသည်ဟု ရပ်ဆယ်က ဆိုပါသည်။
ဘာထရန်ရပ်ဆယ်၏ အလိုအရ တင်းကျပ်သည့် နိုင်ငံရေးစည်းမျဉ်း(Regimentation) နှင့် ပညာ ရေးအာဏာပိုင်မှု (Educational authorities) တို့ကို ကလေးသူငယ်များအား ပြုစုပျိုးထောင်ရာ၌ ရှောင်ကြဉ်ရပါမည်။ နေရာတကာတွင် အများယူဆသလို ကလေးသူငယ်များအား စည်းကမ်း သတ်မှတ်ပြီး ချုပ်ချယ်ရန် မလိုပေ။ ကလေးများအား အတင်းဖိနှိပ်ပြီး နှိမ်သည့် သဘောဖြင့် ရိုသေကျိုးနွံအောင် လုပ်ခြင်းသည် ကလေး၏ စိတ်ထဲတွင် အမုန်းစိတ်ကိုသာ ပွားများစေနိုင်ပါ ဖြစ်သည်။ သို့ရာတွင် ဤသို့ ပေါ်ပေါက်လာသော အမုန်းစိတ်ကို လွတ်လပ်စွာ ဖော်ထုတ်ခွင့် မရပြန်ရကား ယင်းစိတ်သည် ရင်ထဲမှာပင် ကြိတ်မှိတ် ခံစားနေရပါက တဖြည်းဖြည်း ခိုင်မာ လာပါမည်။ ထိုအခါ ကလေးသူငယ်၏ ကျန်ရှိသော ဘဝခရီး တစ်လျှောက်လုံးတွင် ထူးဆန်းသော အဖျက်အဆီးများ ဖြစ်လာ တတ်လေသည်။
သူ၏ (Education and Ciyilization ) စာတမ်းတွင် အကြွင်းမဲ့လုပ်ပိုင်ခွင့် အာဏာ ပိုင်ဆိုင်မှု၏ ဆိုးပြစ်များကို ထောက်ပြစေရန် ဝေဖန်ထားလေသည်။ အကြွင်းမဲ့ လုပ်ပိုင်ခွင့် အာဏာသည် ဆရာတပည့် နှစ်ဦးနှစ်ဖက်စလုံး အတွက် ဆိုးဝါးစေ နိုင်ပါသည်။ ဆရာများသည် စိတ်ဓာတ်နှင့် ကိုယ်ကျင့် စရဏတရားများ ပျက်ပြားပြီး အာဏာကို အလွဲသုံးစား လုပ်တတ်သော အုပ်ချုပ်သူများ ဖြစ်လာနိုင်ပါသည်။ ထို့အတူ တပည့်များသည်လည်း ပုန်ကန်ထကြွမှု (rebellious) သို့မဟုတ် ခေါင်းငုံ့နာခံမှု (Submissive) စသည့် အစွန်း နှစ်ဖက်သို့ ချဉ်းကပ် သက်ရောက် နိုင်ပါသည်။ ထိုအခါ စာသင်သားများသည် မည်သည့် အကြွင်းမဲ့ အာဏာကိုမဆို ဆန့်ကျင်လိုသော ဆန္ဒများ ပေါ်ပေါက် လာနိုင်ပါသည်။ တစ်ဖက်ကလည်း ခေါင်းငုံ့နာခံ တတ်မှုကြောင့် သူတို့၏ တီထွင်ရှေ့ဆောင်သော ဉာဏ်ရည်ဉာဏ်သွေးအားလုံး (all sense of initiative) ဆုံးရှုံးပျက်စီး စေနိုင်ပါသည်ဟု ရပ်ဆယ်က ဆိုထားပါသည်။
ဘာထရန်ရပ်ဆယ်သည် ပညာရေးပါရဂူ မဒမ်မွန်တက်ဆိုရီ (Montessori) ကဲ့သို့ပင် ပညာသင်ကြားရာ၌ ကလေးသူငယ်များ၏ စိတ်ပိုင်းဆိုင်ရာ အခြေအနေများကိုပါ ထည့်သွင်း စဉ်းစားခဲ့သည်။ ကလေးသူငယ်များ၏ စိတ်၌ အပြစ်ရှိသည် ၊ ရှက်ဖွယ်ရာဖြစ်သည်၊ ကြောက်မက်ဖွယ်ရာ ဖြစ်သည်ဟူသော အရာများ လွှမ်းမိုးမှုမရှိသင့်ဟု ရပ်ဆယ်က ယူဆပါသည်။ ကလေးသူငယ်များသည် အလိုအလျောက် ပျော်ပျော်ရွှင်ရွှင် မြူးမြူးထူးထူး ရှိရမည်။ ကလေးသူငယ်များ၏ စိတ်လှုပ်ရှား ထကြွမှုကို ကြောက်ရွံ့သည့် စိတ်မဝင်စားစေရန်၊ သဘာဝ အကြောင်း အချက်များနှင့် ပတ်သက်သော စူးစမ်း ရှာဖွေမှုများမှ တွန့်ဆုတ်သွားခြင်း မဖြစ်ပေါ်စေရန် အရေးကြီးလေသည်။ ကျင့်ဝတ်ပိုင်းဆိုင်ရာ ပညာပေးရာတွင် ကလေးသူငယ် များအား အမြော်အမြင်ရင့်သန်၍ ရိုးသားဖြောင့်မတ်သူများ၊ လူမှုရေးအရ အကြောင်းတရား ကင်းမဲ့သူများ၊ အလုပ်လုပ်ကိုင်ရာ၌ စွမ်းစွမ်းတမံ ဆောင်ရွက်နိုင်သူများ၊ အတွေးအခေါ်များအားဖြင့် နက်နဲသိမ်မွေ့၍ သည်းခံတတ်သော စိတ်ထားဖြင့် ပြည့်ဝသည့် တော်တည့်ဖြောင့်မှန်သော အမျိုးကောင်းသား၊ အမျိုးကောင်းသမီးများ ဖြစ်လာစေရန် ပြုစုပျိုးထောင် ပေးရပါမည်။
ကလေးသူငယ်များအား ကိုယ်ထိလက်ရောက် ပြစ်ဒဏ်ပေးခြင်းမျိုးကို မည်သို့သော အခြေအနေမျိုးမှာပင် ဖြစ်စေ လိုလားအပ်သည်ဟု မယုံကြည်ပေ။ ̒ အချိန်တိုင်းမှာ ကလေးကို လက်နဲ့ တဖုတ်ဖုတ် ရိုက်နေတဲ့အတွက် က လေးရဲ့စိတ်ထဲမှာ အင်မတန် ရှုပ်ထွေးပွေလိမ် ဆူပွတ်လာတဲ့ ခံစားမှုမျိုး အုံကြွဖြစ်ပေါ် လာနိုင်ပါတယ်။ သို့သော်လည်း အလွန်အကျွံ လွတ်လပ်ခွင့် ပေးရမယ်လို့လည်း မဆိုလိုပါဘူး။ တစ်ခါတစ်ခါ လွတ်လပ်ခွင့် အပြည့်အဝပေးလို့ မရတာမျိုးလည်း ရှိပါတယ်။ တစ်ခုခုကို မတတ်တတ်အောင် သင်ပေးတဲ့အခါမျိုးပေါ့ ̓ ဟု ကျယ်ပြန့်သော အမြင်ဖြင့် သုံးသပ် ထားပါသည်။
လွတ်လပ်မှုသည် ပညာရေး၏ အခြားအရာများ (ပညာရေး ရည်မှန်းချက်၊ သင်ရိုးညွန်းတမ်းနှင့်အလားအလာ) (education aim , its curriculum and is possibilities) နည်းတူ အရေးကြီး လေသည်။ အထူးသဖြင့် လွတ်လပ်သော ထင်မြင် ယူဆပိုင်ခွင့်သည် ပညာရေး၏ မရှိမဖြစ် လိုအပ်သော ကိရိယာ တစ်ခု ဖြစ်သည်။ ယခုခေတ်သစ် ကမ္ဘာတွင်မူ အစွန်းရောက် ကန့်သတ်ချုပ်ချယ်မှုများ နည်းပါးသွားပြီး ဖြစ်သော်လည်း ရပ်ဆယ်တို့ ကာလတွင်မူ ပညာရေး လွတ်လပ်မှုသည် အတိုက်အခံ များသော အယူအဆ ဖြစ်ခဲ့သည်။ အင်္ဂလန်နိုင်ငံ၌ပင် အင်္ဂလိပ်တို့သည် နပိုလီယံကို တွန်းလှန် တိုက်ခိုက်သော ဝါတာလူးစစ်ပွဲကို အီတန်ကျောင်း၏ ကစားကွင်းထဲတွင် အနိုင်ရရှိသည်ဟု မော်ကြွားနေဆဲ ဖြစ်လေသည်။ အဘယ်ကြောင့် ဆိုသော် အီတန် စာသင်ခန်းများတွင် ပြင်သစ် ဆန့်ကျင်ရေး စိတ်ဓာတ်ကို ခိုင်မာစေရန် သွေးထိုး ညွန်ကြားခဲ့ သောကြောင့် ဖြစ်လေသည်။
သူကိုယ်တိုင် တည်ထောင်ခဲ့သော Bacon Hill-1926 ကျောင်း၌ သူ၏ ပညာရေးစံနှုန်းများကို လက်တွေ့ အကောင်အထည် ဖော်ခဲ့သည်။ ကိုယ်တိုင်ကိုယ်ကျ ပညာရှာမှီးခြင်းဖြင့် တန်ဖိုးရှိပြီး ခိုက်မြဲသော ပညာရေးကို ရရှိနိုင်ပါသည်။ ရပ်ဆယ်၏ကျောင်းတွင် အသိပညာ၊ ကိုယ်ကျင့်တရားကိုသာမက ကိုယ်ကာယ ကျမ်းမာသန် စွမ်းစေရန်လည်း လေ့ကျင့် ပေးလေသည်။ သို့ရာတွင် လူငယ်များကို ကာယသတ္တိ မွေးပေးခြင်းမှာ ဖက်ပြိုင်လိုသော စိတ်ဓာတ် ပေါ်ပေါက်စေရန် မဟုတ်ဘဲ အဝိဉာဏက အင်အားစုများနှင့် ရင်ဆိုင်ရသော အခါ ကြံ့ကြံ့ခိုင်နိုင်ရန် အတွက်သာ ဖြစ်သည်ဟု ဆိုပါသည်။ တစ်ယောက်နှင့်တစ်ယောက် ဖက်ပြိုင်ခြင်းအားဖြင့် ကာယ သတ္တိ ရှိလာအောင် မလုပ်ရာ။ ထို့ကြောင့် ရပ်ဆယ်က ဘောလုံး ကန်ခြင်းမျိုးမှ ရရှိသော သတ္တိမျိုးထက် ခြေလျင်တောင်တက် ခြင်းမှရရှိသော ကာယ သတ္တိမျိုးကို ပို၍ နှစ်ခြိုက် လေသည်။
ရပ်ဆယ်၏ အလိုအရ သိလိုစိတ် (curiusity) ၊ ပွင့်လင်းစိတ် (open mindedness) ၊ ယုံကြည်မှု (belief) ၊ စိတ်ရှည်သည်းခံခြင်း (patience) ၊ လုံ့လဝီရိယရှိခြင်း (industry)၊ အာရုံစူးစိုက်ခြင်း(concentration) ၊ တိကျမှု (exactness) စသည်တို့သည် ပညာရေး ယန္တရား လည်ပတ်မှုအတွက် လိုအပ်သော ကိရိယာ တန်ဆာ ပလာများ ဖြစ်သည်။ စစ်မှန်သော အသိပညာကို ရှာဖွေရာတွင် သိလိုစိတ်ပြင်းပြမှုသည် အခြေခံကျသော အချက် ဖြစ်ပါသည်။ ကလေးသူငယ်များသည် လူကြီးများကို ရွံ့မုန်းခြင်းမှာ သူတို့၏ သိလိုသောအရာများကို ကျေလည်အောင် အဖြေ မပေးနိုင်ကြသော ကြောင့်ပင်ဖြစ်သည်။ ထို့ကြောင့် ရပ်ဆယ်က ကလေးသူငယ်တို့၏ လေ့လာ စူးစမ်းလိုမှုကို လမ်းဖွင့်ပေးရမည်ဟု ဆိုပါသည်။ မည်သည့် မေးခွန်းမျိုးကို မဆို မေးမြန်း စိစစ်နိုင်ရန် အားပေးရပါမည်။ လွတ်လပ် ပွင့်လင်းစွာ သင်ယူနိုင်မှသာလျှင် တန်ဖိုးရှိသော အရာများကို ရရှိနိုင်မည် ဖြစ်လေသည်။ အထူးသဖြင့် ကလေးသူငယ်တို့၏ စိတ်လွတ်လပ်မှုကို အသိအမှတ် ပြုရပါမည်။ အဘယ်ကြောင့်ဆိုသော် စိတ်ကူးလွတ်လပ်မှု (freedom of thought ) မရှိဘဲနှင့် အလုပ်လွတ်လပ်မှု (freedom of action ) မရှိနိုင်သောကြောင့် ဖြစ်လေသည်။ လွတ်လပ်ပွင့်လင်းစိတ်ကို ချေဖျက်ခြင်းသည် လူတစ်ဦးချင်းစီအတွက်ရော လူ့အဖွဲ့အစည်း အတွက်ပါ တိုးတက် ဖွံ့ဖြိုးမှုလမ်းစများ ပျက်စီးစေနိုင်ပါသည်။
ထို့ကြောင့် အထက်တွင် ရပ်ဆယ် ဝေဖန်ခဲ့သည့် ဆိုးရွား တင်းကြပ်သော ပညာရေး စနစ်များကို ဖယ်ရှား ပစ်ရပါမည်။ လူငယ်တို့၏ အသိပညာ ကြွယ်ဝမှုနှင့် ကိုယ်ကျင့်တရား ကောင်းမြတ်မှု စသည့် သဘောထားများ ပြည့်စုံအောင်မြင် စေရန်အတွက် မည်သည့် အတားအဆီးကိုမဆို ဖယ်ရှားဝံ့သော သတ္တိများအား မွေးဖွား ပေးရပါမည်။ လူသား၏ အနာဂတ်ဖြစ်နိုင်ခြေ အလားအလာများကိုပါ ထည့်သွင်း ပညာပေးခြင်းဖြင့် ပညာရေး အစီအစဉ်၏ ပြည့်ဝသော အောင်မြင်မှုများကို ရရှိနိုင်မည် ဖြစ်လေသည်။
မျိုးဆက်တစ်ခုကို ပညာပေးသည်ဆိုရာ၌ ကြောက်ရွံ့ခြင်းကင်းသော လွတ်လပ်မှု (feariess freedom) ရှိမှသာလျှင် ကျယ်ပြန့်သော ၊ ရဲရင့်ပြတ်သားသော မျှော်လင့်ချက်များကို ရရှိနိုင်မည်ဖြစ်သည်ဟု ရပ်ဆယ်က ရှုမြင်ပါသည်။ အသိပညာ ပြည့်ဝလာပါက ကြောင်းကျိုး ဆင်ခြင်တုံ တရားကို ပိုင်ဆိုင်ပြီး အစွန်းရောက်သော ကြောက်ရွံ့မှု သို့မဟုတ် အဆင်ခြင်မဲ့ သတ္တိရှိမှုတို့ကို ရှောင်ရှာနိုင်မည် ဖြစ်လေသည်။ ပညာတတ်သူသည် အရာရာကို ပြီးစီးအောင် ဆောင်ရွက်နိုင်သူ ဖြစ်ပြီး ပျော်ရွင်ချမ်းမြေ့မှုကိုလည်း ရရှိစေနိုင်ပါသည်။ ပြည့်ဝသော ဉာဏ်အမြော်အမြင်ဖြင့် လောကကို စိတ်ဝင်စားပြီး လုံ့လဝရီယရှိရှိ ကြိုးစားအားထုတ်သူလည်း ဖြစ်လာပါလိမ့်မည်။ ပညာရေးအားဖြင့် လူသားတို့၏ လွတ်လပ်သော ဖွံ့ဖြိုးတိုးတက်မှု အလားအလာများကို ပြုစုပျိုးထောင် ပေးရပေမည်။
ဒီမိုကရက်တစ် ခေတ်ကြီးတွင်မှု အီတန် (Eton ) အယူအဆသည် ခေတ်မှီခြင်း မရှိတော့ပေ။ ကမ္ဘာလောကသည် ကွဲပြား ခြားနားသော ပုံစံများဖြင့် ဖော်ဆောင်မည့် ပညာရေးကို အလိုရှိနေပါသည်။ ကိုယ်ချင်းစာနာစိတ် (imaginative sympathy )၊ ဉာဏ်ရည်ဉာဏ်သွေး ပြည့်စုံမှု (intellectual suppleness) နှင့် စက်မှုနည်းပညာနှင့် ဆိုင်သောအသိ (technological knowledge) တို့ကို ကျယ်ပြန့်စွာ ဖော်ဆောင်ပေးရမည်။ ကမူးရှူးထိုးသတ္တိများ (bulldog courage) နည်းပါးသွားစေရန် အတွက် တတ်သိ လိမ္မာရေးခြားရှိသော လွတ်လပ်မှုကို ကလေးသူငယ်များအား ဖြစ်နိုင်သမျှ ဆောလျင်စွာ သင်ကြားပေးရပါမည်။ ဤသို့ စနစ်တကျ သင်ကြားပို့ချမှုမရှိလျှင် ကလေးသူငယ်များအဖို့ တည်ရှိနိုင်သည့် လွတ်လပ်မှုသည် မရေရာသော လွတ်လပ်မှု အတုအယောင် မျှသာဖြစ်သော လွတ်လပ်မှုမျိုးသာ ဖြစ်နိုင်ပေမည်။ ထိုအခါ လွတ်လပ်မှုသည် ကလေးသူငယ်များအား တိတိကျကျ အကျိုးဖြစ်ထွန်းမှု မရှိရုံသာမက လွဲမှားသော လွတ်လပ်မှုကို အသုံးချ ကျင့်သုံးသည့် တာဝန်မဲ့ နိုင်ငံသားများပင် ဖြစ်လာနိုင်ပါသည်။
မည်သည့် လူ့အဖွဲ့အစည်း တိုင်းတွင်မဆို ပညာရေးထက်ပို၍ အရေးကြီးသော အရာ ရှိလိမ့်မည် မဟုတ်ပေ။ ကမ္ဘာလောကသည် စဉ်ဆက်မပြတ် ပြောင်းလဲ လျက်ရှိပါသည်။ လူသားတို့သည် လက်ရှိ ဖြစ်ပေါ်နေသော အခြေအနေဆိုးများကို ကျော်လွှာနိုင်ရန်နှင့် အခြေအနေကောင်းများကို ဆက်လက် ဖန်တီးနိုင်ရန် အသစ်အသစ်သော မျှော်လင့်ချက်များဖြင့် တည်ဆောင် လျက်ရှိပါသည်။ ပညာရေး အစီအစဉ်သာ ဆိုးရွား ညံ့ဖျင်းနေပါက ထိုလူ့ အဖွဲ့အစည်းသည် ခေတ်နောက် ကျန်ခဲ့မည်သာ ဖြစ်လေသည်။ ထို့ကြောင့် ဘာထရန်ရပ်ဆယ်က ပညာရေးသည် ကမ္ဘာသစ်ကို ဖွင့်လှစ်မည့် သော့တစ်ချောင်း ဖြစ်သည်ဟု ဆိုခဲ့ပါသည်။ ကျွန်ုပ်တို့သည်လည်း ရပ်ဆယ်ပြောသော ပညာရေးသော့ ဖြင့်သာ ဖွင့်လှစ် လွတ်မြောက်နိုင်မည် ဖြစ်လေသည်။
သူရိန်ထက်လင်း
(ပညာရေးအတွေး၊ ဒဿနအမြင် စာအုပ်မှ..)
Ref:
* Bertrand Russell ;
Education and Civillization
Freedom versus Authority in Education
* Bertrand Russell ;
On Education (1966)
* Bertrand Russell ;
Education & Good Life
Horaie Liveright inc. N.Y. (1926) မောက္ခ မှကူးယူဖော်ပြပါသည်
* Bertrand Russell ;
Education and the Social Order
UNWIN - London (1977)
* Bertrand Russell ;
Unpopular Essays
George Ailen & UNWIN Ltd, London (1951)

Read More

မောရေးရှ

မူလတန်းကနေ တက္ကသိုလ်အထိ အခမဲ့ ပညာရေး၊ အခမဲ့ ကျောင်းကား စီစဉ်ပေးမှုနဲ့ နှလုံးခွဲစိတ်မှု အပါအ၀င် အခမဲ့ ကျန်းမာရေး စောင့်ရှောက်မှု တွေကို နိုင်ငံသားအားလုံးအတွက် လုပ်ဆောင်ပေးနေတဲ့

နိုင်ငံငယ်လေး တစ်နိုငံ ရှိတယ် ဆိုပါစို့။ ဒီလိုပြောရင် အားလုံးက ချမ်းသာတဲ့ ဥရောပ တစ်နိုင်ငံထဲကပဲ ဖြစ်မယ်လို့ တွေးလိုက်ကြမှာပါ။

တကယ်တော့ ချမ်းသာတဲ့ ဥရောပတိုင်းပြည်တွေမှာ အခမဲ့ တက္ကသိုလ်ပညာရေး မလုပ်နိုင်တော့တဲ့အပြင် အစိုးရတွေက လူငယ်တွေနဲ့ သူတို့ မိသားစု တွေဆီကနေ တက္ကသိုလ်စရိတ် ကိုယ့်ဘာသာ ကျခံဖို့ ပိုတောင်းလာနေကြပါတယ်။

နောက် အမေရိကန် ပြည်ထောင်စုမှာလည်း အခမဲ့ ကောလိပ်တက်ရောက်နိုင်ခွင့်ဆိုတာ ဘယ်တုန်းကမှ လုပ်ခဲ့တာ မရှိပါဘူး။ မကြာခင်က အမေရိကန် ဆင်းရဲသားတွေအတွက် ကျန်းမာရေး စောင့်ရှောက်မှု ရဖို့တောင် အပြင်းအထန်ပြောဆို ငြင်းခုံကြရပါတယ်။ အမေရိကမှာ ၀ဲလ်ဖဲယား စနစ်တွေ ဘယ်တော့မှ လုပ်မပေးဖို့ ဆုံးဖြတ်ထားတဲ့ ရီပတ်ဗလင်ကန် ပါတီကလည်း အဲဒီစနစ်ကို ပြန်တွန်းလှန်ပစ်ဖို့ ကြိုးစားနေပါတယ်။

ဒါပေမဲ့ အခုပြောမယ့် အရှေ့အာဖရိက ကျွန်းနိုင်ငံလေး ဖြစ်တဲ့ မောရေးရှ ကတော့ ချမ်းသာတဲ့ နိုင်ငံလည်း မဟုတ်သလို၊ ဘတ်ဂျက် ချွတ်ခြုံကျနေတဲ့ နိုင်ငံလည်း မဟုတ်ပါဘူး။ ပြီးခဲ့တဲ့ ဆယ်စုနှစ်အတွင်း ကောင်းမွန်တဲ့ စီးပွားရေး၊ ဒီမိုကရက်တစ် နိုင်ငံရေးနဲ့ ခိုင်မာတဲ့ လူမှု့ ကာကွယ်စောင့်ရှောက်မှုစနစ် အောင်မြင်စွာ တည်ဆောက်ဖို့ အတွက် ဘတ်ဂျက်ကို အကျိုးရှိရှိ အသုံးပြုနိုင်ခဲ့ကြပါတယ်။ ဒါကြောင့် ဘတ်ဂျက် ပြဿနာ တက်နေတဲ့ အမေရိကရော အခြား ကမ္ဘာ့ တိုင်းပြည်တွေပါ မောရေးရှ ရဲ့ အတွေ့အကြုံကနေ သင်ခန်းစာ ယူစရာတွေ ရှိလာပါတယ်။

ပြီးခဲ့တဲ့ လပိုင်းက လူဦးရေ ၁.၃ သန်း ရှိတဲ့ အဲဒီ အပူပိုင်း ကျွန်းစုနိုင်ငံလေးဆီ ကျနော် အလည်သွားခဲ့ပါတယ်။ အမေရိက နဲ့ အခြားနိုင်ငံတွေမှာ အချေအတင် ဒီဘိတ် လုပ်နေရတဲ့ ပြဿနာတွေကို မောရေးရှမှာ အံဩဖွယ် ကောင်းအောင် အောင်မြင်မှု ရနေတာ မြင်တွေ့ခဲ့ရ ပါတယ်။

အိမ်ပိုင်ဆိုင်မှု ကိစ္စကိုပဲ စဉ်းစားကြည့်ပါ။ အမေရိကန် လူဦးရေ ၇၀ ရာခိုင်နှုန်း အိမ်ပိုင်ဆိုင်ရေး အတွက် အစိုးရရဲ့ တိုးချဲ့ လုပ်ဆောင်မှုကြောင့် စီးပွားရေးနဲ့ ဘဏ္ဍာရေး အကျပ်အတည်း ဖြစ်ခဲ့ရတယ်လို့ အမေရိကန် ကွန်ဆာဗေးတစ်တွေ ပြောနေစဉ်မှာပဲ၊ မောရေးရှ မှာတော့ အိမ်မြေ ဈေးကွက် ဘာပြဿနာမှ မရှိဘဲ နိုင်ငံသား ၈၇ ရာခိုင်နှုန်း အိမ်ပိုင်ဖြစ်အောင် စီစဉ်ကြ ပါတယ်။

နောက် မောရေးရှ ရဲ့ ဂျီဒီပီက တစ်နှစ် ၅ ရာခိုင်နှုန်းနဲ့ နှစ် ၃၀ နီးပါး ပုံမှန် တိုးတက်နေခဲ့ပါတယ်။ ဒါဟာ ထူးဆန်းတဲ့ အောင်မြင်မှုမျိုးပါ။ တကယ်က မောရေးရှမှာ စိန်၊ ရေနံနဲ့ အဖိုးတန်ပစ္စည်းအချို့ ရှိတယ်ဆိုပေမဲ့၊ နိုင်ငံခြားကို တင်ပို့ ရောင်းချရလောက်အောင် တူးဖော်ရမယ့် သဘာဝရင်းမြစ်တွေ မရှိပါဘူး။ အဲဒီ စိတ်ပျက်ဖွယ် အခြေအနေကို မျှော်လင့်ချက်နဲ့ အလားအလာတွေ အဖြစ် ပြောင်းပစ်နိုင်ခဲ့ပါတယ်။

၁၉၆၈ ခုနှစ် ဗြိတိန်ထံက လွတ်လပ်ရေးရပြီးချိန်မှာ မောရေးရှရဲ့ တစ်ဦးချင်းဝင်ငွေက ဒေါ်လာ ၄၀၀ အောက်မှာသာ ရှိခဲ့ပြီး၊ ကနေ့ ဒေါ်လာ ၆,၇၀၀ အထက် ရောက်လာပါတယ်။ လွန်ခဲ့တဲ့ နှစ် ၅၀ မှာ သကြားချက် လုပ်ငန်းလောက် ရှိရာကနေ နိုင်ငံခြား ခရီးသွားလုပ်ငန်း၊ ဘဏ်လုပ်ငန်း၊ အဆင့်မြင့် နည်းပညာလုပ်ငန်း၊ ချည်မြှင်နဲ့ အထည်လုပ်ငန်း၊ နိုင်ငံခြားတင်ပို့တဲ့ သီးနှံ စိုက်ပျိုးရေးလုပ်ငန်းတွေ ရှိလာပါတယ်။

ခရီးစဉ်အတွင်း ကျနော်စိတ်ဝင်စားတာက ‘မောရေးရှ ပဉ္စလက်’ လို့ လူအချို့ ချီးကျူး ပြောဆိုနေကြတဲ့ဟာကို နားလည်ဖို့နဲ့ အခြား နိုင်ငံတွေ မောရေးရှကနေ သင်ယူနိုင်မယ့် အရာကို လေ့လာကြည့်ဖို့ ဖြစ်ပါတယ်။ တကယ်လည်း အမေရိကန် ပြည်ထောင်စုက နိုင်ငံရေးသမားတွေနဲ့ ဘတ်ဂျက် ပြဿနာ ငြင်းခုံနေရတဲ့ အခြားတိုင်းပြည်တွေက အစိုးရတွေအတွက် မောရေးရှ ကနေ လေ့လာသင်ယူစရာ သင်ခန်းစာတွေ အများကြီး ရှိနေပါတယ်။

ပထမ။ မေးခွန်းက အခမဲ့ ပညာရေး၊ အခမဲ့ ကျန်းမာရေး စောင့်ရှောက်မှုနဲ့ အိမ်ယာပိုင်ဆိုင်ခွင့် အများအပြား မောရေးရှ အစိုးရက သူ့လူထုကို လုပ်ဆောင်ပေးသလို ကျနော်တို့ လုပ်နိုင်မလား ဆိုတဲ့ဟာမဟုတ်။ မောရေးရှတွေ တတ်နိုင်ရင် သူတို့ထက် အဆပေါင်းများစွာ ချမ်းသာတဲ့ အမေရိကနဲ့ ဥရောပ က လုပ်နိုင်ရမှာပဲ ဖြစ်ပါတယ်။

ဒီတော့ မေးရမယ့် မေးခွန်းက လူ့အဖွဲ့အစည်းကို သူတို့ ဘယ်လို စုစည်းကြသလဲ။ လှုမှု့ သဟာဇတဖြစ်ဖို့၊ ၀ဲလ်ဖဲယား ဆောင်ရွက်ဖို့၊ စီးပွားရေး တိုးတက်မှု လုပ်ဆောင်ဖို့၊ ဆင်းရဲချမ်းသာ မညီမျှမှု လျှော့ချဖို့ မောရေးရှတွေ ဘယ်လို နည်းလမ်း နဲ့ ဆောင်ရွက်ကြသလဲဆိုတာ မေးဖို့ အဓိက ဖြစ်လာပါတယ်။

ဒုတိယ။ အခြားနိုင်ငံလေးတွေနဲ့ မတူတဲ့အချက်က မောရေးရှ က စစ်ရေး အသုံးစရိတ်ဆိုတာကို ဖြုန်းတီးမှု သက်သက်ပဲလို့ ဆုံးဖြတ်ထားတဲ့ အချက်ပါ။ ဒီအချက်က ဘာဖော်ပြသလဲဆိုရင် အမေရိကန်အစိုးရအနေနဲ့ မရှိတဲ့ ရန်သူအပေါ် သုံးစွဲလိုက်တဲ့ စစ်လက်နက် ငွေကြေးတိုင်းကို ပညာရေး ကျန်းမာရေး မတတ်နိုင်ရှာသူတွေ အတွက် အသုံးပြုပြီး ပိုမို လူသားဆန်တဲ့ လူ့အဖွဲ့အစည်း ဖန်တီးဖို့ လိုပြီဆိုတာကို မော်ရေးရှက သင်ပြနေပါတယ်။

တတိယ။ မောရေးရှ က သဘာဝရင်းမြစ်တွေကို အဓိကမထားဘဲ လူသားရင်းမြစ်ကို ထူးထူးခြားခြား အလေးပေးပါတယ်။ အဲဒီ လူသားရင်းမြစ် တန်ဖိုးထားမှုက တိုင်းပြည်ရဲ့ ဘာသာရေး၊ လူမျိုးရေး၊ မတူကွဲပြားတဲ့ နိုင်ငံရေး၊ အားလုံးအတွက် ပညာရေး ဆိုတာတွေမှာ လူ့မှုညီညွတ်မှု ဖြစ်ထွန်းဖို့ အတွက် အရေးပါလာပါတယ်။ အစိုးရ၊ အလုပ်သမားနဲ့ အလုပ်ရှင်များကြားမှာ ပူးပေါင်းဆောင်ရွက်မှု ဖြစ်လာပြီး ဒီမိုကရက်တစ် အင်စတီကျူးရှင်း ပေါ်ထွန်းဖို့ ကတိက၀တ်တွေ ဖြစ်လာပါတယ်။

မောရေးရှမှာ ဘာပြဿနာမှ မရှိဘူးလို့ ပြောနေတာတော့ မဟုတ်ပါ။ အခြား အောင်မြင်တဲ့ ဈေးကွက် တိုင်းပြည် အများစုလိုပဲ ငွေကြေး လဲလှယ်မှုနှုန်းမှာ ပြဿနာ ရှိတယ်။ ပြင်ပက တင်ပို့တဲ့ စားသောက်ကုန် ပြဿနာနဲ့ လောင်စာစွမ်းအင် ဈေးတက်တာတွေ ရှိနေတယ်။ ငွေကြေး ဖောင်းပွလာတာနဲ့အမျှ အလုပ်လက်မဲ့ အတော်အတန် ပါလာပါတယ်။ ဒီတော့ ငွေကြေးစီးဆင်းမှု ထိန်းချုပ်ဖို့၊ ချမ်းသာသူတွေဆီက ၀င်ငွေခွန် တိုးမြှင့်ကောက်ဖို့၊ ဘဏ်စနစ် ပြုပြင်ဖို့တွေကို အစိုးရ ကိုယ်တိုင် ဈေးကွက်ထဲ ၀င်ရောက် ထိန်းညှိပေးရမယ့် အခြေအနေတွေ ရှိနေပါတယ်။

အစိုးရအတွက် ရင်ဆိုင်ဖြေရှင်းဖို့ ဘယ်လိုအခက်အခဲရှိရှိ လက်ရှိ မောရေးရှဟာ စီးပွားရေး နိုင်ငံရေး ငြိမ်းချမ်းရေး တည်ငြိမ် တိုးတက်မှုတွေနဲ့အတူ အံ့ဖွယ်ပဉ္စလက် ကျွန်းနိုင်ငံလေး ဖြစ်နေပါတယ်။ သူ့ရဲ့ အောင်မြင်မှုတွေကို အများငေးကြည့်လာရပေမဲ့ တကယ်တော့ မောရေးရှ ဟာ လွတ်လပ်ရေး နေ့ရက်များ ကတည်းက ကိုလိုနီ ဆိုးမွေတွေ နဲ့အတူ ရုန်းကန်နေရဆဲ ဖြစ်ပါတယ်။

ကိုလိုနီအမွေဆိုးအဖြစ် မြေယာနဲ့ ဓန မညီမျှမှုတွေ၊ ကမ္ဘာ့ နိုင်ငံရေးအကြား မြေဇာပင် ဖြစ်ခံရမှုတွေ ရှိခဲ့ပါတယ်။ ဒီရေဂို ဂါစီယာ ဆိုတဲ့ မောရေးရှ ကမ်းလွန်ကျွန်းကို အမေရိကန်က ဗြိတိသျှထံက ယူပြီး ရေတပ် အခြေစိုက်စခန်း လုပ်ထားပေမယ့် ဘာလျှော်ကြေးမှ မပေးပါဘူး။ ဗြိတိန်ကလည်း ကုလသမဂ္ဂနဲ့ နိုင်ငံတကာ ဥပဒေ ချိုးဖောက်ရင်း မော်ရေးရှ ရဲ့ ချာဂိုးစ် ကျွန်းတွေကို ဆက်ထိန်းထားဆဲ ဖြစ်ပြီး ကျွန်းသူ ကျွန်းသားတွေကို မောင်း ထုတ်ခဲ့ပါတယ်။

အခု အမေရိကန် အနေနဲ့ ငြိမ်းချမ်းတဲ့ ဒီမိုကရက်တစ် နိုင်ငံတစ်နိုင်ငံ လုပ်ပေးချင်သပဆိုရင် မောရေးရှ နိုင်ငံက ဒီရေဂို ဂါစီယာကျွန်း ပိုင်ဆိုင်မှုအပေါ် အသိအမှတ်ပြု ပေးသင့်ပါတယ်။ မောရေးရှ ဆီက တရားဝင် ငှားရမ်းမှုမျိုးကိုပဲ လုပ်သင့်ပါတယ်။ ဆယ်စုနှစ် များစွာ တရားမ၀င် သိမ်းပိုက် ရေတပ်စွဲ ထားတာအတွက် ထိုက်တန်တဲ့ လျော်ကြေးငွေ ပေးသင့်ပါတယ်။

ရဲနွယ်မိုး   မောက္ခမှ ကူးယူဖော်ပြပါသည်။

ရည်ညွှန်း Project Syndicate

(Joseph E. Stiglitz မှာ ကိုလံဘီယာ တက္ကသိုလ်မှ နိုဘယ်ဆုရ စီးပွားရေး ပညာရှင် ဖြစ်သည်။

Read More

ကျမ တော်တော်ညံ့ခဲ့ပါတယ်

ကြွရောက်လာကြတဲ့ ပါမောက္ခများ၊ ဆရာ ဆရာမများ၊ စာပေ၀ါသနာရှင်များ၊ ကျောင်းသူကျောင်းသား များကို အခုလို မျက်နှာချင်းဆိုင်ပြီးတော့ ရင်းနှီးစွာ စကားပြောခွင့်ရတဲ့အတွက် အထူးပဲ ကျေးဇူးတင် ၀မ်းမြောက်တယ်ဆိုတာ ပထမဦးစွာ ပြောကြားလိုပါတယ်။ (သြဘာသံများ)


ဒီကနေ့ည ကျမ ဟောပြောဖို့ ရွေးချယ်ထားတဲ့ခေါင်းစဉ်က 'ကျမ တော်တော်ညံ့ခဲ့ပါတယ်' ဆိုတဲ့ ခေါင်းစဉ် ဖြစ်ပါတယ်။ ဒီခေါင်းစဉ်ကို ကြားလိုက်ရတဲ့အခါမှာ ဒီစာပေဟောပြောပွဲကို တကူးတကန့် လာရောက်နားထောင်လိုတဲ့ ပရိသတ်အနေနဲ့ အံ့သြချင် အံ့သြမိမယ်။ စိတ်ပျက်လက်ပျက် ရီမိချင် ရီမိလိမ့်မယ်။ ဒီစာပေဟောပြောပွဲကို လာပြီးတော့ နားထောင်တာဟာ နင်တို့တွေ၊ ခင်ဗျားတို့တွေဆီက တော်တာတွေများ ကြားရမလား၊ အဲဒီမျှော်လင့်ချက်ကလေးနဲ့ လာပြီးနားထောင်တာ၊ ညံ့တာတွေတော့ ငါတို့ မကြားချင်ဘူး၊ စိတ်ပျက်လက်ပျက် ရီမိချင် ရီမိလိမ့်မယ်။ ကျမကလဲ ကျမ သိတ်တော်တဲ့အကြောင်းကို ပြောပြချင်ပါတယ်။ ဒါပေမယ့် ကံဆိုးချင်တော့ ကျမဟာ ဘ၀မှာ တခါမှ မတော်ခဲ့ဘူးသေးပါဘူး။ (အော်ဟစ်သံများ)

ဒီတော့ ကျမ ပြန်ကြည့်လိုက်တဲ့အခါမှာ ကိုယ့်ကိုယ်ကို ညံ့နေတာပဲတွေ့တော့ ကျမရဲ့ ပရိသတ်ရှေ့မှာ ကျမညံ့တဲ့အကြောင်းကိုပဲ ၀န်ခံတာဟာ ရိုးသားမှု အရှိဆုံး ဖြစ်လိမ့်မယ်လို့ ကျမ တွေးပါတယ်။ အဲ့ဒါကြောင့် အခုလို စင်မြင့်ပေါ် တက်လာပြီး တော့ ကျမညံ့တဲ့အကြောင်းတွေ ပြောရတာ ကျမ အများကြီး ၀မ်းလဲနည်းမိပါတယ်။ (လက်ခုပ်သံများ) ဒါပေမယ့် မတတ်နိုင်ပါဘူး၊ ကျမ ညံ့တဲ့အကြောင်းကတော့ ပြောရမှာပဲ။
ကျမကတော့ ညံ့တဲ့အကြောင်းတခုပဲ ပြောစရာ ရှိလို့ပါ။ ဒီတော့ အဲဒီလို စိတ်ပျက်နေတဲ့သူ၊ ဒေါသထွက် နေတဲ့ သူတွေအတွက် ကျမ အကြံကောင်းလေးတခုတော့ ပေးနိုင်ပါတယ်။ တော်တာတွေကို မြင်ချင် ကြားချင်ရင်တော့ စာပေဟောပြောပွဲကို လာစရာမလိုပါဘူး။ တော်တာတွေကို မြင်ချင်ကြားချင် ဂုဏ်ယူချင်တယ် ဆိုရင် မြန်မာ့ရုပ်မြင်သံကြားကို ကြည့်ကြပါ။ (အော်ဟစ် လက်ခုပ်သံများ) အခုအချိန်က စပြီးတော့ 'ဂျူး' ရဲ့ ညံ့ဖျင်းမှုတွေကို ၀န်ခံပါတော့မယ်ရှင်။

ကျမဟာ အများသိကြတဲ့အတိုင်း ဆရာဝန် စာရေးဆရာ ဖြစ်ပါတယ်။ (အော်ဟစ်သံများ) ကြွားတာ မဟုတ်ပါဘူး။ အဲ့ဒီတော့ ဆရာဝန်အလုပ်လဲ တပြိုင်နက်လုပ်တယ်။ စာရေးတဲ့အလုပ် လဲ တပြိုင်နက်လုပ်တယ် ဆိုတော့ ဘယ်အလုပ်မှာများ ကျမ ညံ့ပါသလဲလို့ မေးခဲ့ရင် ကျမ ဖြေချင်လို့ပါ။ ကျမဟာ အလုပ်နှစ်မျိုးစလုံးမှာ ညံ့ဖျင်းပါတယ်။ အဲ့ဒီတော့ ကျမ ညံ့ခဲ့တဲ့အကြောင်းတွေကို ပြောပြပါမယ်။ ကျမဟာ ငယ်ငယ်ကလေးကတည်းက ညံ့ပါတယ်။ ကျမ ငယ်ငယ်တုန်းက မြန်မာနိုင်ငံအကြောင်း ပထ၀ီဝင်ဘာသာမှာ သင်ရသော်လဲ မြန်မာနိုင်ငံရဲ့ စီးပွါးရေးအမြင် ဘာမှ မရှိခဲ့ပါဘူး။ (လက်ခုပ်သံများ) ကျမ တတိယတန်းအရွယ် လောက်မှာ မြန်မာ့ ပထ၀ီဝင်ဘာာသာကို သင်ရပါတယ်။ အဲ့ဒီမှာ မြန်မာနိုင်ငံရဲ့ သံယံဇာတတွေအကြောင်း စာသင်ရပါတယ်။ မြန်မာနိုင်ငံဟာ သယံဇာတ အလွန်ပေါများကြွယ်ဝတဲ့ နိုင်ငံဖြစ်ပါတယ်။ ဆန်စပါးတွေ ထွက်တယ်။ ကျွန်းသစ်တွေ ထွက်တယ်။ ရေနံတွေလဲ ထွက်ပါတယ်။ ရေနံထွက်တာလဲ ကျမ မျက်မြင်ကိုယ်တွေ့ ပါပဲ။ ကျမက ရေနံချောင်းသူ ဖြစ်ပါတယ်။

ရေနံချောင်းသူဆိုတော့ ကျမတို့ ရေနံမြေကနေ ဖြတ်သွားတဲ့အခါမှာ ရေနံတူးစင်ကြီးနဲ့ ရေနံတူးနေတာ တွေ၊ တူးပြီးသား ရေနံတွင်းတွေကနေ ပိုက်လုံးတွေနဲ့ မောင်းတံတွေနဲ့ စုပ်ယူပြီးတော့ ရေနံလှောင်ကန်ထဲ ထည့်နေတာတွေ ကျမ မျက်မြင်ကိုယ်တွေပါပဲ။ အဲ့ဒီ ရေနံလှောင်ကန်တွေထဲက များပြားလှတဲ့ ရေနံတွေ ဘယ်ရောက်သွားလဲဆိုတာတော့ ကျမက မမြင်ရဘူးပေါ့။ (လက်ခုပ်သံများ) ကျမ မြင်ရတာက ရေနံလှောင်ကန်ပဲ မြင်ရတာကိုး။ အဲ့ဒီတော့ အဲ့ဒါ ရေနံနဲ့ ပါတ်သက်တဲ့ အပိုင်းပါ။ နောက်ထပ် သံယံဇာတတွေ အများကြီး ထွက်တယ်လို့ သိရပါတယ်။ ဥပမာ တွင်းထွက်ပစ္စည်းတွေ၊ ကျောက်မီးသွေးလဲ ထွက်ပါတယ်။ ပတ္တမြား၊ နီလာ၊ ရွှေ၊ ရွှေကြောကြီးတွေလဲ မြန်မာနိုင်ငံမှာ အများကြီး ရှိပါတယ်။ ဒီတော့ ဒီ ရွှေ၊ ငွေ၊ ကျောက်သံပတ္တမြားတွေ အပြင် ကျောက်မီးသွေး၊ ခဲမဖြူတို့၊ အဖြိုက်နက်တို့ မြန်မာနိုင်ငံမှာ မထွက်တဲ့ တွင်းထွက်ဆိုတာ မရှိသလောက် အများကြီး ထွက်ခဲ့ပါတယ်။ နောက်ပြီးတော့ မြန်မာ့ပိုင်နက် ပင်လယ်ရေပြင်ဆိုတာ အများကြီး ရှိပါတယ်။ ပင်လယ်ပြင်ကထွက်တဲ့ ငါးပုစွန်တွေဟာ မြန်မာပြည်သူလူထု စားသုံးလို့တောင် မကုန်တဲ့အတွက် စည်သွတ်ဗူး တွေနဲ့ ဒါမှမဟုတ် ရေခဲရိုက်ပြီးတော့ နိုင်ငံခြားကိုတောင် တင်ပို့ရောင်းချလို့ ရပါတယ်တဲ့။ ဒီတော့ တတိယတန်း ကျောင်းသူ ကျမဟာ ကျမနိုင်ငံကို ကျမ တော်တော် ဂုဏ်ယူခဲ့ပါတယ်။ (လက်ခုပ်သံများ) သယံဇာတတွေ သိပ်များတာပဲပေါ့။ ဒါပေမယ့် တနေ့ကျတော့ ကျမက ကျောင်းစာအပြင် တခြားပြင်ပမဂ္ဂဇင်းတခုကို သွားဖတ်မိပါတယ်။ သွားဖတ်တော့ အဲဒီအချိန်မှာ ကျမ စာတော့ ဟုတ်တိပတ်တိ မဖတ်ဖူးသေးပါဘူး။ ဒါပေမယ့် ဆောင်းပါးတို့ ပုံပြင်တို့ဆိုရင် တကြောင်းစ နှစ်ကြောင်းစ ဖတ်တတ်နေပါပြီ။ အဲ့ဒီမှာ ကံဆိုးစွာနဲ့ စာကြောင်းလေးတကြောင်း သွားတွေ့ပါတယ်။ အဲ့ဒီ စာကြောင်းလေးကို ကျမ အခုထိ မမေ့နိုင်သေးပါဘူး။'မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံများတွင် တတိယမြောက် လိုက်ပါသည်တဲ့'။ (အော်ဟစ်သံများ၊ လက်ခုပ်သံများ)

အဲ့ဒီတော့ ကျမက ပထ၀ီ သင်ခါစ တတိယတန်းကျောင်းသူ အမြင်နဲ့ဆိုတော့ ကျမ ဒီလိုပဲ မြင်တာပေါ့။ တကယ်တမ်းတော့ နိုင်ငံတခု တိုးတက်ကြီးပွါးဖို့ သယံဇာတ ထွက်ရုံနဲ့တင် မလုံလောက်ပါဘူး။ (လက်ခုပ်သံများ) ဒါ ကျမရဲ့ အပြောမဟုတ် ပါဘူး။ ကမ္ဘာ့စီးပွါးရေး ပညာရှင်တွေပြောတဲ့ အပြောပါ။ သူတို့က ဘယ်လိုပြောသလဲဆိုတော့ နိုင်ငံတခု တိုးတက်ကြီးပွါးဖို့ အချက်ကြီး (၄)ချက် လိုပါတယ်တဲ့။ သယံဇာတ၊ သဘာဝသယံဇာတ (Natural Resource) လို့ခေါ်တဲ့ သဘာဝသယံဇာတတွေ ပေါများဖို့တဲ့။ နံပါတ် (၂)ကတော့ အစဉ်အဆက်က ကြီးပွါးခဲ့တဲ့၊ အစဉ်အဆက်က ရှိခဲ့တဲ့ အရင်းအနှီး၊ နံပါတ် (၃) က Technology လို့ခေါ်တဲ့ နည်းပညာအသစ်အဆန်းတွေ၊ နံပါတ် (၄) ကတော့ အဲ့ဒီနည်းပညာကို ကျွမ်းကျင်သူတွေ၊ အဲဒီ လေးမျိုးလုံး ရှိတဲ့ နိုင်ငံဟာ (သို့မဟုတ်) လေးမျိုးမှာ သုံးမျိုးလောက် ရှိတဲ့နိုင်ငံဟာ အဲ့ဒီ နိုင်ငံဟာ ချမ်းသာပါတယ်တဲ့။

အဲ့ဒီတော့ ကျမတို့ မြန်မာနိုင်ငံက (၁) သယံဇာတတွေတော့ ပေါများကြွယ်ဝပါတယ်။ နောက် နံပါတ် (၂) (၃) (၄) ရှိ မရှိတော့ ကျမ မသိပါဘူး။ (လက်ခုပ်သံများ) အဲ့ဒီတော့ ကျမ ညံ့တဲ့အကြောင်းက အဲ့ဒီက စ ပါတယ်။ နောက်ထပ် ကျမ ညံ့တဲ့အကြောင်းကို ပြောရရင်တော့မြန်မာနိုင်ငံရဲ့ နိုင်ငံရေးနဲ့ ပတ်သက်လို့ ကျမ ညံ့တာပါ။ နိုင်ငံရေးအမြင် ဘာမှ မရှိခဲ့တဲ့ ကျောင်းသူတယောက်အကြောင်း ကျမ ပြန်ပြောပါမယ်။ စတုတ္ထတန်း (ဒါမှမဟုတ်) ပဉ္စမတန်း အရွယ် လောက် ကလေးဘ၀မှာ ကျမတို့ နိုင်ငံမှာ အရေးအခင်းတခု ဖြစ်ခဲ့ပါတယ်။ အဲ့ဒီ အရေးအခင်းမှာ မြို့ကြီးတွေ၊ ရန်ကုန်၊ မန္တလေးတွေကနေ ပြီးတော့ စတင် ဖြစ်ပွါးခဲ့ပြီးတော့ ကျမတို့ဆီကို တဖြည်းဖြည်းနဲ့ ပျံ့နှံ့လာခဲ့ပါတယ်။ အဲ့ဒီ အရေးအခင်းကတော့ တရုတ်-ဗမာ အရေးအခင်းပါ။ တရုတ်တွေနဲ့ ဗမာတွေ ချကုန်ပြီးလို့ (ရီသံများ) ကျမတို့ ကြားရပါတယ်။

ကျမတို့ ရေနံချောင်းမှာ တရုတ်လူမျိုးတွေ အများကြီး ရှိပါတယ်။ ကျမတို့ ရေနံချောင်းက တရုတ်လူမျိုးတွေနဲ့ ဗမာလူမျိုးတွေတော့ မချကြပါဘူး။ ကျမတို့ အချင်းချင်းတော့ ခင်ခင်မင်မင်ပါပဲ။ ကျမတို့ ကျောင်းမှာ အတန်းထဲမှာ ကျမတို့နဲ့ စာပြိုင်ဖက် တရုတ်မလေး ၃ - ၄ ယောက် ရှိပါတယ်။ သူတို့နဲ့ ကျမတို့လဲ စာမေးဖော် မေးဖက် ရင်းရင်းနှီးနှီး ခင်ခင်မင်မင်ပါပဲ။ ဒါပေမယ့် မြန်မာနိုင်ငံမှာတော့ တရုတ်-ဗမာ အရေးအခင်း ဖြစ်နေပြီလို့ သိရပါတယ်။ ဒီတော့ ကျမတို့လဲ လက်ခံလိုက်ရုံပဲပေါ့။ တရုတ်တွေနဲ့ ဗမာတွေ ချကုန်ပြီ၊ ဒီလောက်ပဲ သဘောထားလိုက်ပါတယ်။ တရက်တော့ ကျမတို့ ကျောင်းတက်နေတဲ့အချိန်မှာ ဆရာမက ကျမတို့ကို ပြောပါတယ်။ တို့တတွေ မနက်ဖန် ရောက်လို့ရှိရင် ဒီမြို့ရဲ့ လမ်းတွေပေါ်မှာ ကျောင်းသားတွေ အားလုံးတန်းစီ လမ်းတလျှောက် ချီတက်ရမယ်တဲ့ (လက်ခုပ်သံများ) အဲဒီတော့ ကျမက ကျောင်းစာသင်တဲ့အချိန်မှာ အပြင်ထွက် ရမယ်ဆိုတော့ သိပ်ပျော်သွားပါတယ်။ (ရီသံများ) အဲ့ဒါနဲ့ပဲ ကျမတို့ တက်တက်ကြွကြွနဲ့ပဲ လိုက်ဖို့ စီစဉ်ပါတယ်။ ဆရာမက ပြောတယ်။ နင်တို့အားလုံး စည်းကမ်းရှိရှိ သေသေ၀ပ်ဝပ် ချီတက်ရမယ်နော်တဲ့။ နှစ်ယောက်တတွဲ တွဲလို့ရတယ်။ နင်တို့ ကြိုက်တဲ့လူနဲ့ နင်တို့ တွဲကြပါတဲ့။ အဲ့ဒါနဲ့ ကျမကလဲ ကျမရဲ့ လက်တွဲဖော်အဖြစ် တရုတ်မလေးကို ရွေးလိုက်ပါတယ်။ ကျမနဲ့ ကျမသူငယ်ချင်း တရုတ်မလေးဟာ တရုတ်ဗမာအရေးအခင်း မှန်ကန်ကြောင်း ထောက်ခံဖို့ မြို့ထဲမှာ ချီတက်လမ်းလျှောက်ခဲ့ပါတယ်။ (ရီသံများ လက်ခုပ်သံများ) အဲ့ဒီတော့ ကျမတို့က ၂ ယောက်တတွဲ လမ်းလျှောက် လမ်းတွေပေါ်မှာ ချီတက်ကြတယ်။ ရိုးရိုးတန်းတန်း ချီတက်ကြတာ မဟုတ်ဘူး။ ရှေ့က တယောက်က စာရွက်တွေနဲ့ တိုင်ပေးတယ်။ ကျမတို့က နောက်ကနေပြီး လိုက်အော်ရတယ်။ လိုက်အော်တော့လဲ တို့အရေး၊ တို့အရေး ပေါ့။ ရှေ့က ဘာအောသလဲတော့ ကျမတို့ ကောင်းကောင်း မကြားရဘူး။ (ရီသံများ) အဲ့ဒီလိုနဲ့ ရှေ့ကတယောက်က တိုင်ပေးလိုက်၊ ဘာမှမသိပဲ နောက်က တို့အရေး အော်လိုက်၊ အော်ရင်းနဲ့ပဲ လမ်းတကာကို ရောက်ခဲ့ပါတယ်။ အဲ့ဒီမှာ ကျမတို့ ကျောင်းသားတွေကို လမ်းလျှောက်ရတာ၊ အော်ရတာ မောရင် ရေသောက်ရအောင်၊ အအေးသောက်ရအောင် ဆိုပြီးတော့ အိမ်တွေကနေပြီး အိမ်ရှေ့မှာ စာပွဲလေးတွေ ခင်းပြီးတော့ ကျမတို့ကို အစားအစာတွေ ကျွေးမွေးပါတယ်။ ကျမတို့လဲ အလကားရတာမှန်သမျှ အကုန်စားပါတယ်။ (ရီသံများ) အကျင့်က ပါနေတာကိုး (ရီသံများ)
ဗမာက ကျွေးကျွေး၊ တရုတ်က ကျွေးကျွေး အကုန်စားပါတယ်။ (ရီသံများ) ဒီလိုနဲ့ပဲ နည်းနည်း နေမြင့်လာတဲ့အခါမှာ ကျမတို့ ကျောင်းကို ပြန်ရပါတယ်။ ကျောင်းရှေ့မှာ အင်မတန် ကျယ်ဝန်းတဲ့ မြေတလင်းပြင်ကြီး ရှိပါတယ်။ အဲ့ဒီမှာ အားလုံးစုရုံးပြီးတော့ အတန်းလိုက် အတန်းလိုက် ကိုယ့်လူစုနဲ့ကိုယ် စုရုံးကြပါတယ်။

အဲဒီမှာ ကျမတို့ ဆရာမက ဘာပြောလဲဆိုတော့၊ အော်... ကျမ မေ့နေလို့၊ ကျမတို့ လမ်းလျှောက်တဲ့ အခါမှာ ဒီအတိုင်း လက်လွတ်လျှောက်ရတာ မဟုတ်ဘူး။ 'ခေါင်း' ကြီးတွေကို ကြိုးနဲ့ ဆွဲပြီးတော့ ဒီ ခေါင်းကြီးတွေကတော့ ကျမတို့ ကျောင်းသားလေးတွေ ဆွဲနိုင်အောင်ပါ။ စက္ကူတွေနဲ့လဲ ခေါင်းပုံစံ ဖြစ်အောင် ရေးထားပါတယ်။ အဲ့ဒီထဲမှာလဲ ကျမတို့ မျက်စိရှေ့မှာ စက္ကူစုတ်တွေ ထည့်ထားတာ မြင်ရပါတယ်။ ဒါပေမယ့် အဲ့ဒီ စက္ကူစုတ်တွေကို ကျမတို့က စက္ကူစုတ်တွေလို့ မမှတ်ရဘူးတဲ့။ အဲဒီအထဲမှာ အလောင်းတွေ ပါတယ်လို့ မှတ်ရမယ်တဲ့။ အဲ့ဒီမှာမှ ကျမ ပထမဦးဆုံး နံမည်တခုကို ကြားဖူးပါတယ်။ အဲ့ဒီနာမည်ကတော့ မော်စီတုန်းတဲ့။ မော်စီတုန်းဆိုတဲ့နာမည်ကို အဲဒီအချိန်မှာမှ ပထမဦးဆုံး ကြားဖူးတာပါ။ မော်စီတုန်း ကျဆုံးပါစေ ပေါ့။ အဲ့ဒီလို ဆိုတယ်လို့ ကျမ ထင်ပါတယ်။ ဒီလိုနဲ့ ကျောင်းရှေ့ကို ပြန်ရောက်တော့ ကျမတို့ ဆရာမက အဲဒီ ခေါင်းကြီးကို မီးရှို့ရမယ်လို့ ပြောတယ်။ ဒီတော့ ကျမက သူများအော်ရင်သာ နောက်ကနေ တို့အရေး လိုက်အော်ရဲတာ။ ကျမကတော့ မီးရှို့ဖိုတော့ ကြောက်ပါတယ်။ ကြောက်တော့ ကျမက နောက်ဆုတ်တယ်။ အဲ့ဒီအချိန်မှာ ဆရာမက ကျမကို ရှေ့ထွက်ခိုင်းတယ်။ ကျမက အတန်းရဲ့ မော်နီတာ ဖြစ်ပါတယ်။ (ရီသံများ)

"တင်တင်ဝင်း နင်ရှေ့ထွက် နင်မီးရှို့ ရမယ်" လို့ ပြောတယ်။ အဲ့ဒီတော့ ကျမက မရှို့ရဲဘူးဆိုပြီး နောက်ကို ကပ်တယ်။ အဲဒီတော့ ကျမတို့ နှစ်ယောက်ရဲ့ အဖြစ်အပျက်ကို မကြည့်ရက်တဲ့ နည်းနည်းအသက်ကြီးတဲ့ ကျောင်းသူတယောက်က ကျမတို့နှစ်ယောက် ကိုယ်စား ဖြေရှင်းပေးလိုက်ပါတယ်။ သူပဲ ဆက်ပြီးတော့ မီးရှို့တယ်။ (ရီသံများ) ကျမဟာ ဒီလို နိုင်ငံရေးမရှိအောင် ညံ့တယ်ဆိုတာ ကျမ ၀န်ခံပါတယ်။ ဒါ ကျမရဲ့ စီးပွါးရေး ညံ့ဖျင်မှု၊ နိုင်ငံရေး ညံ့ဖျင်းမှုပါ။ ဒါပေမယ့် အဲဒီလိုသာ ညံ့တယ်။ ကျမက ဘာဖြစ်ချင်သလဲဆိုတော့ ကျမဘ၀မှာ အဖြစ်ချင်ဆုံး ဆန္ဒတခုက စာရေးဆရာ ဘ၀တခုပါပဲ။ စတုတ္ထတန်းအရွယ် ကတည်းက ကျမဟာ စာရေးဆရာတယောက် ဖြစ်ချင်ခဲ့ပါတယ်။ စာရေးဆရာဖြစ်ဖို့ ကျမကို တွန်းအားပေးတဲ့ အချက်တွေ အများကြီး ရှိပါတယ်။ အဲဒါကတော့ ကျမ ဖတ်ခဲ့တဲ့ စာအုပ်တွေပါပဲ။ ကျမဟာ ကျောင်းစာက လွဲပြီးတော့ အပြင်ဘက်စာပေတွေကို မဂ္ဂဇင်းတွေကို အများ ဖတ်ခဲ့ ပါတယ်။ ကျောင်းစာထက် ပိုပြီးတော့ ဖတ်ခဲ့ပါတယ်။ အဲ့ဒီတော့ ကျမ မှတ်မိသလောက်ပေါ့၊ ကျမ ဖတ်ခဲ့တဲ့ စာအုပ်တွေဟာ အများကြီးပါပဲ။ စာရေးဆရာကြီး တက္ကသိုလ်ဘုန်းနိုင်၊ စာရေးဆရာကြီး ဓူဝံ၊ ဆရာမကြီး ဒေါ်ခင်နှင်းယု၊ ဂျာနယ်ကျော်မမလေး၊ သူတို့ စာအုပ်တွေကို ကျမ ဖတ်ပါတယ်။ အဲ့ဒီမှာ ကျမဘ၀မှာ ပထမဦးဆုံး ဖတ်ဖူးတဲ့ စာအုပ်တအုပ်ကို အခုထိ မှတ်မိပါတယ်။ ဒါဟာ ကျမအတွက် ပထမဦးဆုံး ၀တ္ထုပါ။ အဲ့ဒါကတော့ စာရေးဆရာကြီးဓူဝံရဲ့ 'မာလာ' လို့ အမည်ရတဲ့ ၀တ္ထု ဖြစ်ပါတယ်။ 'မာလာ' ဟာ လက်သုံးလုံးလောက် ထူတဲ့ စာအုပ်ကြီးတအုပ်ပါ။ သူ့ အဲ့ဒီစာအုပ်ကို ကျမရဲ့ ကျမကိုယ်ပိုင်အမြင်နဲ့ ဖတ်ခဲ့တာတော့ မဟုတ်ပါဘူး။ အဲ့ဒီအချိန်တုန်းက ကျမက ကာတွန်းတွေပဲ ဖတ်ပါတယ်။ ကာတွန်းတောင်မှ ထူရင် မဖတ်ပါဘူး။ ခပ်ပါးပါးပဲ ဖတ်ပါတယ်။ တရက်ကျတော့ ကျမ စတုတ္ထတန်း စာမေးပွဲအပြီး ကျောင်းအားတဲ့ အချိန်မှာ ကျမ မေမေက စာအုပ်တအုပ် ယူလာပေးပါတယ်။

"သမီး ဒီဝတ္ထုကို ဖတ်စမ်း" လို့ ကျမကို ပြောပါတယ်။ အဲ့ဒီဝတ္ထုက 'မာလာ' ၀တ္ထုပါ။ ကျမက စာအုပ်ကြီးကို ကြည့်ပြီးတော့ လန့်သွားတယ်။ "အား စာအုပ်ကြီးက အထူကြီးပါလားမေမေ" လို့ ပြောတော့ "အေး ထူတော့ ထူတယ်၊ ဒါပေမယ့် သမီး စိတ်ဝင်စားမှာပါ" တဲ့။ သမီးတို့ မောင်နှမတွေဟာ စကားပြောရင် အင်မတန် ရိုင်းတယ်တဲ့။ ကိုကိုရယ်၊ ညီမလေးရယ် ဘယ်တော့မှ စကားမပြောဘူး၊ မောင်နှမအချင်းချင်း အကြီးနဲ့အငယ်ကို နင်, ငါ သုံးတယ်တဲ့။ အဲ့ဒါ မကောင်းဘူးတဲ့၊ ဒီတော့ သမီး ဒီစာအုပ်ကို ဖတ်တဲ့အခါမှာ ဖတ်ပြီးသွားရင် သမီး ယဉ်ကျေးသိမ်မွေ့လာလိမ့်မယ်။ ဒီစာအုပ်ထဲမှာ လူတွေဟာ စကားပြောရင် သိပ်ယဉ်ကျေးတာပဲတဲ့။ ဖတ်ကြည့်ပါတဲ့။ အဲ့ဒီတော့ ကျမကလဲ မေမေက ဖတ်ခိုင်းတယ်ဆိုရင် ငါဖတ်ဖို့ သင့်တာပေါ့။ ကိုယ့်ဖာသာကိုယ် တွေးပြီးတော့ မေ့မေ့ရှေ့မှာပဲ အဲ့ဒီစာအုပ်ကို ကျမ ဖွင့်ဖတ် လိုက်ပါတယ်။ စ ဖွင့်ဖွင့်ချင်းပဲ အဲ့ဒီစာအုပ်ကို ကျမ စိတ်ဝင်စားသွားတယ်။ သူက အခန်း(၁) အဖွင့်မှာ အကျဉ်းထောင်တခုရဲ့ မြင်ကွင်းနဲ့ စထားပါတယ်။ အဲ့ဒီ အကျဉ်းထောင်ထဲမှာ၊ အချုပ်ခန်းထဲမှာ၊ သံတိုင်တွေနောက်မှာ အကျဉ်းသား ၁၀ ယောက် အကျဉ်းကျ နေပါတယ်။ သူတို့ကတော့ တိုင်းပြည်ကို တော်လှန်ပုန်ကန်လို့ ချုပ်ထားတဲ့ အကျဉ်းသား တွေပါ။ တယောက်က ခေါင်းဆောင်၊ အဲ့ဒီခေါင်းဆောင်နာမည်က ဗိုလ်နန္ဒလို့ ခေါ်ပါတယ်။ သူ့ရဲ့ နောက်ပါက ၉ ယောက် ရှိပါတယ်။ သူတို့ ၁၀ ယောက်ကို ဒီကနေ့ ညနေ နေကွယ်လို့ ရှိရင် လည်ပင်းကို ကြိုးကွင်းစွပ်ပြီး၊ မသေမချင်း ကြိုးပေးသတ်ခံရဖို့ ဘုရင်က အမိန့် ချပြီးသားပါ။ ဒီတော့ သူတို့ အားလုံးဟာ ဒီကနေ့ ညနေမှာ သေမယ်ဆိုတာ သေချာနေတော့ တော်တော် ကြောက်ရွံ့တုန်လှုပ်နေပါတယ်။ တပည့်တွေဟာ ငိုတဲ့သူက ငိုနေကြတယ်။ နံရံကို လက်သီးနဲ့ထိုးပြီး အော်တဲ့သူက အော်နေကြတယ်။ နောက် ဒေါသတကြီး စကားပြောတဲ့သူက ပြောနေကြတယ်။ အဲ့ဒါတွေကို ကြည့်ပြီးတော့ သူတို့ရဲ့ခေါင်းဆောင် ဗိုလ်နန္ဒက တော်တော်စိတ်မကောင်း ဖြစ်တယ်။ "သူတို့ခမျာ ငါ့ရဲ့ ခေါင်းဆောင်မှုကို လိုက်ခဲ့တဲ့အတွက် သူတို့ဟာ ကြိုးပေးပြီး အသတ်ခံရတော့မှာပါလား၊ သူတို့တွေ အသေဖြောင့်အောင်၊ သေခြင်းတရားကို တည်တည်ငြိမ်ငြိမ် ရင်ဆိုင်နိုင် အောင် ငါ ကဗျာလင်္ကာတပုဒ် ရွတ်ပြမှ ဖြစ်မယ်" လို့ သူ့ဖာသာသူ တွေးပြီးတော့ သူ ကဗျာလင်္ကာတပုဒ် ရွတ်ပြပါတယ်။ အဲ့ဒီကဗျာကတော့ အနန္ဒသူရိယ အမတ်ကြီး ရေးစပ်ခဲ့တဲ့ အမျက်ဖြေ အလင်္ကာလို့ အမည်ရတဲ့ ကဗျာလေးတပုဒ်ပါ။ "သူတည်းတယောက်၊ ကောင်းဖိ်ု့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း" အဲ့ဒီကဗျာပါ။ သူက အဲ့ဒီကဗျာကို ရွတ်တဲ့အခါမှာ စာရေးဆရာက ဘယ်လိုဖွဲ့ထားသလဲဆိုတော့ ဗိုလ်နန္ဒသည် သူ၏ အောင်မြင်လှသော အသံဝါကြီးနဲ့ထိုကဗျာကို ရွတ်ဆို၏တဲ့။ အဲ့ဒီမှာ ကျမက နည်းနည်း ကလေး နားမလည်ဘူး ဖြစ်သွားတယ်။ ဗိုလ်နန္ဒကို ကျမသိတာက သူပုန်ဗိုလ်လို့ ကျမသိပါတယ်။ သူပုန်ဗိုလ် တယောက်ကို ဘာဖြစ်လို့ အဲ့ဒီလို ဖွဲ့သလဲ အောင်မြင်လှသော အသံဝါကြီးဆိုတာ သူပုန်ဗိုလ်ကို ဖွဲ့ရမယ့် စကားမဟုတ်ပါဘူး။ ဒါဟာ သူရဲကောင်းတွေ ဟီးရိုးတွေကိုသာ သုံးရမယ့် စကားပါ။ ဒီတော့ ကျမအမြင်မှာ သူပုန်ဗိုလ်ဆိုတာ လူဆိုးပဲ၊ လူဆိုးတယောက်ကို အောင်မြင်လှသော အသံဝါကြီးနဲ့လို့ ဖွဲ့တာဟာ နည်းလမ်း မကျဘူးလို့ ကျမရဲ့ စတုတ္ထတန်း အမြင်နဲ့ တွေးပါတယ်။ အဲ့ဒါနဲ့ မေမေ့ကို မေးမိတယ်။ မေမေလို့ ဗိုလ်နန္ဒဟာ ဘာလဲလို့၊ အဲ့ဒီလို မေးတော့ မေမေက ဇာတ်လိုက်တဲ့၊ (ရီသံများ) ကျမပိုပြီးတော့ နားမလည်ဘူး ဖြစ်သွားတယ်။ (ရီသံများ) သူပုန်ဗိုလ်လို့လဲ ပြောသေးတယ်၊ ဇာတ်လိုက်လို့လဲ ပြောသေးတယ်၊ ကျမ အဲ့ဒီမှာ အဲ့ဒီနှစ်ခုကို ယှဉ်ပြီး နားမလည်ဘူးပေါ့။ ကျမ အပြင်မှာ သူခိုးတွေ၊ ဓါးပြတွေ၊ သူပုန်တွေ၊ ခါးပိုက်နှိုက်တွေ၊ အဲ့ဒါတွေ အကုန်လုံးက လူဆိုးတွေ စာရင်းထဲမှာ ပါတယ်။ ဒီတော့ ဒီလူဆိုးတယောက်က ဘာဖြစ်လို့ ဇာတ်လိုက်ဖြစ်သလဲ ကျမက မေမေ့ကို ပြန်မေးတယ်။ မေမေလို့ မေမေ့ဥစ္စာက ဖြစ်နိုင်ပါ့မလား၊ သူပုန်က ဘယ်လိုလုပ်ပြီးတော့ ဇာတ်လိုက် ဖြစ်မလဲ၊ မဖြစ်နိုင်ဘူး ထင်တယ်လို့ ကျမကပြောတော့ မေမေက ဖြစ်နိုင်တာပေ့ါ သမီးရယ်တဲ့၊ တခါတခါကျတော့ တိုင်းပြည်ကို အုပ်ချုပ်မင်းလုပ်တဲ့ ရှင်ဘုရင်က ဆိုးနေရင်၊ ယုတ်မာနေရင်၊ ကောက်ကျစ်နေရင် သူပုန်ဆိုတာလဲ ဇာတ်လိုက် ဖြစ်တတ်ပါတယ်တဲ့။ (ရီသံများ၊ လက်ခုပ်သံများ)

အဲ့ဒီတော့မှ ကျမ ရေးရေးလေး သဘောပေါက်သွားပါတယ်။ ကျမ ဒီဝတ္ထုကို တော်တော် စိတ်ဝင်စားသွားပြီ၊ ဒါပေမယ့် ထပ်ပြီးတော့ မေးသေးတယ်၊ ဟုတ်ပါပြီလို့ အဲ့ဒါဆိုလို့ရှိရင် ဒီသူပုန်ဗိုလ်က ဇာတ်လိုက်ဖြစ်နေရတာ သူက ဘာဖြစ်လို့ သူပုန်ဘ၀ကို ဘာဖြစ်လို့ ရောက်သလဲ မေမေလို့ ကျမက ပြန်မေးတယ်။ ပြန်မေးတော့ မေမေကလည်း သူ့သမီးကို စာဖတ်စေချင်တော့ ရှင်းပြတယ်၊ သူ့ဘ၀တဲ့၊ သူကတော့ သူပုန်ဘယ်ဟုတ်မလဲ သမီးရယ်တဲ့၊ သူက ဘုရင့်သားတော် တပါးပါ၊ သူတက္ကသိုလ်ပြည်မှာ ပညာသွားသင်နေတုန်းက သူ့အဖေရဲ့ ထီးနန်းစည်းစိမ်ကို သူ့အဖေလက်အောက်က စစ်သူကြီးတပါးက တိုက်ခိုက်ပြီးတော့ သိမ်းယူထားတဲ့အတွက် သူဟာ ပြန်လာတဲ့အခါကျတော့ သူပုန်ဘ၀ကို ရောက်ရတာပါတဲ့။ (လက်ခုပ်သြဘာသံများ) အဲ့ဒီလို ပြောပါတယ်။ (လက်ခုပ်သံများ) အဲ့ဒီတော့ ကျမက ပိုပြီး စိတ်ဝင်စားသွားပါတယ်၊။ ဟုတ်ပါပြီမေမေ အဲ့ဒါဆိုရင် သမီး ဒီဝတ္ထုကို ဖတ်ပါတော့မယ်။ ဒါပေမယ့် သမီး ဒီဇာတ်လမ်းအဆုံးကို သိပ်သိချင်တာလို့၊ အဲ့ဒီ ဇာတ်လမ်းအဆုံးကိုတော့ သမီးကို ကြိုပြီးတော့ ပြောပါအုန်းလို့။ သူက သူ့အဖေရဲ့ ထီးနန်းစည်းစိမ်ကို ပြန်ရရဲ့လားလို့ ကျမ မေးလိုက်တယ်။ ကျမမေးလိုက်တော့ မေမေက ရတယ် သမီးတဲ့။ နောက်ဆုံးကျတော့ သူရသင့်တဲ့ သူ့အဖေရဲ့ စည်းစိမ်ကို သူပြန်ရသွားပါတယ်တဲ့။ အဲ့ဒီလို ကျမကို ပြောပါတယ်။ (ရီသံများ၊ လက်ခုပ်သံများ) အဲ့ဒါနဲ့ပဲ ကျမ ဒီဇာတ်လမ်းကို ကြိုက်လို့ ဒီဝတ္ထုကို ဖတ်ပါတယ်။ တကယ်လဲ မေမေပြောသလိုပဲ သူပုန်ဗိုလ်နန္ဒဟာ သူရသင့်ရထိုက်တဲ့ သူ့အဖေရဲ့ ဒီနန်းစည်းစိမ်ကို ပြန်ရသွားပါတယ်။ ဘယ်လိုနည်းနဲ့ သူထီးနန်းစည်းစိမ်ကို ပြန်ရသွားလဲ၊ အဲ့ဒါကို သိချင်ရင်တော့ ဓူဝံရဲ့ 'မာလာ' စာအုပ်ကို ဖတ်ကြည့်ပါ။ (လက်ခုပ်သံများ) အဲ့ဒါ ကျမရဲ့ စာရေးဆရာ ဖြစ်ချင်တဲ့စိတ်အစပါပဲ။

ကျမဟာ လူတွေကို စရိုက်အမျိုးမျိုး ရေးဖွဲ့ချင်တယ်။ လူဆိုးဆိုလဲ လူဆိုးစရိုက်၊ လူကောင်းဆိုရင်လဲ လူကောင်းစရိုက် အဲ့ဒီလို ရေးဖွဲ့တော့ ဇာတ်လမ်းတွေ ဆင်ချင်တယ်။ အမှန်တရားဟာ ရှေ့မှာ ရောက်သင့်တဲ့ အချိန်မှာရှေ့မှာ ရောက်ဖို့ ကျမက ထည့်ချင်တယ်။ အဲ့ဒီလို စိတ်လေးတွေဟာ ၀တ္ထုတွေ ဖတ်ရင်း ဖတ်ရင်းကနေပြီး ကျမကို ပိုပို ပိုပို တွန်းအားပေးလာတော့ ကျမဟာ စာရေးဆရာ ဖြစ်ချင်တဲ့ စိတ်တခုထဲနဲ့ ကျမဟာ ကြီးပြင်းခဲ့ ပါတယ်။ ဒါပေမယ့် ကျမ ဆယ်တန်းအောင်တဲ့အခါ ခြေချော် လက်ချော်နဲ့ ဂုဏ်ထူး ၅ ခု ရသွားပါတယ်။ အဲ့ဒီတော့ အဲဒီဂုဏ်ထူး ၅ ခုလေးကို ကျမက နှမျောပြီးတော့ ဆေးတက္ကသိုလ်ကို လိုက်ပါတယ်။ (ရီသံများ) ကျမတို့ ခေတ်တုန်းက ဂုဏ်ထူး ၆ ခုတွေ၊ ၅ ခုတွေ၊ ၄ ခုတွေ အများကြီးပါပဲ။ သူတို့တွေ အားလုံးဟာ ဆေးတက္ကသိုလ်ကိုဝင်ဖို့ပဲ အာရုံရှိကြပါတယ်။ ရူပဗေဒ၊ ဓါတုဗေဒတွေကို မ၀င်ကြပါဘူး။ မိဘတွေ ကိုယ်တိုင်ကလည်း ဆေးတက္ကသိုလ်ကို ၀င်စေချင်တယ်။ ကျမကိုယ်တိုင်ကလဲ ကျမရဲ့ မိဘတွေက ဆေးတက္ကသိုလ်ကို လိုက်ဖို့ ပြောလို့ ကျမကလဲ ဂုဏ်ထူးလေးကို အားနာလို့ ဆေးတက္ကသိုလ်ကို ၀င်ခဲ့ပါတယ်။ ၀င်ခဲ့တော့ ကျမဟာ ဆရာဝန်ဘ၀ကို လုံး၀၀ါသနာ မပါပဲ ရောက်ခဲ့တာဆိုတော့ အတန်းထဲမှာ ဆေးပညာကလွဲရင် အားလုံးကို စိတ်ဝင်စားပါတယ်။ (ရီသံများ)

ကျမ တနေ့တနေ့ ဖတ်တဲ့ စာတွေဟာ ဆေးပညာနဲ့ ဘာမှ မဆိုင်ပါဘူး။ ကျမတို့ ရေနံချောင်းမှာ စာကြည့်တိုက် ကောင်းကောင်း မရှိဘူး၊ ဆေးကျောင်း ရောက်တော့ မန္တလေးဆေးတက္ကသိုလ်မှာ အင်မတန် ကြီးမားတဲ့ စာကြည့်တိုက်ကြီးတခု ကျမသွားတွေ့တယ်။ အဲ့ဒီ စာကြည့်တိုက်ကြီးထဲမှာ ကျမ မဖတ်ဖူးတဲ့ စာအုပ်တွေ၊ ကြားဖူးပြီးတော့ မဖတ်ဖူးတာ၊ ကြားတောင် မကြားဖူးတာ၊ မြန်မာလို အင်္ဂလိပ်လို အစုံပါပဲ။ အဲ့ဒါကြီးကို ကျမ မြင်ပြီးတော့ ငါတော့ ဒီ ဆေးတက္ကသိုလ် ၇ နှစ် အတွင်း ဒီစာအုပ်တွေ ပြီးအောင်ဖတ်မှ ဖြစ်မယ်လို့ ဆုံးဖြတ်ပါတယ်။ အဲ့ဒီလိုနဲ့ ကျမ အပြင်စာတွေ ဖတ်ခဲ့တယ်။ အတန်းထဲမှာ စာသင်တဲ့အခါမှာ ကျမက နောက်ဆုံးကနေ မတ်တတ်ရပ်ပါတယ်။ ဆရာ စာမေးလွတ်အောင်လို့ပါ။ ရှေ့မှာ ရပ်လို့ရှိရင် ဆရာက လှမ်းလှမ်းပြီး စာမေးလို့ပါ။ စာသင်ရတဲ့အခါမှာလဲ ကျမ အားကျစိတ် လုံးဝမပေါ်ပါဘူး။ ကျမတို့ ကျောင်းမှာ ရောဂါနံမည်တွေ၊ ကုထုံးနာမည်တွေ အဲ့ဒါတွေ အားလုံးဟာ လူနံမည်တွေနဲ့ ချည်းပါပဲ။ ဥပမာ ရောဂါတခုခုကို တယောက်ယောက်က ရှာတွေ့သွားပြီဆိုရင် အဲ့ဒီလူရဲ့ နာမည်ကို ရှေ့မှာတပ်ပြီးတော့ နံမည်နဲ့ ရောဂါနံမည် ပေးပါတယ်။ ဥပမာ ကော့ ဆိုတဲ့သူက ရောဂါတခုကို ရှာဖွေတွေ့ခဲ့တယ်။ အဲ့ဒီ ကော့ ရှာတွေ့ခဲ့တဲ့ အဆုပ်ရောဂါကို ကော့ Lung ကော့ဒစိပေါ့။ ကော့ရဲ့ရောဂါလို့ နံမည် တပ်ပါတယ်။ နောက်ပြီး ပဲလော့ လို့ခေါ်တဲ့ ပြင်သစ်သမားတော်ကြီး တယောက်က ရှာတွေ့ခဲ့တဲ့ ရောဂါ၊ မွေးရာပါ နှလုံးရောဂါ၊ အဲ့ဒါဆိုလို့ ရှိရင် ပဲလော့တက်ထွာလော်ဂျီလို့ သူတို့က နံမည်ပေးပါတယ်။ ပဲလော့ ရှာတွေ့ခဲ့သော ရောဂါ၊ အဲ့ဒီလိုမျိုးတွေ ထောင်ပေါင်း၊ သောင်းပေါင်းများစွာ နေ့စဉ် ကျမတို့ စာကျက်ရပါတယ်။ အဲ့ဒီလို ကျက်နေတဲ့အခါမှာ ဒီနံမည်တွေကို ကျက်ပြီးတော့ ငါသူတို့ ဘ၀ကို အားကျလိုက်တာ ဆိုတဲ့စိတ်များ ၀င်ခဲ့မိသလားလို့ အခုနေ ကျမပြန်တွေးကြည့်တော့ ကျမ နည်းနည်းမှ အားကျစိတ် မ၀င်ခဲ့ပါဘူး။ တခါတခါ သူတို့ကို ငြိုတောင်ငြိုငြင် မိပါတယ်။ သူတို့ဟယ် ရှာလိုက် ဖွေလိုက်ကြတာ၊ တွေ့ပဲ တွေ့နိုင်လွန်းတယ်၊ သူတို့ ရှာပြီးတော့ တွေ့တော့ ငါတို့မှာ စာတွေ ကျက်လို့ကို မပြီးနိုင်တော့ဘူး။ (ရီသံများ၊ လက်ခုပ်သံများ) အဲ့ဒီလောက်ထိအောင် ကျမ မေတ္တာပို့ခဲ့ ပါတယ်။ ဒါ ကျမ ဆေးကျောင်းသူဘ၀ ညံ့ဖျင်းမှုတွေပါ။

ဒီလိုနဲ့ တနှစ်ပြီး တနှစ် ယက်ကန်ယက်ကန်နဲ့ စာမေးပွဲတွေ နီးတော့ စာလေးကျက်လိုက်၊ အောင်လိုက်၊ တခါတလေ တခါတည်းနဲ့ မအောင်လို့ နှစ်ခါပြန် ဖြေရပါတယ်။ ကျမတို့ ကျောင်းမှာတော့ ဆပ်ပလီမန်ထရီဆိုတာ ရှိပါတယ်။ ဆပ်ပလီမန်ထရီက စာမေးပွဲ ကျပြီးတော့ ကျတဲ့ဘာသာကိုပဲ ပြန်ဖြေရတာပါ။ တော်ပါသေးရဲ့ ဆပ်ပလီမန်ထရီသာ မရှိခဲ့ရင် ကျမ တတန်းနှစ်နှစ် လောက် နေရဖို့ အကြောင်းရှိပါတယ်။ အဲ့ဒီလိုနဲ့ ကျမ ဆရာဝန် ဖြစ်ပါတယ်။ ဆရာဝန်ဖြစ်လာတော့ ဒီလို ခပ်ညံ့ညံ့ ဆေးကျောင်းသူတယောက်က ဘယ်လိုဆရာဝန်မျိုးဖြစ်မလဲ။ တွေးကြည့်ရင်တော့ သဘောပေါက်နိုင်စရာ အကြောင်းရှိပါတယ်။

ဒါပေမယ့် ကျမရဲ့ ဆရာဝန်ဘ၀ကို ပိုပြီးတော့ ပုံပေါ်သွားအောင်၊ ကျောင်းသူကျောင်းသားတွေ ပိုပြီးတော့ နားလည်သွားအောင် ကျမ ကာတွန်းလေးတပုဒ်နဲ့ ဥပမာပေးချင်ပါတယ်။ အဲ့ဒီကာတွန်းလေးကို ရေးဆွဲတဲ့သူ ဘယ်သူလဲလို့ ကျမ မမှတ်မိတော့ပါဘူး။ ကျမညံ့တဲ့အထဲမှာ အဲ့ဒါလဲ ပါပါတယ်။ ကျမက ဆရာအော်ပီကျယ်ကို တောင် မေးကြည့်ပါသေးတယ်။ ကာတွန်းဟာ ကျမ အခုထိ သတိရနေသေးတယ်ဆရာလို့ ဆရာများ ဆွဲခဲ့ သလားလို့ ကျနော် မဆွဲခဲ့ ပါဘူးတဲ့။ ဒါပေမယ့် ကျမရင်ထဲမှာ အဲ့ဒီ ကာတွန်းလေးဟာ အခုချိန်ထိ နှစ်ပေါင်းများစွာ စွဲတင်ကျန်ရစ်ခဲ့ပါတယ်။ အော် ငါနဲ့ တူလိုက်လေခြင်း၊ အဲ့ဒီ ကာတွန်းအတွေးလေးကို ကျမ ပြောပြမယ်။ သူက တမျက်နှာ ကာတွန်းပါ။ မဂ္ဂဇင်းရဲ့ သရုပ်ဖော်ပုံ၊ မဂ္ဂဇင်းမှာ တမျက်နှာ ၄ ခု လောက်ပါတယ်။ တခါတလေ ၆ ခုလောက်ပါတယ်။ အခု ကျမကာတွန်း အကွက် ၆ ကွက်ပါတဲ့ ကာတွန်းပါ။ သူက ပထမဦးဆုံး အကွက်မှာ လူမမာတယောက် ကြမ်းပြင်ပေါ်မှာ ပက်လက်ကြီး စန့်စန့်ကြီး အိပ်နေတယ်၊ လူနာရဲ့ ဘေးနားလေးမှာ လူနာရဲ့ ဇနီးလို့ ထင်ရတဲ့ အမျိုးသမီးလေးက တယောက်၊ သူက ကျုံ့ကျုံ့လေးထိုင်ပြီးတော့ စိတ်ပူနေတဲ့ မျက်နှာလေးနဲ့ လူနာကို ကြည့်နေပါတယ်။ သူတို့နှစ်ယောက်ရဲ့ ဘေးနားမှာတော့ ဆရာဝန်တယောက် မတ်တတ်ရပ်နေပါတယ်။ အဲဒီဆရာဝန်က လူနာကို နားကြပ်ကလေး နားမှာထောက်ပြီး စမ်းသပ်နေပါတယ်၊ အဲဒါ ပထမဦးဆုံးအကွက်။ ဒုတိယအကွက်ကတော့ အဲဒီဆရာဝန်ကို ကာတွန်းဆရာက ပုံကြီးချဲ့ပြီး ဆွဲပါတယ်။ ဆရာဝန်ရဲ့ မျက်လုံးတွေကို အဓိက ထားတယ်။ ဆရာဝန်ရဲ့ မျက်လုံးက ဘာမှမသိတဲ့ အူကြောင်ကြောင် မျက်လုံးမျိုးပါ။ မျက်လုံးလေးက လည်နေတယ်။ ဆရာဝန်ရဲ့ ခေါင်းပေါ်မှာလဲ ကွက်ရှင်မတ်ပေါ့ မေးခွန်းလက္ခဏာလေးနဲ့၊ သူ့ရဲ့ဘေးနားမှာ ရှုပ်နေတဲ့ သပွတ်အူလို ပုံစံလေးနဲ့။ ဘာရောဂါပါလိမ့် သူတော်တော်ဦးဏှောက်ခြောက် နေပြီလို့ ကာတွန်းကြည့်တဲ့ပရိသတ် သိအောင် ကာတွန်းဆရာက ဆွဲထားပါတယ်။ အဲ့ဒါက ဒုတိယအကွက်။ နောက် တတိယအကွက်ရောက်တော့ ဆရာဝန်ကိုပဲ အသားပေးပြီး ဆွဲထားတယ်၊ ဆရာဝန်ရဲ့ မျက်ဝန်းမှာ စောစောက မြင်နေရတဲ့ အူကြောင်ကြောင် မျက်လုံးမရှိတော့ဘူး။ သူ့မျက်လုံးလေးတွေက တောက်နေတယ်။ သူ့ရဲ့ ခေါင်းပေါ်မှာလဲ စောစောက ကွက်ရှင်မတ်တွေ၊ သပွတ်အူတွေ မရှိတော့ပဲနဲ့ လင်းနေတဲ့ ဖန်သီးလေးတလုံးကို ခေါင်းပေါ်မှာ ဆွဲထားပါတယ်။ ဖန်သီးလေးဘေးမှာ အချောင်းချောင်းလေးတွေနဲ့ သူဘာရောဂါလဲဆိုတာ ရှာလို့ ရပြီဆိုတဲ့ အဓိပ္ပါယ်၊ ကျမတို့ သိစေပါတယ်။ နောက် စတုတ္ထကွက်မှာရောက်တော့ ဆရာဝန်က သူတပ်ထားတဲ့ နားကျပ်ကို ချွတ်ပြီး လူနာရှင် အမျိုးသမီးဘက်ကို လှည့်ပြီးတော့ စိတ်မကောင်းတဲ့ မျက်နှာလေးနဲ့ ကျနော် ၀မ်းနည်းပါတယ်၊ လူမမာဟာ အသက်မရှိတော့ပါဘူးတဲ့။ (ရီသံများ) အဲ့ဒီလို ပြောလိုက်ပါတယ်။ အဲ့ဒါက စတုတ္ထအကွက်ပေါ့။
နောက် ပဉ္စမအကွက်ကို ရောက်တော့ စောစောက ကြမ်းပြင်ပေါ်မှာ စန့်စန့်ကြီး အိပ်နေတဲ့ လူမမာဟာ ငေါက်ကနဲ ထထိုင်ပြီးတော့ ဆရာဝန်ကို ဒေါသတကြီး ပြစ်တင်ဆဲဆို ရန်တွေ့နေတဲ့ ပုံကို သရုပ်ဖော်ထားပါတယ်။ အဓိပ္ပါယ်က သူမသေသေးဘဲနဲ့ သေပြီ ပြောရသလားပေါ့။ (ရယ်သံများ)။
နောက် ဆုံးအကွက်ကျတော့မှ စောစောတုန်းက ကြမ်းပြင်ပေါ်မှာ ကျုံ့ကျုံ့လေးထိုင်ပြီး စိုးရိမ်ပူပန်တဲ့ မျက်နှာလေးနဲ့ သူ့ယောက်ျားကို ကြည့်နေတဲ့ လူမမာရှင်အမျိုးသမီးက သူ့ယောက်ျားဘက်ကို လက်ညှိုး ငေါက်ငေါက်ထိုးပြီးတော့ 'ရှင် ဆရာဝန်ထက် ပိုပြီးတော့ မသိချင်နဲ့' အဲ့ဒီလို ပြောလိုက်ပါတယ်။ (ရီသံများ၊ လက်ခုပ်သံများ)

အဲ့ဒီတော့ ကာတွန်းထဲက ဆရာဝန်လို ကျမဟာ၊ ကာတွန်းထဲက လူနာရှင်မိန်းမလို အများကြီး ကြုံတွေ့တဲ့အခါ ကျမရဲ့ဆေးခန်းဟာ လူနာတော်တော်များပါတယ်။ ရေနံချောင်းမြို့မှာ ဒေါက်တာ တင်တင်ဝင်း ဆိုတာ နံမည် တော်တော်ကြီးပါတယ်။ စောစောက ဒေါက်တာ တင်မောင်သန်းပြောသွားတဲ့ ပူဖောင်းလေးတွေလဲ ပါတာပေါ့။ အဲ့ဒီတော့ ဒါဟာ ကျမရဲ့ ဆရာဝန်ဘ၀ သရုပ်ပေါ်အောင် ကာတွန်းလေးနဲ့ ဥပမာ ပေးတာပါ။ ကျမရဲ့ ဆရာဝန်ဘ၀ကို ကျမ ထူးခြားတဲ့ အဖြစ်အပျက်ကလေးတခု ကျမပြောပြရင် ပိုပြီးတော့ သဘောပေါက် သွားမယ်လို့ ကျမ ထင်ပါတယ်။ ဒါဟာ ကျမလို ခပ်ညံ့ညံ့ဆရာဝန်တွေသာကြုံရမယ့် အချက်ပါ။ တော်တဲ့ ဆရာဝန်တွေ ဒါမျိုး လုံးဝ ကြုံရမှာ မဟုတ်ဘူး။ ဒါဟာ သေချာပါတယ်။ ကျမဟာ ဆရာဝန်ဖြစ်ပြီးတော့ ၃ လ လောက်အချိန်မှာ ကြုံရတဲ့ အဖြစ်ကလေးပါ။ ၃ လ ဆိုတော့ ဘာအတွေ့အကြုံမှ မရှိသေးပါဘူး။ စမ်းတ၀ါးဝါး ဆေးကုနေဆဲ၊ ကျောင်းစာနဲ့ ပြင်ပလောကနဲ့ကို ထင်ဟပ်ကြည့်နေဆဲ အချိန်ပါ။ အဲ့ဒီအချိန် တညနေ ကျမ ဆေးခန်းဖွင့်တဲ့အချိန်မှာ ကျမရဲ့ ဆေးခန်းထဲ လူနာနှစ်ယောက် ရှိပါတယ်။ တယောက်က ကျမ ကုလက်စ၊ တယောက်က သူ့အလှည့်ရောက်ဖို့ ထိုင်စောင့်နေတယ်။ အဲ့ဒီအချိန်မှာ အပြင်ဘက်ကနေ အမျိုးသမီးတယောက် ခပ်သုတ်သုတ် ဆေးခန်းထဲ ၀င်လာပါတယ်။ ဆရာမ ဆရာမ လူနာအရေးကြီးနေလို့ အိမ်ပင့်ချင်လို့ပါတဲ့။ အဲဒီလို ပြောပါတယ်။ ကျမက လူနာတယောက်ကို ဆေးကုလက်စဆိုတော့ ခဏစောင့်ပါဦး၊ ဒီက လူနာပြီးရင် လိုက်ခဲ့ပါ့မယ်ပြောတော့၊ ဟာ ဘယ်စောင်လို့ ဖြစ်မလဲဆရာမတဲ့၊ ဟိုမှာက အရေးကြီးတယ်တဲ့။ လူမမာက သတိ လစ်နေတာပါတဲ့။ သတိလစ်တယ်ဆိုတော့ အရေးကြီးပြီပေါ့၊ ကျမက ကုလက်စလူနာကို ဆေးတွေ ဘာတွေ ပေးပြီးတော့ စောင့်နေတဲ့ လူနာကို စောင့်များစောင့်နိုင်မလားလို့ ကျမအရေးကြီးတဲ့ လူနာနောက်ကို လိုက်ချင်လို့ပါလို့ ခွင့်တောင်းပါတယ်။ အဲ့ဒီ လူနာကလဲ သဘောကောင်းပါတယ်၊ လိုက်သွားပါဆရာမ ကျမ စောင့်ပါမယ်တဲ့။

အဲ့ဒါနဲ့ ကျမ ဆေးအိတ်ကို ပေးပြီးတော့ လူနာရှင် အမျိုးသမီးနောက် လိုက်သွားပါတယ်။ အဲ့ဒီအချိန်မှာ ကျမတို့ နွေရာသီပါ။ နွေရာသီမှာ ရေနံချောင်းမြို့မှာ တော်တော် ပူပါတယ်၊ ဘယ်လောက်ထိ ပူသလဲဆိုရင် နေ့လည် ၁၂ နာရီကနေ ညနေ ၄ နာရီကြားမှာ ရေလုံးဝ မချိုးရဘူးလို့ အာဏာပိုင်တွေက တားမြစ်ထားတဲ့အထိ ကျမတို့ ရေနံချောင်းက ပူပါတယ်။ ရေချိုးပြီးတော့ ဗြုန်းကနဲ လဲကျပြီး သေဆုံးသူတွေ အများကြီးပါပဲ။ အဲ့ဒါကြောင့် အာဏာနဲ့ တားမြစ်ထားတဲ့ အချိန်ပါ။ စေတနာနဲ့ အာဏာသုံးတာပါ။ တခါတခါ အာဏာဟာ စေတနာနဲ့လဲ သုံးတတ်ပါတယ်။ (ရီသံများ၊ လက်ခုပ်သံများ)
အဲ့ဒီတော့ ကျမက လူနာအိမ်ကို လိုက်သွားပါတယ်။ လမ်းမှာလဲ ကျမ စဉ်းစားနေတာပေါ့။ ရေချိုးရင် အန္တရာယ်ရှိတဲ့ အချိန်ပဲ။ မေးကြည့်တယ် ဘာဖြစ်တာလဲပြော ဆိုတော့၊ ကျမ အမကြီးပါတဲ့၊ ဈေးကနေ မကြာသေးခင်က ပြန်လာပါတယ်တဲ့။ ပူပူအိုက်အိုက်နဲ့ ဈေးက ပြန်ပြန်ချင်း ရေတန်းချိုးလိုက်ပါတယ်။ ရေချိုးပြီး ကတည်းက သတိလစ်သွားတာ အခုချိန်ထိ သတိပြန်လည် မလာပါဘူးတဲ့။ အဲ့ဒီတော့ ဒါဟာ ရေချိုးမှားလို့ အပူရှပ်တယ်ပေါ့။ ဒါဆိုရင် သာမိုမီတာ တိုင်းရမယ်။ စိတ်ထဲမှာ စွဲသွားတယ်။ လူနာအိမ်ရောက်တော့ လူနာက အမျိုးသမီးပါ။ ခပ်၀၀၊ ထွားထွား၊ အဲ့ဒီအမျိုးသမီးကို ကျမက ဘေးကနေ ကြည့်လိုက်တော့ သူ့ပုံစံက မလှုပ်မရှက် ပုံစံပါ။ အဲ့ဒါနဲ့ ကျမ သာမိုမီတာလေးကို ယူပြီးတော့ သူ့ပါးစပ်ကို တိုင်းဖို့ သူ့ပါးစပ်ကို ဖွင့်ပါတယ်။ သူ့ပါးစပ်က ဖွင့်လို့ မရဘူး။ သွားစိနေတယ်။ ကျမကလဲ ဘယ်ရမလဲ သွားစိနေတော့ သူ့ချိုင်းထဲ တိုင်းလိုက်တာပေါ့။ သာမိုမီတာနဲ့ ချိုင်းထဲတိုင်းတော့ အဖျား ရှိ မရှိပေါ့။ ကျမထင်သလောက် မဖျားဘူး။ ဒါနဲ့ ကျမက သွေးပေါင်ချိန် တွေ ဘာတွေ တိုင်းကြည့်သေးတယ်။ သွေးဖိအားက သိတ်ပြီတော့ များဘူး။ နောက်အဆုတ်ကို နားထောင်ကြည့် တော့ အဆုပ်မှာ အသက်ရှူသံ လုံးဝ မကြားရပါဘူး။ အဲ့ဒါလဲ ကျမက အားမလျှော့သေးဘူး။ နှလုံးကို ထောက်စမ်းကြည့် ပါတယ်။ နှလုံးကလဲ တချက်မှ မခုန်ပါဘူး။ အဲ့ဒီတော့ နားကြပ်လေးကိုချ လူမမာရှင်ဘက် လှည့်ပြီးတော့ ၀မ်းနည်းတဲ့ မျက်နှာလေးနဲ့ ပြောတော့မလို့ မပြောရသေးဘူး၊ ပြောမလို့ ရှိသေးတယ်။ ကျမရဲ့ ခေါင်းထဲမှာ အတွေးတချက် ၀င်လာပါတယ်။ အဲ့ဒါက ဘာလဲဆိုတော့ ကျမတို့ရဲ့ ဆရာ့ဆရာကြီးတွေက ကျမတို့ကို သင်ထားတာ ရှိပါတယ်။ လူမမာတယောက်ကို စမ်းသပ်ပြီးတဲ့အခါ သူသေပြီလို့ မပြောမီ နောက်ဆုံး စမ်းသပ်နည်းတွေနဲ့ စမ်းသပ်ရမယ်။ အဲဒီ နောက်ဆုံးနည်းတွေနဲ့ စမ်းသပ်ပြီးမှ လူနာသေပြီလို့ ခိုင်လုံမှသာ လူနာရှင်ကို အတည်ပြုပေးရမယ်လို့ ပြောတော့၊ ဟုတ်ပြီ အဲ့ဒါဆိုရင် လူနာတယောက် အသက်မရှူရုံ၊ နှလုံးမခုန်ရုံနဲ့၊ သေပြီလို့ ပြောလို့ မဖြစ်သေးဘူး။ နောက်ဆုံး စမ်းသပ်နည်းနဲ့ စမ်းသပ်ရဦးမယ်၊ အဲ့ဒီနည်းကို ရှာပါတယ်။ ဖြစ်ချင်တော့ နောက်ဆုံးစမ်းသပ်နည်းဟာ ဘာလဲလို့ ကျမ မမှတ်မိတော့ပါဘူး။ ကျမစဉ်းစားတယ်။ ငါ့ကို ဆရာကြီးတွေက သင်ပေးလိုက်တယ်၊ ဘာလဲ မသိဘူး၊ နောက်ဆုံးနည်း ရှိတယ်တဲ့။ စဉ်းစားတာ တော်တော်ကြာတယ်။ ဘေးကလူတွေကလဲ ကျမကို ငေးကြည့်လို့၊ ကျမလဲ စဉ်းစားရင်း စဉ်းစားရင်း အဖြေမပေါ်တော့ လူနာဆေးထိုးဖို့ လာချတဲ့ ရေနွေးဇလုံထဲကို ကျမ အပ်တွေထည့်၊ ပိုက်တွေထည့် ပိုက်ကလေးကို ရေနွေးစုပ်လိုက် ပြန်ထုတ်လိုက်၊ စုပ်လိုက် ပြန်ထုတ်လိုက်နဲ့ ခေါင်းထဲကတော့ သပွတ်အူတွေ တော်တော်များနေပြီ။ ငါဘာလုပ်မလဲလို့။ ကံကောင်းချင်တော့ ကျမ သတိရသွားပါတယ်။ ဇဝေဇ၀ါ မျက်လုံးတွေ အကုန်ဖျောက်ပြီး မျက်နှာထား ခပ်တည်တည်နဲ့ အဲ့ဒီအမျိုးသမီး ဆီကနေ ကျမကို လက်နှိပ်ဓါတ်မီးတခုပေးပါလို့ တောင်းလိုက်ပါတယ်။

ကဗျာကယာပဲ လက်နှိပ်ဓါတ်မီးထိုးပေးတယ်။ သူ့ဆီက လက်နှိပ်ဓါတ်မီးကို ယူပြီးတော့ လူမမာရဲ့ မျက်လုံးကို ဖွင့်ပြီးတော့ ကျမ မီးထိုးကြည့်ပါတယ်။ သာမန်လူတွေဟာ မျက်လုံးကို မီးရောင်နဲ့ လျှပ်တပြက် ထိုးလိုက်လို့ ရှိရင် အဲ့ဒီ မျက်လုံးသူငယ်အိမ်က မီးရောင်ကို တုံ့ပြန်တဲ့အနေနဲ့ သူငယ်အိမ် ကျယ်ရာကနေ ကျဉ်းသွားရပါတယ်။ ကျုံ့ဝင်သွားရပါတယ်။ အခု ကျမရဲ့ လူနာက လက်နှီပ်ဓါတ်မီးနဲ့ ထိုးလိုက်ပေမယ့် မျက်လုံးသူငယ်အိမ် ကျယ်မြဲကျယ်လျက်ပါ။ အဲ့ဒီတော့ ဒီတဖက် မသေချာသေးဘူး၊ နောက်တဖက် ထပ်ထိုးကြည့်ပါတယ်။ ထပ်ထိုးကြည့်တော့ နောက်တဖက်ကလဲ ကျယ်မြဲ ကျယ်လျက် နည်းနည်းမှကို မလှုပ်ပါဘူး။ သေချာပြီ ဆိုတော့မှ ကျမက လက်နှိပ်ဓါတ်မီးကို ချ၊ စိတ်မကောင်းတဲ့ မျက်နှာလေးနဲ့ လူမမာနားတော့ မနေရဲဘူး၊ ၀ုန်းဆို ထထိုင်ပြီး ဖက်လိုက်မှာစိုးလို့၊ လူနာရှင်ဘက်ကို ကပ်သွားပြီးတော့ ကျမ ပြောလိုက်ပါတယ်။ အမကြီးလို့ ပြောရမှာတော့ ကျမ ၀မ်းနည်းပါတယ်၊ အမကြီးရဲ့ လူမမာက အသက်မရှိတော့ ပါဘူးလို့၊ ကျမ ပြောလိုက်ပါတယ်။ အဲ့ဒီတော့ လူနာရှင် မိန်းမက ကျမ ထင်သားပဲ ဆရာမတဲ့။ အဲ့ဒီလို ပြောပါတယ်။ ကျမ တော်တော် ရှက်သွားတယ်။ ငါ့မှာတော့ ဒီလူနာ သေ မသေ စဉ်းစားလိုက်ရတာ၊ သူကတော့ ကြိုပြီးတော့ သိနေခဲ့ပါလား။ အဲ့ဒီအချိန်မှာ ကျမဟာ ထိုင်ရာကနေ ထပြီးတော့ ထွက်ပြေးသွားချင်လောက်အောင် ရှက်ပါတယ်။ ရှက်တာနဲ့အမျှ ဒေါသလဲထွက်။ ငါ့ကို ဒီလူနာ သေမှန်း သိလျက်နဲ့ သေနေတယ်လို့ ထင်နေလျက်သားနဲ့၊ ငါ့ဆေးခန်းကို ပိတ်ပြီး လာခဲ့ရအောင် ငါ့ကို ခေါ်တယ်။ ကျမဟာ ဒေါသနဲ့ ဟောက်ထည့်လိုက်တယ်။ လူနာသေတယ်လို့ ထင်လျက်သားနဲ့ ကျမကို ဘာဖြစ်လို့ လာခေါ်တာလဲ၊ ကျမမှာဖြင့် ဆေးခန်းလူနာတွေ ပစ်ထားခဲ့ရတာ၊ ရှင်အဓိပ္ပါယ်မရှိဘူး။ ဘာလို့ လာပင့်တာလဲ ဟောက်လိုက်တော့၊ လူနာရှင်အမျိုးသမီးက မျက်နှာလေး ချပြီး ပြောပါတယ်။ ဆရာမရယ် သေတယ်လို့တော့ ထင်ပါတယ်၊ ဒါပေမယ့် ဆရာမဆီက အတည်ပြုချက်လေး ယူချင်လို့ပါတဲ့။ (ရီသံများ) အဲ့ဒါ ကျမဘ၀ရဲ့ အင်မတန် ထူးခြားတဲ့ အဖြစ်အပျက်ကလေးတခုပါ။ ဒီတော့ ကျမဟာ ဆရာဝန်ဘ၀မှာလဲ ညံ့ဖျင်းတဲ့ ဆရာဝန်ပါ။

ဘယ်လောက် ညံ့ဖျင်းသလဲဆိုရင် ကျမ လူမမာတွေ အိမ်တွေ လိုက်သွားတယ်၊ ခလေးမွေးပေးရတယ်၊ ညှပ်နဲ့ ဆွဲမွေးပေးရတယ် ဆိုရင်ပဲ ကျမဟာ သားဖွါးမီးယပ်ပညာရှင်တွေလို ခံစားရပါတယ်။ ဘ၀င်မြင့်ခဲ့ပါတယ်။ အလုံး အကြိတ်လေးတွေ၊ အဆီလုံးလေးတွေ ခွဲစိတ်ရတာကိုပဲ ကျမဟာ ခွဲစိတ်ကုဆရာဝန်ကြီးလို ကျမ ဘ၀င်မြင့်ခဲ့တယ်။ အဲ့ဒီအချိန်မှာ ကျမတို့ နိုင်ငံရဲ့ ပြင်ဘက်မှာ ဆေးပညာနဲ့ ပါတ်သက်ပြီး ဘာတွေ တွေးထင်နေသလဲ၊ ဘာတွေ စီစဉ်နေကြသလဲ ကျမ မသိပါဘူး။
ဒိထက်ပိုညံ့တာတခုက ကျမတို့ ဆရာဝန် ဖြစ်တော့နောက်မှာ ကျမတို့နိုင်ငံရဲ့ ပြည်သူ့ ဆေးရုံတွေမှာ တာဝန်ထမ်းဆောင်ဖို့ လိုပါတယ်။ ပြည်သူ့ဆေးရုံ တွေမှာ တာဝန်ထမ်းဆောင်ဖို့က ဘွဲ့ရရုံနဲ့ မဖြစ်ပါဘူး။ ကျမတို့ တိုင်းပြည်တာဝန်ကို ထမ်းဆောင်ချင်တဲ့စိတ်ရှိရင် တိုင်းပြည်တာဝန်ကို ထမ်းဆောင်ဖို့ အခွင့်အရေးရအောင် စာမေးပွဲတွေ ဖြေရပါတယ်။ အဲ့ဒီက စာမေးပွဲတွေကတော့ ၀န်ထမ်းရွေးချယ်လေ့ကျင့်ရေးအဖွဲ့က ကျင်းပပေးတဲ့ စာမေးပွဲတွေပါ။ အဲ့ဒီ စာမေးပွဲတွေက ဖြေပြီးအောင်မှသာ ကျမတို့ဟာ တိုင်းပြည်တာဝန်ကို ထမ်းဆောင်ခွင့် ရှိပါတယ်။ ကျမဟာ ဘွဲ့ရရခြင်း တိုင်းပြည်ကို အင်မတန် အကျိုးပြုချင်ပါတယ်။ တိုင်းပြည်တာဝန်ကိုလဲ အင်မတန် ထမ်းဆောင်ချင်ပါတယ်။ အဲ့ဒါနဲ့ပဲ ကျမ စာမေးပွဲတွေ ဖြေပါတယ်။ ဖြေတိုင်း ဖြေတိုင်း ကျပါတယ်။ နောက်ဆုံးတကြိမ်မှာတော့ ရေးဖြေစာမေးပွဲ အောင်သွားတယ်။ အောင်သွားတော့ ကျမတို့ ကျက်ရတဲ့ စာတွေကလဲ နိုင်ငံရေးသိပ္ပံ ပါပါတယ်။ မြန်မာစာ ပါပါတယ်။ ဗဟုသုတ ပါပါတယ်။ ဆေးပညာတော့ မပါပါဘူး။ (ရီသံများ) အဲ့ဒီတော့ ကျမတို့ ရေးဖြေအောင်သွားတဲ့အခါ ကျမ ရန်ကုန်ကို လာပြီး နှုတ်ဖြေ ဖြေရပါတယ်။ နှုတ်ဖြေဖြေတော့ ကျမတို့ သူငယ်ချင်း သုံးလေးယောက် စုပြီး တအိမ်မှာ တည်းတယ်။ တည်းပြီးတော့ နောက်ဆုံးပေါ် ဂျာနယ်တွေ၊ ဆေးပညာနဲ့ ပတ်သက်တာတွေ ကျမတို့ အကုန်ဖတ်ပါတယ်။ အဲ့ဒီအချိန်တုန်းက (အိတ်စ်) ရောဂါ ကမ္ဘာမှာ လူသိခါစ၊ ရော့ဟဒ်ဆန်ကြောင့် အဲ့ဒီရောဂါကို လူတော်တော်များများက သိကုန်ကြပါပြီ။ ကျမတို့ ကျောင်းတုန်းက ဒီရောဂါဟာ မထင်ရှားသေးတဲ့အတွက် ကျမတို့ သိပ်စာမကျက်ရပါဘူး။ အဲ့ဒီအချိန်မှာ အိတ်စ်ရောဂါနဲ့ပတ်သက်တဲ့ နောက်ဆုံးပေါ်နည်းတွေ၊ ဖြစ်ပွါးတဲ့ အကြောင်းရင်းတွေ၊ ဆက်သွယ်မှုတွေ အားလုံးကို ကျမတို့ တညလုံး ဖတ်ရတယ်။ ဖတ်ပြီးတော့ နောက်တနေ့ ကျမတို့ အဆင်သင့်ပဲပေါ့။ ဆေးပညာနဲ့ ပတ်သက်လို့ ဘာမေးမေး အားလုံးရပြီလို့ ဆိုပြီး ရင်ကော့ပြီး စာမေးပွဲခန်းထဲ ၀င်သွားပါတယ်။ ၀င်သွားတော့ ကျမတို့ကို မေးလိုက်တဲ့ မေးခွန်းတွေက ကျမထင်ထားတဲ့ မေးခွန်းတွေ ဘာတခုမှ မမေးပါဘူး။ ကျမ မထင်မှတ်တဲ့ မေးခွန်းတွေပဲ မေးပါတယ်။ အဲ့ဒီ မေးခွန်းတွေဟာလဲ ကျမတခါမှ မကြားဘူးတဲ့ မေးခွန်းတွေပါ။ ဘာမေးခွန်းတွေလဲ ဆိုတာတော့ ကျမ မပြောတော့ပါဘူး။ မမှတ်မိလို့ပါ။ အဲ့ဒီမေးခွန်းတွေကို မေးပြီးတော့ ကျမကလဲ မဖြေနိုင်ပါဘူး။ ကျမကို ဆေးပညာနဲ့ ပတ်သက်တဲ့တာ မေးပါ။ ကျမ အကုန်ရပါတယ် ပြောတော့ အဲ့ဒါတွေ မမေးဘူးတဲ့၊ ငါတို့ မေးတဲ့ မေးခွန်းကိုပဲ ဖြေရမယ်တဲ့။ ကျမ စာမေးပွဲ ကျခဲ့ပါတယ်။ ကျမ အင်မတန် ထမ်းဆောင်ချင်တဲ့ တိုင်းပြည်တာဝန်ကို မထမ်းဆောင်ခဲ့ရပါ။ အဲ့ဒါ ကျမတို့ ဘွဲ့ရခါစ လွန်ခဲ့တဲ့ (၁၀) နှစ်ကပေါ့။ အခုအချိန်မှာတော့ အခြေအနေ တမျိုးပြောင်းသွားပါပြီ။

တိုင်းပြည်တာဝန်ကို ထမ်းဆောင်ဖို့ ဖိတ်ခေါ်လျက် ရှိပါတယ်။ မြို့နယ်ဆေးရုံတွေ၊ ကျေးလက်ကျန်းမာရေးဌာနတွေမှာ ဆရာဝန်တွေ လိုနေပါတယ်တဲ့။ အရင်တုန်းက တနှစ်တနှစ် အောင်ခဲ့တဲ့ ဆရာဝန်တွေ ငါးရာ ခုနှစ်ရာလောက် ရှိပါတယ်။ ခေါ်တဲ့ဆရာဝန်က ၁၅၀ လောက်ပဲ ရှိပါတယ်။ အခုတော့ တနှစ်တနှစ် ဘယ်လောက်အောင်သလဲတော့ မသိဘူး။ ခေါ်တဲ့သူတွေက အများကြီးပဲ။ ဖြေတဲ့သူတိုင်းကို အအောင်ပေးပါတယ်။ ဒါပေမယ့် ဖြေတဲ့သူ တဖြေးဖြေး နည်းသွားပါတယ်။ ကျမကိုယ်တိုင် အရင်တုန်းက တိုင်းပြည် တာဝန်ထမ်းဆောင်ချင်တဲ့ ကျမဟာ အခုအခြေအနေမှာ သွားပြီးတော့ ဖြေရင် အောင်မယ်ဆိုတာ ကျမ သိပါတယ်။ အခုတော့ ကျမ တိုင်းပြည်တာဝန် ထမ်းဆောင်ချင်တဲ့စိတ် မရှိတာလား၊ အသက်ကပဲ ကြီးသွားတာလား မသိပါဘူး။ စိတ်မ၀င်စားတော့ဘူး။ အခုတော့ ကျမဟာ ခပ်ညံ့ညံ့ ပြင်ပဆေးကု ဆရာဝန်ဘ၀နဲ့ပဲ ဆက်ပြီးတော့ နေထိုင်လျက် ရှိပါတယ်။ အဲ့ဒါက ကျမရဲ့ ဆရာဝန်ဘ၀ ညံ့ဖျင်းမှုတွေပါ။

ဆရာဝန်ဘ၀ ပြောပြီးတော့ စာရေးဆရာဘ၀ ညံ့ဖျင်းမှုတွေကို ၀န်ခံလိုပါတယ်။ ကျမ စာရေးဆရာအဖြစ် ဘာတွေညံ့သလဲ ဆိုတာကတော့ ကျမရဲ့ ၀တ္ထုဆောင်းပါးတွေကို ဖတ်တဲ့ ပရိသတ်တွေအနေနဲ့ ထူးပြီးတော့ ၀န်ခံစရာ မလိုလောက်အောင် သဘောပေါက်ပြီးသားလို့ ကျမ ယူဆပါတယ်။ ဒီတော့ ကျမစာရေးတာနဲ့ ပတ်သက်လို့ ကျမရဲ့ အရေးအသားတွေ၊ ဇာတ်လမ်းတည်ဆောက်ပုံတွေ၊ အတွေးအခေါ်တွေ ညံ့ဖျင်းတာကိုတော့ ကျမ မပြောတော့ပါဘူး။ ဒါပေမယ့် ရည်ရွယ်ချက်နဲ့ ပတ်သက်ပြီးတော့ ညံ့ဖျင်းတာကိုတော့ ကျမ ပြောလိုပါတယ်။ ကျမဟာ စာရေးဆရာ ဖြစ်လို့သာ ဖြစ်လာရတယ်၊ ဘာရည်ရွယ်ချက်မှ မရှိပါဘူး။ စာရေးဆရာ ဘာ့ကြောင့် ဖြစ်ချင်သလဲလို့ တယောက်ယောက်က မေးလိုက်တဲ့အခါမှာ ကျမ အိုးနင်းခွက်နင်း အမြဲဖြစ်တတ်ပါတယ်။ ဘာဖြေလို့ ဖြေရမှန်း မသိပါဘူး။ အဲ့ဒါဟာ ကျမရဲ့ ညံ့ဖျင်းမှုပါ။ အခုအချိန်ကျမှ ပြန်စဉ်းစားကြည့်ရတယ်။ အရင်တုန်းက ကျမ မသိပါဘူး။ အခုအချိန်လဲ ကျမ ဘာဖြစ်လို့ ပြန်စဉ်းစားမိသလဲဆိုတော့ ဆရာမကြီး ဒေါ်ခင်မျိုးချစ်ရေးတဲ့ ဆောင်းပါးတပုဒ် ဖတ်လိုက်ရလို့ပါ။ ဒေါ်ခင်မျိုးချစ်ကို အားလုံးသိကြမှာပါ။ အဲ့ဒီဆရာမကြီးက စာရေးတဲ့ ရည်ရွယ်ချက်နဲ့ ပတ်သက်လို့ ဆောင်းပါးတပုဒ် ရေးဖူးပါတယ်။ သူက ဘာကို ဥပမာပြသလဲဆိုတော့ ဖိလစ်ပိုင်အမျိုးသား အာဇာနည်ခေါင်းဆောင် ဒေါက်တာ ဟိုဆေးရီဇော်နဲ့ ဥပမာ ပြပါတယ်။ ဒေါက်တာ ရီဇော်ဟာ သူစာရေးတဲ့ အချိန်တုန်းက သူနိုင်ငံဟာ ကိုလိုနီနိုင်ငံပါ။ သူ့တိုင်းပြည် လွတ်လပ်ရေး မရသေးပါဘူး။ အဲဒီတော့ သူဟာ သူ့တိုင်းပြည်လွတ်လပ်ရေးရဖို့ ကျနော် စာ(၃)အုပ် ရေးပါမယ်တဲ့။ အဲ့ဒီစာ (၃) အုပ်ရေးပြီးတဲ့ အထိ ကျနော့်တိုင်းပြည်ဟာ လွတ်လပ်ရေး မရသေးဘူးဆိုရင် ကျနော် ကိုယ့်ကိုယ်ကို သတ်သေ ပစ်လိုက်မယ်တဲ့။ အဲ့ဒီ ရည်ရွယ်ချက်နဲ့ ကျေညာပြီး စာရေးတဲ့ သူတယောက်ပါ။ တကယ်လဲ သူစာအုပ် ရေးခဲ့ပါတယ်။ စာအုပ်နှစ်အုပ် ရေးပြီးတဲ့အခါမှာပဲ သူ့တိုင်းပြည်ဟာ လွတ်လပ်ရေး ရသွားပါတယ်။ သူကိုယ်တိုင်ကတော့ နယ်ချဲ့အစိုးရက သူပုန်ဆိုပြီး သတ်မှတ်ပြီးတော့ သေနတ်နဲ့ ပစ်သတ်ကွပ်မျက်တာကို ခံခဲ့ရပါတယ်။ သူဟာ သူရဲကောင်း ပီသစွာ ကျဆုံးသွားပါတယ်။ အဲဒီ ဒေါက်တာရီဇော်ရဲ့ ရည်ရွယ်ချက်ကို ဆရာမကြီး ဒေါ်ခင်မျိုးချစ်က ရေးပြလိုက်တဲ့အခါ ကျမ ကိုယ့်ကိုယ်ကို သိပ်ရှက်သွားပါတယ်။ ငါ ဘာရည်ရွယ်ချက်နဲ့ စာရေးတာလဲ။ သူများတွေများ ရည်ရွယ်ချက်က မွန်မြတ်လိုက်တာ။ မြင့်မြတ်လိုက်တာ၊ ငါ့မှာတော့ ဘာရည်ရွယ်ချက်မှ မရှိပါလား၊ ကျမရေးခဲ့တဲ့ ၀တ္ထုတွေ လေးငါးပုဒ်၊ လုံးချင်းစာအုပ်နဲ့ ၀တ္ထုတွေ ၃၀ ကျော်၊ ငါဘာကို ရေးတာလဲ၊ အဲ့ဒီတခါ ကျမ နည်းနည်းတော့ သဘောပေါက်လာပါတယ်။ ကျမဟာ ရည်ရွယ်ချက်တော့ ရှိခဲ့ဟန် တူပါတယ်။ ဘာရည်ရွယ်ချက် လဲ တွေးကြည့်တော့ ကျမ၀တ္ထုတွေထဲက ကျမ ပြန်ပြီးတော့ လေ့လာကြည့်ရသလောက်တော့ ကျမဟာ အမျိုးသမီးတယောက် ဖြစ်တာနဲ့အမျှ အမျိုးသမီးများရဲ့ ဂုဏ်သိက္ခာမြင့်မားရေး၊ တိုးတက်အောင်မြင်ရေး၊ ကိုယ်ကျင့်တရား မြင့်မြတ်ရေး အဲ့ဒါတွေကို ကျမ ဦးတည်ခဲ့ပုံရပါတယ်။ ကိုယ့်ဖာသာကိုယ် ပြန်ပြီးတော့ ဆင်ခြင်မိသလောက် ပြောရရင် ဒါတွေကြောင့် ရေးမိခဲ့တယ်နဲ့ တူပါတယ်။ ဒါတောင် အခုချိန်ထိ မသေချာသေးပါဘူး။ ဇဝေဇ၀ါ ဖြစ်တုန်းပါပဲ။ ဟုတ်မှဟုတ်ရဲ့လားလို့ ကျမကိုယ်ကျမ မသေချာသေးဘူး။ ဒါပေမယ့် ဒါ ထင်မြင်ချက်တခုပါ။ ကျမ အဲ့ဒီလို ရည်ရွယ်ချက်နဲ့ ရေးခဲ့မိတယ်လို့ ကျမ ကိုယ့်ဖာသာကိုယ်ပဲ ကောက်ချက်ချရပါတယ်။

ဒါက ရည်ရွယ်ချက်နဲ့ ပတ်သက်ပြီးတော့ ကျမ ညံ့တာ၊ နောက်တခုက ကျမတို့ဟာ ၀တ္ထုတပုဒ် ကဗျာတပုဒ် ရေးတဲ့အခါ ကိုယ့်ရဲ့စာကို စာဖတ်ပရိသတ် ဖတ်စေချင်တဲ့ ရည်ရွယ်ချက် ရှိပါတယ်။ စာဖတ်ပရိသတ်ဆီကို ပို့ချင်တဲ့ ဆန္ဒလေးတွေ အမြဲရှိပါတယ်။ ဒါ့ကြောင့် ကျမတို့ စာတွေ ရေးပါတယ်။ ကိုယ့်ကိုယ်ကို ဖတ်ဖို့ ရေးတာထက် သူတပါးဖတ်ဖို့ ရေးတာက ပိုပြီးတော့ များပါတယ်။ အဲ့ဒီတော့ ကျမဟာ ပရိသတ်အတွက် ရည်ရွယ်ပြီးတော့ ၀တ္ထုတွေ အများကြီး ရေးတယ်။ ဒါပေမယ့် ပရိသတ်ဆီကို ရည်ရွယ်သော်လည်း ပရိသတ်ဆီကို မရောက်ပဲ မမျှော်လင့်ပဲ ရေမြောင်းထဲကို ရောက်သွားခဲ့ရတဲ့ ၀တ္ထုလေးတွေ၊ ကဗျာလေးတွေ ရှိပါတယ်။ အယ်ဒီတာစာပွဲက ဆုတ်ဖြဲပြီးတော့ ရောက်တာ မဟုတ်ပါဘူး။ အယ်ဒီတာ စာပွဲကနေ ကျော်သွားပြီးမှ အကြောင်းကြောင်းကြောင့် ကျမရဲ့ ၀တ္ထုလေးတွေ ကဗျာလေးတွေ ရေမြောင်းထဲကို ရောက်သွားတာ ကျမ ခဏခဏ ကြုံရပါတယ်။ ဒါဟာ ကျမရဲ့ ညံ့ဖျင်းမှုတွေထဲမှာ ပါပါတယ်။ တကယ်တော့ ကျမတို့ဟာ စာဖတ်ပရိသတ်တွေဆီကို ပို့တဲ့အခါမှာ ပရိသတ်ဆီရောက်အောင် ကျမတို့ ရေးနိုင်ရပါမယ်။ ဘယ်လို အတားအဆီးပဲရှိရှိ ဘယ်လို အဖြတ်အတောက်ပဲ ရှိရှိ ဒါကို လှည့်ပတ်ပြီး ပို့နိုင်ရပါမယ်။ အရေးကြီးတာက ပန်းတိုင်ရောက်ဖို့ပဲ။ ဒါပေမယ့် ကျမတို့က အဲ့ဒီလို မပို့တတ်ဘူး။ ကျမက ပိုပြီးတော့ မပို့တတ်ဘူး။ အဲ့ဒီတော့ ကျမက ရည်ရွယ်ချက်နဲ့ ပရိသတ်ဆီကို ရောက်အောင် ပို့ပေးလိုက်ပေမယ့် တခါတခါကျတော့ ကံအကြောင်း မသင့်လို့ ပရိသတ်ဆီကို မရောက်တော့ပဲ ရေမြောင်းထဲကို ရောက်သွားတာ ကြုံရပါတယ်။ အဲ့ဒါဟာ ကျမရဲ့ ညံ့ဖျင်းမှုပါ။ ရေမြောင်းထဲကို ရောက်သွားတဲ့ ၀တ္ထုလေးတွေ အများကြီး ရှိပါတယ်။ ကဗျာလေးတွေ အများကြီး ရှိပါတယ်။ အဲ့ဒီထဲက ကျမ ကဗျာတပုဒ်အကြောင်း ပြောပြချင်ပါတယ်။ ကဗျာလေးက တိုတိုလေးပါ။

ကဗျာလေးခေါင်းစဉ်က 'လေလွင့်သူရဲ့တိမ်' လို့ အမည်ပေးထားပါတယ်။ လွန်ခဲ့တဲ့ (၈) နှစ်လောက်က ရေးထားတာပါ။ ကျမ အဲ့ဒီကဗျာကို ပရိသတ်ဆီပို့ဖို့ အခုအချိန်ထိ ၃ ကြိမ်တိတိ ပို့ပြီးပါပြီ။ ၃ ကြိမ်လုံးလုံး ရေမြောင်းထဲပဲ ရောက်သွားပါတယ်။ ဒီတော့ အဲဒီကဗျာလေး ဘာကြောင့် ရေမြောင်းထဲကို ရောက်သလဲဆိုတာ ၀ိုင်းပြီးတော့ ဆန်းစစ်ပေးပါလို့ ကျမ တောင်းပန်ချင်ပါတယ်။ ကျမ အဲ့ဒီကဗျာလေးကို ရွတ်ပြပါမယ်။ နဲနဲကြာပြီဆိုတော့ အလွတ်မရလို့ စာရွက်ကို ကြည့်ပြီးတော့ ရွတ်ပါမယ်။

မုန်းတီးသူများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

မုန်းတီးမှုတွေ စားရတယ်ဆိုတာ တခြား စားစရာ မရှိလို့ စားရတာပါ။ ကျမမှာက နေ့စဉ်နှင့်အမျှ မုန်းတီးမှုကို စားရပါတယ်။ တချို့ တချို့သော သူတွေ၊ ကံကောင်းတဲ့သူတွေကတော့ စားစရာတွေ အများကြီး ရှိမှာပေါ့။ အဟာရရှိတဲ့ အစားအစာတွေ အများကြီး စားတဲ့အခါမှာ သူတို့ရဲ့ ဗိုက်တွေကလဲ တဖြေးဖြေးနဲ့ ပိုပိုပြီး ပူလာပါတယ်။ (ရီသံ၊ လက်ခုပ်သံများ) အဲ့ဒီတော့ ဒီပရိသတ်ထဲမှာ ဗိုက်ပူသူ ရှိရင် (ရီသံများ) တချို့ကျတော့ ဘီယာသောက်လို့ ဗိုက်ပူတတ်ပါတယ်။ အဲ့ဒါတွေက တမျိုးပေါ့။ ကျမမှာတော့ သူများလို စားစရာ အဟာရလဲ သိတ်မရှိ၊ လူပုံကို ကြည့်လိုက်ပါ၊ လူပုံကလဲ ပိန်ပိန် ပုပု သေးသေးလေး၊ ဒါ အဟာရ မရှိလောက်ဖူးဆိုတာ သိလောက်ပါတယ်နော်။ ကျမတို့မှာက ဆန်စပါး။ ၀၀လင်လင် မစားရ။ တချို့တော့ ဆန်စပါးတင်မကဘူး၊ ဘိလပ်မြေတွေ ဘာတွေလဲ စားတတ်ကြတယ်လို့ ပြောပါတယ်။ (ရီသံများ) အဲ့ဒီတော့ ကျမက စားစရာ မရှိတော့ နေ့စဉ်နှင့်အမျှ ကိုယ့်ရဲ့ မုန်းတီးမှုကို ကိုယ့်အမုန်းတွေကို ပြန်ပြီး စားရင်း ကိုယ့်ကိုယ်ကို ခွန်အားဖြစ်အောင် နေခဲ့ရပါတယ်။ အဲ့ဒီအဓိပ္ပါယ်နဲ့ ကျမဟာ ကဗျာလေးကို အဲ့ဒီလို ရေးဖွဲ့ခဲ့ပါတယ်။

မုန်းတီးမှုများ
နေ့စဉ်စားသုံးရင်း
ခွန်အားသစ်တွေ ဖြစ်ခဲ့ပြီ။

နှစ်သုံးဆယ်ကြာတဲ့ မီးလျှံများ
လေတိုက်စားလို့ ငြိမ်းခဲ့ပြီ။

အဲ့ဒါကလဲ အဲ့ဒီကဗျာရေးတော့ ကျမက အသက် ၃၀ မို့လို့ နှစ် ၃၀ ကြာတဲ့ မီးလျှံများလို့ ရေးတာပါ။ (ရီသံများ)

လွဲချော်သွားတဲ့ နာရီများအတွက်
အိပ်မက်တွေကို ရှက်တိုင်း
အနက်ရှိုင်းဆုံးဆိုတဲ့ သောကများ
ဘုရားတရင်း စိန်ခေါ်ခဲ့ရပြီ။

နာရီလွဲတာ၊ အချိန်လွဲတာတွေ လူ့ဘ၀မှာ အများကြီးပါပဲ။ ကျမတို့ မှန်းထားတာက တခြား၊ ဖြစ်သွားတာက တခြား၊ မှန်းထားတဲ့ အချိန်ကတခြား၊ ဖြစ်သွားတဲ့ အချိန်က တခြား၊ အဲ့ဒါတွေ အများကြီး ကြုံရပါတယ်။ အဲ့ဒီတော့ ကျမက အဲ့ဒီလို ရေးပါတယ်။ 'ဘုရားတရင်း စိမ်ခေါ်ခဲ့ရပြီ' ဆိုတာလဲ ကျမတို့က စိမ်ခေါ်တာတောင်မှ ရဲရဲတင်းတင်း စိမ်မခေါ်ရဲပါဘူး။ ဘုရားကို အာရုံပြုပြီးမှ စိမ်ခေါ်ရတာပါ (လက်ခုပ်သံများ) နောက်တပိုဒ် ကျမ ဆက်ရေးပါတယ်။

ဂုဏ်သိက္ခာတွေ ကြွေမွပြီး
စီးထားတဲ့ ဖိနပ်အောက်
အမှန်တရားတွေ မှောက်ကျသွားတဲ့အခါ
ဘ၀ဆိုတာ ကောလဟလပါပဲ။

(လက်ခုပ်သံများ) ဂုဏ်သိက္ခာလဲ မရှိဘူး၊ ကိုယ်စီးတဲ့ ဖိနပ်အောက် အမှန်တရားကို မှောက်ကျပစ်လိုက် တဲ့အခါ၊ မှောက်ချပစ်လိုက်တဲ့အခါ ဘ၀ဆိုတာ ကောလဟလ တခုထက် မပိုပါဘူး။ ဒီလိုဘ၀မျိုးကဖြင့် အားကျစရာ မရှိပါဘူး။ ဒီလိုဘ၀မျိုးကို မက်မောစရာ မရှိပါဘူး။ ကျမက အဲဒီလို ရေးပါတယ်။

ရွှေရှာသူများ
ငွေရှာသူများ
နေရာယူသူများ
အားလုံးရဲ့နောက်မှာ
ငါ....
လေဆာရောင်ခြည်သေနတ်နဲ့ လူသတ်ချင်တယ်။

(လက်ခုပ်သံများ) ဒါပေမယ့် ဆိုတာက ကိုယ်ဖြစ်ချင်တာတွေ၊ ကိုယ့်ဆန္ဒတွေ လုပ်လို့ မရဘူးဆိုတဲ့ အဓိပ္ပါယ်နဲ့ ဒါပေမယ့်ကို ခံထားပါတယ်။

ဒါပေမယ့်
ဘာတွေမှ တွေးမနေနဲ့။

တွေးနေရင်လဲ မောရုံပဲ။ ဘာတွေမှ တွေးမနေနဲ့တော့။

တိမ်တွေကိစ္စ
ရာသီတွေရဲ့ကိစ္စ
လောကကို မတောင်းဆိုလိုက်လေနဲ့
အိနြေ္ဒကြီးတဲ့ကောင်းကင်လို နေလိုက်ပေါ့။

ကောင်းကင်ဆိုတာကတော့ သူ့ရဲ့အောက်မှာ ဖြစ်နေသမျှ ဘာတွေပဲဖြစ်ဖြစ် အိနြေ္ဒတခွဲသားနဲ့ပဲ ငုံ့ကြည့်နေတတ်ပါတယ်။ ကျမတို့ဟာလဲ ဘာတွေကိုမှ၊ တိမ်တွေရဲ့ ကိစ္စ၊ ရာသီရဲ့ ကိစ္စရော လောကကို တောင်းဆိုလို့ မဖြစ်ပါဘူး။ တောင်းဆိုလို့ မရတဲ့အပိုင်းတွေ အများကြီး ရှိတော့ ကျမလဲ ဒီ အိနြေ္ဒကြီးတဲ့ ကောင်းကင်ကြီးလို နေလိုက်ပေါ့လို့ ကျမက အဓိပ္ပါယ်ရပါတယ်။ (လက်ခုပ်သံများ)

အဲ့ဒါ ကျမ ပရိသတ်ဆီ ရောက်အောင်ပို့ဖို့ ရည်ရွယ်ချက်နဲ့ ရေးသော်လဲ ပရိသတ်ဆီ သုံးကြိမ်တိုင် မရောက်ခဲ့တဲ့ ကဗျာလေးပါ။ ဒါ ဥပမာပါ။ နောက်ထပ် ဥပမာတွေကိုတော့ ကျမ ရွတ်မပြတော့ပါဘူး။ အဲ့ဒီတော့ အဲ့ဒါဟာ ကျမရဲ့ ညံ့ဖျင်းမှုတွေပါ။ ကျမ ညံ့ဖျင်းမှုတွေ အားလုံးကို ရှေ့ဆက်ပြောရရင် အများကြီးရှိပါတယ်။ ဒါပေမယ့် မပြောတော့ပါဘူး။ ဒီလောက်ဆိုရင် ပရိသတ် သဘောပေါက်ပါပြီ။ ဒီတော့ ကျမ ကိုယ့်ကိုယ်ကို ညံ့နေတာကို သိသွားပြီ။ ညံ့နေတာကနေ တော်အောင် လုပ်ချင်တယ်ဆိုတဲ့ ဆန္ဒရှိပါတယ်။ အဲ့တော့ ညံ့နေတာကနေ တော်အောင် ဘယ်လိုနည်းတွေနဲ့ ကျမ တော်တာ မတော်တာ အမြဲတမ်း စဉ်းစားပါတယ်။ ညံတာကလဲ ကျမတယောက်တည်း မဟုတ်ပါဘူး။ ကျမသူငယ်ချင်းဆရာဝန်တွေ သူတို့လဲ ညံ့ကြပါတယ်။ သူတို့ကို မေးကြည့်တဲ့အခါ သူတို့ကလဲ တော်ချင်တယ်လို့ ပြောကြပါတယ်။ အဲ့တော့ ကျမတို့ အားလုံးစုပြီး တော်အောင်လုပ်ကြဖို့ တမျိုးမျိုး ရှာမှဖြစ်မယ်။ ညံ့တာသိရင် သူတော်မှာပဲ၊ အဲ့တော့ ညံ့တဲ့အကြောင်းတွေကို ရှာရအောင်၊ ငါတို့ ဘာကြောင့် ညံ့သလဲ အဲ့လို ကျမတို့ မေးပါတယ်။ အဲ့တော့ ကျမတို့က လူငယ်တွေဆိုတော့ အမြဲတမ်းပဲ လူကြီးတွေကို ပုံချဖို့ စိတ်ထက်သန်တဲ့ လူတွေပါ။ ကျမတို့က လူကြီးတွေကို ပုံချတယ်။ ကျမတို့ ဘာကြောင့် ညံ့သလဲ၊ ကျမတို့ တော်အောင် လေ့ကျင့်မပေးနိုင်တဲ့ လူကြီးတွေ ညံ့လို့ ကျမတို့ တွေးပါတယ်။ (လက်ခုပ်သံများ)

အဲ့ဒါ ရာခိုင်နှုန်းပြည့်မှန်တဲ့ ကောက်ချက်တခုတော့ ဟုတ်ချင်မှ ဟုတ်မှာပေါ့။ ကျမဟာ လူငယ်ရဲ့ ကိုယ်စား ကျမ သွားပြီးတော့ ကောက်ချက်ချလိုက်တာပါ။ တကယ်တမ်းကတော့ ကျမတို့ဟာ ရာခိုင်နှုန်းပြည့် တော်အောင် မကြိုးစားနိုင်ရင်၊ ၈၀% တော်အောင် ကြိုးစားသင့်ပါတယ်။ ၈၀% မရရင် ၆၀%၊ ၆၀% မရရင် ၄၀% ရဖို့ ကျမတို့မှာ တာဝန် ရှိပါတယ်။ ဒါပေမယ့် ကျမတို့က ၄၀% ရတာကို ၁၀၀% မရလို့ ဆိုပြီး ညည်းညူပြီးတော့ စိတ်ပျက်လက်ပျက် နေခဲ့ကြလို့ အဲ့ဒီထက် ညံ့လာပါတယ်။ အဲ့တော့ အဲ့ဒါတွေကို သိသွားရင် ကျမတို့ တော်ကြမယ်။ တော်အောင်လုပ်ကြမယ် ဆိုပြီးတော့ ကျမတို့ဟာ တော်ဖို့ မျှော်လင့်ချက်ကလေး ကိုယ်စီနဲ့ အသက်ရှင်ဖို့ ဆုံးဖြတ်လိုက်ကြတယ်။ အဲ့ဒီနေရာမှာ ကျမတို့က မျှော်လင့်ချက်သာ ထားတယ်။ မျှော်လင့်ချက်ရဲ့ အဓိပ္ပါယ် အတိအကျကို ကျမတို့ အသေအချာ မသိပါဘူး။ အဲ့တော့ မျှော်လင့်ချက်နဲ့ ပတ်သက်ပြီးတော့ ကျမ ဖတ်ခဲ့ဖူးတဲ့ စာအုပ်ထဲက အကြောင်းအရာလေးကို ပြောရင်းနဲ့ နိဂုံးချုပ်ပေးပါမယ်။

ကျမဖတ်ဖူးတဲ့ စာအုပ်တအုပ် ရှိပါတယ်။ ကမ္ဘာကျော် စိတ်ပညာရှင် ဆရာကြီး အဲလစ်စတုန်းဆိုတာ ကြားဖူးကြမှာပါ။ ဂျမန်စိတ်ပညာရှင်ကြီးပါ။ အဲဒီ အဲလစ်စတုန်းက စာအုပ်တွေ အများကြီး ရေးပါတယ်။ သူရေးတဲ့ စာအုပ်တွေ အနက်က မျှော်လင့်ချက်နဲ့ ပတ်သက်ပြီး ရေးခဲ့တဲ့ စာအုပ်ပါ။ ခေါင်းစဉ်က 'Revolution of Hope' မျှော်လင့်ချက်၏တော်လှန်ရေး။ အဲ့လို ဘာသာပြန်လို့ ရမယ်ထင်ပါတယ်။ အဲ့ဒီ စာအုပ်ကို ကျမ သိတ်မကြာခင်က ဖတ်လိုက်ရပါတယ်။ လွန်ခဲ့တဲ့ နှစ်နှစ်လောက်ကပါ။ အဲ့ဒီတော့ ဒီစာအုပ်ကို ဖတ်တော့ စာအုပ်ထဲမှာက မျှော်လင့်ချက်နဲ့ ပတ်သက်ပြီးတော့ သူအဓိပ္ပါယ် ဖွင့်ဆိုတာက အင်မတန် သဘောကျဖို့ ကောင်းပါတယ်။ သူက မျှော်လင့်ချက်ဆိုတာ ဆန္ဒသက်သက်ကိုသာ ပြောတာ မဟုတ်ပါဘူး။

ကျမတို့ကတော့ မွေးကတည်းက ခုချိန်ထိ ထင်လာခဲ့တယ်။ ကျမတို့ ဖြစ်ချင်တဲ့ ဆန္ဒတွေဟာ ကျမတို့ မျှော်လင့်ချက်ပဲလို့ ကျမထင်ခဲ့တယ်။ ကျမဟာ သိန်း ၅၀ ကျော်လောက် ချမ်းသာတဲ့ သူဌေးမကြီး ဖြစ်ချင်တယ်။ ဖြစ်အောင်ကြိုးစားရင် ရမယ်ထင်တယ်။ ကျမဟာ လက်ညှိုးညွှန်ရာ ရေပွတ်တွေ အများကြီးပိုင်တဲ့ ဘ၀ ရောက်ချင်တယ်။
ဥပမာ ပြောတာပါ။ အဲ့ဒီလို ဘ၀မျိုးရောက်ချင်တယ်။ အဲ့ဒါဟာ ကျမရဲ့ ဆန္ဒ၊ ဒီဆန္ဒဟာ ကျမရဲ့ မျှော်လင့်ချက်ပဲလို့ ကျမ အဓိပ္ပါယ် ပေါက်ခဲ့တယ်။ ဆရာကြီး အဲလစ်စတုန်းက ဘာပြောသလဲ၊ မျှော်လင့်ချက် ဆိုတာ ဆန္ဒသက်သက်ကို ခေါ်တာ မဟုတ်ဘူးတဲ့။ မျှော်လင့်ချက်အတွက် ဆန္ဒမှာ ဆုံးဖြတ်ချက် တွဲပြီးပါရမယ်တဲ့။ ဆုံးဖြတ်ချက်မပါတဲ့ မျှော်လင့်ချက်၊ ဆုံးဖြတ်ချက်မပါတဲ့ ဆန္ဒဟာ မျှော်လင့်ချက်အရ မျှော်လင့်ချက် အသေကြီး ပဲတဲ့။ သူက Passive Hope လို့ ကျမတို့ကို ရှင်းပြပါတယ်။ Passive ဆိုတာ ကိုယ်တိုင်ပြုပြင် ဖန်တီးတာ မဟုတ်ပဲနဲ့ သူတပါးပြုပြင်ဖန်တီးတာကို စောင့်ပြီးနေတဲ့ သဘောတရားကို Passive လို့ ခေါ်ပါတယ်။ အဲ့ဒီတော့ သူက ဆုံးဖြတ်ချက်မပါတဲ့ မျှော်လင့်ချက်ဟာ မျှော်လင့်ချက် ဖြစ်ရင်တောင်မှ မျှော်လင့်ချက် အသေကြီးပဲတဲ့။ အဲဒီတော့ မျှော်လင့်ချက်အသေနဲ့ မျှော်လင့်ချက်အရှင် သူက ခွဲခြားပြတယ်။ အဲ့လို ခွဲခြားပြဖို့အတွက်လဲ သူက ကျမတို့ကို အင်မတန်ကောင်းတဲ့ ပုံဝတ္ထုကလေးတပုဒ်ကို ပြောပြပါတယ်။

အဲ့ဒီ ပုံဝတ္ထုလေးက သုံးလေးကြောင်းပဲ ရှိတဲ့ ပုံပြင်တိုကလေးပါ။ အဲ့ဒီ ပုံဝတ္ထုကလေးကို ရေးခဲ့ပါတယ်။ ခေါင်းစဉ်က 'တရားဥပဒေရှေ့မှောက်မှာ' တဲ့၊ အဲ့ဒီ ပုံဝတ္ထုထဲမှာ ဇာတ်လိုက် နှစ်ယောက်ပဲ ပါပါတယ်။ တယောက်က ခရီးသည်ကြီးတယောက်၊ အဲ့ဒီ ခရီးသည်ကြီးက သူ့လမ်းခရီးကနေပြီးတော့ တံခါးတခုရဲ့ ရှေ့ကို ရောက်လာပါတယ်။ အဲ့ဒီတံခါးကြီးက ဖွင့်ထားတဲ့ တံခါးကြီးပါ။ ပိတ်နေတဲ့ တံခါးကြီး မဟုတ်ပါဘူး။ ဖွင့်ထားတဲ့တံခါးဆိုတော့ ဖွင့်ထားတဲ့ တံခါးကြီးရဲ့ ဟိုဘက်မှာ သူဟာ အများကြီး သူမြင်ချင်တာတွေ အကုန်မြင်ရပါတယ်။ အဲ့ဒီဖက်မှာ အင်မတန် သာယာအေးချမ်းတဲ့ မြို့တော်ကြီးတခု ရှိပါတယ်။ သည်တံခါးကြီးက အဲ့ဒီမြို့တော်ကို ၀င်တဲ့ တံခါးကြီးပါ။ အဲ့ဒီတံခါးကြီးကနေ လှမ်းကြည့်လိုက်တဲ့အခါ ဟိုး မြို့တော်ထဲမှာ လူတွေ ပျော်ရွှင်နေကြတာ၊ သွားချင်တဲ့ နေရာတွေ သွားနေကြတာ၊ စကားတွေ ပြောနေကြတာ၊ ရေးချင်တာတွေ ရေးနေကြတာ၊ နားထောင်ချင်တာတွေ သူတို့ ကြားအောင် နားထောင်နေနိုင် ကြတာ၊ အဲဒါတွေ အားလုံးကို သူမြင်နေရတော့ အဲ့ဒီကို သိပ်သွားချင်တယ်။ အင်မတန် ပျော်ရွှင်တဲ့ နိုင်ငံကြီး တခုပဲ။ အဲ့ဒီတော့ ငါသွားချင်တယ်။ ခက်နေတာက တံခါးကြီးရဲ့ ရှေ့မှာ အစောင့်ကြီးတယောက် ရှိပါတယ်။ အဲ့ဒီ အစောင့်ကြီးက မတ်မတ်ရပ်ပြီးတော့ ခရီးသည်ကြီးဆီကို ကြည့်နေတယ်။ ခရီးသည်ကြီးက အစောင့်ကြီးဆီကို သွားပါတယ်။ "အစောင့်ကြီးခင်ဗျာ" တဲ့၊ "ကျနော် ဒီတံခါးကနေ ဖြတ်ပြီးတော့ ဟိုး မြို့တော်ကြီးဆီကို သွားချင် ပါတယ်။ ကျနော့်ကို ၀င်ခွင့်ပေးပါခင်ဗျာ" တဲ့။ အဲ့ဒီလို သူက ယဉ်ကျေးစွာ ခွင့်တောင်းလိုက်ပါတယ်။ ဒီတော့ အစောင့်ကြီးက ၀င်ခွင့်မပေးပါဘူးလို့ မျက်နှာထားတည်တည်နဲ့ ငြင်းလိုက်တယ်။ အဲ့ဒီတော့ ခရီးသည်ကြီးက ၀င်ခွင့်မပေးသေးဘူး ဆိုတော့ တချိန်မှာတော့ ငါ့ကို ၀င်ခွင့်ပေးမှာနဲ့တူတယ်ဆိုပြီး သူဟာ နောက်ပြန်ဆုတ်သွား တယ်။ ပြန်ပြီးတော့ ခပ်လှမ်းလှမ်းမှာ ထိုင်ပြီးတော့ စောင့်နေပါတယ်။ စိတ်ရှည်လက်ရှည်နဲ့ ၀င်ခွင့်ပေးတဲ့အထိ စောင့်တယ်။ သူတခါ မတ်တတ်ရပ်ပြီးတော့ အစောင့်ကြီးဆီကို ပြန်သွားပါတယ်။ "အစောင့်ကြီးခင်ဗျာ ကျနော် ဟို မြို့တော်ကြီးထဲကို ၀င်ချင်ပါပြီ၊ ကျနော့်ကို ဒီတံခါးကနေ ၀င်ခွင့်ပေးပါ" တဲ့။ အဲ့တော့ မနှစ်ကလိုပဲ အစောင့်ကြီးက မျက်နှာမာမာနဲ့ ၀င်ခွင့်မပေးဘူးလို့ ငြင်းလိုက်တယ်။ သူက မနှစ်ကလိုပဲ နောက်ပြန်ဆုတ်ပြီး ခပ်လှမ်းလှမ်းမှာပဲ ထိုင်စောင့်နေတယ်။ ငါ့ကို တချိန်ချိန်တော့ ၀င်ခွင့်ပေးမှာ ထင်ပါရဲ့၊ ဒါမှမဟုတ် တယောက်ယောက်ကပဲ ငါ့ကို ၀င်ထွက်ခွင့် လက်မှတ် တောင်ပေးမှာ ထင်ပါရဲ့၊ ဒါမှမဟုတ် တယောက်ယောက်ရဲ့ နောက်ကနေ ကပ်ပြီးလိုက်ရင် တော့ ငါ ဒီအထဲကို ၀င်ရလိမ့်မယ် ထင်ပါရဲ့။ သူဟာ တွေးပြီးတော့ သူ့နေရာမှာ ငြိမ်ပြီးတော့ ထိုင်နေပါတယ်။ အဲ့ဒီလို တစုံတယောက်က ပေးလာနိုးနဲ့ မျှော်လင့်ခဲ့တာ ရက်ကနေ လ၊ လကနေ နှစ်၊ နှစ်ပေါင်းများစွာ ကြာတဲ့အထိ သူက အဲ့ဒီနေရာမှာ ထိုင်ပြီး စောင့်ပါတယ်။ နောက်ဆုံး သူဟာ အဖိုးကြီးဘ၀နဲ့ တုန်တုန်ချိချိနဲ့ ထပြီးတော့ အစောင့်ကြီးဆီကို ထသွားပါတယ်။ သူသွားတဲ့အချိန်မှာ သူစဉ်းစားတယ်၊ ဒီတံခါးကြီးဟာ ဖွင့်ထား တာလဲ ဟုတ်တယ်၊ ဘယ်သူမှလဲ ၀င်ခွင့် လာမတောင်းကြဘူး၊ ငါတယောက်ပဲ ၀င်ခွင့်တောင်းတယ်၊ ဖြတ်ဆင်း သွားတဲ့ လူလဲ မမြင်ရဘူး၊ အဲ့ဒါ ထူးတော့ ထူးဆန်းတယ်၊ ငါ ဒီတခါ စမ်းကြည့်ဦးမှ ဖြစ်မယ်ဆိုပြီး

"အစောင့်ကြီးခင်ဗျာ၊ ကျနော် ဒီအရှေ့မှာ စောင့်လာခဲ့တာ ကျနော် ဒီအရှေ့မှာ စောင့်လာခဲ့တာ နှစ်ပေါင်းများစွာ ကြာခဲ့ပါပြီ ကျနော် အိုလဲ အိုနေပါပြီ၊ သေလဲ သေရပါတော့မယ် အခုအချိန်ထိ ကျနော် ၀င်ခွင့်မရသေးဘူး၊ ကျနော်ဒီရှေ့မှာ စောင့်နေသမျှ နှစ်တွေမှာလဲ ဒီတံခါးကြီးထဲကို ၀င်တဲ့သူရယ်လို့ တယောက်မှ မတွေ့သေးပါဘူး၊ ကျနော်တယောက်တည်းပဲ ဒီရှေ့မှာ ရှိတယ်၊ အဲဒါဟာ ဘာသဘောလဲ ခင်ဗျာ" တဲ့။ သူက အဲ့ဒီလို မေးလိုက်တော့ အစောင့်ကြီးက "ဟုတ်တယ် ခင်ဗျားက လွဲပြီးတော့ တယောက်မှ အထဲကို ၀င်ခွင့်မတောင်းသေးဘူး၊ ၀င်လို့လဲ မရသေးဘူး၊ ဘာကြောင့်လဲဆိုတော့ ဒီတံခါးဟာ ခင်ဗျားအတွက် ရည်ရွယ်ပြီး ဖွင့်ထားတဲ့ တံခါးဖြစ်လို့ပဲ၊ ဘယ်သူမှလဲ လာမမေးပါဘူး၊ အခုတော့ ကျနော် ဒီတံခါးကို ပိတ်ရပါတော့မယ်" တဲ့ ပြောပြီးတော့ သူ့ရှေ့မှာပဲ တံခါးကြီးကို ပိတ်လိုက်တယ်၊ ဒီတော့ ကပ်ဖကာရဲ့ အဲ့ဒီ ပုံဝတ္ထုလေးကို အဲလစ်စတုန်းက ကျမတို့ကို ရှင်းပြခဲ့တယ်၊ ဒီလူဟာ နှစ်ပေါင်းများစွာ ဒီထဲကို ၀င်ချင်တဲ့ စိတ်နဲ့ စောင့်ဆိုင်းနေခဲ့တာ အဲ့ဒါဟာ မျှော်လင့်ချက် မဟုတ်ဘူးတဲ့။ စောင့်ဆိုင်းမှုဆိုတာ ပါလာရင် ဒါဟာ ဆန္ဒပဲ ဖြစ်တယ်။ ဒါ မျှော်လင့်ချက် မဖြစ်နိုင်ဘူး၊ မျှော်လင့်ချက်ရယ်လို့ ပြောတဲ့အတွက် သူဟာ တံခါးထဲကို ၀င်ဖို့ ကြိုးစားသင့်တယ်။ ဒီတံခါးကို သူကိုယ်တိုင် ၀င်ဖို့ မကြိုးစားပဲ တစုံတယောက်ရဲ့ အမိန့်အာဏာ၊ တစုံတယောက်ရဲ့ အားကိုးမှုနဲ့ သူဝင်ဖို့ သူဟာ စောင့်နေခဲ့တာ။ ဒါကြောင့် သူဟာ ဒီတံခါးထဲကို ၀င်ခွင့် မရခဲ့ဘူး။

နောက်ဆုံးကြတော့ တံခါးကြီးက ပြန်ပိတ်သွားရပြီတဲ့။ ကမ္ဘာပေါ်မှာ လူတော်တော်များများဟာ ဒီလို စိတ်ထားမျိုး ရှိကြတယ်။ ကျနော်တို့တွေအားလုံးမှာ ဒီအဖိုးအိုလို စိတ်ထားမျိုး ရှိကြတယ်။ ဒါ မျှော်လင့်ချက်ပိုင်ရှင်တွေ မဟုတ်ဘူးလို့ အဲလစ်စတုန်းက ပြောပါတယ်။ ဒီတော့ ကျမတို့က အဲ့ဒီ ပုံဝတ္ထုကို ကြည့်ပြီးတဲ့အခါမှာ ကျမတို့ ညံ့နေတာတွေ တော်လာအောင် မျှော်လင့်ချက်ဆိုတာ စောင့်ဆိုင်းနေရုံနဲ့ မရဘူး၊ ကျမတို့ ကိုယ်တိုင် မဖြစ်ဖြစ်အောင် လုပ်မယ် ဆိုတဲ့ ဆုံးဖြတ်ချက် ပါဖို့ လိုပြီးလို့ ကျမ အဲ့လို တွေးပါတယ်၊ အဲ့ဒါနဲ့ အဲလစ်စတုန်းပြောသလို မျှော်လင့်ချက် အရှင်ဖြစ်အောင် ကျမတို့ နည်းလမ်းတွေ ရှာကြပါတယ်။ ဒီအစောင့်ကြီး ကျော်ပြီးတော့ အထဲကို ၀င်ဖို့ နည်းလမ်းတွေ၊ ဒါပေမယ့် ကျမ ဘာနည်းလမ်းမှာ မတွေ့သေးပါဘူး။ ခုချိန်ထိ တံခါးကြီးက ပွင့်နေဆဲပါ။ ဒါပေမယ့် ကျမ နည်းလမ်းမတွေ့သေးတဲ့အတွက် မတော်သေးပဲ ညံ့ဖျင်းတဲ့ လူတယောက် ဖြစ်နေပါတယ်၊ ဒါဟာ ကျမတယောက်တည်း မဟုတ်ပါဘူး၊ ကျမသူငယ်ချင်းတွေ အကုန်လုံး ဒီလိုပါပဲ။ ဆရာဝန်တွေ၊ တချို့ စာရေးဆရာတွေ ကျမလောက်နီးပါး ညံ့တဲ့လူတွေ ရှိပါလိမ့်မယ်။ ဒီတော့ ကျမတို့ အထဲကို ၀င်ဖို့ နည်းလမ်းတခုခုတော့ ရှိမယ်ဆိုပြီး ရှာကြပေမယ့် နည်းလမ်းမတွေ့ခဲ့တော့ ကိုယ်ကိုကိုယ် နည်းနည်းတော့ ဒေါသဖြစ်မိတယ်။ ဘေးက ကြည့်တဲ့ ပရိသတ်လဲ ဒီလောက်ညံ့ရသလားဆိုပြီး ဒေါသထွက်ချင် ထွက်ပါလိမ့်မယ်။ အမှန်အတိုင်း ၀န်ခံရရင်တော့ ကျမဟာ ဒီခရီးသည်ကြီးလို ဖြစ်နေဆဲပါ။ ဒီနေရာမှာ ကျမ စာနယ်ဇင်း သတင်းစာဆရာကြီး တယောက်ကို လူတယောက်မေးတဲ့ မေးခွန်းနဲ့ ကိုယ့်ကိုကိုယ် ဖြေသိမ့်ပါတယ်။ သူက နိုင်ငံကျော် စာနယ်ဇင်း သတင်းစာဆရာကြီးတယောက်ကို ဘာမေးသလဲ ဘာပြောသလဲဆိုတော့ "ခင်ဗျားတို့ သတင်းစာဆရာတွေဟာ ပြဿနာတွေကို ရှာနေကြတာပဲ၊ ပြဿနာတွေကို ရှာပြီး ဒီပြဿနာရဲ့ အဖြေကိုတော့ ပြည်သူတွေကို ချပြဖို့ သတိမရကြဘူး၊ ခင်ဗျားတို့ တော်တော်ညံ့တဲ့ လူတွေပဲ" လို့ သတင်းစာဆရာကြီးကို ဝေဖန်ပါတယ်။ ဒီတော့ သတင်းစာဆရာကြီးက ပြန်ပြောလိုက်ပါတယ်။ "ဟုတ်ကဲ့၊ ကျနော်ဟာ ပြဿနာရဲ့ အဖြေမသိလို့သာ သတင်းစာဆရာ လုပ်နေတာပါ၊ ပြဿနာရဲ့ အဖြေကိုသာ သိရင် နိုင်ငံရေးသမားပဲ လုပ်မှာပေါ့" တဲ့။ အဲ့ဒီလို သူက ဖြေတယ်၊ ဒီတော့ ကျမလဲ ဒီသတင်းစာဆရာကြီးလိုပဲ ဖြေရပါ လိမ့်မယ်။ ကျမဟာ စာရေးဆရာသာ ဖြစ်ပါတယ်၊ စာရေးဆရာ ဖြစ်တဲ့အတွက် ပြဿနာတွေ ရှာတယ်လို့ အဓိပ္ပါယ် သက်ရောက်ရင် သက်ရောက်သွားပါလိမ့်မယ်။ ကျမဟာ ပြဿနာတွေရဲ့ အဖြေကို မသိလို့သာ စာရေးဆရာ ဖြစ်နေတာပါ။ ပြဿနာတွေရဲ့ အဖြေကို သိရင် နိုင်ငံရေးသမား လုပ်မှာပေါ့။ အဲ့ဒီလိုဆိုရင် (လက်ခုပ်သံများ) အဲလို့သာဆိုရင် ကျမကို ခုလို ရန်ကုန် စက်မှုတက္ကသိုလ် စာပေဟောပြောပွဲ စင်မြင့်ပေါ်မှာ ကျမကို တွေ့ရမှာ မဟုတ်တော့ပါဘူး။ ကျေးဇူးတင်ပါတယ်ရှင်။ ။
(လက်ခုပ်သံများ)

Read More

ဒဂုံတာရာ

မြန်မာ့အစဉ်အလာ၌ ကဗျာသည် ပါဝင်သည်။ ရှေးက ကဗျာဟူသည် က၀ိတို့၏ ပိုင်ဆိုင်ရာဟူ၍ သဘောတရားထုတ်ခဲ့ကြသည်။ မြန်မာ့အစဉ်အလာက ကာရန်ဖြင့် သီကုံး တန်ဆာဆင်ထားသော လင်္ကာများကို တပ်မက်ကြသည်။ စိန်ကြာညောင်လွ၊ ရောင်ကြိုးကြွ သော န၀ရတ်ရောင်စုံပြက်သည့် နန်းရင်ပြင် ခြင်္သေ့မုခ်ဦး၌ ကဗျာသည် စောင်းသံငြိမ့်ငြိမ့်ဖြင့် ပေါ်ထွက်ခဲ့သည်။ ထန်းပင်ရိပ်၊ ထနောင်းပင်ရိပ်၌လည်း တခါတရံ ကဗျာသံကို သဲ့သဲ့ကြားရသည်။ ကြိုးကြားမျှသာ။


မြန်မာ့သံလျက် လဲကျသော် သူများလက်အောက် ရောက်နေသော မြန်မာတို့သည် ဂန္ထ၀င်စာပေကို ပလ္လင်ပေါ်တွင်တင်ကာ အမျိုးသားမှု လက်နက်ဖြင့် နယ်ချဲ့သမားအား ခုခံခဲ့ကြသည်။ ကိုယ့်မင်းကိုယ့်ချင်းခေတ်က ရတနာများဖြင့် အမျိုးသားအားမာန်ကို ဖော်ကြွားကြသည်။ ကုန်းဘောင်နေမင်းများပေတကား၊ ဇမ္ဗူကျွန်းလုံးအနှံ့ တည်တော်မူသော ဘုရင်များပေတကား။
မြန်မာတို့၏ ဘုရင်ခေတ် လွတ်လပ်ရေးဘ၀ကို ဂန္ထ၀င်စာပေမှ လက်နက်ကရိယာ များဖြင့် ဟန်ရေးပြကြသည်။ သဇင်ရနံ့ထုံသောညကို အမှတ်ရရင်း စောင်းခတ်သံကဗျာများ ဖွဲ့ကြရသည်။
သို့သော် ဒုတိယကမ္ဘာစစ်မှ အမြောက်သံသည် မှန်ရွှေဖြူပြတင်းကို ခွင်းလိုက်တော့ သည်။ မှန်သားများ ကွဲစဉ်သွားတော့သည်။

(ခ)
အမျိုးသား လွတ်မြောက်ရေးလှိုင်းသည် ပေဖူးလွှာများကို ရိုက်ခတ်ပစ်တော့သည်။ သုတေသီတို့က ကမန်းကတန်း ပေဖူးလွှာကို ပြတိုက်ဘီရိုထဲသို့ ထည့်လိုက်ကြရသည်။ 'ဂန္ထ၀င်စာပေ' ဟု ပြတိုက်မှူးက စာတန်းထိုးလိုက်သည်။ ခေတ်စမ်းကဗျာကို စာပွဲ၌တင်ကာ အမျိုးအမည် စာရင်း၌ ခွဲတမ်းလုပ်နေဆဲ။
၁၃၀၀-ပြည့် အရေးတော်ပုံ၊ နဂါးနီစာအုပ်အုပ်၊ မတ်ဝါဒ၊ နုအက်တလီစာချုပ်များသည် ရာဇ၀င်တမျက်နှာ လှန်စေတော့သည်။ ဖက်ဆစ်တော်လှန်ရေး စခန်းချနေစဉ် 'တပ်တော်ဦးဆီ မျှော်လိုက်ပြန်တော့' တေးသံသည် စတင်းဂန်း သေနတ်ကိုင်ရင်း ပြန်လည်ဆန်းသစ် လာခဲ့သည်။ သို့သော် တပ်တော်မှာ ဒိုင်းလွှားရောင်လက်သော တပ်တော် မဟုတ်တော့ပြီ။ စစ်နှင့် တော်လှန်ရေးထဲမှ မွေးဖွားလာခဲ့သော ဗမာ့တပ်မတော်။
ကဗျာသည်လည်း လက်နက်ကရိယာအသစ်ကို ကိုင်တွယ်လာရသည်။ အသေးစိတ် ထုရန်အတွက် စူးကို သွေးရသည်။ ကရိယာထည့်သော သေတ္တာကို ဝေးဝေး၌ သွားမထား သော်လည်း သံချေးတက်နေသော ဆောက်ပြားကိုကား မသုံးတော့ပြီ။ တခါတရံ ခေတ်စမ်းမှ ဖဲ့၍ ယူရသည်။ သို့ဖြင့် ယနေ့လူငယ်များသည် မြန်မာမှု အစဉ်အလာအရပင် ကဗျာဖြင့် ခံစားမှုကို ဖော်ကျူးနေကြပေသည်။
စစ်နှင့် တော်လှန်ရေးကလဲ လှုပ်ရှားနေဆဲ။
လူငယ် ကဗျာဆရာသည် စိတ်ကူးလွတ်လပ်မှုတို့ကို ကိုးကွယ်လာသည်။ ကဗျာကို ကာရန်ကြိုးမျှင်ဖြင့် ယက်သီသော်လည်း ထိတွေ့ရသော ရုပ်ပုံတို့က အားကောင်းတွန်းကန် ရုန်းထွက်လာသော် တခါတရံ စိတ်ကူးမျဉ်းကြောင်းပေါ်၌သာ ကွက်ကျော် သွားကြရသည်။ သေနတ်သံက ကာရန်ကို အသံဖွဲ့ပြန်သည်။ လူထုလှုပ်ရှားမှုက ပုံပန်းကို ဖော်ပြန်၏။

(ဂ)
လွတ်လပ်သော စိတ်ကူး၊ ယင်း စိတ်ကူးနှင့်လိုက်သော အဆင်အယင်ကို တင်မိုး၏ 'အတ္တအိပ်မက်' ၌ ခံစားထိတွေ့ လိုက်ရသည်။ စင်စစ် တင်မိုး၏ အတ္တ ရုပ်ပုံလွှာ တချပ်ဖြစ်၏။ သို့သော် ထနောင်းရိပ်ကို မမေ့သော တင်မိုး၏ အခြားအတ္တရုပ်ပုံလွှာ တချပ်ကမူ ချူသံနှင့် နွားငေါက်သံကို တေးဖွဲ့နေဆဲ။
သုံးထပ်တိုက် မှန်ခန်း၌ရောက်နေသော တင်မိုးအား ထနောင်းပင်ရိပ်ကို လွမ်းရကောင်းလားဟု ဒေါသဝေဒနာ မဖြစ်စကောင်း။ စင်စစ် လူတို့သည် ဆန့်ကျင်ဖက်များ ဖြင့် ပေါင်းစပ်ထားကြသည်။ အိမ်လွမ်းတတ်သော တင်မိုးနှင့် ကတ္တရာလမ်းမပေါ်၌ လျှောက်နေသော တင်မိုးတို့၏ တင်မိုး နှစ်မိုးကို ကဗျာက တစ်မိုးတည်း လုပ်ပေးလိုက်ခြင်း ဖြစ်သည်။
ဝေဒနာကြောင့် ကဗျာရေးသည်။ ဝေဒနာရုပ် ပေါ်လာရသည်။
ထနောင်းပင်ရိပ်ကို အိပ်မက်ရင်း စက်လူကို တင်မိုးသည် လှောင်ပြောင်၏။ သွေးပွင့်၌ နုနေ၏။ လှနေ၏။ သင်ပုတ်၊ စက်ခလုတ်၊ အလုပ်သမား၏တူသံ၊ ဆေးလိုပ်တိုပြာကြွေ၊ သဂြိုလ် စာအုပ်၊ ခေါင်းရင်းဗူးစင်၊ မြို့မငြိမ်း၊ ဒေါက်တာဂျော်နီ၊ မြစ်စောင့်နဂါး၊ မှိုင်း၊ စလေဆီးသီး.... လူ့ဘ၀၏ ရုပ်ပုံအားလုံးကို တင်မိုး စိတ်ဝင်စားပြီး ဝေဒနာ ခံစားသည်။
ယင်းဝေဒနာများမှ တင်မိုး၏ လှပသာယာသော ကဗျာများ ပွင့်ဖူး လာချေသည်။ တင်မိုးသည် တောနှင့်မြို့ ကူးသန်းနေလေတော့သည်။

ဒဂုန်တာရာ ၀န်ခံချက် maya online magzineမှ ကူးယူဖော်ပြပါသည်။

Read More

DAGON TARYAR

သမိုင်းခေတ် အဆက်ဆက်ကို ဖြတ်သန်းခံစား သိရှိပြီးဖြစ်၍ အစဉ်အလာ၏ သမိုင်းကြောင်းဆက်ခံမှုကို စဉ်းစားနေမိသည်။ မစဉ်းစား၍ မဖြစ်။ ကျွန်တော်တို့သည် လူဖြစ်လာကတည်းက သမိုင်းခေတ်တခေတ်တွင် မွေးဖွားကြီးပြင်းသည် ဖြစ်သည်။ မည်သည့်သမိုင်းခေတ်တွင် မွေးဖွားကြီးပြင်းသည်ဖြစ်စေ၊ ယင်းသမိုင်းခေတ်ကို လူသားတို့သည် တုန့်ပြန်မြဲ။ ယင်းတုန့်ပြန်မှုတို့ကို အရေးတော်ပုံဟု၎င်း၊ တော်လှန်မှုဟူ၍၎င်း ဝေါဟာရ တမျိုးမျိုးနဲ့ သိရှိနားလည်ခဲ့ကြသည်။ ဘုရင်မင်းများလက်ထက်က ဘုရင်က ပါဝင်လှုပ်ရှားသော အရေးတော်ပုံဟူ၍ တော်တပ်ခါ သတ်မှတ်ခဲ့ကြသည်။ သည်ဘက်ခေတ်တွင်တော့ အရေးတော်ပုံ ခေါ်စရာမရှိ။ ဘုရင်ခေတ်မရှိ သောကြောင့် ဖြစ်သည်။ တော်ဟူသော စကားကို ကြီးကျယ်သော၊ မြင့်မြတ်သော အရာအဖြစ်ကား အဓိပ္ပါယ်ဖော် ခဲ့ကြသည်။ သုံးတတ်ကြသည်ကို တွေ့နိုင်သည်။ တော်ဟူသော အဆောင်အယောင်တို့ကိုလည်း အမျိုးသား ဇာတ်ရုံတော်၊ သမ္မတအိမ်တော် စသော ဝေါဟာရ စကားလုံးများဖြင့် သုံးစွဲတတ်ကြသည်။

နိုင်ငံရေးသိပ္ပံပညာများကို လေ့လာရာတွင် အစဉ်အလာဟူသော စကားရပ်ကို မကြာခဏ တွေ့နိုင်သည်။ အစဉ်အလာဆိုသည်မှာ သမိုင်း၏ လုပ်ရပ်ကို ခေါ်ဝေါ်သတ်မှတ်ခြင်း ဖြစ်သည်။ အစဉ်အလာဆိုသည်ကား သမိုင်းခေတ် တခေတ်နှင့်တခေတ် လှုပ်ရှားသော ဆောင်ရွက်မှုများကို ဆိုလိုခြင်းဖြစ်သည်ကို အများနားလည် သိရှိပြီးဖြစ်သည်။ သမိုင်းကြောင်းဆက်ခံမှုဟူသော စကားရပ်ကလည်း သမိုင်းရေးရာများကို စဉ်းစားတွေးခေါ် ရာတွင် ဆက်စပ်နေသော ဝေါဟာရစကားလုံး ဖြစ်သည်။ သမိုင်းနှင့် စပ်လျဉ်းသည်၊ အစဉ်အလာနှင့် စပ်လျဉ်းသည်။ ယင်းသို့သော သဘောဖြင့် သမိုင်းကြောင်းဟု အဓိပ္ပါယ်ရှိအောင် သုံးနှုန်းသည့်သဘော၊ သမိုင်းဆက်ခံမှုဟု ဆိုလိုက်သောအခါ အစဉ်အလာနှင့် ပတ်သက်နေသော အကြောင်းအရာဖြစ်ကြောင်း ထင်ရှားသိသာသည်။

အစဉ်အလာ၏ သမိုင်းကြောင်းဆက်ခံမှု၊ ယင်းတို့သည် အစဉ်အလာ၏ အဓိပ္ပါယ်၊ သမိုင်းကြောင်း၏ အဓိပ္ပါယ်၊ ဆက်ခံမှု၏ အဓိပ္ပါယ်တို့ကို ဝေါဟာရအဓိပ္ပါယ်အဖြစ် (သို့) သဘောတရားရေးရာ အဓိပ္ပါယ်အဖြစ် ဖော်ပြလိုက်ခြင်း ဖြစ်သည်။ အရေးကြီးဆုံးကတော့ သမိုင်းကြောင်း။ ယနေ့ သမိုင်းခေတ်တွင် မည်သည့် သမိုင်းခေတ်တွင် မွေးဖွားကြီးပြင်း နေထိုင်သည်ဖြစ်စေ လူသားတို့သည် မိမိတို့ သမိုင်းလမ်းကြောင်းတွင် မပါတ်သက် မပါဝင် ဟူ၍ မရှိ။

တနည်းအားဖြင့်တော့ ပါဝင် ပါတ်သက်နေသည်သာ။ ကျနော်တို့သည် ပထမမျိုးဆက်၏ သမိုင်းလမ်း ကြောင်းတွင် ပါဝင် ပါတ်သက်နေကြရသည်။ ထို့နောက် ကျနော်တို့သည် ဒုတိယမျိုးဆက်၊ တတိယမျိုးဆက်၊ စတုတ္ထမျိုးဆက် စသည်ဖြင့် ကြီးပြင်းလာသည့်အလျောက် ဖြတ်သန်းကာ ပါဝင်နေခဲ့ကြရသည်။ ယင်းသို့သော သမိုင်းအတွေ့အကြုံဖြင့် ကျနော် အစဉ်အလာ၏ သမိုင်းကြောင်း ဆက်ခံမှုကို စဉ်းစားမိခြင်း ဖြစ်သည်။ သမိုင်းသည် လူသား၏သမိုင်း။

(ခ)

လွန်ခဲ့သော နှစ်များက သမိုင်းသည်ဆုံးပြီဟူသော အကဲဖြတ်ချက်ကို ပါမောက္ခ ဖူကူယာမ က ရေးခဲ့သည်။ ကျနော်နှင့် ခံစားမှုချင်းမတူ၊ သူ မည်သည့်သမိုင်းခေတ်များကို ဖြတ်သန်းပါဝင် ပတ်သက်ခဲ့ သည်ကိုတော့ မသိ။ ကျနော်နှင့်တော့ ခံစားမှုခြင်း မတူ။ ကျနော်က သမိုင်းသည် မဆုံးဟု ရေးသားခဲ့သည်။ သမိုင်းသည် ဆုံးပြီဟု သူထိတွေ့ခဲ့သော သမိုင်းတခေတ် ဆုံးသည်ဟူသော အကြောင်းကို ဖော်ပြခဲ့သော်လည်း ကျနော်ကတော့ သမိုင်းသည် မဆုံးဟူ၍ ခံစားမိသည်။

ကျနော် ဖြတ်သန်းခဲ့သော သမိုင်းခေတ်များကို ရည်ရွယ်၍ ကျနော် ရေးသားခြင်း ဖြစ်သည်။ သူမြင်သော သမိုင်းခေတ် တခေတ်ကိုကား အဆုံးဟု ထင်မှတ်ခြင်း ဖြစ်မည်။ ကျနော်ကတော့ ကျနော်ပါဝင် ပါတ်သက်ခဲ့သော သမိုင်းခေတ်များစွာ၏ အတွေ့အကြုံကို ယူ၍ သမိုင်းသည် မဆုံးဟု ဖော်ပြလိုက်ခြင်းသာ ဖြစ်သည်။ အခြားကြောင့် မဟုတ်။ အစဉ်အလာ၏ သမိုင်းကြောင်း ဆက်ခံမှုကို ကျနော် ယုံကြည်သောကြောင့် ဖြစ်သည်။

မျက်မှောက်သမိုင်းသည် အတိတ်သမိုင်းကို ဆက်ခံခြင်း ဖြစ်သည်။ သူ၏ ပစ္စုပ္ပန် ခေတ်သမိုင်းကိုလည်း နောင်အနာဂတ်တွင် (နောက်လူငယ်တို့က) ဆက်ခံမည်သာ ဖြစ်သည်။ ဤသဘောကို ကျနော် ခိုင်မာစွာ ယုံကြည်သည်။ ကျနော်၏ သမိုင်းအတွေ့အကြုံကြောင့် ဖြစ်သည်။

(ဂ)

ကျနော်တို့ အရင်က တည်ရှိခဲ့ပြီးဖြစ်ခဲ့သော အစဉ်အလာများကို ကျနော်တို့သည် အမွေဆက်ခံဘိ သကဲ့သို့ ဆက်ခံခဲ့ကြရသည်မှာ သဘာဝတရားဟု ဆိုနိုင်သည်။ မိဘအမွေကို သားသမီးတို့က ဆက်ခံကြရသည်။ ကြိုက်သည်ဖြစ်စေ၊ မကြိုက်သည်သည်ဖြစ်စေ၊ ဆိုးသည်ဖြစ်စေ ကောင်းသည်ဖြစ်စေ ခံကြရစမြဲ။ ဤသည်မှာ သမိုင်းဗေဒသဘော။ ကျောင်းသားဘ၀က ဂန္ဓ၀င်စာပေများကို သင်ကြားခဲ့ကြရသည်။ ပုဂံခေတ်မှ အင်းဝ၊ ပင်းယ၊ တောင်ငူ၊ မန္တလေး စသည်အားဖြင့် ခေတ်အသီးသီးမှ ပျို့ကဗျာ၊ လင်္ကာ၊ စကားပြေ လင်္ကာနှစ်ထွေရော၊ စကားပြေ စသော အမွေများကို ကျနော်တို့ မဆက်ခံ၍မဖြစ် ဆက်ခံခဲ့ကြရသည်။ ဆက်ခံကြရာတွင် ကျနော်တို့၏ ခေတ်နှင့် သင့်မြတ်သော၊ ကျနော်တို့၏ မျက်မှောက်ခေတ်ကို အကျိုးပြုသော အမွေအနှစ် အစဉ်အလာများကို ဆက်ခံ သုံးစွဲခဲ့ကြသည်။ ကျနော်တို့အတွက် အကျိုးမဖြစ်လျှင် မည်သူမျှ ဆက်ခံသုံးစွဲမည် မဟုတ်။ အင်းဝခေတ်က ရှင်မဟာရဌသာရ၏ စကားအသုံးအနှုန်း ကြွယ်ဝမှုကို ကြိုက်ခဲ့သည်။ အင်းဝခေတ်က ၀န်ကြီးပဒေသရာဇာ၏ ထန်းလုပ်သား သရုပ်ဖော် အဖွဲ့အနွဲ့ကို ကြိုက်သည်။ တောင်ငူခေတ်က နတ်ရှင်နောင်၏ အနုအရွ ဆန်းသစ်မှုများကို ကြိုက်သည်။ ဦးပုည၏ ခံစားမှုကို ခိုက်အောင် ဖွဲ့နိုင်သော သရုပ်ဖော် အဖွဲ့အနွဲ့များကို ကျနော် ကြိုက်သည်။ ယင်းသည် ကျနော်တို့၏ ဂန္ဓ၀င်စာပေ အစဉ်အလာ အမွေအနှစ်ကို ဆက်ခံသည့်သဘော။ ဂန္ဓ၀င်စာပေခေတ်များကိုတော့ ကျနော်တို့ မီသည်မဟုတ်။ ပေဖူးလွှာနှင့် စက္ကူပေါ်တွင်သာ မီသည်။ ထို့နောက် ကျနော် ကြီးပြင်းလာသော ခေတ်သို့ရောက်သောအခါ ခေတ်ပေါ်စာပေ၏ အစဉ်အလာသစ်များကို ဆက်ခံကြ ရပြန်သည်။ ခေတ်ပေါ်စာပေ အစဉ်အလာသစ်ကို ထူထောင်သော ဆရာကြီး သခင်ကိုယ်တော်မှိုင်း၏ စာပေ၊ အနောက်နိုင်ငံ၏ အရောင်အသွေးဖြင့် ခြယ်မှုန်းသော ဆန်းသစ်သော ခေတ်စမ်းစာပေ၊ မင်းသုဝဏ်၊ ဇော်ဂျီတို့၏ စာပေအစဉ်အလာကိုလည်း ဆက်ခံကြရသည်။ လယ်တီပဏ္ဍိတ ဦးမောင်ကြီး၏ အနုအရွ အဖွဲ့အနွဲ့၊ ဆရာကြီးရွှေဥဒေါင်း၏ ကျစ်လစ်သော စကားပြေ အရေးအသားမူ အဖွဲ့အနွဲ့၊ အမျိုးသားဟန်ဖြင့် စီရင်သော အဖွဲ့အနွဲ့တို့ကိုလည်း ဆက်ခံရသည်။

သိန်းဖေမြင့်၏ မတ်(စ)၀ါဒ အတွေးအခေါ်ပါသော အရေးအသား အဖွဲ့အနွဲတို့ကိုလည်း ဆက်ခံကြ ရသည်။ ယင်းသို့ ဆက်ခံကြရာတွင် အစဉ်အလာတို့ အားလုံးကို တခုမကျန် ဆက်ခံခြင်း သဘောတော့ မဟုတ်။ မိမိတို့၏ သမိုင်းခေတ်နှင့် သင့်မြတ်သော၊ သမိုင်းခေတ်ကို အကျိုးပြုသော အစဉ်အလာတို့ကို သာလျှင် ကောင်းနိုးရာရာ ဆက်ခံခြင်း ဖြစ်သည်။ ထို့ကြောင့် သမိုင်းသည် မဆုံး။ စာပေယဉ်ကျေးမှု ဘက်တွင်သာမဟုတ်၊ နိုင်ငံရေးဘက်တွင်လည်း အစဉ်အလာများဖြင့် သမိုင်းခေတ်တို့သည် လှုပ်ရှားနေကြခြင်း ဖြစ်သည်။ ကျနော်သည် ဆယ်ကျော်သက် အရွယ်ကစ၍ ဘာသာရေး အဖွဲ့အစည်း၊ ကျောင်းသား အဖွဲ့အစည်း၊ စာပေ အဖွဲ့အစည်း၊ ငြိမ်းချမ်းရေး အဖွဲ့အစည်း၊ နိုင်ငံတကာချစ်ကြည်ရေး အဖွဲ့အစည်းများတွင် ပါဝင်ပတ်သက်ခဲ့သည်။ ယင်း အဖွဲ့ အစည်းများသည် သမိုင်း၏ တုန့်ပြန်ချက်၊ လူထုလှုပ်ရှားမှု အဖွဲ့အစည်းများ ဖြစ်ကြသည်။ ယင်းအစဉ်အလာဖြင့် လူတို့ အားလုံးနေထိုင်ကြရသည်။ ယင်းသည် ဆက်ဆံခဲ့သော သမိုင်းခေတ်၊ သမိုင်းခေတ်သည် မဆုံး။

ဒဂုန်တာရာ
[စတိုင်သစ်မဂ္ဂဇင်း၊ အမှတ် ၁၃၅၊ အောက်တိုဘာလ၊ ၂၀၀၄ မှ ကူးယူဖော်ပြပါတယ်]
 မြန်မာ onlinemagzine မှ ကူးယူဖော်ပြပါသည်။

Read More

JUU

ရေးသူ= ဂျုးပါ  စာရေးဆရာတွေနှင့်ပသတ်သက်ပြီး စိတ်ဝင်စားစရာအကောင်းဆုံးအချိန်သည် သူတို့ အောင်မြင်ကျော်ကြားချိန်မဟုတ်။ သူတို့ ကျဆုံးခါနီးပြီ ..ဟုဝေဖန်ခံနေရချိန်၊သူတို့ ဖန်တီးသမျှ အနုပညာတွေကို လူတွေက မကြိုက်နိုင်သည့် အချိန်ပဲဖြစ် သည်။ အနည်းဆုံး ကျွန်မတစ်ဦးတည်းအမြင်မှာပေါ့လေ။ အဲသည့် အချိန်မျိုးမှာရှိသည့် စာရေးဆရာ၊အနုပညာရှင်တွေ၏ စိတ်ကို ကျွန်မ စိတ်ဝင်စားပါသည်။

ဗာဂျီးနီးယားဝုလ်ဖ် (Virginia Woolf ) ဆိုပါတော့။ ဗာဂျီးနီးယားဝုလ်ဖ် ကိုကျွန်မကြိုက်သည်။ To The Light House မှစပြီး သူ့ ၀တ္ထုတွေ ဖတ်ဖူးသည်။ The Waves အထိဆိုပါတော့။ ကြိုက်တာတွေလည်းပါ၊မကြိုက်တာတွေလည်းပါသည်။ ဗာဂျီးနီးယားဝုလ်ဖ် ကို ကျွန်မ စိတ်ဝင်စားသည်။ သို့ သော် ကျွန်မစိတ်အ၀င်စားဆုံး သူ့ အချိန်မှာ ထိုကျွန်မကြိုက်သော စာတွေကို သူရေးနေချိန်မဟုတ်။ မြစ်ဆီသို့ သွားနေချိန်ဖြစ်သည်။ အဲသည် အချိန်မှာ သူဘာတွေ တွေးနေခဲ့ပါသလဲ။ ဘယ်လိုအတွေးမျိုးက ဆွဲခေါ်လို့ အဲသည်ကိုသူသွားနေခဲ့တာလဲ။ အဲသည် အချိန်မှာ ဘ၀ကို သူဘယ်လိုသုံးသပ်လိုက်ပါ သလဲ။ လူတွေကို ဘယ်လိုသုံးသပ်လိုက်ပါသလဲ။
သူ့ စိတ်ကို ကျွန်မ စိတ်ဝင်စားသည့်အတွက် သူ့နေ့ စဉ်မှတ်တမ်းစာအုပ်ကို ကျွန်မ၀ယ်ခဲ့သည်။ သူ့အတွေးတွေကို သိချင်လို့ ဖြစ်သည်။ ယခုထိတော့ စာအုပ်ကိုလည်း ဖတ်ရှုဆဲမို့ ကျွန်မသ်ိချင်သော အကြောင်းအရာများဆီသို့ ထိုစာအုပ်က ညွှန်ပြခေါ်ဆောင်မသွားနိုင်ခဲ့ပါ။ သို့ သော် ကျွန်မ သိသလိုလိုရှိတာက ဗာဂျီးနီးယားဝုလ်ဖ် (Virginia Woolf ) ကိုမြစ်ထဲဆီသို့ ခေါ်ဆောင်သွားသော အရာများအနက် solitude ( တစ်ကိုယ်ထည်းနေထိုင်မှု) ကို နှစ်သက်သည့် စိတ်အခြေအနေပါဝင်နေပါလိမ့်မည်။
ဟင်နရီသော်ရိုးကို ဝေါ်လ်ဒင် ရေကန်ဆီမှာ နေထိုင်ဖြစ်အောင် ဆွဲဆောင်ခဲ့သောအရာမှာ solitude ကိုမြတ်နိုးစိတ်လည်း ပါဝင်နေခဲ့သည်။ တစ်ခုပဲကွာ၏။ ဟင်နရီသော်ရိုးသည် ဝေါ်လ်ဒင်ရေကန်မှာ နှစ်နှစ်ခန့် သာနေထိုင်ခဲ့ပြီး လူမှုဝန်းကျင်ဆီ သို့ ပြန်လာခဲ့၏။ ဗာဂျီးနီးယားဝုလ်ဖ် ကတော့ မြစ်ထဲမှ လုံးဝပြန်မလာခဲ့တော့ပေ။
အမှန်တရားကိုရှာဖွေဖို့ သွားခဲ့သည် ဆိုလျှင် ထိုမြစ်ထဲတွင် သူရှာနေသောအရာကို တွေ့သွားလို့ ပဲဖြစ်ရမည်။ (ဒါမှ မဟုတ် မတွေ့ နိုင်တော့ပါဘူးဟု သေချာသွားလို့လည်း ဖြစ်နိုင်ပါသည်။)
ဟင်နရီမီးလား (Henry Miller) ကတော့ သူစာဖတ်လျှင် တောအုပ်ထဲသွားပြီး တစ်မေ့တစ်မောထိုင်ဖတ်နေရသည့် အရသာကို စွဲလမ်းခဲ့သည်ဟုဆိုပါသည်။ ကံကောင်းလျှင် အဲဒီတောအုပ်ထဲမှာ စမ်းချောင်းလေးရှိချင်ရှိမှာပေါ့…တဲ့။ အဲဒါ တစ်ကိုယ်တည်းတိတ်ဆိတ်စွာနေလိုမှု ကြောင့်ပဲ ဖြစ်နိုင်ပါသည်။ ကျွန်မတို့ ဘ၀ကတော့ ဟင်နရီမီလားလိုကံမကောင်းခဲ့ပါ။ ကျွန်မတို့ သည် အခန်းကျဉ်းကျဉ်းလေးမှာပဲ စာဖတ်ခဲ့ကြရ၏။ (ဟင်နရီမီးလားနှင့်တူသည့် စိတ်တစ်ခု ကျွန်မမှာရှိသည်။ အိမ်သာထဲမှာ စာဖတ်လို့ မရသည့် စိတ်ဖြစ်သည်။ ရယ်စရာကောင်းအောင် အိမ်သာအမျိုးမျိုးကို ကျွန်မ ကြုံခဲ့ဖူးသည်။ ဘယ်အိမ်သာမှာမှ စာဖတ်လို့ မရခဲ့ပါ။ မွှေးပျံ့ သန့်ရှင်းပြီး ပန်းစိုက်အိုးကလေးတွေ၊ပန်းချီကားလေးတွေ ၊စာအုပ်စင်ပုပုလေးတွေ ထားသည့် အိမ်သာမျိုးမှာပင် ကျွန်မ စာဖတ်လို့ မရခဲ့ပါ။)
သည်တော့ ကျွန်မတို့သည် လူတွေနှင့် ရောရင်း နေရင်း ထိုင်ရင်းပဲ စာတွေဖတ်ခဲ့ကြ။ အတွေးတွေတွေးခဲ့ကြ။ စာတွေရေးခဲ့ကြရသည်။
စာရေးဆရာတွေနှင့် အနုပညာသမားတွေသည် ပတ်ဝန်းကျင်နှင့်ကင်းကွာစွာ တစ်ကိုယ်တည်းနေထိုင်ဖြစ်တည်လိုမှု (solitude ) ကို တစ်ချိန်မဟုတ် တစ်ချိန်လိုအပ်ကြသည်။ ဒါကို အနုပညာသမားတိုင်း ရင်ဆိုင်ဖြတ်သန်းဖူးကြသည်။ ကျွန်မလည်း ဖြတ်သန်းဖူးသည်။ သို့သော် ထို တစ်ကိုယ်တည်းဖြစ်တည်နေထိုင်မှု( solitude) ကို ကျွန်မတို့ ဘယ်အတိုင်းအတာအထိ လိုအပ်ကြသလဲ။ အဲဒါက နည်းနည်းဦးနှောက်ခြောက်စရာ မေးခွန်းတစ်ခုဖြစ်သည်။
စာရေးဆရာတွေ အနုပညာသမားတွေကို အနုပညာဈာန်ဝင်စားအောင်ဆွဲခေါ်သွားတာ အဲသည် solitude ပဲ။ အနုပညာသမားတွေသေခြင်းတရားကို ရွေးခြယ်ခြေလှမ်းလှမ်းဖြစ်အောင် ညို့ ယူခဲ့တာလည်း အဲသည် solitude ပါပဲ။

ကျွန်မတို့ အချစ်ကြီးချစ်ခဲ့ကြသည့် ဆရာမြို့မငြိမ်းကို ချစ်ခင်သူတွေထံမှ ဝေးရသို့ ခေါ်ဆောင်သွားခဲ့တာ အဲသည် solitude ပဲဖြစ်သည်။ မြို့ မငြိမ်းအတန်ကြာအောင်ထိုင်ခဲ့သည့် သစ်ပင်ရိပ်သည် တော်တော်အေးချမ်းငြိမ်သက်ခဲ့လိမ့်မည်ထင်သည်။ အဲသည် သစ်ပင်ရိပ်မှာ သူဘာတွေ တွေးနေခဲ့သလဲ။ မပြီးသေးသော ပန်းချီကား အကြောင်းလား။ သို့မဟုတ် နောက်ထပ် ရေးနေဆဲ (စိတ်ကူးဖြင့်) သီချင်းတစ်ပုဒ်အကြောင်းလား…သို့ မဟုတ် သီချင်းတွေ ၊ဂီတတွေနှင့် ဘာမှမဆိုင်သည့် နာကျင်မှုတစ်ခုအကြောင်းလား။ ဒါကိုတော့ကာယကံရှင်ကသာ သိနိုင်ခဲ့ပေလိမ့်မည်။
စာရေးဆရာတွေ ၊အနုပညာသမားတွေ မှာ တစ်ခါတရံ solitude လိုအပ်သည့် နည်းတူ တစ်ခါတရံ အဖော်လိုအပ်သည်။ နာကျင်မှုတွေကို မျှဝေခံစားဖို့ ၊ စိတ်ဒဏ်ရာတွေကို ကုသဖို့ ၊အလင်းရောင်ပျောက်နေသည့်အခါ အလင်းရောင်ကို လမ်းညွန်ဖို့ ၊သို့ပေမယ့် အဲသည်အဖော်ဟာ ထာဝရကြင်ဖော် အိမ်ထောင်ဖက် ဖြစ်ဖို့ လိုချင်မှလိုပေလိမ့်မည်။ စာရေးဆရာ ညီမ တစ်ယောက်က ကျွန်မကို ပြောဖူးသည်။ ငါ့ယောကျာ်းဟာ ငါ့အတွက်အဖော်မဖြစ်ဘူးတဲ့ ။ ထိုစကားကို သူ့ယောကျာ်း သိလျှင် စိတ်တိုကောင်းတိုမိလိမ့်မည်။ ကျွန်မကတော့ နားလည်သည်။ စာရေးဆရာတစ်ယောက်အတွက် အဖော်ဖြစ်ဖို့ လူတစ်ယောက်မှာ ရှိရမည့်အရည်အချင်း များများမလိုပါ။ အတ္တစွဲကင်းသူဖြစ်ရမည်။ ကိုယ်ချင်းစာတရားနှင့်သဘောထား ပြည့်ဝသူဖြစ်ရမည်။ ဒါလောက်ပါပဲ။ အဲသည်မျှလောက်သော အရည်အချင်းကလေးနှင့် ပြည့်စုံသူကိုပင် သူ့ဘ၀မှာ မရနိုင်ခဲ့ဖူးဆိုလျှင် သူတော်တော်ကံဆိုးလို့ ပဲ။ တကယ်တော့ စာရေးဆရာတစ်ယောက်မှာ အဖော်ဆိုတာလည်း များများ မလိုပါ။ သုံးယောက်၊လေးယောက်..ကျွန်မမှာတော့ တကယ့်အဖော် သုံးလေးယောက် လောက်ရှိသည်။ တော်ပြီပေါ့။
solitude ကိုလိုအပ်သည့်အခါမှာ ဟင်နရီမီးလားလို သစ်တောထဲမသွားနိုင်သူ ကျွန်မသည် အခန်းကျဉ်းလေးထဲမှာ ကိုယ့်ကိုကိုယ် ဘောင်ခတ်ပြီး စာတွေဖတ်ရ၊စာတွေရေးရသည်။ ကျွန်မကို တစ်ကိုယ်တည်းငြိမ်သက်တိတ်ဆိတ်မှုဆီကို ပို့ပေးသောနေရာမှာ ကိုယ်ပိုင်အခန်းကျဉ်းကျဉ်းလေး၊စာအုပ်ဘီရိုများနှင့် အတူ ဂီတလည်း ပါဝင်သည်။ ဂီတသည် ကျွန်မအားသီးသန့် ဖြစ်တည်မှုတစ်ခုကို ပေးခဲ့၏။ အဘယ်ကြောင့်ဆိုသော် ဂီတသည် စိတ်ဖြင့် ခရီးသွားရသည့် ယာဉ်တစ်ခုဖြစ်သလို စိတ်ဖြင့်ရောက်နိုင်သည့် တောအုပ်တစ်ခုလည်းဖြစ်၊ငြိမ်သက်ကျယ်ပြန့်သည့် ကန်ရေပြင်တစ်ခု လည်းဖြစ်၊တရွေ့ ရွေ့ သွားနိုင်သည့် တိမ်တိုက်တစ်ခုလည်းဖြစ်..ကျွန်မသွားချင်သည့်နေရာကိုအရောက်ပို့ပေးနိုင်သော ကြောင့်ဖြစ်သည်။
ထို့ကြောင့်လည်း ဗာဂျီးနီးယားဝုလ်ဖ် သွားခဲ့သောရေကန်ကို ကျွန်မသွားစရာမလိုနိုင်ဘူး ဟုမျှော်လင့်ရပါသည်။
တစ်နေ့တုန်းက ကျွန်မ စာအုပ်တစ်အုပ်ဖတ်ခဲ့၏။ Charles Ruas ၏ စာရေးဆရာများနှင့် အင်တာဗျုးများကိုစုပေါင်း ထုတ်ဝေထားသော Conversations with American Writers ဖြစ်သည်။
ထိုစာအုပ်ထဲတွင် Charles Ruas အင်တာဗျူးလုပ်ခဲ့သည့် စာရေးဆရာဆယ်ယောက်ကျော်၏။ Norman Mailer, Paul Theroux , Toni Morrison, Susan Sontag Truman Capote, Tennessee Williams စသူတို့ ဖြစ်၏။ စာအုပ်ကိုငှားလာလာချင်း ကျွန်မ အကြမ်းဖျဉ်း လှန်လှောဖတ်ရှုပြီးနောက် ပထမဦးဆုံး စာရေးဆရာအဖြစ် တင်နက်ဆီဝီလျမ်စ် ကိုရွေးချယ်ပြီး ကျွန်မဖတ်လိုက်မိသည်။
ဘာကြောင့်လဲဆိုတော့ တင်နက်ဆီဝီလျမ်စ် ကို အင်တာဗျူးလုပ်ချိန်သည်သူတစ်ဟုန်ထိုးအောင်မြင်ကျော်ကြားနေချိန် မဟုတ်ဘဲ ဝေဖန်ရေးဆရာတွေက သူ့ပြဇတ်များကို အကြီးအကျယ်တိုက်ခိုက် ရှုံ့ ချနေချိန်မို့ ဖြစ်သည်။ ထိုအင်တာဗျူးကို တင်နက်ဆီဝီလျမ်စ်သည် စိတ်ဝင်စားစွာ ၊အာရုံစူးစိုက်စွာ ပြုံးရွှင်စွာ ဖြေဆိုခဲ့သည် ဟုဆိုပါသည်။
သူ့ ပြဇတ်တစ်ပုဒ် In the Bar of a Tokyo Hotel (1969) တွင် သူရေးဖွဲ့ ခဲ့သော ဇာတ်ကောင်သည် ကမ္ဘာကျော် ပန်းချီဆရာကြီး Jackson Pollock ကိုကိုယ်စားပြုရေးသားပါသည်ဟု သိလိုက်ရသောအခါ ကျွန်မ အံ့သြသွားပါသည်။
ဂျက်က်ဆန်ပေါ့လော့က် သည် အသက် ၄၄ နှစ် အရွယ်တွင် ကားအက်စီဒင့် ဖြင့်သေဆုံးသွားခဲ့သည်။ သို့ မဟုတ် သူ့ ဘ၀သူ အဆုံးသတ်သွားသည် ဟုပြောနိုင်မလားမသိပါ။ ထိုအချိန်မှာ ဂျက်က်ဆန်ပေါ့လော့က်သည် solitude အခြေအနေ တွင်ရှိနေခဲ့သည်မဟုတ်။ သူ့အိမ်မှာ ကလေးမလေးတစ်ယောက် အတူရှိနေခဲ့သည်။ ဂျက်က်ဆန်ပေါ့လော့က် ကိုသစ်ပင်ဆီ သို့ သွေးရူးသွေးတန်း ကားမောင်းခေါ်သွားအောင် ဆွဲခေါ်သည့် တွန်းပို့ မှုတစ်မျိုးကို တင်နက်ဆီဝီလျမ်စ်၏ ဘ၀မှာလည်း ကြုံဖူးခဲ့သည် ဟုဆိုပါသည်။ အံ့သြစရာကောင်းသည်မှာ ထိုတွန်းအားသည် သူ့ ပြဇတ်များမအောင်မြင်တော့ဘူး ဟု ဝေဖန်ရေးဆရာတွေက ဆုံးဖြတ်ချိန်မှာ ဖြစ်ပေါ်ခဲ့ခြင်းမဟုတ်။ အီတလီမှာ သူခဏနေထိုင် စာရေးနေစဉ် သူ့ချစ်သူ တစ်ယောက် နှင့် ရန်ဖြစ်ပြီးသည့်အခါ သူ့အပေါ်ကျရောက်လာသော တွန်းအားဖြစ်သည် ဟု ဆိုပါသည်။
ဒါဖြင့် တင်နက်ဆီဝီလျမ်စ် အားသေမင်းဆီသို့ တွန်းပို့လုဆဲဆဲဖြစ်ခဲ့သော တွန်းအားသည် အဖော်မမည်သောအဖော်ဖြစ် သောကြောင့်ဖြစ်သည် ဟု ကျွန်မ ကောက်ချက်ချနိုင်မည်လားမသိပါ။ ထိုကောက်ချက်ကို ဂျက်က်ဆန်ပေါ့လော့က် ဆီသို့လည်း ဆွဲယူသွားနိုင်မလားမသိပါ။
မြို့ မငြိမ်းကို သစ်ပင်အရိပ်အာဝါသအောက်မှ မော်တော်ကားဆီသို့ ပို့ ပေးလိုက်သော တွန်းအားက ဘာပါလိမ့်။ ကျွန်မသိချင်သည်။
ကျွန်မမှာ တစ်ကိုယ်တည်း ဖြစ်တည်နေထိုင်မှု solitude လိုအပ်သောအချိန်တွေအများကြီးရှိသည်။ အဲသည်လိုပဲ တစ်စုံတစ်ယောက်အား ဖွင့်ချရမည့် စိတ်ခံစားချက်တွေနှင့် အဖော်လိုသည့်အချိန်တွေလည်း ရှိခဲ့သည်။ လိုအပ်သည့် အချိန်မှာလိုအပ်တာကို ရနေသူသည် ဘ၀ပေးကုသိုလ်ကောင်းနေသူ ဟု ဆိုလျှင် ကျွန်မ တော်တော်ကုသိုလ် ကောင်းသည်ဟု ဆိုရမည်။ ကျွန်မဘ၀မှာရှိခဲ့သည့် အရေအတွက်အလွန်နည်းပါးသော အဖော်သုံးလေးယောက်သည် ကျွန်မ၏ ပျော်ရွှင်မှုကို ကူးစက်စွာမျှဝေခံစားပေးခဲ့သလို ကျွန်မ၏ နာကျင်မှုကိုလည်း စုပ်ယူကာ မျှဝေခံစားပေးခဲ့ကြသည်။ အဲသည့် အဖော်တွေထဲမှာ ကျွန်မ၏ ညီမအရင်းလည်း ပါဝင်နေခဲ့သည် ဆိုတော့ ပို၍ပင်ကုသိုလ်ကောင်းသည်ဟု ပြောရပါလိမ့်မည်။

တင်နက်ဆီဝီလျမ်စ် သည် နောက်ဆုံးအချိန် သူလိုအပ်သော အဖော်ကိုရခဲ့လေသလား။ သူ ၁၉၈၃ ခုနှစ် ဖေဖော်ဝါရီ ၂၄ ရက်ညတွင် အိပ်ခန်းထဲမှာ သေဆုံးသွားခဲ့သည်။ လည်ပင်းညှစ်ပြီး သေဆုံးသွားရခြင်း (strangulation ) ဟုဆိုပါသည်။
တက်နက်ဆီဝီလျမ်စ် သည် သူ့ ပြဇတ်များကို နောက်ပိုင်းမှာပြောင်းလဲယူခဲ့သည်။
သူ့မှာ ပြောစရာတွေအများကြီးရှိ၏ ။ ထိုပြောစရာများကို သူရေးဖွဲ့ နေကျ ပုံမှန်ပြဇတ်(လူကြိုက်အလွန်များနေသော ပြဇာတ်များ) ဟန်ဖြင့်ပြော၍ မလုံလောက်ဟု သူခံစားရသည်။ ထို့ ကြောင့် ၁၉၆၅-၇၀ ပတ်ဝန်းကျင်မှ စ၍ monologue စကားပြောများကို ဦးစားပေးသည့် ပြဇာတ်များကိုရေးလာခဲ့သည်။ Dramatic reading အဖြစ် ဖတ်၍ အလွန်လှပ ခမ်းနားသည့် ပြဇာတ်များဖြစ်သည်။ သို့သော် စင်ပေါ်မှာ ကပြတင်ဆက်သည့် အခါ ပရိသတ်က လုံးဝမကြိုက်ခဲ့ပေ။
သူ့နောက်ဆုံးနှစ်များ ၁၅ နှစ်ခန့်သည် သူ့ ဘ၀မှာ ဆန့် ကျင်ဘက်များကြီးစိုးသော နှစ်အပိုင်းအခြားဖြစ်သည်။ တစ်ဘက်မှာ သူ့ ပြဇတ်အဟောင်းများ ကို ကမ္ဘာအနှံ့ က ပြဇတ်ရုံကြီးတွေမှာ အောင်မြင်စွာ ကပြတင်ဆက်နေချိန်။ ပရိသတ်ကျေနပ်အားရစွာ ကြည့်ရှုနေချိန်။ တခြားဘက်မှာတော့ သူနောက်ရေးသည့် ပြဇာတ်များ စင်ပေါ်တွင် ကျရှုံးနေချိန်ဖြစ်သည်။ တချို့ ကပြောကြသည်။ သူ့နောက်ပိုင်းပြဇာတ်များတွင် သူ့အမြင်များပြောင်း ကုန်သောကြောင့်ဖြစ်သည်တဲ့။ တချို့ ကပြောကြသည်။ သူ့နောက်ပိုင်းပြဇာတ်များကို သူက အရက်နှင့် ဆေးဝါး လွှမ်းမိုးမှုအောက်မှာ ရေးခဲ့လို့ ဖြစ်သည် တဲ့။ ဘာပဲဖြစ်ဖြစ် သူသည် သူ့အားသေခြင်းတရားဆီတွန်းပို့ ခဲ့သော တွန်းအား တစ်ခုကို အခါအားလျော်စွာ ရင်ဆိုင်နေခဲ့ရတာတော့ သေချာသည်။ အဲသည် အရာသည် solitude ဖြစ်သလား၊ အဖော်မမည်သည့် အဖော်ဖြစ်သလား..ဒါကိုတော့ ကျွန်မတို့ မပြောနိုင်တော့ပေ။
သေချာသည်က သူသည် ၁၉၃၂ ခုနှစ်တုန်းက သဘောင်္ပေါ်မှ ခုန်ချခဲ့သော အနုပညာရှင် (သူ့ကဗျာအရေးအသားကို သြဇာသက်ရောက်မှုအများဆုံးပေးနိုင်ခဲ့သောသူ) Hart Carane ကို သူစွဲလမ်းခဲ့သည်။ သူသေလျှင် Hart Carane ခုန်ချသွားခဲ့သည့်ပင်လယ်ပြင်တွင် (ထိုနေရာနှင့် အနီးဆုံးနေရာ) သဂြိုလ်စေချင်ကြောင်း သေတမ်းစာရေးခဲ့သည်။
အနုပညာသမားတွေသည် နားလည်ရတော်တော်ခက်သည်ဟု ကျွန်မ တဖြည်းဖြည်း သဘောပေါက်လာသည်။ ကျွန်မ ဘ၀မှာ ကျွန်မကို တလှည့်စီဆွဲဆောင်နေသော အရာများမှာ အထီးကျန်နေလိုမှုနှင့် မျှဝေခံစားမည့် အဖော်လိုအပ်မှု.. ထိုအရာများဖြစ်ကြသည်။ ဘယ်အရာက ပို၍ အင်အားကြီးသလဲ။ ကျွန်မသေချာတွေးကြည့်ချင်ပါသည်။ ထို့အတူ ဘယ်အနုပညာသမားအတွက် ဘာက ပိုအင်အားကြီးသလဲဟုလည်း သိချင်နေသည်။
သိခွင့်မရနိုင်ဘူးဆိုလျှင်လည်း ဒါ အံ့သြစရာတော့ မဟုတ်။
ကျွန်မတို့သည် ကျွန်မတို့ ကိုယ်တိုင်၏ ဖြစ်တည်မှုဆိုတာကို ဘာမှန်းမသိပဲ လောကမှပျောက်ကွယ် ကုန်ကြရသည်ပဲမဟုတ်လား။

Read More