စာအုပ်နှင့် လူ

သူ့ပုံပန်းကအငြိမ်းစား ပါမောက္ခကြီးတစ်ဦး အသွင်နှင့်တူ၏။ ဖွေးဖွေးဖြူ၍ ဖြီးသင်လေ့ရှိဟန်မတူသော ဆံပင်များက ကုပ်ထိလုနီး ရှည်လျားစွာပြန့်ကျ နေသည်။ ရှုံ့တွတွသူ့မျက်နှာ နီစပ်စပ်ပေါ်တွင်လည်း မှဲ့ခြောက်နှင့် အရေးအကြောင်း အတွန့်များပြည့်နှက်နေ၏။ သူ့နှာခေါင်းချွန်ချွန်ပေါ်တွင် အမြဲရှိ နေတက်သည့် အဝေးအနီးကြည့်နိုင်သော အနက်ရောင် ကော်ကိုင်းမျက်မှန်သည်လည်း သူ့နည်းတူ အ်ိုမင်းနေ လေပြီ။သူ့ခေါင်းတွင် စွပ်ထားရာတွင် မြဲမြန်စေရန် ထိုမျက်မှန်၏ ကားနေသော ကိုင်းနှစ်ဖက်အဖျားကို သားရေကြိုးနှင့် ချည်နှောင် ဆက်သွယ်ထား၏။

အစိမ်းရောင် ဘန်ကောက်လုံချည်တစ်ထည်နှင့် အရောင်လွင့် ပျယ်စပြုနေသော တိုက်ပုံအင်္ကျီ အနက်ကြီးတစ်ထည်တို့မှာ သူ ၀တ်နေကျ အဆင်အယင်များ ဖြစ်၏။ ကိုင်းနေသော သူ့ခါး ကြောင့် ရှေ့ကိုငိုက်တွဲကျနေသည့် တိုက်ပုံ အင်္ကျီအနက်ကြီးမှာ သူ့ကိုယ်နှင့်စာလျှင် အတော်ပင် ဖားလျားပွယောင်းနေသည်ဟု ထင်စရာရှိ၏။ သူ့ပခုံးပေါ်မှာ လွယ်လာတက်သော တွဲအိ နေသည့် လွယ်အိတ်အနက်ကြီး၏ အလေးချိန်ကြောင့်လည်း သူ့ခါးမှာ ပို၍ ပိကိုင်း သယောင်ရှိ၏။ ခါးကိုင်းကိုင်းဖြင့် ထိုလွယ်အိတ်အနက်ကြီးအား တနင့်တပိုးထမ်း သည်ကို မြင်လျှင် ပန်းဆိုးတန်းလမ်းထဲကို သူတရွရွဖြည်းညင်းစွာ လျှောက်လှမ်း ၀င်လာသည်ကို မြင်လျှင် ပန်းဆိုးတန်းလမ်းထဲရှိ စာအုပ်သည်များ လှုပ်လှုပ်ရှား ရှားဖြစ်သွားကြစမြဲပင်။

သူ့အမည်မှာ ဦးဘအ်ိုဖြစ်သည်။ သို့သော် သူ့အမည်ကို ပန်းဆိုး တန်းလမ်းထဲရှိ ဘယ်စာအုပ်သည်ကမှ မသိ။ အားလုံးက တညီတညွှတ်တည်း “ဆရာကြီး” ဟုသာ ရိုသေစွာခေါ်ဝေါ် ဆက်ဆံလေ့ရှိကြသည်။ သူတို့အားလုံးက ဤလူကြီးသည် တက္ကသိုလ်တစ်ခုခုမှ အငြိမ်းစားပါမောက္ခအိုကြီးတစ်ယောက် သို့မဟုတ် စီးပွားပျက်သွားရှာသော စာပေမြတ်နိုးသည့် သူဌေး ဟောင်းကြီးတစ်ယောက် ဖြစ်မည်ဟုသာ အတွေးကိုယ်စီနှင့် လက်ခံထားကြ၏။ သူဘယ်မှာနေသည်။ သူ့မိသားစု ရှိမရှိ ဆိုတာ ဘ၀ဇာတ်ကြောင်းကို မည်သူကမှမသိ။ သူတို့သိသည်က ဦးဘအ်ို၏ လွယ်အိတ်ထဲတွင် အဖိုးတန်ရှားပါးသော စာအုပ်များ ပါလာတတ် သည်ဆိုသော အချက်သာဖြစ်၏။

ပန်းဆိုးတန်း၊ သုံးဆယ်ခုနှစ်လမ်း တစ်ဝိုက်သည် စာအုပ် ဟောင်းရောင်း ၀ယ်သူများ၊ စာကြမ်းပိုးများ လေ့လာ ကျက်စားရာ ဒေသဖြစ်၏။ ထိုတစ်ဝိုက်က စာအုပ်သည်များ သည် စာအုပ်ရောင်းလည်းရောင်း၏။ ၀ယ်လည်းဝယ်၏။ ဦးဘအိုသည် သူတို့၏ ဖောက်သည်တစ်ဦးဖြစ်၏။ အ၀ယ်သမား ဖောက်သည်မဟုတ် အရောင်းသမားဖောက်သည် ဖြစ်သည်။

အနှစ်နှစ်အလလက စုဆောင်းထားသမျှကို အကြောင်း အမျိုးမျိုးကြောင့် လာရောင်းကြသူတွေ လက်ထဲဝယ် အင်္ဂလိပ် မြန်မာစာအုပ်ကောင်းများပါ လာတက်၏။ အင်မတန် ချိုသာသော ဈေးနှုန်းဖြင့် ၀ယ်ယူရသော စာအုပ်များကို ပြန်ရောင်းသောအခါ သူတို့နင့်ခနဲ အမြတ်ရလေ့ရှိသည်။ အခုတလော အထူးသဖြင့် အင်္ဂလိပ်လိုရေးထားသော ကမ္ဘာ့ ဂန္တ၀င် စာအုပ်များမှာ အ၀ယ်လိုက်နေသည်။ လွန်ခဲ့သော ဆယ်နှစ်ခန့်က အစိုးရစာအုပ်များမှာ နှစ်ကျပ်ခွဲ သုံးကျပ်နှင့် ၀ယ်ခဲ့ရသော စာအုပ်များမှာ ယခုဈေးကွက်တွင် နှစ်ဆယ်၊ အစိပ်ဖြစ် နေသည်။ ကမူး၊ ဆတ်၊ ဂျွိုက်၊ ကပ်ဖကာ စသူတို့၏ စာအုပ်ဆိုလျှင် ထို့ထက်ဈေး ခေါ်ရ၏။ လေးငါးဆယ်ဆိုလည်း ၀ယ်မည့်သူ မနည်း။

စာရူးပေရူးကလေးများသည် ထိုဆိုင်များရှိရာသို့ ချောင်းပေါက် မတက် ရောက်လာကာ ကမ္ဘာ့ဂန္တာ၀င်တွင် ဖတ်ရခက်ခဲသည် ဆိုသော နာမည်ကြီးပေ့ဆိုသော၊ အနုပညာမြောက်လှသည် ဆိုသော စာအုပ်များကို ကြားဖူးနားဝလောက်ဖြင့် တဖွဖွ မေးကြ၀ယ်ကြသည်။ ထိုစာရူးပေရူးလေးများထဲတွင် တက္ကသိုလ် မှ ဆရာပေါက်စလေးများ၊ ကိုယ့်ကို ကမ္ဘာ့စာပေးနှင့် အကျွမ်း တ၀င် ရှိသည်ဟု အထင်ခံချင်နေရှာသော ပိုက်ဆံရှိ သားသမီးများ၊ စာရေးဆရာ ကဗျာဆရာ ပေါက်စကလေးများ စသဖြင့် လူစုံပါ၏။ ထိုအထဲမှ အတော်များများမှာ စာအုပ်နာမည်လောက်ပင် အတော်ကြိုးစားဖတ်ရမည့်သူတွေ ဖြစ်သည်။ သို့ သော် ဟန်လုပ်ကာ အလုအယက်ဝယ်ကြသည်။ မဂ္ဂဇင်းတစ်စောင်မှာ ဂျိမ်းဂျွိုက် ကြောင်းပါလာလျှင် ဂျိမ်းဂျွိုက် စာအုပ်လာမေး၏။ သောမတ်မန်းအကြောင်း ပါလာလျှင် သောမတ်မန်းစာအုပ်ကို လာမေး၏။ ဗာဂျီးနီယားဝုဖ် အကြောင်းပါလာလျှင်၊ ကပ်ဖကာ အကြောင်းပါလာလျှင် မြန်မာလို ဆောင်းပါးကို ဖတ်ကာ အဲဒီစာအုပ်တွေ မရှိဘူးလား ဟု အင်္ဂလိပ်လိုစာအုပ်ကို သူတို့ လာမေးတတ်ကြ၏။

စာအုပ်သည်များအဖို့ ထိုလူစုမှာ အမြတ်အစွန်းကြီးကြီး ရနိုင်သော ပုံသေဖောက်သည်များဖြစ်၏။ ထို ချည်ပြီးတုတ်ပြီး ၀ယ်သူများကို အရှည်သဖြင့် ဆွဲဆောင်ထားနိုင်ရန်အတွက် သူတို့စာအုပ်များကို ကြိုးစားရှာဖွေကြရသည်။ စာအုပ်ကောင်း များကလည်း ရှားပါးတန်သလောက် ရှားပါးနေ၏။ ထိုအခြေ အနေမျိုးတွင် ဦးဘအိုမှာ သူတို့အတွက် တန်ဖိုးရှိလှသော အထောက်အပံ့ကောင်းကြီး တစ်ယောက် ဖြစ်နေလေသည်။

ထိုကြောင့် ဦးဘအို ပန်းဆိုးတန်း၊ သုံးဆယ်ခုနှစ်လမ်း စာအုပ် တန်းဘက်ကို ရောက်လာလျှင် အားလုံးလိုလိုက ပျုပျုငှာငှာ ကြိုဆိုလေ့ရှိကြ၏။ ဦးဘအို လာတိုင်းလည်း သူလွယ်လာသည့် လွယ်အိတ်ကြီးနှင့် တစ်လုံးစာအုပ်ကောင်းများ အပြည့်အသိပ် ပါလာတက်၏။ မြန်မာစာအုပ်များမဟုတ် တန်ဖိုးရှိ အင်္ဂလိပ် စာအုပ်များဖြစ်သည်။

ဒီနေ့လည်း ဦးဘအိုသည် သူ့ဆီမှ စာအုပ်ဝယ်နေကျ ပန်းဆိုးတန်းက ကိုတင်အိဆိုင်မှာ ရောက်နေ၏။ ကိုတင်အိ ဆိုသူက ဈေးနှိပ်ပေးလေ့မရှိ။ အရောင်း အ၀ယ်ဖြစ် ပြီးလျှင် လက်ဖက်ရည်တွေ ဘာတွေ တိုက်သေးသည်။ သူနှင့် လူချင်း လည်း အတန်အသင့် ရင်နှီးနေ၏။ ဦးဘအို လွယ်အိတ် အနက်ကြီးထဲမှ စာအုပ်များကို ကိုတင်အိက အပြင်မှာ တစ်အုပ်ချင်းထုတ်ကာ ပုံရင်း .... က

“ဂျွန်ကိ၊ ရှယ်လီ၊ ၀ီလျံဘလိတ်၊ ဒီအပတ် ဆရာကြီး စာအုပ်တွေက ရိုမန် တစ် ကဗျာစာအုပ်တွေချည်းပါလား၊ ကဗျာစာအုပ်ဆိုရင်လည်း ဟိုတစ်ခေါက်က လိုရစ်ချက်ဝက်ဘာ၊ ရောဘတ်လိုဝယ်တို့၊ ပရဲဗတ်တို့လို မော်ဒန်ဆရာတွေဟာ ယူလာပါ၊ ဒါက ဒစ်ကင်း ဒါက ရောဘတ်ဖရော့၊ ဟာ.... သောမတ်ဟာဒီ ၀တ္ထုတွေ တော်တော်များပါလား၊ ပါးလ်အက်စ် ဘတ် စာအုပ်တွေလဲ ပါတယ်။ သူတို့က လူသိပ်မဖတ်တော့ဘူး ဆရာကြီးရဲ့ ခေတ်ကုန်နေပြီ။”

ဦးဘအိုက ကိုတင်အိပြောသမျှ ခေါင်းသာညိတ်ပြ၏။ ထောက်ခံ သည့် သဘောဖြင့်တော့ ဟုတ်ဟန်မတူ။ သူခေါင်းညိတ်နေပုံက “လောကကြီးအကြောင်း အလုံးစုံ ငါသိပါတယ်” ဆိုသည့် ပညာရှိကြီးတစ်ဦး တစ်ကိုယ်တည်း နှလုံးသွင်းနေပုံနှင့်သာ တူ၏။

“တော်သေးတယ် ဆရာကြီးရေ၊ ကမူးရဲ့ အောက်ဆိုက်ဒါစာအုပ် ကလေးရယ်၊ နာဘိုကော့ဗ်နဲ့ ဆောဘဲလ်ဘိုးရဲ့ ၀တ္ထုတို ပေါင်းချုပ်စာအုပ် ကလေးတွေရယ် ပါလာပေလို့၊ ဂျက်ကာ ရိုယက်၊ သောမတ်ပင်ချွန်း၊ စူဆန်ဆွန်တက်၊ ဒါက ဂျွိုက်စ်ကာ ရိုးအုတ်၊ သူတို့စာအုပ်အကြောင်းတော့ ကျွန်တော်လဲ ကောင်း ကောင်းမသိဘူး ”

ဦးဘအိုက ခေါင်းညိတ်ပြန်၏။ ဒီအဘိုးကြီးက စကားနည်းသည်။ ပညာရှိ ဆိုတာ မတီးလျှင် မမြည်တဲ့စည်နဲ့တူတယ်ဆိုတဲ့ စကားရှိသားပဲ။ တစ်လကို နှစ်ခေါက်သုံးခေါက် ထိုလူကြီး သူတို့ဆီိကို စာအုပ်တွေ လာရောင်းနေခဲ့သည်မှာ တစ်နှစ် ကျော်ခန့်ရှိပြီ။ သူရောင်းပြီးခဲ့သည့် စာအုပ်များကို ရေတွက် ကြည့်မည် ဆိုလျှင်တောင် အရေအတွက်အားဖြင့် နည်းမည် မဟုတ်တော့။ နောက်ရောင်းဖို့ အများကြီး ကျန်သေးတယ်ဟု ပြောဖူးသေး၏။ ဒီလောက်များတဲ့ စာအုပ်တွေကို ဖတ်မှတ် လေ့လာထားခဲ့ပြီးပြီဆိုတော့လည်း ဆရာကြီး ဤမျှ တည်ငြိမ်မှုရှိနေ သည်ကို ဆန်းသည်ဟု မဆိုသာ။ တစ်ခါတလေ သူတို့က စာအုပ်တွေအကြောင်း ပြောလျှင်လည်း အပြုံးဖြင့်သာ နားထောင်နေတက်သည်။ အပြန်အလှန် လက်ခံ ဆွေးနွေး ရလောက်အောင် သူတို့မှာ အရည်အချင်းမရှိဟု ယူဆလေ သလားမသိ။

“ဆရာကြီး၊ သောမတ်မန်းရဲ့ “မက်ဂျစ်မောင်းတိန်း” မရှိဘူးလား၊ ဒီဘိုးဗွား ရဲ့ ‘အောဆက်အင်ဒန်း’ ရော၊ ဆင်ကလဲလွီ စာအုပ်တွေရောပေါ့၊ ယူလာခဲ့ပါ၊ အထူးသဖြင့် ကပ်ဖကာရဲ့ ရဲတိုက်စာအုပ်ရှ်ိရင် လိုချင်တယ်။ ဈေးကောင်းရမယ် ဆရာကြီး၊ အဲဒီစာအုပ်ကိုတော့ ကျွန်တော့်ကို အော်ဒါမှာထားတာပဲ သုံးလေးဦးရှိ တယ်”

ဦးဘအိုက ခေါင်းညိတ်ပြန်သည်။

ဦးဘအို အိမ်ပြန်ရောက်တော့ မောမောဖြင့် လွယ်အိတ်ကို ကြမ်းပြင်ပေါ်ချ သည်။ အိမ်က ထွက်သွားစဉ်က စာအုပ်များဖြင့် ပြည့်နေသော လွယ်အိတ်ကြီးမှာ အိမ်ကို ပြန်လာတော့ ဆန်၊ ဆီ၊ ဆား၊ ငရုတ်၊ ကြက်သွန်တို့ဖြင့် ပြည့်လာ၏။

သူ့အိမ်က ဆယ်မိုင်ကုန်းမှာရှိသည်။ ဓနိမိုး ထရံကာအိမ် ခပ်သေးသေးသာ ဖြစ်သည်။ အိမ်ပေါ်မှာ တန်ဖိုးကြီးသော ပရိဘောဂဟူ၍ မရှိ၊ ဖရိုဖရဲဖြစ်နေသော စာအုပ်ပုံကြီး တစ်ပုံတော့ရှိ၏။

စာအုပ်ကြီးကိုမြင်တော့ ကွယ်လွန်သူ သူ့ဆရာကြီး ဦးအောင်ဆက်ကို ဦးဘအို သတိရလာသည်။ ဦးအောင်ဆက် သည် ရန်ကုန်တက္ကသိုလ်ဌာနတစ်ခုမှ ပါမောက္ခကြီးတစ်ဦး ဖြစ်သည်။ သူ့ဘ၀ကို စာပေလေ့လာခြင်း၌သာ ထာဝရ မြှပ်နှံထားခဲ့သော လူပျိုကြီးတစ်ဦးဖြစ်သည်။ ဦးအောင်ဆက် တာဝန်ထမ်းဆောင် နေစဉ်ကတော့ တက္ကသိုလ်ကပေးသော အိမ်တစ်ဆောင်တွင်နေ၏။ ဆွေမရှိမျိုးမရှိ တစ်ကောင်ကြွက် ဖြစ်သော ဦးအောင်ဆက်အဖို့ အိမ်ထောင်ထိန်းသိမ်းရန် လူ တစ်ဦးလိုနေသည်။ ထမင်းချက်၊ အ၀တ်လျှော်ကအစ တာဝန် ယူနိုင်မည့်သူဖြစ်ရမည်။ သို့သော် သူက လူလွတ်တစ်ဦးဆိုတော့ မိန်းမအဖော်နှင့်လည်း မသင့်တော်ပြန်ချေ။ သို့ဖြင့် မိတ်ဆွေ တစ်ယောက်၏ ဆက်စပ်ပေးမှုနှင့် သူ့ဆီကို ဦးဘအို ရောက် လာသည်။

ဦးဘအိုကလည်း တောက တက်လာသော တစ်ကောင်ကြွက် တစ်ယောက်ဖြစ်၏။ တခြားအလုပ် မရခင်စပ်ကြား ခဏခိုနား မည်ဆိုသော ရည်ရွယ်ချက်ဖြင့် ဦးအောင်ဆက်ထံ ရောက်ခဲ့ သော ဦးဘအိုမှာ မထင်မှတ်ဘဲ အနှစ်လေးဆယ်ကျော် ဦးအောင်ဆက် သေဆုံးချိန်အထ်ိ အတူနေဖြစ်ခဲ့လေတော့သည်။

တက္ကသိုလ်ကျောင်းတော်ကြီးမှ ဦးအောင်ဆက် အငြိမ်းစား ယူသောအခါ သူ တို့ဆရာတပည့်နှစ်ဦး ဤဆယ်မိုင်ကုန်းမှာ အိမ်ကလေးတစ်လုံးဆောက်၍ ပြောင်းရွှေ့နေကြသည်။ ဦးအောင်ဆက်၏ အငြိမ်းစားလစာငွေမှာ အသုံးအဖြုန်း မရှိသော ဆရာတပည့်နှစ်ယောက်၏ စားဝတ်နေရေးအမှု အတွက် ဖူလုံ၏။ ဦးအောင်ဆက်မှာ စုဆောင်းပြီး ငွေကြေးဟူ၍ မည်မည်ရရမရှိ။ တစ်သက်လုံး သူရခဲ့သမျှမှာ စာအုပ် ၀ယ်ခြမ်းဖြင့် ကုန်ခမ်းခဲ့သည်။ သူချမ်းသာသမျှမှာလည်း စာအုပ်များသာ ဖြစ်၏။

လွန်ခဲ့သော တစ်နှစ်ကျော်ခန့်ကတော့ ဦးဘအိုထက် ဆယ်နှစ်ကြီးသော ဦးအောင်ဆက် သေဆုံးသွားလေသည်။ သူ့အတွက် ဦးအောင်ဆက်ချန်ရစ်ခဲ့ သော အမွေပစ္စည်းမှာ များမြောင်လှစွာသော စာအုပ်များသာဖြစ်၏။

လက်ထဲမှာရှိသမျှ ငွေကြေးကလေး ကုန်ခန်းသွားသောအခါ အိုမင်းမစွမ်းရှိ ပြီဖြစ်သော ဦးဘအိုသည် စားဝတ်နေရေး အခက်အခဲ ကြုံလာသည်။ ယခုလို အခါမျိုးတွင် သူ့၌ လုပ်ကိုင်စားနိုင်သော ခွန်အားလည်း မရှိတော့။ ရောင်းချစား စရာ ငွေကြေးလည်း မရှိ။ သို့ဖြင့် တစ်နေ့ ပန်းဆိုးတန်း ဘက်ရောက်ခိုက် အင်္ဂလိပ်စာအုပ်များရောင်းနေသော စာအုပ် ဆိုင် တစ်ဆိုင်သို့ ၀င်ကာ ‘ဒီလိုစာအုပ် တွေ ရောင်းရင် ၀ယ်သလား’ ဟုမေးမိ၏။ ဆိုင်ရှင်က ‘ယူခဲ့ပါ ဆရာကြီး ကျွန်တော်ကြည့်ပေးပါမယ်’ ဟု ဆိုသည်။

သည်လှိုနှင့် နောက်နေ့တွင် စာအုပ်များကို လွယ်အိတ် တစ်လုံးနှင့် ထည့် ယူလာကာ သြူုပ၏။ ဆိုင်ရှင်က ၀မ်းသာ အားရ၀ယ်၏။ ဆိုင်ရှင်ထံမှ သူဘယ်လိုမှ ထင်မှတ်မထားသော ငွေကြေးကို ရသဖြင့် ဦးဘအို အံ့အားပင်သင့်နေသည်။ သူ ယူလာသော စာအုပ်နှစ်ဆယ်ကို တစ်အုပ်ငါးကျပ်နှုန်းဖြင့် ရှင်းပေး၏။ တစ်ကြိမ် က သူပိုက်ဆံပြတ်ခိုက် ရပ်ကွက်ထဲတွင် စက္ကူလည်ဝယ်သည့် သူတစ်ဦးကို ခေါ် ရောင်းဖူး၏။ တစ်ပိသာ သုံးကျပ်ခွဲပဲရခဲ့သည်။ ဆိုင်ရှင်က နောက်ရှိရင်လည်း ယူလာခဲ့ပါဦးဟု မှာသည်။ သို့ဖြင့် ဦးဘအိုသည် ဈေးသုံးလိုတိုင်း ပန်းဆိုးတန်းကို လွယ်အိတ်တစ်လုံးနှင့် ရောက်လာကာ စာအုပ် ရောင်းသူဖြစ်လာသည်။ သို့သော် တစ်လကို နှစ်ကြိမ် သုံးကြိ်မ် ထက် သူပိုမရောင်း။ သူ့မှာ ဒီထက်ငွေပို မလိုသောကြောင့် ဖြစ်သည်။

အခုတော့ သူ့ဆရာပေးခဲ့သော အမွေအနှစ်များဖြင့် သူကြီးပွား နေသည်ဟု ဆိုနိုင်သည်။ စာအုပ်များသာမက သူ့ဆရာ ကျန်ခဲ့သည့် အ၀တ်အစား အဟောင်းများမှာလည်း သူ့ အ၀တ်အစားဖြစ်ခဲ့သည်။ တိုက်ပုံအင်္ကျီကတော့ သူနှင့် နည်း နည်း ပွနေသည်။ သို့သော် ၀တ်ဖို့ပြင်မနေနိုင်။ ပြီးတော့ သူ့ဆရာကျန်ခဲ့သည့် မျက်မှန်။ မျက်မှန်က အိုဟောင်းနေ သော်လည်း သူ့အတွက် စပါးလုံးရွေးရာတွင် ကောင်းကောင်း အသုံးဝင်နေသေ၏။ စာအုပ်စင်များကိုတော့ သူခွဲခြမ်းကာ ထင်း စိုက်ပစ်ခဲ့သည်။ သူက ပါမောက္ခတစ်ယောက်မှ မဟုတ်တာ။ ခမ်းခမ်းနားနား စာအုပ်စင်တွေ ဘာတွေလည်း မလိုလှပါဘူးဟု တွေးမိသည်။ စာအုပ်တွေကို ခုလို ကြမ်းပြင်ပေါ်တွင် စုပုံထား လည်း ရတာပဲဟာ။

စာအုပ်များမှာ အစီအရီရော ဖရိုဖရဲပါ အပြိုပြိုအလဲလဲကျ ထွေးသီထပ် တင်နေသည်။ ကမူး၏ ပလိပ်ဝတ္ထု စာအုပ်မှာ ကြွက်ကိုက်ထားသဖြင့် စုတ်ပြတ်နေ၏။ တော်စတွိုင်း၏ အင်ညာကရီနီနာခြေရင်းတွင် ဂျိုးဇက်ကွန်းရဒ်၏ လာ့ဒ်ဂျင် လဲကျနေသည်။ အရင်းကျမ်းမှာ ခြများစားလျက်ရှိသည်။ ဟင်နရီဂျိမ်း၏ ချိုးငှက် အတောင်ပံများမှာ ဂျက်လန်ဒန်၏ သံဖနောင့်အောက် ရောက်နေ၏။ မားကွပ်၏ အထီးကျန် နှစ်တရာမှာ ပင့်ကူမျှင်များ ငြိတွယ်နေ၏။ ရုဖ်အယ့်လီဆင်၏ ကိုယ်ပျောက်သူမှာ ပိုးဟတ်ချေးများ စွန်းကွက်နေသည်။ ဗာဂျီးနီးယားဝုဒ်၏ လှိုင်းများအပေါ်တွင် ဂျိမ်းဂျွိုက်၏ ယူလီစီး ရောက်နေ၏။ ဒီအိတ်ခ်ျလောရင်၏ လေဒီချက်တာလီချစ်သူမှာ မျက်နှာဖုံးမရှိတော့။ က၀ါဘာတား၏ နှင်းပွင့်တိုင်း ပြည်မှာ ဖုန်အလိမ်းလိမ်းတင်နေသည်။ နှုတ်ခမ်းမွှေး တထောင် ထောင်နှင့် ပိုးဟပ် တစ်ချို့က စာအုပ်ပုံထဲမှ ထွက်လာကာ ဦးဘအိုကိုငေးကြည့်ကြ၏။ ထိုအထဲမှ တစ်ကောင်ကို ဦးဘအိုက ချစ်စနိုးဖြင့် ကောက်ယူလိုက်ကာ ‘မင်းတို့လဲ စာအုပ်တွေကို စားပြီး အသက်ရှင်နေရတဲ့ကောင်တွေ၊ ငါနဲ့ ဘ၀တူပေါ့ကွာ’ ဟု ဆိုသည်။ ဦးဘအိုသည် ထိုအကောင်များကို မောင်းပစ်လေ့ မရှိချေ။

မှောင်စပျိုးပြီ ဖြစ်သဖြင့် ဦးဘအို မီးအိမ်ကို ထွန်းညှိနေဆဲမှာ တိုက်ခတ်လိုက်သော လေအေးတစ်ချက်က စုတ်ပြဲနေသော ၀ါးထရံပေါက်မှ တိုး ဝှေ့စိမ့်ယိုဝင်လာ၏။ ဤထရံကို သူ အသစ်ပြန်မလဲနိုင်သေးခင် လေလုံအောင် ထရံအပေါက်များကို စက္ကူနှင့်ကပ်ကာ ပိတ်ဖို့ကိစ္စကို သတိရလာ၏။ ထို့ကြောင့် စာအုပ်ပုံထဲက လက်လှမ်းမီရာစာအုပ်တစ်အုပ်ကို ဆွဲယူလိုက် ကာ စာရွက်များကို တစ်ရွက်စီဖြုတ်၍ ထမင်းလုံးကော်နှင့် သုတ်ရင်း ထရံမှာ ကပ်နေမိ၏။

ထိုကဲ့သို့ သူဆုတ်ဖြဲ၍ ထရံပေါက်ကို ကပ်ပစ်လိုက်ကာ စာအုပ်မှာ စာအုပ်သည်များက လိုချင်တပ်မက်စွာ တဖွဖွ မှာကြားနေသည့် ကပ်ဖကာ၏ ရဲတိုက် စာအုပ်ဖြစ်ကြောင်းကိုမူ ဘယ်တုန်းကမှ စာမသင်ဖူးသဖြင့် အင်္ဂလိပ်လိုဝေး၍ မြန်မာလို ပင် တစ်လုံးမှ မတတ်ရှာသော ဦးဘအိုတစ်ယောက် သိနိုင်ရှာ လိမ့်မည် မဟုတ်ပါချေ။

------------------
သစ္စာနီ

Read More

သစ္စာနီ

ပင်လယ်ကမ်းခြေတွင် ရပ်၍ သင့်လက်ပတ်နာရီကို ချွတ်ကာ ပင်လယ်ထဲသို့ လွှင့်ပစ်လိုက်သောအခါ သင်ဘာများ
ဆုံးရှုံးသွားပါသနည်း။
သင့် လက်ပတ်နာရီလား.....
အချိန်ကာလလား...
ပင်လယ်လား... သင်ကိုယ်တိုင်လား...
ဒါမှမဟုတ် လွှင့်ပစ်ခြင်းလား။
ဒါလီ၏ ပျော့တွဲနေသော နာရီပန်းချီကားလောက် ရယ်စရာကောင်းသော ပြက်လုံးကို တစ်ခါမှ ကျွန်တော်မမြင်ဖူးခဲ့ပါ။
ကျွန်တော့်ချစ်သူသည် မနက်ဖြန် မနက်တွင် သေဆုံးတော့မည်ဟု သိရသောအခါ ကျွန်တော် ဘာလုပ်ရမည်နည်း။
ရူပဗေဒမတ္တာ တစ်ခုမျှသာ ဖြစ်သော အချိန်ကို ကျွန်တော် စိန်ခေါ်၍ ရနိုင်ပါမည်လား။ အိပ်(ခ်ျ)ဂျီဝဲလ်၏ ကာလယန္တရားကို ကျွန်တော် ငှား၍ရနိုင်ပါမည်လား။ နေရထားကို ဆွဲထားရန် ဟာနုမာန်ကို ကျွန်တော် တောင်းပန်၍ ရနိုင်ပါမည်လား။
အိုင်းစတိုင်း၊ ကာလနှင့် အလျားဆက်စပ်မှု၊ အလင်းအလျင်၊ နျူတန်၊ အချိန်ယူနစ်၊ ရီလေတီဗစ်တီ သီအိုရီ၊ လောရင့်၏ ကိုသြဒိနိတ်၊ အမိုနီယမ်မော်လီကျူး၏ တုန်နှုန်း၊ ရေဒါလှိုင်းဖြင့်တိုင်းတာခြင်း စသည်တို့မှာ ဘာအဓိပ္ပာယ် ရှိပါသနည်း။ အက်တမ်တစ်လုံး၏ ၀တ်ဆံဖြစ်သော နျူကလိယကို အလင်းဖြတ်သွားရန်ကြာသောအချိန် (1024 sec) သည်အတိုဆုံးသော အချိန်ဖြစ်သည်ဟု ဆိုကြသည်။ မျက်တောင် တစ်ခတ်အတွင်း ကုဋ္ဋေတစ်သိန်းဖြစ်ချုပ်သော စိတ်၏အလျင်ကို တိုင်းတာရန် နာရီတစ်လုံးကို ဘာကြောင့် မတီထွင်ခဲ့ကြပါသနည်း။
ထိုရွှေရောင် လက်ပတ်ကြိုးနှင့် လက်ပတ်နာရီကို ကျွန်တော့်ချစ်သူက သူနှင့် ကျွန်တော် လက်ထပ်သောနေ့တွင် လက်ဆောင်အဖြစ် ၀ယ်ပေးခဲ့၏။ သူကိုယ်တိုင် လက်မှာပတ်ပေးရင် "ယောက်ျားမှန်ရင် နာရီတစ်လုံးတော့ ရှိသင့်တယ်" ဟုလည်း
နောက်ပြောင်ခဲ့သေးသည်။
"ကိုယ်က ကိုယ့်ကို ဘယ်လိုအရာမျိုးကမှ ချုပ်နှောင်ထားတာကို မကြိုက်ဘူး... နာရီဟာ ချုပ်နှောင်မှု တစ်ခုပဲ...."
"အစ်ကိုက ငှက်တစ်ကောင်လို နေချင်တာပေါ့..."
"မဟုတ်ဘူး...ငှက်တွေဟာ တကယ်တမ်း မလွတ်လပ်ကြပါဘူး...သူတို့က လေရှိမှ ပျံသန်းနိုင်တာ သူတို့ကို လေက
ချုပ်နှောင်ထားတယ်..."
သူနှင့်မတွေ့ခင်ကမှု ကျွန်တော်သည် တည်းခိုခန်းတစ်မှ တစ်ခု၊ ဘော်ဒါဆောင်တစ်ခုမှ တစ်ခုသို့ ပြောင်းရွှေ့နေထိုင်တတ်သူဖြစ်သည်။ ကျွန်တော့အဖို့ အချိန်ဆိုတာ အဓိပ္ပာမရှိ။ ဆာလောင်သောအခါ စား၍ အိပ်ချင်သောအခါ အိပ်လိုက်သည်။
ကျွန်တော့်တွင် ကျွန်တော် သွားလေရာပါသော(စာအုပ်နည်းနည်းနှင့် အ၀တ်အစားနည်းနည်း ထည့်ထားသော) လက်ဆွဲသေတ္တာတစ်လုံးကလွဲ၍ တခြား ၀န်စည်စလယ်မရှိ။ အိုးအိမ် မရှိ။ ဘ၀အဓိပ္ပာယ်မရှိ။ နာမည်မရှိ။ သို့မဟုတ် ဘယ်သူကမှ မခေါ်ကြသဖြင့် ကျွန်တော့်နာမည်ကို ကျွန်တော် မမှတ်မိတော့ခြင်း လည်းဖြစ်နိုင်သည်။
"အစ်ကိုက လူတွေကို မုန်းနေသလား..."
"မုန်းမနေရင်တောင်မှ မချစ်တာကတော့ သေချာတယ်...
ဒါဝင်ရဲ့ သီအိုရီအရဆိုရင် လူဆိုတာ တိုးတက်လာတဲ့ တောရိုင်း တိရိစ္ဆာန် တစ်မျိုးပါပဲ... မြို့ပြဆိုတာလည်း
အသွင်ပြောင်းထားတဲ့ တောကြီးမျက်မည်း တစ်မျိုးပါပဲ...
တကယ်တော့ ကိုယ်ဟာ လူတော ထဲမှာနေပြီး
လူငတ်နေတဲ့ လူတစ်ယောက်ပါ..."
လောကတွင် ငွေရှိနေသော လူတစ်ယောက်ထံ၌ တခြား ဘာမှမရှိဟူသော၊ မည်သူပြောခဲ့မှန်းမသိသည့် စကား(ကျွန်တော်ကိုယ်တိုင် ပြောခဲ့တာလည်း ဖြစ်ကောင်းဖြစ်နိုင်သည်) ကားအမှန်ပင်ဖြစ်ပါသည်။ ကျွန်တော်တွင် ငွေကလွဲ၍ တခြားဘာမှမရှိ။ ကျွန်တော် စွန့်ပစ်ခဲ့ပြီးပြီဖြစ်မည့် အတိတ်ကာလက ရှိခဲ့သော အရာအားလုံးမှာလည်း အတုချည်းသာ ဖြစ်လေသည်။
မိတ်ဆွေ အတု၊ ပကာသန အတု၊ ဆရာဝန် အတု၊ နှစ်ကာလ အတု၊ ချစ်ခြင်းမေတ္တာ အတု၊ ပန်းအိုး အတု၊ အနုပညာအတု၊ စားသောက်ကုန် အတု၊ ဇနီး အတု၊ လောက အတု၊ အတု...အတု...အတု...။ကျွန်တော့်တွင် ရှိသောငွေများကတော့ အစစ်ဖြစ်သည်။
ပင်လယ်ကလည်း အစစ်ဖြစ်ပုံရသည်။ ကြယ်တွေတဖွဲဖွဲ ကြွေနေသော တိတ်ဆိတ်သောညတွင် ကျွန်တော်တစ်ကိုယ်တည်း ကမ်းခြေတွင် လမ်းလျှောက် နေထိုင်ရင်း ရမ်းသမ်အင်ဘလူး သီချင်းသံကို ကြားလိုက်ရသည်။ အုန်းပင်တစ်ပင်အောက်တွင် ထိုင်ကာ ထိုသီချင်းကို ဆိုတီးနေသူမှာ အထက်အောက်ဝတ်စုံပြာ ၀တ်ဆင်ထားသော လှပသည့် မိန်းကလေးတစ်ဦးဖြစ်သည်။သူရော ကျွန်တော်ပါ ပင်လယ်ရေ မချိုး၊ အုန်းရေ မသောက်၊ ခရု မကောက်ကြဘဲ သောင်ကမ်းခြေ အရှည်ကြီးတွင် ဖိနပ်မဲ့ ခြေထောက်များဖြင့် လမ်းလျှောက်ကြရင်း စကားတွေ အများကြီးပြောခဲ့ကြသည်။
ကောင်းကင်တွင် သက်တန့်တစ်ခု ထင်ရှားစွာပေါ်ထွက်နေသော ညနေ တစ်ညနေတွင် သူ့ကို ချစ်သွားမိသည်။ ကျွန်တော့်မိဘများ လေယာဉ်ပျံ ပျက်ကျကာ ပြိုင်တူသေဆုံးသွားကြသည့်နောက်တွင် ကျွန်တော် ပထမဆုံး ချစ်မိသော လူသားတစ်ဦးပင် ဖြစ်သည်။ သို့သော် ကျွန်တော်တို့ လက်ထပ်ဖို့ရန် အတွက် ကျွန်တော့် ဇနီးသည်က ကွာရှင်းပြတ်စဲခြင်း စာချုပ်ပေါ်တွင် လက်မှတ်ထိုးမည့် အချိန်ကို စောင့်ဆိုင်းနေရပြန်သည်။
"လူဆိုတာ တစ်ခုမဟုတ် တစ်ခုခုကို စောင့်စားရင်း အသက်ရှင်နေရတဲ့ သတ္တ၀ါတစ်မျိုးပါ အစ်ကိုရယ်...
တချို့က ခေါင်းထဲမှာ စောင့်ဆိုင်းနေကြတယ်...တချို့ကရင်ထဲမှာ စောင့်ဆိုင်းနေကြတယ် တချို့က အောင်မြင်မှုကို စောင့်ဆိုင်းနေကြတယ်...
တချို့က ကြွယ်ဝမှုကို စောင့်ဆိုင်းနေကြတယ်..."
သူက ကျွန်တော့်လက်ကိုဆွဲကာ လမ်းဖြတ်ကူးရန် မီးပွိုင့်စိမ်းလာမည့် အချိန်ကို စောင့်ဆိုင်းရင်း၊ ပြောခဲ့သောစကားဖြစ်သည်။ နောက်ဆုံးတွင်တော့ လူတွေအားလုံး တညီတညွတ်တည်း စောင့်ဆိုင်းနေရသော အရာမှာ တစ်ခုသာ ရှိလေသည်။ ထိုအရာမှာ သေခြင်းတရားသာ ဖြစ်၏်။
ကျွန်တော်နှင့် လက်ထပ်ပြီး တစ်နှစ်မပြည့် မီမှာပင် သူ့တွင် လူတစ်သိန်း၌ တစ်ယောက်ပင် ဖြစ်ရန် ခဲယဉ်းသော ကြောက်စရာ ရောဂါတစ်ခု စွဲကပ်နေကြောင်းသိခဲ့ရ၏။ ပိုက်တွေသွယ်ဆက်ထားသော ဆေးရုံးခုတင်ပေါ်ရှိ သူ့ခန္ဓာဘေးတွင် ထိုင်ရင်း သူ၏ နှလုံးခုန်နှုန်းပြစက်ကို ကျွန်တော် စောင့်ဆိုင်း ငေးကြည့်နေချိန်တွင် သူကတော့ သေခြင်းတရားကို အေးချမ်း ငြိမ်သက်စွာ စောင့်ဆိုင်းနေ၏်။ ကျွန်တော့်ချစ်သူသည် မနက်ဖြန်တွင် သေဆုံးတော့မည်ဟု သိရသောအခါ ကျွန်တော် ဘာလုပ်ရမည်နည်း။

Read More

နိုင်ငံခြားပြန်

‘ဟဲလို၊ ကောင်းသော နံနက်ခင်းပါ မိတ်ဆွေများ ခင်ဗျား’

သားလှီးဓားနှင့် စဉ်းတီတုံးတို့သည် အသံလာရာဘက်သို့ လှည့်ကြည့်သော်လည်း

ဘာမျှ ထူးထူးခြားခြား မတွေ့ ရ။ မီးဖိုပေါ်တွင် ထိုင်၍ ငိုက်နေသော ရေနွေးအိုးက

‘ဘယ်သူလဲကွ ၊ စောစောစီးစီး’

‘ကျွန်တော်ပါ ၊ ဒီ စင်ပေါ်မှာလေ’

အားလုံးသည် တောက်ပြောင်သန့်ရှင်းနေသော စင်လေး၏အပေါ်သို့ လှည့်ကြည့်

လိုက်ကြရာ တောက်ပပြောင်လက်နေသော သံဘူးဝိုင်းလေးတစ်ဘူးကို တွေ့လိုက်ရသည်။

စပ်စုတတ်သော သစ်သားယောက်မက မေးလိုက်သည်။

‘ရှင် ဘယ်သူလဲ ဟင်’

‘သြော် ကျွန်တော့်ကို မမှတ်မိကြတော့ဘူးလား။ ကျွန်တော် မြန်မာပြည်ဖွား

တိုင်းရင်းသား အစစ်ပါဗျ’

အားလုံးသည် မယုံနိုင်သလို ငေးကြည့်နေကြသည်။ ရေနွေးအိုးက ခပ်တည်တည်

ကြည့်ပြီး

‘မင်းပြောလို့သာ ကြားလိုက်ရတယ်။ မင်းပုံစံကတော့ တစ်စက်မှ ဗမာရုပ်နဲ့ မတူဘူး’

သံဘူးလေးက သဘောကျစွာ ရယ်မောလိုက်ပြီး

‘ဟဲ ဟဲ ၊ ခင်ဗျားတို့က ကျွန်တော့်ကို မယုံသင်္ကာ ဖြစ်နေကြတယ် ထင်ပါရဲ.။

ထင်လည်း ထင်စရာပါပဲလေ။ ကျွန်တော့်ဘ၀ကလဲ လူတစ်လုံး သူတစ်လုံး တောက်တောက်

ပြောင်ပြောင်နဲ့ ပြောင်းလဲခဲ့ရပြီကိုး။ ဒီ တော့ ခင်ဗျားတို့ အပြစ်လဲ မဟုတ်ပါဘူးလေ။

အမှန်တော့ ကျွန်တော့်ရဲ. မွေးဇာတိက မြန်မာပြည်ပဲ။ အခု နိုင်ငံခြားက ပြန်လာတာ’

သစ်သား ယောက်မသည် အံ့အားသင့်စွာဖြင့် ရေရွတ်လိုက်သည်။ ပြီးတော့

အထင်ကြီးသွားသလို သံဘူးကို မော့ကြည့်လိုက်သည်။

‘အို နိုင်ငံခြားက’

‘ဟုတ်ပါတယ် နိုင်ငံခြားက ပြန်ခဲ့တာပါ။ လူတွေမနိုးခင် ကျွန်တော်တို့ချင်းမို့သာ

ပြောရတာပါ။ မြန်မာပြည်မှာ မွေးတယ်လို့ ပြောရမှာတောင် ခပ်ရှက်ရှက်ရယ်။ ကျွန်တော်က

မျှစ်ဘူးလေ’

‘အို ဟုတ်လား ၊ နိုင်ငံခြားကြီးများတောင် ဘယ်လို ရောက်သွားရတာလဲ ဟင်’

သစ်သားယောက်မက မေးလိုက်သောအခါ မျှစ်ကြော်ဘူးသည် အားရ ကျေနပ်စွာ

ပြုံးလိုက်ပြီး သူ့ ဘ၀ဖြစ်စဉ်နှင့် မည်သို့ အောင်မြင်မှု ရခဲ့ပုံတို့ကို ပြောပြရန် ဟန်ပြင်

လိုက်ပါသည်။

ရေနွေးအိုးက သစ်သားယောက်မကို တစ်ချက် လှမ်းကြည့်ပြီး

‘ဒီကောင်မလေးတွေ အထင်ကြီးရမယ်ဆို နှစ်ယောက် မရှိဘူး ၊ ကဲ ကဲလွန်းတယ်’ဟု

တွေးလိုက်သည်။

‘ကျွန်တော့်ဘ၀ရဲ. အစက ဟို တောကြီးမျက်မည်းထဲက စခဲ့ရတာပါလား။

အခုလို ဖြစ်ရမယ်လို့ အိပ်မက်တောင် မမက်ဝံ့ပါဘူးဗျာ။ ကျွန်တော် စပြီး ဒီလောကကြီးထဲ

ရောက်ခဲ့ရတဲ့ နေရာကတော့ ရွှေဘိုခရိုင် ကန့်ဘလူ မြို့နယ်ရဲ. အရှေ.မြောက်ဘက်မှာရှိတဲ့

ဝါးတောကြီးထဲကပေါ့။ မြေကြီး အောက်မှာ ပုန်းကွယ် နေခဲ့ရပေမယ့် အချိန်တန်

အရွယ်ရောက် မိုးဦးပေါက်လဲ ရောက်ရော ကျွန်တော့်ရဲ. စိတ်တွေဟာ လှုပ်ရှားမိတာပါပဲ။

မိုးရေအစို ဓာတ်ကလေးနဲ့ မြေကြီး ခပ်မွမွ ဖြစ်အလာ ကျွန်တော်လည်း မျိုသိပ်လို့ မရတဲ့

အဆုံး ခေါင်းချွန်းနဲ့ အတင်းဖောက်ပြီး မြေပေါ်ကို ရောက်ခဲ့ရသပေါ့။

ပျော်စရာ ကောင်းလိုက်တာဗျာ။ မိုးနံ့သင်းနေတဲ့ လေနုအေးလေးရယ် ၊ စိမ်းစိမ်းစိုနေတဲ့

မြပုရစ်ဖူးလေးတွေရယ် ၊ မြက်ခင်းပြင်ပေါ်က မိုးပုလဲဥလေးတွေရယ်က ကျွန်တော့်ကို

ကြိုနေကြသလိုပဲဗျ’

ကဗျာဆန်နေလိုက်တာ အမြင်ကတ်စရာ တယ်ကောင်းဟု ရေနွေးအိုးက ပုပ်သိုးသိုး

မျက်နှာထားနှင့် နှာခေါင်း ရှုံ.လိုက်သည်။ သတိထားမိဟန် မတူသော မျှစ်ကြော်ဘူးကမှု

ဆက်လက်၍ ပြောပြနေသည်။

‘ပြီးတော့ ကျွန်တော်လဲ ကိုယ့်ကိုယ်ကိုမို့ ပြောတာ မဟုတ်ပါဘူး။ အဲဒီတုန်းက တကယ့်ကို

နုနုနယ်နယ် လှလှပပ ထွားထွားကျိုင်းကျိုင်းနဲ့ မျှစ်စို့ပေါက်ကြီးကိုး’

‘အဲဒီတုန်းကတော့ ငယ်သေးတာဆိုတော့ မျှော်လင့်ချက်ကြီးကြီးနဲ့ ပေါ့ဗျာ။

ငါ ကြီးလာရင် လှပဖြောင့်စင်းပြီး ကြီးမားတဲ့ ၀ါးလုံးကြီးဘ၀ ရောက်စေရမယ်။

ပြီးမှ လူတွေရဲ. အကျိုးအတွက် အသုံးဝင်စေရမယ်လို့ ဆုံးဖြတ်ထားခဲ့သဗျ။

ဒါပေမယ့် ဖြစ်ချင်တာနဲ့ ခုဖြစ်လာတာနဲ့က တခြားစီပေါ့လေ’

သစ်သားယောက်မက ခေါင်းညိတ်လိုက်ပြီး

‘ဘ၀ဆိုတာ ဒီလိုပေါ့ရှင် ၊ ဖြစ်ချင်တိုင်းလဲ မဖြစ်ရပါ ဆိုတဲ့ စကားတောင် ရှိသေးတယ်

မဟုတ်လား’

‘ဟုတ်ပါတယ် ၊ တစ်နည်းပြောရရင်တော့ ခုလိုဖြစ်ရတာကတောင် ကောင်းကောင်းပါပဲ။

ဝါးဘ၀သာ ရောက်သွားရင် ဆင်းရဲသား တစ်ယောက်ရဲ. အိမ်က ပိုးစားနေတဲ့ ကြမ်းခင်းပဲ

ဖြစ်မလား ၊ အိမ်သာတွင်းထဲ ဘောင်ခွေချခံရလို့ ဆွေးမြေ့နေမလား ၊ တောမီးလောင်တာ

ထဲများ ပါသွားမလား ၊ တစ်ခုခုပဲပေါ့’

‘ဟုတ်တာပေါ့ ၊ အခုလိုဖြစ်လာရတာ ရှင် သိပ်ပြီး ကံကောင်းတာပဲ။ ကျွန်မတို့များ

မီးဖိုထဲက ဘယ်တော့မှ လွတ်တော့မှာ မဟုတ်ပါဘူး’

သစ်သားယောက်မ၏ ပြောသံကို ကြားရသောအခါ စဉ်းတီတုံးက

‘မယောက်မရယ် ၊ ညည်းက သစ်သားယောက်မ ဖြစ်လာမှတော့ မီးဖိုချောင်မှာ

မနေလို့ ဘယ်များ သွားနေချင်လို့တုန်း။ ကိုယ့်ဘ၀နဲ့ ကိုယ်ဖြစ်လာရတာပါအေ။

ဘုရားစင်ပေါ် တက်နေချင်လို့တော့ မဖြစ်သေးဘူး’

သစ်သားယောက်မသည် မည်သို့မျှ ပြန်မချေပတော့ဘဲ မျှစ်ကြော်ဘူးကိုသာ

ဆက်၍ တိုက်တွန်းလိုက်သည်။ ပြောချင်ချင်ဖြစ်နေသော မျှစ်ကြော်ဘူးကလည်း

ချောင်းတစ်ချက် ဟန့်လိုက်ပြီး

‘တစ်နေ့တော့ ကျွန်တော်နေတဲ့ တောကြီးထဲကို ဘယ်က ဘယ်လို ရောက်လာ

မှန်း မသိပါဘူး။ မိန်းမကြီးတစ်ယောက် ရောက်လာပြီး ကျွန်တော့်ကို ချိုးဖဲ့ယူတော့တာပါပဲ။

သူ့ တောင်းထဲ ပစ်ထည့်လိုက်တော့ ကျွန်တော့်လို မျှစ်တွေ အများကြီး ရောက်နှင့်နေတာကို

တွေ့ရတယ်။ မိန်းမကြီးက အသက် ငါးဆယ်ကျော် အဘွားကြီးပါဗျာ။ ပြီးတော့ စကားလဲ

မပြောတတ်ဘူး။ သူ ရွာပြန်ရောက်လို့ သူများတကာနဲ့ တွေ့ တော့ အာ အီး အဲ အသံ

ထွက်တတ်လို့ ကျွန်တော် သိရတာပေါ့။ စကားသာ မပြောတတ်တယ် ၊ တော်တော်

မျှစ်ရှာကောင်းသဗျ။ မြေကြီးထဲက မပေါ့်တပေါ် မျှစ်တွေကိုလဲ တူးဖော်ယူတာပဲ။

သူနေတဲ့ရွာက ထန်းပင်ကုန်းဆိုတဲ့ ရွာကလေးပါဗျာ။ အိမ်ကလေးတွေကလဲ

ဝါးအိမ်ကလေးတွေ ၊ ယိုင်တိယိုင်တိုင်နဲ့’

‘ဟား ဟား ရယ်စရာပေါ့ကွာ ၊ နိုင်ငံခြားပြန်ကြီး ဖြစ်လာမယ့်သူကို စကားမပြော

တတ်တဲ့ တောသူမကြီးက ဘ၀ပြောင်းပေးလိုက်တာပေါ့’

ကြားဖြတ် ၀င်ပြောလိုက်သော ရေနွေးအိုးကြောင့် မျှစ်ကြော်ဘူး ကြောင်သွားသည်။

ပြီးတော့ မကျေနပ်သလိုနှင့်

‘ကျွန်တော်တို့ နိုင်ငံခြားမှာတော့ တစ်ယောက် စကားပြောလို့ မဆုံးခင် ၀င်ပြီး

လုမပြောတတ်ဘူးဗျ။ ယဉ်ကျေးမှုကို နားလည်တဲ့ သဘောပေါ့။ အင်းလေ ခင်ဗျားကိုတော့

ခွင့်လွှတ်ရမှာပေါ့’ဟု ရေနွေးအိုးကို နှိမ်လိုက်သည်။

သစ်သားယောက်မကလည်း ရေနွေးအိုးကို မျက်စောင်းထိုးလိုက်ပြီး

‘ဟုတ်သားပဲ ၊ ရှင်က ကြားက ဖြတ်ဖြတ်ပြီး နှောင့်ယှက်မနေပါနဲ့။ ကဲ ကိုမျှစ်ကြော်

ဆက်သာပြောပါ။ သူ့ ကို ဂရုစိုက်မနေနဲ့’

‘ဒါ နဲ့ ဘယ်ရောက်သွားပါ လိမ့်’

ငြိမ်၍ နားထောင်နေသော သားလှီးဓားက

‘အဘွားကြီးနေတဲ့ ရွာကလေးရောက်…’

‘အဲ အဲ ဟုတ်ပြီ ၊ သတိရပြီ။ အဘွားကြီးရဲ. သမီးက ကျွန်တော့်ကို အခွံတွေခွာ

ရေနွေးအိုးထဲထည့်ပြီး ပြုတ်တော့တာပဲ။ အစကတော့ တော်တော်အခံရခက်သား၊

ဒါပေမဲ့ အပြုတ်ခံရတော့မှ ကျွန်တော့်ဘ၀ ကျက်သွားတာကိုး။ ပြီးတော့မှ အမျှင်လိုက်မြွှာပြီး
နေပူလှန်းခံရပြန်ရော’

‘သြော် ရှင့်ဘ၀ကလဲ မသက်သာပါလား’

‘ဟုတ်ကဲ့ ၊ ဒီလိုနဲ့ မျှစ်ခြောက်ဘ၀ကို ရောက်ခဲ့ရတာပဲ။ နေလှန်းခံရပြီး သုံးလေးလ
လောက်တော့ အိမ်အောက်က ကက်ထဲ နေခဲ့ရသေးတယ်။ နွားချေးစော်နံသကိုး ၊ ဒါပေမဲ့
သိပ်မကြာပါဘူး ၊ မြို့က အ၀ယ်တော် ရောက်လာတာပါပဲ’

သစ်သားယောက်မက ပြုံးလိုက်ပြီး

‘ပတ္တမြားမှန်ရင် နွံ မနစ်ပါဘူးရှင်’

‘ဟုတ်ကဲ့ အဲဒီတုန်းကတော့ လူဆိုလို့ အဘွားကြီးတို့ သားအမိနဲ့ ရွာသားတွေကိုပဲ
တွေ့ဖူးသေးတာကိုး။ အခုလာတဲ့ မိန်းမကြီးကတော့ လူချင်းတူပေမယ့် ၀တ်စားထားတာက
သပ်သပ်ရပ်ရပ် ပြောင်ပြောင်လက်လက်နဲ့ ၊ ဆွဲကြိုးနဲ့ လက်ကောက်နဲ့ပါပဲ။
အဘွားကြီးတို့ကတော့ ဂျီးရှစ်သစ်လောက်ထူနေတဲ့ ဘာရောင် ဘာအဆင်းမှန်း မသိတဲ့
လုံချည် ထဘီတွေနဲ့ပေါ့။ အဲဒီမြို့က မိန်းမကြီးက မျှစ်ခြောက်တွေကို သူ့ မှာပါလာတဲ့
ဖန်လက်ကောက် ၊ ခဲတံ ၊ ချည်ကြမ်းလုံချည် ၊ ငါးပိ စတဲ့ လူသုံးပစ္စည်းတွေနဲ့ လဲလှယ်
ယူတာကိုး။ လုံချည်လေး တစ်ကွင်းရဖို့ မျှစ်ခြောက်တွေအများကြီး ပေးရတာကတော့
အဆမတန်ပါပဲ။ တောသူအပျိုလေးတွေကလဲ တစ်မိုးလုံး ချိုးခဲ့ရတဲ့ မျှစ်တွေကို ပေါင်ဒါတို့ ၊
ဆံညှပ်တို့နဲ့ လဲယူကြတယ်’

ရေနွေးအိုးက ကြားဝင်၍

‘သြော် မိန်းမ မိန်းမ ၊ တောနေနေ မြို.နေနေ သည်ရောဂါကတော့ အတူတူပါလား’
ဟု တရားသံနှင့် ညည်းလိုက်သည်။

‘အဲဒီ အ၀ယ်တော် မိန်းမကြီးက ကျွန်တော်တို့ကို လှည်းနဲ့ တိုက်ပြီးတော့
ကန့်ဘလူဆိုတဲ့မြို.က ကုန်သည်ကြီးထံမှာ သွင်းတယ်။ မျှစ်ခြောက်ဈေးကွက် သိပ်မရှိလှဘူး
လို့ ကုန်သည်ကြီးက ဈေးညှစ်ပြီး အ၀ယ်တော် မိန်းမကြီးကို တောင်းတဲ့ဈေးထက် နည်းပြီး
ဝယ်လိုက်တယ်။ ဒါတောင် အဘွားကြီးမှာ တော်တော် အမြတ်ရမှာပါ။ သူ ရခဲ့တာက
မတန်တဆ ဈေးနဲ့ စုယူခဲ့တာ မဟုတ်လား။ ကျွန်တော်တို့လဲ ကုန်သည်ကြီးရဲ. ဂိုဒေါင်ထဲမှာ တော်တော်ကြာအောင် နားနေပြီးတော့ ရန်ကုန်ကို မီးရထားနဲ့ လာ ၊ ဂျပန်ပြည်ကို
သင်္ဘောနဲ့ ပါသွားရတာပါပဲ’

နားမရှင်းသော စဉ်းတီတုံးက ထောက်မေးလိုက်သည်။

‘ဂျပန်ကို ဘယ်လို ရောက်သွားတာလဲဗျ ၊ ကန့်ဘလူက ကုန်သည်ကြီးက တိုက်ရိုက် ရောင်းလိုက်တာလား’

‘အဲဒီလိုလဲ မဟုတ်ဘူးဗျ ၊ ရန်ကုန်မှာက သူ့ ထက်ပိုကြီးတဲ့ သူဌေးကြီး ရှိသေးတယ်။
သူက တစ်ဆင့် ပြန်ဝယ်ပြီးမှ ဂျပန်ပြည်က စက်ရုံကို ရောင်းလိုက်တာပဲ ထင်ပါတယ်’

သစ်သားယောက်မက ၀င်၍ တိုက်တွန်းပေးပြန်သည်။

‘ကဲပါ လမ်းခရီး အတွေ့အကြုံလေး ပြောစမ်းပါဦး။ ဗဟုသုတလေး ဘာလေး
ရအောင်ပေါ့’

‘သိပ်ပြီး ထူးထူးထွေထွေ မရှိပါဘူး ၊ လှိုင်းမူးတဲ့ဒဏ်ကို အလူးအလဲ ခံရတာ
တစ်ခုပါပဲ။ ဂျပန်ပြည်ရောက်တော့ ကျွန်တော်တို့ကို ရေချိုးပေး ၊ ရေနွေးငွေ့ နဲ့
ထပ်ပြုတ်ခံရသေးတယ်။ အားလုံး စက်တွေနဲ့ သူ့ အလိုလို လုပ်သွားတာ။
အလုပ်သမားတွေက စက်တွေကို နည်းနည်းပါးပါး ကြည့်ရုံပဲ။ တစ်ဖက်က ၀င်သွားတုန်းက
သာမန် မျှစ်ခြောက်ကလေးပေါ့။ တစ်ဖက်ကထွက်လာတော့ စည်သွတ်ပြီးသား
စာတမ်းရိုက်ပြီးသား ဖြစ်လာရော ၊ နတ်ရေကန်ထဲ ချလိုက်သလိုပါပဲဗျာ။
သူတို့ဆီက လူတွေက တကယ် တော်တဲ့ လူတွေ။ သိပ်ကို အံ့သြချီးကျူးစရာ ကောင်းတယ်။
သူတို့ မဖြစ်နိုင်တာလို့ မရှိတော့ဘူး’

သားလှီးဓားက ခေါင်းတဆတ်ဆတ် ညိတ်၍

‘ကိုယ့်လူပြောတာက ဟုတ်တော့ ဟုတ်မှာပါ။ ဒါပေမဲ့ တကယ်တမ်း တွေးရင်တော့ ဟိုတောရွာကလေးက မိန်းမတွေလို မျှစ်ချိုးပြီး အခြောက်လှန်းမယ့်သူ မရှိရင် ကိုယ့်လူရဲ့
လူတွေကော မျှစ်ကြော်ဘူး လုပ်နိုင်ပါ့မလား’

ရေနွေးအိုးက ၀င်၍ ထောက်ခံလိုက်သည်။

‘အေးကွ ၊ ငါတော့ ဂျပန်ပြည်က လူတွေထက် တောထဲကို သွား ၊ ၀ါးပင်တွေကြား
ထဲက မျှစ်တွေကို မရမက ရှာတတ်တဲ့ မိန်းမကြီးက ပိုတော်တယ် ထင်တယ်’

‘ဟေ့ ခြေသံကြားတယ် တိတ်ကြစမ်း’

သားလှီးဓား၏ သတိပေးသံနှင့်အတူ မီးဖိုချောင်တစ်ခန်းလုံး ငြိမ်သက်သွားသည်။

ထိုစဉ်ပင် မီးဖိုခန်းထဲသို့ ကပိုကရို ဖြစ်နေသော ဆံပင်တို့ကို ပြင်ထုံးလျက်နှင့်
အသက် နှစ်ဆယ်ခန့် မိန်းကလေးတစ်ယောက် ၀င်လာသည်။ အသားဖြူဖြူ ပိန်ပိန်ပါးပါး၊
သူမ ၀တ်ထားသော အ၀တ်အထည်တို့သည် အရောင်မှိန်နေလေပြီ။ အိပ်ချင်စုံဝါး
ဖြစ်နေသေးဟန်တူသော သူမ၏ မျက်လုံးတို့ကို လက်နှင့်ပွတ်သပ်ပြီး တ၀ါးဝါး
သမ်းလိုက်သည်။ ထိုနောက် ရေနံဆီမီးဖိုကို မီးမွှေးလိုက်ပြီး ရေနွေးအိုးရေထည့်၍
တည်လိုက်သည်။ ပြီးတော့ အခန်းပြင်သို့ ပြန်ထွက်သွားသည်။

‘သူက ဘယ်သူတုံး’

မျှစ်ကြောဘူး၏ အမေးကို သစ်သားယောက်မက အဖြေပေးလိုက်သည်။

‘စောတင်တဲ့၊ ဒီအိမ်က အိမ်ဖော်မလေးပေါ့ ။ သူက အခုလို အစောကြီး ထပြီး
ရေနွေးကျိုရတယ်’

‘ရေနွေးကျိုတာများ ဟိုလျှပ်စစ်ဂေါက် ရှိနေတာပဲဟာ’

စင်ပေါ်၌ရှိနေသော လျှပ်စစ်ဂေါက်က ရယ်မောလိုက်သည်။ ပြီးမှ

‘ခင်ဗျားက ရောက်တာ မကြာသေးတော့ မသိဘူးပေါ့လေ၊ ကျွန်တော့်ကို သုံးရင်
မီတာ သိပ်တက်လို့ မသုံးဘူးဗျ။ ဧည့်သည်လာလို့ အရေးတကြီး ရှိလှမှ၊ မသုံးမဖြစ်မှ
သုံးတာ။ ပြီးတော့ ဟိုဘက် အခန်းထဲမှာ ရှိတဲ့ လျှပ်စစ်မီးပူလဲ ကျွန်တော်လိုပဲ ။
ချပ်သေတ္တာထဲက ထွက်ရတယ်ကို မရှိဘူး။ တကယ်တမ်း မီးပူတိုက်မယ် ဆိုရင် စောတင်ပဲ
မီးခိုးတအူအူ ချွေးတလုံးလုံးနဲ့ တိုက်ပေးရတာ။ ဟိုထောင့်က ကြေးမီးပူကြီးပဲသုံးနေတာ’

ဆူပွက်စ ပြုလာပြီဖြစ်သော ရေနွေးအိုးက ၀င်၍ ဘုတောလိုက်သည်။

‘မင်းတို့ နိုင်ငံခြားက ဖြစ်တဲ့ဟာတွေက အထိမခံ ရွှေပန်းကန်တွေပါကွာ။
တကယ်သုံးရတာထက် ဟိတ်ဟန်က ပိုများနေရဲ.။ မင်းတို့ရဲ. အသုံးစရိတ်က
တယ်ကြီးတာကိုး။ ဒီတော့ ရှိုးပြပေါ့ကွာ။ ပြီးတော့ တို့ချည်းပဲ သုံးရော။ ကောင်းသမှ
သိပ်ကောင်းရောပေါ့ကွာ။ လူ့ လောကကြီးကို ငါစိတ်နာလာပြီနော် တောက်’

ပြောရင်း ပြောရင်းနှင့် ရေနွေးအိုးသည် ဒေါသကြီးလာသည်။ တရှူးရှူး၊ တရှဲရှဲ၊
တရှူးရှူးနှင့်။

‘ရှင်ကလဲ အလကားနေရင်း ဒေါသပဲကြီးနေတော့တာကိုး’

သစ်သားယောက်မ၏ စကားကို ကြားရလျှင် ရေနွေးအိုးသည် ပို၍ စိတ်ဆိုးသွား
ဟန်ဖြင့်

‘ဘာ အလကား စိတ်ဆိုးတယ် ဟုတ်လား၊ ငါတို့ဘ၀ကိုက စိတ်ဆိုးစရာမို့
စိတ်ဆိုးရတာ သိရဲ.လား။ တကယ်လုပ်နေရတဲ့ လူတွေကျတော့ ဘယ်လောက် နစ်နာလဲ’

‘ကုသိုလ်ကံပေါ့ရှင်’

‘ဘာကုသိုလ်ကံလဲ။ အရှိကို အရှိအတိုင်း လက်မခံရဲတဲ့ လူတွေကြောင့် တို့ ဒီ လို
ဖြစ်နေရတာ’

ရေနွေးအိုးသည် တရှူးရှူးနှင့် ပေါက်ကွဲမတတ် ဖြစ်လာသည်။ တကယ် စိတ်ဆိုးနေမှန်း
သိကြ၍ အားလုံးကပင် ငြိမ်ငြိမ်ကလေး ကြည့်နေကြသည်။

ထိုစဉ်ပင် အိမ်ဖော်မလေး ပြန်ဝင်လာသည်။ ရေနွေးအိုး တရှူးရှူး တရှဲရှဲ
ဖြစ်နေသည်ကို တွေ့ သောအခါ ဟိုဟိုသည်သည် လျှေက်ကြည့်ပြီး တစ်စုံတစ်ခုကို
ရှာဖွေနေသည်။ နောက်မှ သတိရဟန်ဖြင့် အခန်းအပြင်ဘက်သို့ ပြေးထွက်သွားပြီး
လက်နှီးစုတ်တစ်စကို ကိုင်ကာ ပြန်ဝင်လာသည်။ ထိုလက်နှီးစုတ်ဖြင့် ရေနွေးအိုးကို
မီးဖိုပေါ်မှ ယူလိုက်ပြီး ဓာတ်ဘူးထဲသို့ လောင်းထည့်လိုက်သည်။ ပြီးတော့ ရေပြန်ဖြည့်၍
ရေနွေးအိုးကို မီးဖိုပေါ်တင်ပြီး ပြန်ထွက်သွားပြန်သည်။ လက်နှီးစုတ်က သစ်သား
ယောက်မကို ကြည့်ကာ

‘ညည်းတို့ကတော့ အခန်းထဲမှာ ဇိမ်ပေါ့လေ၊ ငါဖြင့် တစ်ညလုံး အပြင်ဘက်
ဝရန်တာမှာ စောတင် မေ့ထားခဲ့လို့ ချမ်းလိုက်တာ လွန်ပါရော။ ငါက ပူတာကို
မကြောက်ပါဘူး၊ အေးတာတော့ နည်းနည်းလေးမှ မရဘူး။ ဟိုကောင်မ စောတင်
ဘာစိတ်မွှန်နေလဲ မသိပါဘူး။ အခု ညည်းတို့ ဘာပြောနေကြတာလဲ’

‘သြော် ဟို မျှစ်ကြော်ဘူးက သူ့ ရဲ. နိုင်ငံခြား အတွေ့ အကြုံတွေ ပြောပြနေတာကို
နားထောင်နေကြတာ’

သစ်သားယောက်မ ညွှန်ပြရာသို့ ကြည့်လိုက်သည်။ လက်နှီးစုတ်သည်
မျှစ်ကြော်ဘူးကို မြင်ရသောအခါ သဘောကျသွားသည်။

‘တွေ့ ရတာ ၀မ်းသာပါတယ်ရှင်’

မျှစ်ကြော်ဘူးက အသိအမှတ်ပြုဟန်ဖြင့် တဆတ်ဆတ် ခေါင်းညိတ်ပြ၍
ပြုံးနေလေသည်။ လက်နှီးစုတ်သည် မျှစ်ကြော်ဘူး၏ တောက်ပပြောင်လက်သော
အသွင်သဏ္ဌာန်ကို သေချာကြည့်၍ သူ၏ ညစ်ပတ်ပေရေနေသော ပုံပန်းကို ပြန်၍
ငုံ့ကြည့်မိသည်။ ပြီးမှ မလုံမလဲ အရှက်ပြေ ရယ်လိုက်ပြီး

‘အဟင်းဟင်း၊ ကျွန်မကတော့ အဆင့်အတန်းမရွေး ဘယ်အိမ်မှာ နေရနေရ
ဒီအတိုင်းပါပဲ။ ဒါက ကျွန်မရဲ. ရင့်ကျက်ပြည့်ဝတဲ့ သဘောပေါ့ရှင်။ နောက်ထပ် ပေရေမှာ မစိုးရိမ်ရတော့ဘူးလေ။ ကဲ ကျွန်မလဲ သိချင်တာလေးတွေ ရှိနေတာ မေးစမ်းပါရစေ။
နိုင်ငံခြားဆိုတာက သိပ်ကို ခမ်းနားတာပဲဆို၊ နတ်ပြည်လိုပဲဆို။ ဟိုတစ်ခါ အိမ်ကို
လာလည်တဲ့ နိုင်ငံခြားပြန်လူကြီးက ပြောတယ်လို့ ဟိုကြွေကရားက ပြောဖူးတယ်။
ကြွေကရားကတော့ ဧည့်ခန်းကို ခဏခဏ သွားရတော့ သတင်းဆန်းတွေ သိရတာပေါ့’

ရေနွေးအိုးက လာပြန်ပြီ တစ်ယောက်ဟု တွေးမိသေးသည်။ မျှစ်ကြော်ဘူးက ချောင်းတစ်ချက်ဟန့်လိုက်ပြီး

‘သူတို့ဆီကတော့ မေးမနေပါနဲ့တော့ဗျာ၊ စက်မှုလက်မှုက သိပ်ကို
တိုးတက်တာပါလား။ လူတစ်ယောက်ကို ကားတစ်စီးစီ ကိုယ်ပိုင်ရှိကြတယ်၊
တိုက်ကြီးတွေကလဲ အမြင့်ကြီးတွေ၊ လမ်းကြီးတွေကလဲ ဖြောင့်တန်းတဲ့လမ်းကြီးတွေ။
သူတို့ဆီမှာ နေရမှပဲ လူ့ ဘ၀ရဲ. ပျော်စရာဆိုတာ ဒီလိုပါလားလို့ သိရတော့တယ်’

‘ခင်ဗျား ပြောသလိုဖြင့် သူတို့ဆီမှာ သူတောင်းစား မရှိတော့ဘူးပေါ့၊
ငတ်ပြတ်နေတဲ့သူတွေ မရှိတော့ဘူးပေါ့’

ရေနွေးအိုး၏ ကြားဖြတ်အမေးကို မျှစ်ဘူးသည် ရုတ်တရက် ပြန်မဖြေနိုင်ဘဲ
ဖြစ်နေသည်။

‘ဒါကတော့ဗျာ အို အဲ’

‘အေးလေ ခင်ဗျားရောက်ခဲ့မှာက စက်ရုံထဲသာ ရောက်ခဲ့ပြီး စက်ရုံဆင်း
အလုပ်သမားတွေရဲ. တကယ့် ဘ၀အခြေအနေကိုမှ မတွေ့ခဲ့ရဘဲကိုး။
တိုက်အမြင့်ကြီးတွေက ကွယ်နေတော့ တိုက်ကြီးတွေရဲ. နောက်က လမ်းကြို လမ်းကြား
အမှိုက်ပုံမှာ ကောက်နေတဲ့ လူငယ်ကလေးတွေကို ဘယ်တွေ့ခဲ့ရပါ့မလဲ။ မဟုတ်ဘူးလား
ကိုဓာတ်ခဲ၊ ခင်ဗျားကတော့ အဲဒီက လာတာဆိုတော့ သိမှာပါ’

အခန်းထောင့်၌ ရှိနေသော အားကုန်၍ ပင်စင်ယူထားသည့် ဓာတ်ခဲက မပြုံးမရယ်
ခပ်တည်တည် ကြည့်လိုက်ကာ

‘ဘာလို့ ဒါတွေ မေးနေတာလဲ ရေနွေးအိုးရာ၊ ငါ ပြောခဲ့ပြီးသား မဟုတ်လား။
ငါ လူတွေအကြောင်းကို သိပ်လဲ မပြောချင်တော့ဘူး၊ တွေးလဲ မတွေးချင်တော့ဘူး။
တစ်ချိန်တစ်ခါက အလင်းရောင်ပေးခဲ့တဲ့ ငါ့ဘ၀ဟာ အခု ဘာမှ မစွမ်းတော့ဘူး။
ဒါပေမဲ့ ငါ့ရင်ကို ခွဲ၊ အထဲ ၀င်ကြည့်စမ်း၊ မည်းနက်နေဆဲပါပဲကွာ’

လက်နှီးစုတ်က စိတ်မရှည်ဟန်ဖြင့်

‘အဲဒါနဲ့ ဘာဆိုင်လို့လဲ၊ ပြောချင်တာတွေကို လျှောက်ပြောနေတာပဲ’

ဓာတ်ခဲက မျက်မှောင်ကြုတ်လိုက်ကာ

‘နင် သိပ်ခက်တယ် လက်နှီးစုတ်၊ လောကမှာ မဆီမဆိုင် လုပ်ချင်ရာ လျှောက်လုပ်၊
ပြောချင်ရာ လျှောက်ပြောနေတာတွေ တစ်ပုံကြီး။ နင် ဒါကြောင့် လက်နှီးစုတ် ဖြစ်နေရတာ’

ထိုစဉ် စောတင် ၀င်လာ၍ စကားစ ပြတ်သွားကြပြန်သည်။ စောတင်သည်
ကြောင်အိမ်ထဲမှ ကြွေပန်းကန်ပြားများ၊ ဇွန်း၊ ခက်ရင်း၊ လက်သုတ်ပ၀ါတို့ကို ထုတ်ယူ၍
မျှစ်ဘူးရှိရာ စင်ပေါ် တင်ထားလိုက်သည်။ ပေါင်မုန့်ကို ငွေဓားကလေးနှင့် အချပ်များ လှီး၍
ပေါင်မုန့်ကင် မီးအိုးကလေးပေါ် တင်ပြီး ကင်နေလေသည်။ ကင်ပြီးသော ပေါင်မုန့်ချပ်များကို
ပန်းကန်ပြားတွင် ထည့်ပြီး ထွက်သွားပြန်သည်။ မျှစ်ကြော်ဘူးက စောတင်ကို ကြည့်ကာ

‘သူက ထွက်ချည် ၀င်ချည်နဲ့’

လက်နှီးစုတ်က ရှင်းပြလိုက်သည်။

‘သူ့ အလုပ်က မီးဖိုချောင်သာ မဟုတ်ဘူး။ အိမ်ရှေ.ခန်း ရှင်းရသေးတယ်၊
ပန်းပင်တွေ ရေလောင်းရသေးတယ်၊ ကား ဖုန်သုတ်ရသေးတယ်။ တော်ကြာ သခင်မတို့
ထလာရင် ကော်ဖီ ပေါင်မုန့် အသင့်ဖြစ်နေရမယ်။ ပြီးတော့….’

မျှစ်ကြော်ဘူးသည် ပေါင်မုန့် လှီးသော ဓားကို မြင်ရသောအခါ လက်နှီးစုတ်၏
စကားကို နားမထောင်ချင်တော့၍

‘ဟဲလို မစ္စတာ စတိန်းလက်စတီး၊ ဂွဒ်မောနင်း၊ ဟောင်းဒူးယူဒူး’ဟု နှုတ်ဆက်
လိုက်သည်။ သံမဏိဇွန်းနှင့် ခက်ရင်းက ဓားကို တီးတိုး ဟားလိုက်ကြသည်။

‘သိပ်ပြီး အဲဒီအကောင်ကို အရောမ၀င်နဲ့။ သူက သံမဏိအစစ် မဟုတ်ဘူး၊
အရည်စိမ်ရယ်’

‘အေးပါ ငါ သိပါတယ်’

ထိုစကားတို့ကို ကြားမိဟန်မတူသော မျှစ်ဘူးက ဆက်၍ ချီးကျူးနေပြန်သည်။

‘ခင်ဗျားတို့ကို ကြည့်လိုက်ရရင်တော့ အမြဲတမ်း သပ်သပ်ရပ်ရပ် တောက်တောက်ပပ
ပဲဗျို.၊ အားကျစရာပဲ။ ကဲ ကိုသားလှီးဓား၊ ဓားချင်းအတူတူ ခင်ဗျားနဲ့ ဒီအင်္ဂလန်က လာတဲ့
ဓားနဲ့ တူလို့လား၊ ဘယ်လောက်ကွာခြားသလဲ။ ခင်ဗျားကတော့ အစွန်းအကွက်တွေနဲ့’

သားလှီးဓားက ငုံ့ခံမနေဘဲ

‘အင်္ဂလန်မှာတော့ လူတွေက ပေါင်မုန့်ပဲ လှီးစားနေကြသလားဗျ။
ကျုပ်လို သားလှီးဓားတွေလည်း တစ်ပုံကြီး နေမှာပါ’

မျှစ်ဘူးက သူ၏စကားတို့ကို ပြန်လည်ချေပခြင်း ခံနေရ၍ ကျေနပ်ဟန် မတူ။
တကယ်ဆိုလျှင် သားလှီးဓား၊ ရေနွေးအိုး စသည်တို့သည် မြန်မာပြည်၌ ဖွားပြီး တခြား
မည်သည့်တိုင်းပြည်မှ ရောက်ဖူးကြသူများ မဟုတ်။ ဗဟုသုတ ပြည့်စုံကြွယ်ဝကြသူများ
မဟုတ်။ သူတို့ကို အလျှော့ပေးလျှင် ညံ့ရာကျလိမ့်မည်ဟု တွေးမိပြီး

‘ဘာပဲပြောပြောပေါ့လေ၊ နိုင်ငံခြားက ပြန်လာရင် အဆင့်အတန်းမြင့်လာတာတော့
ခင်ဗျားတို့ ငြင်းနိုင်မလား။ ကျွန်တော်သာ သာမန် မျှစ်ဘ၀နေရရင် လှည်းကြမ်းစီးပြီး
တောမြို. ဈေးကလေးမှာ ဖက်နဲ့ ပုံရောင်းတာခံရမှာ။ အခုကြည့်စမ်းပါ။ တိုက်ခန်းထဲက
စင်ပေါ်မှာနေရပြီ၊ ကားစီးဖူးပြီ၊ ပြီးတော့ ကြည့်လေ၊ တောမှာဆိုရင် ကျွန်တော့်လောက်
မျှစ်ကို တစ်ပုံငါးပြား ဆယ်ပြားလောက်ပဲ ပေးရတယ်။ မျှစ်ကြော်ဘူး နိုင်ငံခြားပြန်
ဘ၀ကျတော့ ပိုက်ဆံရှိတဲ့ လူတိုင်း ၀ယ်နိုင်တယ် မှတ်လို့လား။ ကျွန်တော်တို့အဆင့်က
သိပ် ရှားရှားပါးပါး အတန်းအစား၊ တန်ဖိုးကျတော့လဲ အဆနှစ်ဆယ် သုံးဆယ်
မြင့်တက်သွားတာကို ခင်ဗျားတို့ အမြင်’ဟု ပြောလိုက်သည်။ တစ်ခန်းလုံး ငြိမ်နေသောကြောင့်
သိပ်ဟုတ်သော ငါပါလားဟု ဘ၀င်မြင့်ချင်သလိုလို ဖြစ်သွားသည်။ သို့သော် ငြိမ်သက်စွာ
နားထောင်နေသော ဓာတ်ခဲက စကားတစ်လုံးချင်းစီ လေးလေးနက်နက်ကြီး ပြောလိုက်သည်။

‘တန်ဖိုး မြင့်သွားတယ် နိမ့်သွားတယ် ဆိုတာက လူတွေရဲ. အခြေအနေအရ
သတ်မှတ်ချက်ပါပဲ။ ဒါ ကိုထောက်ပြီး ကိုယ့်ကိုယ်ကို သိပ်ဟုတ်လှပြီ ထင်ရင် မဟာ
အမှားတော်ပုံကြီး ဖြစ်မှာပဲ။ လူဆိုတာတွေက ထူးထူးဆန်းဆန်းဆိုရင်၊ အပေါ်ယံ အမွမ်းမံ
ကောင်းနေရင် အထင်ကြီးပစ်လိုက်ကြတာ’

ရေနွေးအိုးသည် တရှူးရှူး တရှဲရှဲ ဖြစ်လာပြန်သည်။ ထိုကြောင့်ပင် ဓာတ်ခဲ၏
စကားကို နားထောင်ပြီးနောက်

‘သိပ်ဟုတ်တယ်၊ ကိုယ့်ဘ၀ကို ကိုယ်မေ့ရင်တော့ အကျနာမှာပဲ။ နာမည်တွေ
ဘယ်လို ပြောင်းတပ်တပ်၊ အပေါ်ယံ ပြင်ဆင်မှု မွမ်းမံမှုတွေ ဘယ်လိုလုပ်လုပ် မူလ
ဇာစ်မြစ်ကို ဖျောက်ဖျက်လို့ မရနိုင်ဘူး’

မျှစ်ကြော်ဘူးသည် စိတ်တိုသွားသည်။ ကြည့်စမ်း၊ သည်အကောင်တွေသည်
အင်္ဂလိပ်စာ ဆို၍ အေသည် ဂျိုနဲ့လားဟု မေးရမည့်သူတွေ။ သူ့ ကို ပြန်၍ သတိပေး
ဆုံးမနေကြသည်။ စိတ်ဆိုးသွားသော်လည်း ဇွန်း၊ ခက်ရင်း၊ ရေနွေးအိုးကျို လျှပ်စစ်ဂေါက်တို့
ရှေ.၌မူ ချုပ်ထိန်းထားရမည်။ သူသည် ပညာတတ်ကြီး တစ်ယောက်ဖြစ်၍ လူလိမ္မာအမျက်
ပြင်မထွက်ဟု ဆိုထားသည် မဟုတ်လော။ သည်တော့ အသာအယာ ပြုံးလိုက်ပြီး

‘အေးဗျာ၊ ကိုယ့်ထက်သာ မနာလိုဆိုတဲ့ စကားကို အစက မယုံမိဘူးဗျာ’

ရေနွေးအိုးသည် ဒေါသတကြီးနှင့် အော်ချလိုက်သည်။

‘ဘာ၊ ကျုပ်တို့က ခင်ဗျားကို မနာလိုဘူးလို့ ပြောချင်တာလား။ ခင်ဗျားဘာသာ
ကြုံကြိုက် အခွင့်သာလို့ နိုင်ငံခြားကို တစ်ခေါက်ပါသွားတာနဲ့ ဘာဖြစ်လို့ မနာလို ဖြစ်ရမှာလဲ။
မနာလိုလဲ မရှိဘူး၊ အဲ အထင်တော့ မကြီးနိုင်ဘူး။ ရှင်းရှင်းပဲ’

ဓာတ်ခဲက အားနာဟန်ဖြင့်

‘ဟေ့ ရေနွေးအိုး၊ အထင်ကြီးတယ် ပြောလိုက်ပါကွာ’

‘မပြောနိုင်ပါဘူးဗျာ၊ ရိုင်းတယ်ထင်ရင်လဲ ထင်၊ သူ့ ကို အထင်ကြီးရအောင်က သူ့
အနေနဲ့ ဘ၀တူ မျှစ်တွေကို ဘယ်လောက် ကောင်းကျိုးပြုခဲ့လို့လဲ။ သူ့ တန်ဖိုး
တဖြည်းဖြည်းကြီးပြီး ဈေးတက်လာတော့လဲ ဘယ်သူတွေ ကောင်းစားသွားလဲ။
ရန်ကုန်က သူဌေးကြီး ကားသစ်တစ်စီး ၀ယ်စီးနိုင်မယ်။ စက်ရုံပိုင်တဲ့လူကြီးက တစ်ရုံကနေ
နှစ်ရုံ ဖြစ်လာမယ်။ ကန့်ဘလူက ကုန်သည်ကြီး တိုက်ဆောက်ကောင်း ဆောက်နိုင်မယ်။
အ၀ယ်တော် မိန်းမကြီး ရွှေလက်ကောက်တစ်ဖက် ထပ်လုပ်နိုင်မယ်။ ကဲ အများစုဖြစ်တဲ့
မျှစ်ချိုးရတဲ့ သူတွေကတော့ ဘာထူးလာသလဲ။ လူတစ်စုကို အကျိုးပြုတဲ့ ခင်ဗျားကို
ကျုပ်တို့က ဂုဏ်ပြုပွဲတွေ ဘာတွေများ လုပ်သင့်တယ် ထင်နေသလား’

တဖြည်းဖြည်းနှင့် ရေနွေးအိုးသည် ဒေါသ ကြီး ကြီးလာသည်။ မျှစ်ကြော်ဘူးကလည်း
မနည်း သည်းခံနေရဟန်ဖြင့်

‘တော်ပြီဗျာ၊ ခင်ဗျား လွန်လာပြီ။ အမှန်ကတော့ အောက်တန်းစားတွေနဲ့ သွားရောမိတဲ့
ကျုပ်အပြစ်ပဲ’

ထိုစဉ် ချောင်းဟန့်သံ၊ ခြေသံများနှင့်အတူ အိမ်ရှေ.ဘက်မှ လူသံကြားလိုက်ရသည်။

တိုင်ကပ်နာရီမှ တဒင်ဒင်နှင့် ခုနှစ်ချက် ထိုးလိုက်သည်။ စောတင်သည် သုတ်သုတ်ပျာပျာ

ဝင်လာပြီး ကော်ဖီဖျော်လေသည်။ ထိုနောက် လင်ဗန်းထဲသို့ ကော်ဖီအိုး၊ ပန်းကန်တို့

ထည့်နေစဉ် အသားဖြူဖြူ၊ အရပ်ပုပု၊ အသားအရေ စိုပြည်ပြည့်ဖြိုးသော အသက် ၃၀ ခန့်

မိန်းမတစ်ယောက် ၀င်လာသည်။ သူမသည် တဘက်အမွေးပွကြီးကို ခြုံထားပြီး

သွားပွတ်တံနှင့် သွားတိုက်နေရင်းက ဗလုံးဗထွေး ပြောလိုက်သည်။

‘စောတင် ပေါင်မုန့်ကို ထောပတ် မသုတ်နဲ့တော့၊ ဟိုစင်ပေါ်က မျှစ်ဘူးကို ဖောက်ပြီး

ထပ်နွှေးလိုက်။ ဒီနေ့ တစ်မျိုး ဆန်းဆန်း စားကြတာပေါ့။ တော်ကြာ ကိုကို နိုးတော့မယ်။

မြန်မြန်လုပ်’

သခင်မ ထွက်သွားလျှင် စောတင်သည် လျင်မြန်သွက်လက်စွာနှင့်ပင်ဆူနေသော

ရေနွေးအိုးကို အောက်သို့ချလိုက်ပြီး ဒယ်အိုး တည်လိုက်သည်။ ထိုနောက် မျှစ်ဘူးကို

ဖောက်၍ ဒယ်အိုးထဲထည့်ကာ ယောက်မနှင့် မွှေပေးလိုက်သည်။ မကြာမီ အငွေ့

တထောင်းထောင်း ထ လာသည်။ သစ်သားယောက်မလည်း သူ အလွန်အထင်ကြီးနေသော

မျှစ်နှင့် တရင်းတနှီး ထိတွေ့ လိုက်ရသည်။ စောတင်သည် မျှစ်ဘူးခွံကို အပြင်ဘက် အမှိုက်ပုံ

လွှင့်ပစ်လိုက်ပြီး မျှစ်ကြော်တို့ကို လင်ဗန်းထဲ ထည့်ကာ အိမ်ရှေ.ခန်းသို့ မ ယူသွားလေသည်။

မီးဖိုခန်းထဲ၌ ကျန်ရစ်နေကြသော သူတို့သည် ငေးနေမိကြသည်။ အတန်ကြာမှ

ရေနွေးအိုးက

‘အင်း နိုင်ငံခြားပြန် မစ္စတာမျှစ်ခြောက်(အေမှ ဇက်ထိ ဘွဲ့ရှည်)တော့ သွားရှာပြီ။

နိုင်ငံခြားက တစ်ခေါက်လေး ပြန်ခဲ့ရတာနဲ့ ဘ၀မေ့ချင်လိုက်တာကိုး’

ဓာတ်ခဲက ခေါင်းညိတ်လိုက်ပြီး

‘ဖြစ်တတ်တဲ့ သဘောပေါ့ကွာ၊ အောက်ခြေ နည်းနည်းလွတ်သွားတာပေါ့။

ဒါပေမဲ့ သူ နားမလည်တာက လူတွေဟာ သူ့ ကိုထက် သူ့ ကိုယ်ပေါ်မှာရှိတဲ့ အပြင်အဆင်နဲ့

အင်္ဂလိပ်စာလုံး ၀င်းဝင်းလက်လက် တံဆိပ်တွေကို ပို အထင်ကြီးတယ် ဆိုတာကိုပဲ’

သားလှီးဓားက ရယ်မောလိုက်ပြီး

‘ကျုပ်တို့အတွက် သင်ခန်းစာပေါ့ဗျာ။ ဘယ်နိုင်ငံခြားကပဲ လာလာ၊ အပေါ်ယံ

ဟိတ်ဟန် ဘယ်လောက် ကောင်းကောင်း၊ အရမ်း အထင်မကြီးကြနဲ့ပေါ့။ သူ့ ရဲ. တကယ့်

အနှစ်သာရကိုပဲ ကျုပ်တို့ ကြည့်တတ် မြင်တတ်ရမယ် မဟုတ်လား။ အခုလဲ ကြည့်လေ၊

သူ့ ကိုယ်သူ ဘယ်လောက်ပဲ ထင်နေနေ မျှစ်ဟာ မျှစ်ပဲပေါ့။ လူ့ ပါးစပ်ထဲကနေ

ဘယ်ရောက်သွားမလဲ၊ ကဲ’

အားလုံးသည် သဘောတူဟန်နှင့် ငြိမ်သက်သွားကြလေသတည်း။

( မိုးဝေမဂ္ဂဇင်း၊ မတ်လ၊ ၁၉၇၁ )

မာန်မြင့် [ မြန်မာပြည်မှာ လုပ်သည် နှင့် အခြားဝတ္ထုတိုများ ]

Read More

ယာမာဂူချီခင်ဆွေရီသို့ (အောင်ဝေး)

“အိမ်ထောင်ရေးဆိုတာ
မိန်းမတကာရဲ့
မဟာစီးပွားရေးအလုပ်ပဲ”
ငါ့ရင်ထဲမှာ ကွဲကြေရတဲ့အခါ
“မမထား” ဝတ္ထုထဲမှာပါတဲ့
ဗန်းမော်တင်အောင်ရဲ့စကား
မင်းခံစားစေချင်မိတယ်။
မင်းနားလည်ဖို့ကိုလဲ
ငါ့မယ်အလိုရှိတယ်။
ဒါပေမဲ့
ကဗျာဆရာ
ငါ့အဖို့မှာတော့
ဒါဟာ တကယ့်အမှား
ဖြစ်ခဲ့ပြီ။
ခင်ဆွေရီ ရဲ့
ဒီမှာ
ငါဟာ ဘာကောင်လဲ
ရင်ထဲမောနွမ်း
မင်းမုန်းစတမ်းဆိုရင်လေ
ပန်းတွေ ကလဲ
ငါ့အဖို့မလှပဲနေလိမ့်မယ်။
ငှက်ကလေးတွေကလဲ
ငါ့လက်ထဲက
ခွဲထွက် ပျံပြေးသွားလိမ့်မယ်။
ဇော်ဂျီ ရဲ့
မောင်သစ်ဆင်းကဗျာတွေ
မင်းသုဝဏ်ရဲ့
မောင်ခွေးဖို့ကဗျာတွေ
မင်းမရှိတဲ့အခါ
ငါဘာလုပ်ရမလဲကွယ်။
တစ်ရံရောအခါ
မင်းနဲ့ငါ
ကိုယ်ပိုင် ကဗျာရွတ်ဆိုပွဲလေး
ဖိုနွေးရင်ခုံကြ
လရောင် မှုံပျပျနဲ့
ညထဲကအလွမ်း
ဒဂုန်တာရာ ရဲ့
“ငွေလှေပေါ်က အနမ်း”
ငြိမ်းချမ်းခဲ့ကြရာ
ရွေးမြစ်ပြာကြီးလဲ
မစီးဆင်းပဲနေတော့မယ်။
မိုးရေထဲမှာကျေးလက်ဟာချစ်စရာ
မင်းမရှိတဲ့အခါ
လယ်ယာမြေနိုးထ
အဖိုးအဘနဲ့
ရိုးအတဲ့သွေးချင်းသားချင်းတွေ
ဝေးရင်းခြားရင်း
စကားကင်းမဲ့
ကောက်သင်းနံ့မဲ့
သက်တံရောင်မဲ့
ဝါခေါင်ပျောက်ဆုံး
တန်ဆောင်မုန်းမဲ့
ထွန်တုံးပိတ်ပွဲမဲ့
ရိုးထဲကချောင်းကလေးလည်း
တေးမဆိုပဲနေမယ်။
မိုးမခတော
ရိုးအသောတဲ့
ဟောဟိုက
မိုးစိုစိုနဲ့
လဲလဲပြိုပြို
တဲအိုအိုလေးတွေ
တေးမဆိုပဲနေမယ်။
ကဗျာထဲမှာ ကာရန်ရှာညှိတဲ့အခါ
အနာဂတ်ဟာ
ငါဘယ်လိုပဲဖွဲ့ဖွဲ့
မင်းမုန်းတဲ့ရင်
ဖွဲ့စည်းမွှေးရီ
ဒီရေမြင့်သစ်
ဖြစ်မလာနိုင်ဘူး။
ခင်ဆွေရီရဲ့
နှင်းစီတဲ့ဆောင်း
တွဲဖက်ကျောင်းမှာ
ခေါင်းလောင်းထိုးသံ
ညိုးညိုးညံတွေ
ပြန်လို့များကြားယောင်
မုန်းဟန်ဆောင်ရင်
နေရောင်ကျဲကျဲ
ပန်းခင်းထဲမှာ
လွမ်းရဲဖို့
တို့ချစ်လာတာ
လမ်းခွဲဖို့ မှ မဟုတ်ပဲကွယ်။
မနက်ခင်းဆိုရင်
လယ်ကွင်းတွေမှာလည်း
သီချင်းတွေလှပနေမယ်။
မိုနေးရဲ့ ပန်းရောင်နှင်း
ဗန်ဂိုးရဲ့ နေကြာခင်း
မီးတွင်းမှာ
မင်းဝါဝင်းသလို
အလင်းရောင်စိုစိုနဲ့
အို
ဘာပြောကောင်းမလဲ
ငါ့ရင်ထဲ
နှင်းခဲရွှေရောင်
လွမ်းအောင်လှပ
အဲဒီရသ
ခုကဗျာရေးတဲ့ည
ပြန်လို့ရတယ် အချစ်ရယ်။
ကောက်ရိတ်ရင်း
စပါးနယ်ရင်း
တလင်းပြင်ရှေ့
ရင်ငွေ့လှုံနွေး
သံမဏိချွေးစက်
အိပ်မက်ပွင့်တွေ
ရင့်ဝေလို့ပဲမကြွေ
ဝေလို့ပဲမဆုံး
ရိုမန်တစ်အပြုံးတွေနဲ့
ဟိုတုန်းက
မင်းပြုံးခဲ့တာတွေ
ငါအမှတ်ရနေတယ်။
ကြားယောင်သေးရင်
မင်းနားထောင်နော်
“ပတ္တမြားရောင်ဝါ
ကံ့ကော်ဦးတွေနဲ့” တဲ့
“ခင်နဲ့သာအတူတွဲကာ
ဘယ်ကမ္ဘာရွေ့စေ
ဖုန်းမသွေပါ
မမုန်းလေနဲ့အချစ်ဦးညှာ”
ဘာဖြစ်လို့များ
ချစ်ပြီးမှ
လမ်းခွဲချင်ရတာလဲ
ဝမ်းနည်းစရာပါ
ခင်ဆွေရီ။
ပိတောင်ဦးတွေနဲ့
ငါမူးဝေတုန်း
တို့လယ်မြေရိုးပြတ်ကုန်းမှာ
မင်းမုန်းမှာငါစိုးခဲ့
ငါမုန်းမှာမင်းစိုးခဲ့
ဒါနဲ့များ
ခွဲသွားဖို့လမ်း
ရှာချင်စမ်းတာလဲ
ငါ့ရင်ထဲက ခင်ဆွေရီ။
လောကကမ်းပါးမှာ
ငြိမ်းချမ်းရေးပို
လွမ်းရေးချို
ခေတ်ကိုဖြတ်သန်းရမယ်လေ။
ကျေးလက်ဟာ
ငါ့ကဗျာရဲ့
ရာဇဝင်ရုပ်ပုံ
ရွေးမြစ်ပြင်လှိုင်းလှုပ်ခုန်
လွန်းတောင်ပေါ်ကမုတ်သုံ
အားလုံးဟာယုံတတ်ရင်
ရင်ခုန် လွတ်လပ်
ချစ်မြတ်စရာပါ။
ခင်ဆွေရီရဲ့
မင်းနဲ့ငါနဲ့
ဘဝရဲ့ ပထမခြေလှမ်း
မိုးစိုစိုနဲ့လှမ်းတော့
ရင်ဖိုဖိုနဲ့ ချမ်းခဲ့တာပဲ
ခရီးအလွမ်း
ကြမ်းခဲ့တာပဲမဟုတ်လား။
အဲဒီတုန်းက
ငါရွတ်ပြခဲ့တဲ့
မာယာကော့ဖ်စကီးရဲ့ ကဗျာ
မင်းအခုပြန်နားထောင်ပါ။
“ချစ်တတ်ဖို့ နှလုံးသားတစ်စုံရယ်
ရင်အခုန်မှန်စေဖို့
ကုန်ထုတ်လုပ်မယ့်လက်နှစ်ဖက်ရယ်
ဒီနှစ်ခုပြည့်စုံရင်
ငါတို့လက်ထပ်ကြပါစို့” တဲ့။
မှတ်မှတ်ရရ
ရွေးမြစ်ပေါ်က
ပဲ့ထောင်ပေါ်မှာ
မင်းကို ငါခေါ်လာခဲ့တာပဲ။
မိုးရေထဲက
ရဲရင့်ရတဲ့
ဇူလိုင်လ ၁၃ရက်
ဘဝစာမျက်နှာ
၁၉၈၁ မှာ။
ငါကျောင်းဆရာ
မင်းကျောင်းဆရာကတော်
အရပ်ကခေါ်ရင်
ငါလေမင်းကို
ပျော်စေချင်ခဲ့တယ်။
မင်းရင်ထဲမှာ
ဘယ်လိုရှိမလဲ
ငါဝေခွဲကြည့်
သံစဉ်ညှိရင်း
ချိုသင်းကြိုင်လှောက်
ခဲ့တယ်လေ။
ဒါပေမဲ့
ငါဝန်ခံပါတယ် ခင်ဆွေရီ။
၂၃ ဇူလိုင် ၁၉၈၄ မှာ
ငါအသက်သုံးဆယ်
ပြည့်တဲ့အခါ
“ရွေးမြစ်ကမ်းက
ငါ့မိန်းမခင်ဆွေရီ
ငါ့ဂီတဟာ
မလှသေးဘူးကွယ်” လို့
ငါရေးခဲ့သေးပါတယ်။
“ရင်ခုန်သံ နှစ်ကာလများ”
ဆိုတဲ့
အဲ့ဒီကဗျာ
လူငယ်တဦးရဲ့ အတ္တရုပ်ပုံလွှာ
မင်းပြန်ရှာဖတ်နော်
“ငါ့ဘဝဟာ
ငါ့သား လရောင်ဝေး
ကြီးလာရင်ကဗျာရေးဖို့
ရိုးဟေးငြာသံ
ဒါမှမဟုတ် ရစ်သမ်
စံဖြစ်ရမယ်”
ငါ့ရဲ့ရင်ကို
မင်းမြင်မှာလား
မယားအသက်နဲ့
အားတက်စရာ
သားဟာ
ဓားတစ်လက်ပါကွယ်။
တကယ်လည်း
ငါစွဲမြဲယုံကြည်
အမည် သညာ
ခေါ်စရာကား
မဟာ လရောင်ဝေး
တု့ရင်သွေးရဲ့
အရေးတော်ပုံ
မွေးနေ့ကြုံလာ
မယုံချင်စရာပါ။
အဲဒီနေ့ဟာ
ရုရှား မဟာအောက်တိုဘာ
တော်လှန်ရေး
၆၅ နှစ်ပြည့်
(၇ ရက်၊ ၁၁လ၊ ၈၂ ခုနှစ်)
ငါမမေ့
လွမ်း၍နေဆဲပါ
ယာမာဂူချီ ခင်ဆွေရီ။
ငါ့အတွေးနဲ့
ပေးတဲ့နာမည်
ဂျပန်ပြည်က
“တိတ်ခ်မီအဝေး”
ရင်ထဲဆွေးလို့
မွှေးတဲ့ နှင်းဆီ
ခင်ဆွေရီဟာ
“ယာမာဂူချီ ခင်ဆွေရီ” ဖြစ်
ဘာဖြစ်သလဲ
ရုပ်ရှင်ထဲက
မိုးမိုးအေးလှသလို
ငါ့ရင်ထဲက
မခင်ဆွေရီ(မြန်မာပြည်)လည်း
လှတာပါပဲ မိန်းမရယ်။
အလွမ်းတစ်စ
ငါ့ရင်ဝမှာ
လွင့်ရှထိမှန်
နာကျင်ပြန်ပြီ
မဒမ်အောင်ဝေး
သို့မဟုတ်
ခင်ဆွေရီ။
ခင်ဆွေရီရဲ့
ငါ့ဘဝကို ကဗျာဖွဲ့
ငါ့ရဲ့ ကဗျာမှာ
“ပြည်သူထဲက
ဆင်းရဲချိုမြိန်
အိပ်မက်မဟုတ်။
ကဗျာအလုပ်
မဟာရုပ်နဲ့
ကျွန်ပ်” လို့
ငါ သရုပ်ဖော်ခဲ့ပြီ။
အဲဒီကဗျာ
“အချိုမြိန်ဆုံး ငရဲ” ထဲမှာ
ငါ ဒီလိုခံစား
ငါ့ရဲ့သဘောထား
ခါးသီးပေမယ့်
ချိုမြခဲ့ပါပြီကွယ်။
“ဒုက္ခရှိမှ
ဘဝမြင့်မြတ်
လှပတတ်၏။
သိက္ခာမာန
အကျမခံ
ကံ
ကံ၏အလုပ်
ကျွန်ပ်မသိ”
မသိလို့လည်း
ငါဆင်းရဲနေတာပေါ့ကွယ်။
ငါဆင်းရဲလို့လည်း
မင်းလမ်းခွဲချင်တာပေါ့ကွယ်။
လမ်းမခွဲခင်ဝမ်းနည်းရင်လည်း
နည်းပါ
ငါရေးတဲ့စာ
ငါ့ကဗျာ
မင်းဖတ်ပါနော်။
ဘာပဲဖြစ်ဖြစ်
ငါ
မင်းကိုချစ်နေဦးမယ်။
တွယ်တာနေသမျှ
ငါ့ဘဝရဲ့
သုခတစ်ခြမ်း
မင်းယူစမ်းလေ
မင်းဘဝရဲ့
ဒုက္ခတစ်ခြမ်း
ငါ့ကိုကမ်းလေ
တစ်ခန်းမရပ်
အလွမ်းဇာတ်လည်း
ချစ်တတ်ရင် ချစ်စရာ
မောင်ခိုင်မာ ပြောသလို
“ပလူကောင်ကို
အိမ်မြှောင်ဆွဲသလိုပ
အပူရောင်
အိမ်ထောင်ထဲမှာ” နော်။
ယာမာဂူချီ
ဒီနာမည်
ပြည်သူထဲမှာ
ကဗျာဆရာ ပေးခဲ့ပြီ။
ကဗျာထဲမှာ
ငါရေးဖူးခဲ့
“နောင်လာမယ့်
နှစ်ဆယ့်တစ်ရာစုမှာ
အောင်ဝေး
လူဖြစ်သေးရင်
ကလေးတစ်ဒါဇင်
ခင်ဆွေရီ ကျမ်းစာတစ်အုပ်
အဘိုအိုကြီးရုပ်နဲ့” လို့
အဲဒီကဗျာ
၈၆ ဇန်နဝါရီ
ရုပ်ရှင်အောင်လံမှာ
မင်းပြန်ဖတ်ပါ။
အနာဂတ်မှာ
ငါဘာဖြစ်နေမလဲ
ငါမင်းကို
ဘယ်လိုသဘောထားမလဲ
မျိုးဆက်သစ်ကို
ငါဘယ်လို ပျိုးထောင်မလဲ
ငါဘယ်သူဆိုတာ
မင်းသိလာပါလိမ့်မယ်။
ပြန်ပြောပြရင်လည်း
သံယောဇဉ်ပဲ
ရင်ထဲက
ဆွဲထုတ်ရတော့မယ်။
“အောင်ဝေးခံစားမှုများ”
ဆိုပြီး ခပ်ပါးပါးကဗျာစာအုပ်
စာကူးစက်နဲ့ထုတ်တော့
ငါ့ရုပ်ပုံလွှာ
“မလင်းပြာ” ဆိုတဲ့
နာမည်နဲ့
မင်းရေးတဲ့အမှာ
ဒီလိုပါတယ်။
သူ ကဗျာရေးရင်
သားမေ့မယားမေ့ပါ။
သူ့ကဗျာတွေဟာ
တစ်နှစ်လုံးနေမှ
မဂ္ဂဇင်းမှာ
သုံးလေးပုဒ်ပါဖို့
အနိုင်နိုင်ပါ။
ပါပြန်တော့လည်း
ကဗျာတစ်ပုဒ်မှ
စာမူခ
အစိတ်သုံးဆယ်
ဒီဇယ်ဖိုး
ရေနံဆီဖိုး
ကုန်ရတာနဲ့
မကာမိပါဘူး
ငါတောင်းပန်ပါတယ်။
ယာမာဂူချီ ခင်ဆွေရီ။
မင်းရည်မှန်းတာကို
ငါ မရည်မှန်းနိုင်သေးနိုင်တာပဲ
ငါဝမ်းနည်းတယ်။
ငါယုံကြည်တာကို
မင်းမယုံကြည်နိုင်သေးတာလည်း
ငါဝမ်းနည်းတယ်။
ငါ့ရင်ထဲမှာ
ကဗျာ
ကဗျာထဲမှာ
ပြည်သူ
ပြည်သူထဲမှာ
မင်းလည်းပါတယ်။
ဒဂုန်တာရာဟာ
ငါ့ပြည်သူပဲ
လူထုဒေါ်အမာဟာ
ငါ့ပြည်သူပဲ။
ကြည်အောင် က စ
မောင်လင်းခက် အဆုံး
အားလုံးဟာ
ငါ့ပြည်သူပဲ။
ခင်ဆွေရီ
လရောင်ဝေး
နောင်သမီးလေးမွေးလို့
ကြည်အေး
နုနုရည်အင်းဝ
မွှေးကူးထုံရှ
သင်းမြခဲ့ရင်
လှတဲ့ နှင်းဆီဝေး
ဟာလည်း
ငါ့ရဲ့ပြည်သူပါပဲ။
ပြည်သူရှေ့မှာ
ကဗျာဆရာ
အိမ်ထောင့်ဦးမှာ
ကဗျာဆရာ
ထပ်တူမကျတာတော့
မင်းခွင့်လွှတ်ပါ။
ရွာမှာတုန်းက
သင်ပုန်းဟောင်းနဲ့
ကျောင်းဆရာ
မြို့မှာနေတော့
မြေဖြူမကိုင်
“ပင်မရေစီး”
စာအုပ်ဆိုင်ထိုင်တဲ့
ခေတ်ပြိုင်ကဗျာဆရာ
ငါဟာငါပါပဲ။
ပထမေက်းလက္မွာ
တွဲဖက်ဆရာသုံးနှစ် (၁၉၇၉-၈၂)
နောက်တော့
ရန်ကုန်မှာ
မဟာဝိဇ္ဖာနွံနစ်
ကဗျာဆရာဖြစ်တဲ့ တစ်နှစ်
(၈၂-၈၃)
ပြီးတော့ တွဲဖက်ဆရာ
ကျေးလက်မှာ
ဒုတိယမ္ပိနှစ်နှစ် (၈၃-၈၅)
ခုတော့ မြောင်းမြမှာ
(၈၅-၈၆)
ထမြောက်စိမ်းမျစ်
ကဗျာနဲ့ပြန်ချစ်
မိန်းမနဲ့ရန်ဖြစ်
ဒါခေတ်ထဲက
ဆင်းရဲတဲ့ အိမ်ထောင်ရေးမှာ
လွတ်လပ်ကာရန်
ပုံသဏာန်အသစ်နဲ့
ကဗျာသစ်ပဲပေါ့ကွယ်။
ဆိတ်ဖလူးရနံ့ကို
လွန်မြောက်ပြီးတဲ့နောက်
နှစ်နှစ်က ချစ်သူဘဝ
ငါးနှစ်က
အိမ်ထောင်သည်ဘဝ
ဒုက္ခချိုမြ
လှပခဲ့ပြီ ခင်ဆွေရီ။
ဒီအချိန်မှာ
ငါဟာ
အိပ်မက်နေတာလား
ဆိုတော့လည်း
မယားရယ်
သားရယ်
စားဝတ်နေရေး
ရေးသုံးရေးပဲ
အတွေးထဲမှာ
စိုင်ခဲခဲ့တယ်။
လူမှန်ရင်
တာဝန်ကြီးနှစ်ခု
မျက်မှောက်ပြုရမယ်
တစ်ခု က ကုန်ထုတ်လုပ်ရေး
နောက်တစ်ခုက
မျိုးဆက်ပြန့်ပွားရေး
အဲဒီ အရေးထဲ
ငါလည်းခိုဝင်
ရင်ခုန်ခဲ့တယ်။
ဒါပေမယ့်ကွယ်
“တိုက်ကားမရလည်း
ဆိုက်ကားခ ရှိတဲ့အခါ
ဟင်္သာတ ပေတရာ
ပျော်စရာပါ” တဲ့
မောင်နွယ်ထွဋ်ရဲ့ ကဗျာကိုပဲ
ငါ ကိုးကားရတော့မယ်။
ကဗျာဆရာနဲ့
သူရဲ့ အိမ်ထောင်ရေးမှာ
ဆင်းရဲတာ ဆန်းသလား
သင်းကွဲတာ
ဆန်းသလားကွယ်။
ငါ့အဓိက
ဘဝ အလွမ်းအမောအမြင်
သရုပ်မှန်ရင်တော့
ခင်ဆွေရီ
နာခံရမယ်။
ဘဝက
အသိကိုပြဌာန်း
လူတန်းစားတူမှ
ခံယူချက်ညီ
ယုံကြည်ခြင်းမှာပဲ
နှင်းဆီပွင့်တယ်။
“အချစ်ရေ
မြေနဲ့ကောင်းကင်
မြင်နေသမျှ
အလှခေတ်ဦး
ဖူးသစ်လာမှာပါပဲကွယ်
ယုံပါ” တဲ့
မောင်လေးအောင်ရဲ့ ကဗျာ
ခုနေမှာ
ငါ ဒါပဲရွတ်ပြနိုင်သေးတယ်။
ငါတို့အိမ်ထောင်ရေး
မလှသေးလည်း
တို့တွေးစရာ
ဘယ်ကဗျာဆရာရဲ့
အိမ်ထောင်ရေးဟာကော
လှပါသလဲ။
ကဲ
ရင်ထဲပြေရှ
နွမ်းလျစဉ်းစား
အလွမ်းအားအင်
သစ်တော့ကွယ်။
ပုသိမ်မှာ မောင်အောင်ပွင့်
ဇနီး(ဒေါ်)နန်းညွှန့်ရွှေ
ရင်ဖြင့်ရင်းနှီး
ဘဝခရီးကြမ်း
ဆူးခင်းလမ်းမှာ
သား
“မောင်ကြီးငြိမ်းချမ်း” တဲ့
သမီး
“လုံမငြိမ်းချမ်း” တဲ့
မချမ်းသာပေမယ့်
လွမ်းစရာကွယ့်။
ယာမာဂူချီရဲ့
ဒီလိုပဲ
ခေတ်ပြိုင်ထဲမှာ
ကဗျာဆရာဆိုတာ။
ခံယူတတ်ရင်
ခံယူချင်စရာ
ရင်ထဲမှာ
ဘာပဲ ပူလောင်
အမှောင်ဖြစ်ဖြစ်
တစ်ခေတ်တစ်ခါ
ကဗျာတစ်ပုဒ်
စာတစ်ပုဒ်ပဲ
ရေးထုတ်လိုက်ရ
ရေးတဲ့ခဏမှာ
နှလုံးစိတ်ဝမ်း
ခဏငြိမ်းချမ်း
ရတာပဲမဟုတ်လား။
ပူတတ်ရင်လည်း
ပူစရာပဲလေ
ကျဉ်းထဲကျပ်ထဲ
ရှောင်လွှဲမရ
အိမ်လခ
ဆိုင်ခန်းခ
မီတာခ
ရှိသမျှတွေ
လကုန်ရင်
ရင်ထဲလောင်မြိုက်
မူးမိုက်ပြိုလဲ
သေပဲသွားမလား
စားစရာမရှိ
လျော်စရာရှိနဲ့
မရှိခြင်းတွေ
မြင်းရိုင်းငါးကောင်
မီးဖိုချောင်မှာ
ခြင်ထောင်ထဲမှာ
မည်းမည်းမြင်ရင်
ရန်သူထင်စရာ
တစ်ခါတစ်ခါ
ငါလည်း
စိတ်ညစ်ရတာပါပဲကွာ။
ခင်ဆွေရီမ ရဲ့
မင်း ဘဝက
မိန်းမ လည်း မိန်းမ
ကဗျာ့ဆရာ့ မယားလည်း ကဗျာဆရာ့မယား
ငယ်ဂုဏ်ကလည်းထွားတော့
ပူများပူရင်အမှန်ပဲ
ငါ ငြူစူချင်ခဲ့တယ်။
ဒါဟာ
ငါ့ရဲ့အမှား
ငါမှားပါတယ်ကွယ်ဆိုတော့
ဟော
မင်းငိုပြန်ပါပကော။
မင်းငိုရင် ငါချော့
ငါချော့ရင် မင်းမူ
မင်းမူတော့ ငါစ
ငါစလို့မင်းစိတ်ကောက်ရင်
ဟန်ဆောင်လို့ ငါအိပ်
မီးပိတ်တော့လည်း
ညည်းစိတ်လျော့ရတာပဲ
မဟုတ်လား။
ဒီလိုပဲလေ
မင်းပဲဖြစ်ဖြစ်
ငါပဲဖြစ်ဖြစ်
ခေတ်ပြိုင်ထဲမှာ
အဲဒီ အိမ်ထောင်မှု
ချစ်လို့ထုသွန်း
လွမ်းဖို့ထူထောင်
လဲပြိုရအောင်မှ မဟုတ်တာ။
ဒါနဲ့များ
တရားလမ်းလွဲ
အားစမ်းပွဲမှာ
လမ်းခွဲဖို့စကား
မင်းနှလုံးသားက
ပြောကြားချင်ရတာလဲကွယ်။
မင်းမှာ
ကောင်းကင်မရှိပေမယ့်
ငါ့မှာ
ကဗျာ
မြေလွှာရှိတယ်။
ငါ့ကဗျာဟာ
အနာဂတ်ကို
ဖွဲ့စပ်ကြိုရင်း
မင်းကိုလည်း
“ရဲဘော်
ရဲဘော်
ရဲဘော်” လို့
အော်ရင်းဟစ်ရင်း
စည်းရုံးရင်းနဲ့
လမင်းတစ်ရာ
ထိုနေရာကို
ပန်းပေါင်းတစ်ရာ
ထိုအခါကို
ရာဇဝင်နဲ့
အချစ်နဲ့
ခေတ်ရဲ့အမှန်တရား
အသစ်ဖွဲ့ခံစား
ခေါ်ဆောင်သွားလိမ့်မယ်။
ဘဝဆိုတာ
လှပစွာ
ဆင်းရဲတတ်ဖို့ပဲလိုတယ်။
နောင်အနာဂတ်မှာ
မင်းဟာ
မျိုးဆက်တစ်ဆက်ရဲ့ မိခင်
ဖြစ်ချင်လည်းဖြစ်မယ်။
ငါ့ရင်ထဲမှာတော့
မင်းဟာ
ယာမာဂူချီလို လှပ
အေးမြရုံနဲ့
လုံလောက်ပါတယ်ကွယ်။
မင်းရယ်
ငါရယ်
သားတွေသမီးတွေ
ဖွဲ့စည်းစိမ်းသင်း
ကြီးပြင်းလာတဲ့အခါ
မောင်သာနိုး ကဗျာဖွဲ့သလို
“မင်္ဂလာပါ နံနက်ခင်း” လို့
လာမယ့်နှစ်ဆယ့်တစ်ရာစု
ချစ်သူ အိပ်မက်နှုတ်ခမ်း
လက်ဆွဲနှုတ်ဆက်နမ်းရအောင်။
ချစ်တတ်ပြီး
သတ္တိရှိမယ်ဆိုရင်
အနာဂတ်ဟာ
ထာဝစဉ် ချိုမြနေမှာပါ။
ငြိမ်းချမ်းရေးသာ
ရမယ်ဆိုရင်
ရာဇဝင်မှာ
မိန်းမမြတ်မိခင်တွေဟာ
ကောင်းကင်တစ်ခြမ်း
ပခုံးထမ်းပြီး
လမ်းကြမ်းကြမ်းလည်း
လျှောက်လှမ်းနိုင်ပါသတဲ့
ကဲ
ဘယ့်နှယ့်လဲ
ငါ့ရင်ထဲက
မခင်ဆွေရီ (မြန်မာပြည်)။ ။
အောင်ဝေး
ပေဖူးလွှာ၊ ၁၉၈၆၊ ဇူလိုင်။

Read More

သိန်းစွန်ငှက် အပြန်လမ်း (ပိုင်စိုးဝေ)

နောက်ဆုံးအခေါက်ပါပဲ
ကျွန်တော်
ရွာကိုပြန်လာခဲ့ပါတယ်
အမေ ။
ရွာဆိုတာ ………
တမာ ထနောင်း
ရှားစောင်း ပြာဿဒ်
သန်း ဒဟတ်ပင်တွေနဲ့ ၊
မိုးနှံချုံပုတ် ၊ ရှားပင်ငုတ်တို
နီညိုညို ကျောက်ခဲလုံးတွေနဲ့
ထန်းပင်မြင့်မြင့်ကြီးတွေကြားက
တဲကလေးတစ်လုံးပါ ။
အဲဒီတဲကလေးထဲ
အမေ လဲလျောင်းနေပေါ့။
အမေ …. ကျွန်တော်ရောက်လာပြီ အမေ ။
အမေ့ ခြေအစုံကို ပွေ့ဖက်
အသံမထွက်ဘဲ ကျွန်တော် ငိုတယ် ။
ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့ … … … … ။
ကျွန်တော့်ကို စကားမပြောချင်လို့
အမေ့ သွားတွေ တင်းတင်းစေ့ထားသလား
ကျွန်တော့် ကို မမြင်ချင်လို့
အမေ့ မျက်လုံးတွေ မှိတ်ထားသလား
ထ ကြည့်ပါဦး
စကားပြောပါ ဦး အမေရယ် ။
ဟော .. အမေ …..
အမေ့ကို သူတို့
ဟိုးမှာ မန်ကျည်းပင်တွေ စိမ်းစိမ်းညို့ညို့နဲ့
ဇရပ် အိုအို
ကျောက်တုံးနီညိုညိုတွေ စီထားတဲ့
သင်္ချိုင်းဆိုတဲ့ နေရာကို
ပို့ကြတော့ မလို့တဲ့ ။
လှည်းဘီးကို ပြင်ဆင်ပြီးကြပေါ့
အမေ့ အလောင်းကို
ခေါင်းထဲထည့်ကြပေါ့
ကြေးစည်ကို
ရိုက်နှက်ကြပေါ့ ။
ကျွန်တော်
မငိုပါဘူး အမေ
ငိုလို့ မရတော့ဘူး အမေ
အမေ့မြေး ကလေးလေးတွေ
ကျွန်တော့်တူနဲ့ တူမလေးတွေ
သူတို့ ငိုပါစေ ။
အမေ့သား သူတို့ရဲ့အဖေ
ကျွန်တော့် အကိုကြီး
အမေ့သမီး သူတို့ရဲ့အမေ
ကျွန်တော့်အစ်မ ၊
သူတို့မောင်နှမ
အမေ့အရင် စောစောစီးစီး
ဟောသည်လောကကြီးထဲက
ထွက်ခွာသွားကြတော့
မိတဆိုး ဖတဆိုး
ဟောသည်ကလေးလေးတွေ
အမေ့အတွက် သူတို့ငိုပါစေ ။
အမေ့ အတွက်
သူတို့မျက်ရည်တွေဟာ
ထိုက်တန်ပါတယ် အမေ ။
ကျွန်တော်ကတော့
နွေဦးရက်တွေ အကြောင်း
သီချင်းမဆိုနိုင်တဲ့
ဥသြငှက်တစ်ကောင်ရဲ့ ကြေကွဲမှုလို
ယာခင်းထဲက အမေ့ဘဝကို
အဝေးကပဲ
တမ်းတပူဆွေးခဲ့သူပါ အမေ ။

” အမေ ……နေကောင်းပါစေ။
အမေ့အား ထာဝရလုပ်ကျွေးပြုစုနိုင်သည့်ကိုယ်
ဖြစ်ရပါလို၏ ”
ည အိပ်ရာဝင် ၊ ရင်ထဲလှုပ်ခတ်
ပဲ့တင်ထပ်ခဲ့တဲ့
ခွန်အားမဲ့ဆုတောင်းသံများကြား
ရှည်လျှားလွန်းတဲ့ ညတွေသာ
ခန္ဓာကိုယ်ပေါ်
တိတ်ဆိတ်စွာ ကြေပြုန်းခဲ့ရ ။
မနေ့ကတော့
” အမေ့ဆုံးပြီ ၊ အမြန်လာ ” တဲ့ ။
ကုသိုလ်ကြမ္မာ ၊ နုံချာလို့လား
ဆုတောင်းများ
မပြည့်ဝခဲ့ဘူး အမေ ။
အမေကမွေးပေမယ့်
အမေကို လုပ်မကျွေးနိုင်ခဲ့တဲ့
ဟောသည် ခန္ဓာကိုယ်ကြီးဟာ
ဘာအသုံးကျတော့မှာလဲ ။
အဲသည်လို နောင်တ တရားတွေက
နှလုံးသားကို ကုတ်ခြစ်
ဘဝ ဆိုတာကိုလည်း
မကျေမနပ်ဖြစ်မိပေါ့။
ကျွန်တော်
မငိုရဲတော့ပါဘူး အမေ
ငိုဖို့ရာ ရှက်လှပါတယ် အမေ
အမေနဲ့ အတူ
အမေကို ခြေဆုပ်လက်နယ်ပြုခဲ့တဲ့
ဟောသည် ကလေးလေးတွေ
သူတို့ ငိုပါစေ
ကြေးစည်ကို သူတို့ ရိုက်နှက်ကြပေါ့
လှည်းဘီးကို သူတို့ တွန်းကြပေါ့ ။
ဟော …….
နီညိုညိုကျောက်တုန်းတွေကြားက
ရထားတစ်စင်းဟာ
အဝေးကို ထွက်သွားပြီ ။
ဟိုး …. လွန်ခဲ့တဲ့အနှစ်နှစ်ဆယ်
သည်ရွာက လူငယ်
ကျေးတောသားတစ်ယောက်
သည်ရွာကိုပြန်ရောက်မလာ
ရထားဟာ သူ့ကို
အဝေးသို့ ခေါ်ဆောင်သွားခဲ့ ။
သူနဲ့ သူစီးသွားတဲ့ ရထားအကြောင်း
လူတွေ မေ့ကြပေါ့ ။
ပြောဆိုအမှတ်ရသူ
တစုံတစ်ယောက်မျှ မရှိတော့ ။
အဲသည်လူငယ်ဟာ
အခု
အမေ့အလောင်း အမေ့ခေါင်းကို
ဖက်ဖက်ပြီး ငိုနေတဲ့
ကျွန်တော်ပဲပေါ့ အမေ ….. ။
ဟောသည်ယာခင်းတွေကြား
အမေ နေ့တိုင်းလှုပ်ရှားခဲ့တာ
ကျွန်တော် မမြင်နိုင်ခဲ့ဘူး ။
အမေ့သမီး
ကျွန်တော့်အစ်မရဲ့ ယောက်ျားက
ထန်းရည်သမား ၊ ထန်းရည်ချိုး ။
အမေ့သား
ကျွန်တော့် အကိုကြီးရဲ့ မိန်းမက
မီးယပ်ကျိုး၊ မျက်စိတစ်ဘက်ကွယ် ။
သူတို့ တစ်တွေနဲ့ ကျန်ရစ်ခဲ့တဲ့
အမေ့မြေး ကလေးတွေနဲ့ အတူ
ထန်းလျက်ကျို ၊ ထင်းခွေရေခပ်
ငတ်မသေဖို့
အမေရုန်းကန်ခဲ့တဲ့နေ့တွေမှာ
ကျွန်တော်သာ
ဟိုအဝေးမှာပေါ့ ။
ဟိုတနှစ်က
တရွာလုံး မီးလောင်ပြာကျ
အဲသည်ကတည်းက အမေဟာ
ရွာထဲကိုပြန်မရောက်
အိမ်ပြန်မဆာက်နိုင်
ထန်းပင်အောက်က ထန်းတဲမှာ
အမေ အနေကြာခဲ့ပါတယ် ။
အမေရေ ……..
အမေရေ ……..
ကြေးစည်ကို ရိုက်နှက်ကြပေါ့
လှည်းဘီးကို သူတို့တွန်းကြပေါ့ ။
ဟိုး အနောက်တောင်တောတန်းက
ထန်းပင်ရိပ်ဖျားမှာ
နေလုံးဟာ တဖြည်းဖြည်းညိုခဲ့ပေါ့ ။
တောင်သူဓလေ့
ယာမီးငွေ့တွေ လွင့်တက်လာပေါ့။
ဟိုတောင်ကမူကမ်းပါးမှာ
မြက်စားနေတဲ့ နွားမတွေက
အမေ့ကို နှုတ်ဆက်နေကြသလား ။
သိန်းစွန်ငှက်အပြန်လမ်းမှာ
ကျီးကန်းတွေ ကသုတ်ကရက်နဲ့
ရွာဘက်ဆီ ပျံပြေးကြပေါ့ ။
နေညိုချိန် အိမ်အပြန်လမ်းမှာ
တောတန်းလျှိုမြောင်
ဟို အနောက်တောင်ထဲ
မှောင်မည်းမည်းက
ကျွန်တော့်ဘဝကို မဝါးမျိုမီ
ကလေးဘဝအရွယ်
ငယ်ငယ်တုန်းကလေ
တောင်ရိပ်တောင်ကြား
သစ်ပင်ဖျားမှာ
မားမားရပ်နေ တစ္ဆေတွေလား ။
အမေရေ
တစ္ဆေဆို ကျွန်တော်ကြောက်လှချည့် ။
တညသား
ပျူစောထီးဆိုလား ရဲဘော်ဖြူဆိုလား
တံခါးကို တအားခေါက်
နွားကောက်စမ်း မြန်မြန်လုပ်
သေနတ်တွေ ထုတ်ချိန်ပြီး
အခိုင်အခံ့ လှည်းတစ်စင်း
နွားပြာညို တစ်ရှဉ်းနဲ့အတူ
” လှည်းမောင်း ပို့ ဆိုပြီး ”
အဖေ့ကို ခေါ်သွား
ရွာအနောက်ဘက်တောအုပ်ကြားက
သေနတ်သံတစ်ချက်ကြားလိုက်ရ။
အဖေရေ ……
အဖေရေ …….
ကျွန်တော်တို့ မိသားစု ဘဝ
ရာဇဝင်ကို ဖြတ်သန်းရတဲ့ညပေါ့ ။
လွတ်လပ်ရေးပြီးခါစ
သူခိုးဓားပြတွေ
တန်ခိုးပြလို့ကောင်းဆဲ
ခေတ်ကြီးထဲ လူဖြစ်ခဲ့ရတဲ့
ကျွန်တော်
အမေ့ရဲ့ကျောပေါ်မှာ
သေနတ်သံတွေကြား
ပြေးလွှားပုန်းအောင်း
ရွာတောင်စောင်း နဘူးချုံထဲ
ည တိုင်းပဲ အိပ်ခဲ့ရတယ်
ဟုတ်လား အမေ ။
စစ်စနက်မီး အကြွင်းအကျန်တွေနဲ့
ခေတ်အပျက်ကြီးကို တွန်းလှန်ရင်း
အမေရယ် တခြားအမေတွေရယ်
အမေတွေ အားလုံး
ကလေးတွေ ကို ပုခုံးပေါ်တင်ပြီး
ပြေးကြလွှားကြ ၊ ပုန်းကြအောင်းကြနဲ့
တချို့ သားသေ ၊ တချို့လင် ဆုံး
စစ်ဆိုတာကြီးးကို
မုန်းခဲ့တယ် မဟုတ်လား အမေ ။
အဖေမရှိတဲ့နောက်
အမေရယ် အကိုကြီးရယ် ၊ အမရယ်
ကျွန်တော်ရယ်လေ
လောက ကမ်းပါးမှာ
စမ်းတဝါဝါး လျှောက်ခဲ့ကြပေါ့ ။
အရွယ်ရောက်ခါစ အစ်ကိုကြီး
ထန်းလှီးသင်ရပေါ့ ။
အစ်ကိုကြီးဟာ
သာသနာ့ဘောင်မှာ အရိုးထုတ်
ဘုန်းကြီးလုပ်ဖို့ စိတ်ကူးရှိပေမယ့်
ကျွန်တော့်တို့ အတွက်
ယုံကြည်ချက်တွေ စွန့်ခဲ့ရပြီပေါ့ ။
ကျွန်တော်ကတော့
သျှောင်တစ်စောင်းနဲ့ ဘုန်းကြိးကျောင်သား
ပြီးတော့ ပြည်တော်သာကျောင်းရောက်
ကျောင်းဆင်းချိန်မှာ
သိုး ဆိတ် နွားကျောင်း ။
ကျွန်တော် တို့ တစ်တွေ
ဟိုသပြေပင်တောင် စောင်းဆီက
လက်ပြဟစ်အော်
သီချင်းတကြော်ကြော်နဲ့
ခွေးခေါ် ပတတ်တူး
ဟင်းရွက်ခူး ယုန်ရှာ
တောင်ယာလုပ်သူ ထင်းခုတ်သူတွေ
ထန်းလျက်ကျိုသူ ထန်းတက်သူတွေ
နေကပူလောင်
ကုန်းခေါင်ခေါင်မှာ
ဟိုးအနောက်တောင်မှာ
မှိုင်းပြာပြာ မြူခိုးတွေနဲ့
ပုပ္ပါးဆိုတဲ့တောင်တော်မြတ်းကြီးဆီ
မျှော်ကြည့်ငေးမော
စိမ်းလန်းတဲ့ယာတောတွေကြား ။
အစ်ကိုယ်ကြီးက ထန်းလှီး
ကျွန်တော်က ထန်းရည်အိုးသယ်
အမေရယ် အစ်မရယ်က
ထန်းလျက်ကျို ရက်ကန်းခတ် ထင်းခွေ
တစ်ခါတလေ မြေပဲကောက်
တစ်ခါတစ်လေ ဝါစိုက်
တောအလိုက်လုပ်ငန်းစုံပေါ့ ။
” မြို့ရွာနိဂုံး ၊ ပျက်ပြုန်းစေအောင်
ဓားပြကြီးကြီး မိုက်သီးအခေါင်
မီးနှင့် မြိုက်လို့ ၊ တိုက်ခိုက် ပူလောင်
ဝ သ လ ၊ မှတ်ကြ သူယုတ်ကောင် ”
“ခလောက်လေးရယ်တဲ့ ဒိုးဒိုးဒေါင်
ပျိုတို့ မောင်ယာ မလုပ်တယ်
ဝါးခုတ်တဲ့တောင်”
အဲသည်လို အကိုကြီး တတ်တဲ့
ကဗျာတွေ ၊ သံပေါက်တွေ
ကျွန်တော့် မှာ အမွေရခဲ့ပေါ့ ။
“နေညိုချိန်တိမ်တောက် ပျိုကြောက်တဲ့သည်အချိန်
ဆီးမီးကွယ်မှန်အိမ်နဲ့ …….. “
အဲသည်လို
ကျေးလက်ဘဝ သီချင်းကဗျာတွေ
ရင်ထဲ မှာ အမြစ်တွယ်ခဲ့ရပေါ့ ။
အမေရေ …….
ကြေးစည်ကိုရိုက်နှက်နေကြပေါ့
လှည်းဘီးကို သူတို့ တွန်းကြပေါ့ ။
အမေခေါင်းချခဲ့တဲ့
တဲကလေးဟာ
အမေ့ ရွာနဲ့ အလှမ်းဝေးပေမယ့်
သည်တောသည်တောင်ကြား
အမေကို
တစ်ယောက်တည်း မထားရက်ပါဘူး အမေ ။
အမေ့အမေ ကျွန်တော် အဘွား
ကျွန်တော်အဘွားရဲ့ အမေ့အမေ စတဲ့
ဆွေမျိုးတော်စပ်သူရော မတော်သူပါ
တစ်ရွာလုံးနောက်ဆုံး စုဝေးရာ
ဟောဟို ဇရပ်အိုအိုရဲ့
သုဿာန်ဆိုတဲ့ နေရာရောက်အောင်
အမေ့ကို
ကျွန်တော်တို့ ပို့ မှာပေါ့ ။
လမ်းက ကြမ်းလိုက်တာအမေ
တောင်ကမူကျတ်တီးကြား
နှစ်တွေများစွာရေတိုက်စားမှုနဲ့
ပျက်လုလု လှည်းလမ်းပေါ်မှာ
အမေ့ခေါင်းဟာ ၊ လှုပ်ယမ်းလှချည့်
ဖြည်းဖြည်း … ဖြည်းဖြည်း ……..
ဆူးကိုင်းတွေဘေးဖယ်
မျက်နှာကို ခြစ်မိကြဦးမယ်။
ဟိုသုဿာန်ကိုရောက်တဲ့ခါ
ဘုန်းကြီးတွေက
သရဏဂုံကို ရွတ်ဖတ်
ကျွန်တော့် လက်နဲ့ ရေစက်သွန်းချ အမျှဝေ
အမေ ကောင်းရာသုဂတိလားပါစေလို့
ကျွန်တော် အမျှဝေမယ်
ကျွန်တော့် ကိုယ်ပေါ်မှာ
ဖုန်တွေပေကပ်
ညစ်ပတ်နေမလားဘဲ။
မန္တလေးက မိတ္ထီလာ
မလှိုင် ပန်းအိုင်တစ်လမ်းလုံး
ဖုန်လုံးကြီးထဲ ဖြတ်ခဲ့ရ
အခုလည်းပဲ ဖုန်လုံးကြီးထဲမှာ ။
ဖုန်တွေ ပေကပ် ညစ်ပတ်နေမလားဘဲ။
ဟိုသုဿာန်ကိုရောက်လို့
ရေစက်သွန်းချ အမျှဝေတဲ့ အခါ
ငယ်ဆရာ ဘုန်းတော်ကြီး
ကျွန်တော့် ကိုကြည့်ပြီး
အံ့သြနေလိမ့်မယ် ။
ညရောက်တဲ့ အခါ
ဦးလေးဘယ်နေ့ ပြန်မှာလဲ
တစ်နှစ်တစ်ခါ ပြန်လာပါနော်
ကျွန်တော် ကျောင်းဆက်နေချင်တယ်
ညီမလေးမှာ ဝတ်စရာအင်္ကျီ မရှိတော့ဘူး ။
ဟောဒီအငယ်မ
မနှစ်က နှစ်တန်းကျတယ်
ငါ့မောင်ရယ်
ဟောဒီကျန်နေတဲ့
မျက်စိတစ်ဘက်ကလည်း
ဆရာဝန်က ခွဲရမယ်တဲ့
အစ်မလည်း ကြောက်တတ်လို့
ဆေးရုံကို
နောက်ထပ် မရောက်တော့ပါဘူး
စတဲ့ … စတဲ့ စကားလုံးတွေကြား
ကျွန်တော် ဘာများ
တာဝန်ယူနိုင်မလဲ
မင်းတို့ အတွက် ၊ ငါ့အတွက်
အနှစ်သုံးဆယ်လုံးလုံး
ဦးလေးစဉ်းစားနေတုန်းပဲ
ဦးလေးဟာ
စဉ်းစားနေတုန်းပါပဲကွယ် ။
တစ်စုံတစ်ရာ
ကတိတွေပေးထားပစ်ခဲ့ပြီး
နံနက်ခင်းတစ်ခုမှာ
ငှက်တစ်ကောင်လို ပျံပြေးသွားမယ်။
ဟိုတစ်ခါက
အမေ့ကို ထားပစ်ခဲ့သလိုမျိုး
“ဟောသည်ကမ္ဘာမြေကြီးရဲ့
နာမကျန်းမှုတွေကို ဆေးဝါးကုသဖို့
ကျွန်တော်ကဗျာဆရာ လုပ်ရမယ်
ကဗျာ ဆရာလုပ်မှ ဖြစ်မယ် အမေ”
အဲသလို ဆိုပြီး
အမေ့ကို ထားပစ်ခဲ့တုန်းက
ယာခင်းနံဘေး
တောလမ်းလေးပေါ်မှာ
မြက်ရိုင်းပင်တွေ ကိုတိုးဖြတ်
တရှပ်ရှပ်နဲ့ ကျွန်တော့် ဖိနပ်သံတွေ
ကျန်ရစ်ခဲ့တယ် ။
ယာခင်းတွေ နောက်မှာချန်
တောတန်းတွေ ကျန်ရစ်ခဲ့တယ်။
ကျောက်စရစ်ကုန်းခေါင်
တလင်းပြောင်မှာ
ယုန်ထောင် ပတတ်တူး ချိုးတည်
ငယ်ဘဝတွေ ကျန်ရစ်ခဲ့တယ် ။
လိမ်လိမ်မာမာနေဖို့
စကားလုံးတို့ တုန်ခါ
အမေ့ မျက်နှာပေါ်က
မျက်ရည်စတွေ ကျန်ရစ်ခဲ့တယ်။
သူငယ်ချင်းတွေ
လက်ပြနေဆဲ ၊ ဥသြဆွဲပေါ့ ။
တရှဲရှဲမြည်လျက် ရထားထွက် ခွာ
တုန်ခါနေတဲ့ ဓာတ်ကြိုးပေါ်မှာ
တောကျီးကန်းတစ်ကောင်
အော်မြည်ရင်း ကျန်ရစ်ခဲ့ တယ်။
မြို့ပြဘဝရဲ့
ခံစားမှုမြစ် ၊ ရသသစ်ထဲမှာ
ပလက်ဖောင်းတစ်လျှောက်
ဓာတ်တိုင်မီးတိုင်တွေ အောက်
တစ်ယောက်ကို တစ်ယောက်
ဖြတ်လျှောက်ကျော်သွားရင်း
သူစိမ်းဆန်တဲ့ လူတွေကြားမှာ
ဟို … အနောက်တောင်ဆီကို ရော်ရမ်း
တောလမ်းကလေးကို
လွမ်းခဲ့ရပေါ့ အမေ။
နေညိုချိန်အိမ် အပြန်
လမ်းဘေးတိုက်ကြား ဓာတ်တိုင်နားမှာ
မားမားရပ်နေ တစ္ဆေတွေလား
“အမေရေ”
တစ္ဆေကို ကျွန်တော်ကြောက်လှချည့်
ယောင်ရမ်း ရွတ်ဆို မိသော်လည်း
ရဲရဲတင်းတင်း
ဖြတ်သန်းရပြီ အမေ ။
လူမှုဗေဒ ဝေါဟာရနဲ့
ရသသစ်တွေက
နှလုံးသားကို တအား ကုတ်ခြစ်
ပွတ်သပ်ပြီး ဖြေသော်လည်း
ယားယံမြဲပါ အမေ ။
ဆည်းဆာရီထဲ
တိုးရှဲဖြတ်သန်း
ကိုယ်လမ်းကို သွားခဲ့ရ
စကားငြင်းဆန်
ကားဟွန်းသံတွေကြား
နှလုံးသားတိတ်ဆိတ် မသိစိတ်မှာ
ရောဂါထူပြောခဲ့ပေါ့ အမေ ။
အမေ့ထံ ကျွန်တော် ပြန်မလာနိုင်တော့ဘူး ။
ငါ့မြေးလေးတွေ
အမေ မြင်ချင်လှပြီဆို ။
ဟော …
အကြီးလေးက မသုမာတဲ့
ပိန်ပိန်သွယ်သွယ် နဖူးကျယ်ကျယ်နဲ့
သိပ်ချစ်စရာကောင်းတယ် အမေ
အငယ်လေးက မငုဝါတဲ့
အစားပုတ်ပုတ် ၊ ဝတုတ်တုတ်ကလေး
နောက်တစ်ယောက်က
သားကြိးမောင်ဖိုးကာ
ဆော့တဲ့နေရာမှာ မျောက်ရှုံးပါပဲ ။
ငယ်ငယ်လေးကတည်းက
မျောက်ကလေးလိုပဲ
ကြီးလာရင်မျောက်နဲ့တူမလားပဲ ။
သူတို့မောင်နှမတစ်တွေ
ဦးလေးတွေ အဒေါ်တွေနဲ့ တွေ့ဖို့
ကျွန်တော်လာချင်ပါရဲ့
ဒါပေမယ့် … အမေ ။
ဟော ……
ကျွန်တော်တို့ အားလုံးအတွက်
အရွယ်မရောက်ခင်
ထန်းလှီးသင်ခဲ့ရတဲ့ အကိုကြီး
ထန်းပင်ပေါ်က ဇောက်ထိုးကျ
အနိစ္စရောက်ခဲ့ရပြီ မဟုတ်လား
ကျွန်တော့် အမ
အမေ့ သမီး ပိန်တာရိုးလေး
သားသမီးခုနှစ်ယောက်မွေးတော့
ဆင်းရဲမှုဒဏ် မခံနိုင်လို့ထင်ရဲ့
အနိစ္စရောက်ခဲ့ရပြီ မဟုတ်လား အမေ ။
အမေသည်တောသည်တောင်ထဲ မှာ
အမေသားသမီးတွေနဲ့
အနေဝေး ၊ အသေဝေးခဲ့ကြရသော်လည်း
အမေ တစ်ယောက်တည်းမဟုတ်လား
အမေ့မြေးတစ်အုပ်နဲ့
ထန်းလျက်ကျို ထင်းခွေ ၊ ရေခပ်
ကျွန်တော် တစ်ပြားတစ်ချပ်မှ
မထောက်ပံ့နိုင်ပေမယ့် ၊ ငတ်မသေခဲ့ဘူး
အမေသေရတာ
ငတ်လို့ မဟုတ်ဖူး အမေ ။
မနေ့က
အမေဆုံးကြောင်း ၊ ကြေးနန်းရတော့
ခရီးသွားဖို့ ဇနီးမယားနဲ့ တိုင်ပင်
ပြင်ရဆင်ရ ငွေရှာရနဲ့ပေါ့ ။
ညရောက်တော့လည်း ရင်ထဲမအေး
ပူဆွေးနေဆဲမှာ
ကလေးတွေက တီဗီသွားကြည့်ကြသတဲ့
သြော် .. မင်းတို့ အဖွားသေတဲ့ရက်
မင်းတို့အတွက်
ဘာမှ မခံစားရပါလားနော် ။
ငယ်သေးတဲ့ ကလေးလေးတွေပဲ
ဆိုတာက တစ်ကဏ္ဍပေါ့
မြို့ပြမှာနေတဲ့ ၊ အမေ့မြေးကလေးတွေ
အမေနဲ့ တအားဝေးခဲ့ပါလားဆိုတဲ့
အတွေးတွေက
တကယ့်ကိုပါပဲ
ဘဝ ဆိုတာကိုလည်း
မကျေမနပ်ဖြစ်ရပြန်ပေါ့ အမေ ။
ခံစားရပြီပေါ့
ကျွန်တော်ခံစားရပြီပေါ့ အမေ ။
ကျွန်တော်ဟာ
အဲဘတ်ကမူးမှ မဟုတ်ဘဲ ။
ကျွန်တော်ဟာ
မာဆိုးမှ မဟုတ်ဘဲ ။
အခက်အခဲတွေ ရှိပေမယ့်
ကျွန်တော်ဟာ
ဗုဒ္ဓဘာသာ မြန်မာယဉ်ကျေးမှုထဲက
လူတစ်ယောက် အဖြစ်နဲ့ပဲ
အသက်ရှင်နေဆဲပါ အမေ ။
အမေရေ …..
အမေရေ …… အမေရေ ……
ကြေးစည်ကို ရိုက်နှက်ကြပေါ့
လှည်းဘီးကို သူတို့ တွန်းကြပေါ့
အမေ့ခေါင်းဟာ
လှည်းပေါ်မှာ ယိမ်းထိုးလို့
ရှားစောင်းပြဿာဒ်ပင်ပေါ်က
ဒေါ့ရင်းဆိုတဲ့ အကောင်တွေ
တကျည်ကျည်မြည်လို့
အမေ့မြေးကလေးလေးတွေ
အမေ့ ရဲ့ ဆွေမျိုးသားချင်းကလေးတွေ
အမေကကို ခင်မင်တဲ့ သူတွေ
မရဏတေးကို ရွတ်ဆိုငိုကြွေးလို့ ။
အမေ့ခေါင်းပေါ်
ညောင်ရွက်တွေကြွေကျ
ဒါဟာ သင်္ခါရတရားပေပဲလို့
ဆိုချင်သလား မသိပေဘူး အမေ ။
ကုန်တန်ချိန်အပြည့်နဲ့ ကားတစ်စီး
အဝေးပြေးလမ်းမကြိးပေါ်
ဖြတ်မောင်းသွားနေရဲ့
ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့ …………… ။

ပိုင်စိုးဝေ ( အစိမ်းရောင်မြစ်သို့ တမ်းချင်း ကဗျာစာအုပ်မှ )

Read More

ဆွန်ယက်ဆင်

မူရင်းဆောင်းပါးရှင် ကျန်းလန်ရှင်းသည် တရုတ်နိုင်ငံသား ဖြစ်ပြီး၊ ဗဟိုပညာရေးသိပ္ပံ အင်စတီကျု၏ အယ်ဒီတာ ဘုတ်အဖွဲ့ဝင်၊ ပညာရေးသမိုင်း လေ့လာမှု တွဲဖက်ဒါရိုက်တာ၊ အကြီးတန်း သုတေသနပညာရှင်
ဖြစ်သည်။ ဆွန်ယက်ဆင်၏ ပညာရေးအမြင်များကို ပြုစုရေးသားရာတွင် ထွန်းတောက်ခဲ့သော တော်လှန်ရေး ခေါင်းဆောင်ဘ၀၊ ဒီမိုကရေစီနှင့် သိပ္ပံနည်းကျ ပညာရေး၊ ပညာရေးဆိုင်ရာ တော်လှန်ရေး အယူအဆများ၊ ပြည်ပမှ ကျောင်းသားများကို ညီညွတ်စေခြင်း၊ ပညာရေးတန်းတူညီမျှမှု၊ ပညာရေးနှင့် ဖွံ့ဖြိုးရေး၊ ဆွန်ယက်ဆင်၏ ပညာရေးရှုထောင့်စုံ ဟူ၍ ခေါင်းစဉ်ငယ်များဖြင့် တင်ပြခဲ့ပါသည်။ ဘာသာပြန်သူအနေဖြင့် လေးပိုင်းခွဲတင်ပြမည်ဖြစ်ရာ အပိုင်း ၂ အဖြစ် ဒီမိုကရေစီနှင့် သိပ္ပံနည်းကျပညာရေး၊ ပညာရေးဆိုင်ရာ တော်လှန်ရေး အယူအဆများ တို့ကို ဆက်လက်ဖော်ပြလိုက်ရပါသည်။ _ ဘာသာပြန်သူ)

ဒီမိုကရေစီနှင့် သိပ္ပံနည်းကျ ပညာရေး
နယ်ချဲ့တို့၏ ဆိုးသွမ်းသော သဘာဝကို ဖော်ထုတ်ရန်နှင့် ချင်မင်းဆက်လက်ထက်မှ မြေပိုင်ရှင် အုပ်ချုပ်ရေးသမားတို့ ကျူးလွန်ခဲ့သမျှ ရာဇ၀တ်မှုများကို ကန့်လန်ကာရှေ့သို့ ထုတ်ယူလာရန်မှာ လူမှုပညာရေး၏ အဓိက၀တ္တရားဖြစ်သည်ဟု သူယုံကြည်သည်။

အုပ်ချုပ်သူများသည် အကျင့်ပျက်ခြစားပြီး ကိုယ်ကျင့် ဖောက်ပြန်ကြကာ ကိုယ့်ပြည်သူများကို ခေါင်းပုံဖြတ်၍ နိုင်ငံခြားသားများ၏ လိုအင်ဆန္ဒကို အညံ့ခံဖြည့်ဆည်းပေးနေကြသော တိုင်းပြည်သစ္စာဖောက်များဟု သူက မြင်သည်။ သူ၏စေတနာမှာ ပြည်သူများအကြားတွင် နယ်ချဲ့နှင့် ကံကြွေးချမြေပိုင်ရှင်စနစ်တို့ကို ဆန့်ကျင်သော နိုင်ငံရေးခံစားချက်များ ပေါ်ပေါက်လာစေရန်၊ ပြည်သူများအကြားတွင် တိုင်းပြည်ကို ချစ်မြတ်နိုးစိတ် ဖြစ်ပေါ်လာပြီး နယ်ချဲ့နှင့် ကံကြွေးချမြေပိုင်ရှင်တို့အား ဆန့်ကျင်ထကြွကြစေရန် ဖြစ်သည်။

`ကျွန်ုပ်တို့တိုင်းပြည်ကို ကယ်တင်နိုင်ရေးသည် ပြည်သူတို့၏ နိုးကြားမှုတွင် တည်သည်´၊ `တော်လှန်ရေးတွင် လျှင်မြန်စွာ အောင်မြင်မှု ရရှိနိုင်ရန်မှာ ၀ါဒဖြန့်ပညာပေးမှု ၉၀ ရာခိုင်နှုန်းနှင့် လက်နက်ကိုင်စွဲမှု ၁၀ ရာခိုင်နှုန်းတို့ပေါ်တွင် တည်သည်´ဟု သူက ကြွေးကျော်သည်။

ထိုသို့သော ၀ါဒဖြန့်ပညာပေးမှုများသည် တော်လှန်ရေး၏ ပြည်သူ့မူဝါဒသုံးရပ်ကို နှလုံးသည်းပွတ်ထိအောင် စွဲမှတ်လျက် ပြည်သူများ၏ စိတ်ကူးအကြံအစည်များကို ပြောင်းလဲပေးကာ `သမ္မတနိုင်ငံတော်´စနစ်အား ပိုမိုနှစ်သက်လိုလားသော စိတ်အခံများအား အသင့်ပြင်ဆင် ထားနိုင်ကြရန် ရည်ရွယ်သည်။

ထိုသို့ ဒီမိုကရေစီသမ္မတနိုင်ငံတော်တစ်ရပ် အတွက် ဒီမိုကရေစီစံနှုန်းများကို မျက်မှောက်ပြုနိုင်ရန် ဆွန်ယက်ဆင်သည် ခနီးလှည့်လည်ကာ ပြည်တွင်းနှင့် ပြည်ပတို့တွင် ဟောပြောမှုများစွာ ပြုလုပ်ခဲ့ရသည်။ တော်လှန်ရေးအယူအဆများ ပြည့်လျမ်းနေသော ဆောင်းပါးများကို သူရေးခဲ့ပြီး `စာဖွဲ့မခံရသည့် ဆင်းရဲတွင်းထဲမှ ဘ၀များကို ကိုယ့်အားကိုယ်ကိုးကယ်တင်ပြီး နိုင်ငံအား ကိုယ့်ခြေထောက်ပေါ်တွင် ကိုယ်ရပ်တည်နိုင်အောင် ပံ့ပိုးပေးကြဖို့´ သူနှိုးဆော်ခဲ့သည်။

ဖိနှိပ်အုပ်ချုပ်သော ချင်မင်းဆက် အုပ်ချုပ်သူများကို စတင်ဖြုတ်ချကြရန် ပြည်သူလူထုအား သူ တိုက်တွန်းနှိုးဆော်ခဲ့သည်။ ပြည်တွင်းတွင်ရော ပြည်ပတွင်ပါ ၀ါဒဖြန့် ပညာပေးရေး အဓိကအင်္ဂါရပ်များအဖြစ် `မင်းပေါင်´၊ `ဆူးပေါင်´၊ `အမျိုးသားနိုင်ငံနှင့် ဒီမိုကရေစီ´ စသည့် မဂ္ဂဇင်းများ၊ စာစောင်များစွာကို ထူထောင် ထုတ်ဝေခဲ့သည်။ ဖန်းကျီးယို ပြုစုထားသည့် `ပြည်သူ့သမ္မတနိုင်ငံ မထူထောင်မီ ပြည်တွင်းနှင့် ပြည်ပတွင် ထုတ်ဝေခဲ့သည့် တော်လှန်ရေး သတင်းစာများ´စာရင်းတွင် ထိုခေတ်ကာလက ထုတ်ဝေခဲ့သော တော်လှန်ရေးသတင်းစာနှင့် စာစောင်ပေါင်း တစ်ရာထက်မနည်းသည်ကို တွေ့ရသည်။

လူငယ်တော်လှန်ရေးသမားတစ်ဦးဖြစ်သော ကျိုရုန်းရေးသားသည့် `တော်လှန်ရေးတပ်မတော်´နှင့် ချန်းရှန်းဟွာ ရေးသားသည့် `အချက်ပေးခေါင်းလောင်းသံ´ အမည်ရှိစာစောင်များသည် စောင်ရေသောင်းချီ၍ ရောင်းချခဲ့ရသည်။ အုပ်စိုးလျက်ရှိသော ချင်မင်းဆက်တို့ ကျူးလွန်သမျှ ရာဇ၀တ်မှုများကို သူတို့က အသေးစိတ် ထုတ်ဖော်နိုင်ခဲ့ကြသဖြင့် မကျေချမ်းမှု မျိုးစေ့များကို ပျိုးပေးနိုင်ခဲ့ပြီး တော်လှန်ရေး အညွန့်ထွက်လာစေခဲ့သည်။

ဝါဒဖြန့်ပညာပေးမှုများကို ဆောင်ရွက်စဉ်အတွင်း ဆွန်ယက်ဆင်သည် တော်လှန်ရေးအင်အားစုပေါင်းများစွာကို ဖွဲ့စည်းပေးခဲ့ပြီး၊ ယင်းတို့ထဲ၌ ရှင်းကျုံး၊ ထုံးမင်၊ ရိကျီ၊ ၀မ်ရှီး၊ ကုံးကျင် အဖွဲ့များလည်း အပါအ၀င်ဖြစ်သည်။ ထိုအဖွဲ့အစည်းများမှတစ်ဆင့် သူ၏`ပြည်သူ့မူဝါဒသုံးရပ်´ကို ၀ါဒဖြန့်ချိကာ ချင်မင်းဆက်အုပ်ချုပ်သူများကို ဖြုတ်ချ၍ ပြည်သူ့သမ္မတဒီမိုကရေစီနိုင်ငံတစ်ခု ထူထောင်ရန် နှိုးဆော်ပြီး၊ စာသင်ကျောင်းများ၊ နိုင်ငံရေးအစည်းအဝေးများ၊ စစ်တပ်အစိတ်အပိုင်းများထဲတွင် တော်လှန်ရေးလှုပ်ရှားမှုများကို မြှင့်တင်ပေးခဲ့သည်။

တော်လှန်ရေးသတင်းစာများ၊ စာစောင်များနှင့် တော်လှန်ရေးအဖွဲ့အစည်းများအားဖြင့် ဆွန်ယက်ဆင်သည် ကံကြွေးချ မြေပိုင်ရှင်စနစ် ပညာရေးနှင့် ယင်း၏ စာရိတ္တပိုင်းကို ပြင်းထန်စွာ ဝေဖန်နိုင်ခဲ့သည်။ ကံကြွေးချမြေပိုင်ရှင်စနစ်၏ ပညာရေးသည် အုပ်ချုပ် သူမြေပိုင်ရှင် လူတန်းစား၏ အကျိုးစီးပွားအတွက် တန်ဆာပလာတစ်ခုသဖွယ် အသုံးတော်ခံနေရခြင်းဖြစ်ကြောင်း၊ ထိုပညာရေး၏ ရည်ရွယ်ချက်မှာ ပြည်သူများအား ခေါင်းပုံဖြတ် ဖိနှိပ်မည့် အရာရှိများကို လေ့ကျင့်ပျိုးထောင်ပေးရန်သာ ဖြစ်နေကြောင်းကို -


"အစိုးရစာမေးပွဲများတွင် အောင်မြင်မှုရရှိခြင်းအား ဂုဏ်ဒြပ်တစ်ခုအဖြစ် ယူဆကြသည်။ ထိုအောင်မြင်မှုသည် အဆင့်မြင့်ရာထူးများ ရရှိစေရန် လမ်းဖွင့်ပေးသည်။ ရာထူးတစ်ခု ရရှိသည်နှင့် လာဘ်များ ရလာသည်။ သူတို့၏ လူနေမှုအဆင့်အတန်းကို ထိန်းသိမ်းထားရန် သူတို့၏ လစာများက လုံလောက်ခြင်းမရှိသောကြောင့် အထက်လူကြီးများထံ နှစ်စဉ်သွားရောက် ဂါရ၀ပြုကြရသည်။ ထိုအတွက် လာဘ်မှမယူလျှင် မည်သည့်နေရာမှ ငွေကို သူတို့ရကြမည်နည်း။ အစိုးရက သူတို့ဘက်မှ ရပ်တည်ပေးနေသည်ဖြစ်ရာ တုံးလွန်းအလွန်းသူများမှလွဲ၍ မည်သူက ခြစားမှုမှ ကင်းအောင်နေကြပါ မည်နည်း။ သူတို့အိပ်ကပ်များထဲတွင် ငွေစကြေးစများ ပြည့်လျှံသွားသည့်အခါ အချို့အ၀က်ကို ရာထူးတိုးရေးအတွက် သုံးကြရပြန်သည်။ သူတို့အသက်ရှင်နေကြသည်မှာ ထိုအတွက်သာ ဖြစ်သည်။ ထိုသို့သော သူခိုးအရာရှိများသည် လူမှုရေး၊ နိုင်ငံရေးနှင့် တရားရေးတို့တွင် ဆုံးဖြတ်ချက်တိုင်းကို ချမှတ်ရသော အမြင့်ဆုံးရာထူးများသို့ ရောက်ရှိကြပေလိမ့်မည်။"
ဟု သူကရေးသားဖော်ပြခဲ့သည်။

မြေပိုင်ရှင် အသိုင်းအ၀ိုင်းအတွင်းမှ ရာဇ၀တ်မှုမှန်သမျှသည် ရာထူးနေရာများကို ရောင်းစားခြင်း၊ လာဘ်ပေးလာဘ်ယူပြုခြင်း၊ ဥပဒေကို ထင်သလိုပြုခြင်း၊ လူအများ၏ လွတ်လပ်မှုနှင့် အတွေးအမြင် ကျယ်ပြန့်လာခြင်းကို ကန့်သတ်ခြင်း စသည်တို့ကဲ့သို့သော အမူအကျင့်များမှ ပေါ်ပေါက်လာခြင်း ဖြစ်သည်။
ဆွန်ယက်ဆင်သည် မြေပိုင်ရှင်စနစ်၏ ပညာရေးကို ကာလရှည်ကြာ ဆန့်ကျင်ခဲ့ပြီး၊ ထိုစနစ်အတွင်း ကျောင်းသားများ လေ့လာဆည်းပူးခဲ့ရသမျှမှာ အချည်းနှီးသာဖြစ်သည်ဟု ယူဆခဲ့ခြင်းကို အောက်ပါအတိုင်း ဖော်ပြခဲ့သည်။

"ကျောင်းသားများသည် လေးစောင်တွဲ၊ ဂန္ထ၀င်ငါးကျမ်းနှင့် ယင်းတို့အား အထောက်အကူပြုမည့် စာအုပ်စာတမ်းများကိုသာ လေ့လာကြရသည်။ ထိုကျမ်းများမှာလည်း လွှမ်းမိုးဆဲ အမိန့်အာဏာ၊ လမ်းစဉ်နှင့် အတွေးအခေါ်တို့နှင့် မညီလျှင်ညီအောင် ပုံပျက်ပန်းပျက် ဖွင့်ဆိုချက်များ၊ ပြင်ဆင်မှုများ ပြုလုပ်ခံထားကြရသည်။ ယင်းတို့ကြောင့် ကျောင်းသားများမှာ အမြင်ကွယ်ကြရသည်။ သာမာန်ပြည်သူများ၏ ဘ၀အကြောင်း မပါဝင်ဘဲ ထိုနည်းအတိုင်း ကျောင်းသားများအား သင်ကြားပေးခဲ့ကြသည်။ ယင်းကြောင့်ပင် ကြင်နာမြတ်နိုးစွာ အုပ်ချုပ်သည် ဖြစ်စေ၊ ကြမ်းကြုတ်ရက်စက်စွာ အုပ်ချုပ်သည်ဖြစ်စေ၊ ရိုးဖြောင့်စွာ အုပ်ချုပ်သည်ဖြစ်စေ၊ လိမ်ညာကောက်ကျစ်လျက် အုပ်ချုပ်သည်ဖြစ်စေ လူအများက အမိန့်ဥပဒေများကို  လိုက်နာနေကြခြင်း ဖြစ်သည်။"

မြေရှင်တို့၏ ပညာရေးသည် ပြည်သူများတွေးခေါ်နိုင်မှုကို ကန့်သတ်ထားခဲ့သည်။ လူများသည် အုပ်ချုပ်သူများ၏ အလိုဆန္ဒကို မည်သို့ လိုက်နာရမည်ကိုသာ သိနိုင်ကြသည်။ ထိုပညာရေးစနစ်ကြောင့်ပင် တရုတ်နိုင်ငံအား ပိုမိုမွဲတေပြီး ခေတ်နောက်ပြန်ဆွဲကာ ကိုယ့်အား ကိုယ်မကိုးနိုင်ဖြစ်စေသည်။  ဆွန်ယက်ဆင်က
"တရုတ်ပြည်သူများသည် လက်သင့်ရာစားတော်ခေါ်သောဝါဒဖြင့် နှစ်ပေါင်းထောင်ချီနေထိုင်ရှင်သန်ခဲ့ကြရပြီး နောက်၊ တိုင်းတစ်ပါးသားတို့လက်အောက်တွင် နှစ်ပေါင်း ၂၆၀ ထက်မနည်း နေထိုင်ကြရပြန်သည်။ ကျွန်ုပ်တို့တွင် ကျင့်ဝတ်ပိုင်းအရ ဂုဏ်သိက္ခာရှိမှု ပျောက်ဆုံးသည်မှာ ကြာမြင့်ပေပြီ။ ယင်းကို ပြန်ရနိုင်ရန် ယနေ့ခေတ်ကြိုးစားရာ၌ ပညာရေးဖြင့် အစပြုရမည်"
ဟု ရေးသားခဲ့သည်။

ထို့ကြောင့် အရာရှိစာမေးပွဲများအား ဖျက်သိမ်းပေးရန် သူက ညွှန်ပြခဲ့သည်။ သူ၏ ပထမဆုံးသော တော်လှန်ရေးအဖွဲ့အစည်း ဖြစ်သည့် ရှင်းကျုံးအသင်းကြီး၏ ဖွဲ့စည်းပုံစည်းမျဉ်းတွင် "လူမှုဝန်းကျင်၏ ဥတုရာသီကို ပြောင်းလဲပေးနိုင်မည့် သတင်းစာတိုက်များ ဖွင့်လှစ်ထူထောင်နိုင်ရန်နှင့် အရည်အချင်းပြည့်မီသော လူပုဂ္ဂိုလ်များကို လေ့ကျင့်ပျိုးထောင်ပေးနိုင်မည့် စာသင်ကျောင်းများ ထူထောင်နိုင်ရန်" ရည်မှန်းချက်ထားခဲ့သည်။

၁၉၁၁ ခုနှစ် တော်လှန်ရေးပြီးနောက် ထွက်ရှိခဲ့သော ပညာရေးဆိုင်ရာ အမိန့်ကြေညာစာတွင် "ကျောင်းသင်ရိုးများထဲတွင် တရုတ်ဂန္ထ၀င်စာပေများကို နည်းနိုင်သမျှနည်းပါးပြီး၊ ပညာရေး၏ ရည်ရွယ်ချက်သည် ပြည်သူ့သမ္မတနိုင်ငံအတွက် ကိုယ်ကျင့်ဆိုင်ရာ ဂုဏ်သိက္ခာရှိမှုကို မြှင့်တင်ပေးရမည်"ဟု ဖော်ပြပါရှိခဲ့သည်။ ပဒေသရာဇ်များအား သစ္စာရှိခြင်းနှင့် ကွန်ဖျူးရှပ်အား လေးစားမြတ်နိုးမှုကို ပြသခြင်းတို့ကိုသာ ပဓာနထားနေသော ချင်မင်းဆက်၏ မြေပိုင်ရှင်စနစ်ပညာရေးကို စွန်လွှတ်စေခဲ့ခြင်းပင် ဖြစ်သည်။

နိုင်ငံအား လွတ်လပ်မှု၊ တန်းတူညီမျှမှုနှင့် ညီအစ်ကိုရင်းချာကဲ့သို့ တစ်သွေးတစ်သားတည်းဖြစ်မှုဟူသော စိတ်ဓာတ်တို့ဖြင့် အထောက်အကူပြုပြီး၊ လူတစ်ဦးချင်းစီအား ဘက်စုံထက်မြက်၍ လိုက်လျောညီထွေဖြစ်လာအောင် လေ့ကျင့်ပျိုးထောင် ပေးနိုင်မည့် နည်းလမ်းတို့ဖြင့် စစ်ပညာ၊ ပြည်သူ့နီတိ၊ ကမ္ဘာ့အမြင်နှင့် ရသအမြင်တို့အပေါ် အခြေခံသည့် မူဝါဒများကို သူဆက်လက် ညွှန်ပြခဲ့သည်။

အာဏာနှင့် ငွေကြေးရရှိရေးကိုသာ ရည်ရွယ်နေခဲ့သော မြေပိုင်ရှင်တို့၏ ပညာရေးအစား ကောင်းမွန်ပြည့်စုံသော ကျင့်ဝတ်ပိုင်း ဂုဏ်သိက္ခာကို သင်ကြားပေးနိုင်ရန် ရည်ရွယ်သည့် ဒီမိုကရေစီနည်းကျသော၊ သာတူညီမျှဖြစ်သော၊ လွှတ်လပ်သော ပညာရေးတစ်ရပ်ဖြင့် ပြောင်းလဲစေမည်ဟု သူလိုလားခဲ့သည်။
နှစ်ပေါင်း ၂၀၀၀ ကျော်ပြီဖြစ်သော မြေပိုင်ရှင်တို့၏ ပညာရေးကို ပညာရေးအသစ်ဖြင့် နိဋ္ဌိတံစေခဲ့သည်။ ထိုပညာရေးသစ်သည် တရုတ်ပြည်သူများ၏ ပညာရေးကို ဦးတည်ရာပြောင်းလဲသွားစေပြီး တိုးတက်ထွန်းကားမှုများဆီ ဦးတည်သော တရုတ်နိုင်ငံ၏ ပညာရေးစနစ်ကို ဖော်ဆောင်ပေးခဲ့ခြင်း ဖြစ်သည်။ ယင်းသည် နောက်ထပ် မျိုးဆက်သစ်များပေါ်တွင် များစွာလွှမ်းမိုးမှုရှိလေသည်။

တော်လှန်ရေးနှင့် ပညာရေး ဘယ်ဟာအရင်လဲ
၂၀ ရာစုအစဦးတွင် ခန့်ယိုရွှေနှင့် လျန်ချီချောင်းတို့ ဦးစီးသော ပြုပြင်ပြောင်းလဲရေးလိုလားသူ ဘူဇွာများသည် ချင်မင်းဆက်အား ကာကွယ်ပေးသည့် သစ္စာတော်ခံများအဖြစ် သူတို့ကိုယ်သူတို့ ပြောင်းလဲပစ်လိုက်ကြသည်။ တော်လှန်ရေးနှင့် စည်းမျဉ်းခံပဒေသရာဇ် စနစ်သို့ ရောက်ရှိစေနိုင်သည့် မည်သည့်ကြိုးပမ်းမှုမျိုးကိုမဆို သူတို့ ဆန့်ကျင်ခဲ့ကြသည်။ တော်လှန်ရေးသမားများကို တန်ပြန်ဆန့်ကျင်နေသော ယင်းတို့အုပ်စု၏ အဆန်းထွင်ချက်များသည် ချင်မင်းဆက်၏ အုပ်ချုပ်မှုအောက် ပြန်ရောက်အောင် ပြုရာသာရောက်ကြောင်း ဆွန်ယက်ဆင်က ညွှန်းပြပြောဆိုခဲ့သည်။

"ဝေကျောင်ပေါင်၏ ပိုင်ရှင်ထံသို့ ပေးပို့သောစာထဲမှ ပညာရေးအယူအဆ" ကို ရေးသားသူ ယန်ဖူက "ကျွန်ုပ်တို့ ပြည်သူများ၏ ဆင်းရဲဒုက္ခမှာ သူတို့၏ မသိမှုအ၀ိဇ္ဇာတွင်ပင် တည်နေသည်။ အကယ်၍ တော်လှန်ရေးဖြစ်လာဦးတော့ ကိုယ်ကျင့်တရား နိမ့်ကျနေပြီး အသိဥာဏ်နုံနဲ့သော တရုတ်ပြည်သူများသည် အရေးပါသော အပြောင်းအလဲများ ပေါ်ပေါက်လာအောင် ဦးဆောင်နိုင်ခြင်း ရှိမည်မဟုတ်။ လက်ရှိကာလ၏ ပရိယာယ်တွင် တိုးတက်မှုရှိသော အကူးအပြောင်းကာလတစ်ခု ဖြစ်ပေါ်လာစေရန် ပညာရေးမှပင် စတင်ရမည်"ဟု ဖော်ပြခဲ့သည်။

ထိုသို့သော ပြုပြင်ပြောင်းလဲရေးသမားများ၏ အယူအဆကို ဆွန်ယက်ဆင်က ပြင်းပြင်းထန်ထန် ဆန့်ကျင်ခြေပသည်။ ဆန့်ကျင်ဘက်အားဖြင့် လူမှုရေးပြဿနာများသည် များမြောင်ပွေလီလှသည်ဖြစ်ရာ ပြည်သူများသည် မလောက်မငဖြင့် အသက်မွေးနေကြရသည်။ နိုင်ငံအား နိမ့်ပါးနေရခြင်းမှ ဆယ်တင်၍ သေချာစွာ ဆက်လက်ရပ်တည်နိုင်ရေးအတွက် တစ်ခုတည်းသော နည်းလမ်းမှန်မှာ ပြည်သူများ၏ အသိဥာဏ်ကို ဖွံ့ဖြိုးအောင် ပြုလုပ်ပေးခြင်းနှင့် ပညာရေးကို လူမှန်သမျှ ရရှိနိုင်စေရန် ဆောင်ရွက်ပေးခြင်း ဟု သူယူဆသည်။ တစ်ချိန်တည်းတွင်ပင် ချင်မင်းဆက်အား ဖြုတ်ချရေးကို ပြည်သူများ သတိမူနေရမည်လည်း ဖြစ်သည်။

ထို့ကြောင့်ပင် ပညာရေးကို တော်လှန်ရေးထက် အရင်ပြုရမည်ဟူသော ပြုပြင်ပြောင်းလဲရေးသမားများကို သူဆန့်ကျင်ခဲ့သည်။ ချင်မင်းဆက်ကို ဖြုတ်ချနိုင်မှသာ ပညာရေးဆိုင်ရာ ပြုပြင်ပြောင်းလဲမှုများကို ပြုလုပ်နိုင်မည်ဟုလည်း သူယုံကြည်ခဲ့သည်။ တရုတ်နိုင်ငံကို ပြောင်းလဲပြုပြင်ရေးတွင် ပညာရေးသည် အရေးကြီးသော နည်းလမ်းတစ်ခု ဖြစ်သည်ဟူသော အမြင်အပေါ် သူသံသယ မထားသော်လည်း ပထမခြေလှမ်းအဖြစ်မူ အစမပြုသင့်ကြောင်း သူထုတ်ဖော်ခဲ့သည်။ ပထမခြေလှမ်းသည် တော်လှန်ရေးမှအပ အခြားမည်သည့်အရာမှ မဖြစ်နိုင်ဟူ၍…။

ဝဏ္ဏစိုး

Ref: Sun Yat-sen by Zhang Lanxin, from Thinkers on Education Part 4, UNESCO Publication

Read More

ကိုက်လမ်း

ငါဟာ
ကမ္ဘာကြီးကို နားစွင့်ထားသူ ယုန်ကလေးပါ
နေ့စဉ် နေ့စဉ်
ငါ့ဝပ်ကျင်းကလေးကနေ ငါ အစာရှာထွက်တိုင်း
သစ်ပင်မြက်ပင်လေးတွေ ကိုက်ကိုက်ပြီး
ငါထွက်လာခဲ့မြဲ
ခု...
လူနဲ့ခွေးများ တောခြောက်ကြ
အပြေးအမြန် ငါ့ကိုက်လမ်းလေးအတိုင်း ပြန်လာခဲ့ရာ
ပိုက်ထဲ...
ငါ့သစ္စာတရားဟာ ငါ့အသက်ကိုယူသွားကြပေါ့။ ။

မောင်ချောနွယ်။

Read More