ခင်ဗျားထိပ်ပြောင်နေပြီ။ဖိုတိုဂရေးမျက်မှန်အောက်က ဆင်တစ်ကောင်ရဲ့မျက်လုံးနဲ.တူတဲ့ မျက်ပေါက်ကျဉ်းကျဉ်းလေးတွေက ကြယ်သေနှစ်လုံးလို မွဲပြာပြာနဲ.။နားရွက်က ခပ်သေးသေး။"လူတစ်ယောက်ရဲ့ ခန္ဓာကိုယ်မှာ အရုပ်အဆိုးဆုံးအင်္ဂါအစိတ်အပိုင်းတွေဟာ နားရွက်တွေဘဲဗျ"လို.
့ခင်ဗျားကြုံရင်ပြောတတ်တယ်။(ဗင်ဂိုးဟာ သူ.နားရွက်တဖက်ကို လှီးဖြတ်ပစ်ခဲ့တယ်ဆိုတာ တကယ်တော့ ရူးသွပ်လို.မဟုတ်ဘူး။ကပ်ဖကာရဲ့ အဖျားချွှန်ချွှန်နားရွက်ကြီးတွေကလည်း ကြည့်ရတာ ရယ်စရာကောင်းတာပဲ။သိပံ္ပရုပ်ရှင်ကားတွေမှာပါတတ်တဲ့ တခြားကမ္ဘာကလာတယ်ဆိုတဲ့ သတ္တ၀ါတွေရဲ့ နားရွက်နဲ.တူတယ်။လူတွေဟာ ရှက်တတ်မယ်ဆိုရင် ကိုယ့်နားရွက်အတွက် ကိုယ်ရှက်သင့်တယ်) ခင်ဗျားရဲ့လက်ချောင်းကလေးတွေကိုတော့ခင်ဗျားသဘောကျပါတယ်။သွယ်သွယ်လေးတွေ ဖြစ်တာရယ်၊ အဲဒီလက်ချောင်းလေးတွေက တဆင့် ခင်ဗျားရဲ့ပါရမီတွေ လင်းဖြာခွင့်ရတာရယ်ကြောင့်ပေါ့။လူက ခပ်ညုပ်ညုပ်။ဒါပေမယ့် အဲဒီခန္ဓာကိုယ်လေးက အမှုန့်ကြိတ်ထားတဲ့ ကမ္ဘာတစ်ခုရယ် တိုးလျှိုးပေါက်ဖြစ်နေတဲ့သဘာဝဓမ္မတရားရယ်၊ မကြားစေချင်တဲ့ရယ်သံရယ်ကိုလုံလုံခြုံခြုံ ထုပ်သိမ်းထားဖို.တော့ လုံလောက်တယ်ဆိုပါတော့။
ခင်ဗျားအဖေကတော့ စိတ်ပျက်လက်ပျက်ပြောမယ်။"ဒီကောင့်မှာ ငါနဲ.တူတာရယ်လို့ထိပ်ပြောင်တာပဲရှိတယ်"လို့၊သူက ခင်ဗျားကိုနားမလည်ဘူး။(အမှန်တော့ ဘယ်သူမှနားမလည်ဘူး၊)သားသမီးတွေထဲမှာ အကြီးဆုံး၊ ငယ်ငယ်တုန်းက အပျော့ဆုံးလို့(ထင်ရတဲ့)ဒီကောင့်ကို ဘာဖြစ်လို့ သူလိုချင်သလို ပုံသွင်းလို.မရခဲ့သလဲဆိုတာလည်း သူ့အဖို. အဖြေရှာမရတဲ့ ပုစ္ဆာတစ်ပုဒ် ဖြစ်နေတာကိုး။ခင်ဗျားအဖေက ပေါက်ကွဲလွယ်တယ်။စိတ်ထားနုတယ်။ဒေါသကြီးတယ်။စိတ်မထိန်းချုပ်နိုင်ဘူး။တာဝန်ကို ကြောက်တယ်။နှမြောတွန်.တိုစိတ်လည်းရှိတယ်။သူဟာ ပန်းတပွင့်အယောင်ဆောင်ထားတဲ့ ချိန်ကိုက်ဗုံးနဲ.တူတယ်။သူ အရွယ်ကောင်းကောင်း၊ဗလကောင်းကောင်းတုန်းက သေးသေးညုက်ညုက် ကျောင်းသားလေးကို(တစ်နေ.ကျရင် အထက်တန်းစားစာရေးဖြစ်အောင်ဆိုတဲ့ ရည်ရွယ်ချက်နဲ.)မကြာမကြာ ကြမ်းကြမ်းတမ်းတမ်း ရိုက်ဖူးသူ။သူဟာ တခြားဖခင်တွေလိုပါဘဲ။သားသမီးကိုမွေးမြူဖို.ထက် စည်သွတ်ဘူးစက်ရုံမှာ အုပ်ချုပ်သူလုပ်ဖို့ ပိုသင့်တော်တဲ့လူပေါ့။
အခုတော့ ခင်ဗျားအဖေမှာ အသင့်အတင့်ကောင်းမွန်တဲ့ ဒုတ်ကောက်တစ်ချောင်းရှိတယ်။အသင့်အတင့်ကောင်းမွန်တဲ့ ဇနီးတစ်ယောက် ရှိတယ်။အသင့်အတင့်ကောင်းမွန်တဲ့ သားသမီးငါးယောက် ရှိတယ်။(အဲဒါကို သူက ကံကောင်းတယ်လို့ ထင်မှာပေါ့)။အခုတော့ ခင်ဗျားအဖေဟာ တခါတလေ ကလေးတွေနဲ.ကစား၊တခါတလေ သီချင်းနားထောင်၊တခါတလေ ဥပုသ်စောင့်၊တခါတလေ ခွေးတွေကို လေးခွနဲ.ပစ်၊တခါတလေ သွေးတိုး။များသောအားဖြင့် ပက်လက်ကုလားထိုင်တစ်လုံးမှာ(အဲဒီကုလားထိုင်ကလည်း သူလိုခပ်အိုအိုရယ်)ပုတီးတစ်လှည့်၊ဆေးပေါ့လိပ်တလှည့် လက်ကကိုင်ကာ ထိုင်ရင်း သိန်းထီ မပျက်မကွက်ထိုးကာ မဖြစ်ခဲ့ရတာတွေနဲ. မဖြစ်နိုင်တာတွေကို စိတ်ကူး လွင့်မျောနေတတ်တဲ့ အရင်ကလိုပဲ စိတ်ကိုမထိန်းချုပ်နိုင်သေးတဲ့ အသက် ၇၀ အရွယ်လူအိုကြီးပေါ့။
ခင်ဗျားအမေကတော့ စစ်ပြီးခေတ်မှာ လူလားမြောက်လာတဲ့ တခြားလူတွေလိုပဲ ရှေ့မရောက် နောက်မရောက်သူ။စာရေးတတ် ဖက်တတ်ရုံဆိုတော့ အမြင်ကျဉ်းတယ်။သားသမီးတွေကို ချစ်ပုံရပေမဲ့ ဆုံးမစကားပြောရာမှာ ကြမ်းတမ်းတယ်။ပြက္ခတိန်မျက်နှာဖုံးပုံတွေကို ထရံမှာတုတ်ချောင်းနဲ. ထိုးကပ်တတ်သူ။(ခင်ဗျား ခဏခဏ ဆုပ်ဖြဲပစ်ရတယ်။)အိမ်ရှေ့မှာ ချဉ်ပေါင်ပင် စိုက်တတ်သူ။သတင်းစာက နာရေးကြော်ငြာဖက်သူ၊(ခင်ဗျားစိတ်ပျက်တဲ့)သူရဿတီ ကိုးကွယ်သူ။အသုံးအစွဲ လက်ဖွာပြီး အတန်အသင့်စိတ်မာသူ။
အဲဒီခင်ဗျားအမေကတော့ ဆေးလိပ်မသောက်၊အရက်မသောက်၊ မိန်းမ မယူတဲ့ သိမ်သိမ်မွေ.မွေ. အမူအရာရှိတယ်လို့ထင်ရတဲ့ ခင်ဗျားရဲ့ ပါးစပ်က တခါတလေ သင်တုန်းဓားထုတ်တဲ့စက်ရုံလို. ထင်ရလောက်အောင် ချောက်ချားစရာ အယူအဆတွေနဲ. စကားလုံးတွေ ထွက်လာတတ်တာကြားရင် နားမလည်နိုင်ဘူးပေါ့။(အံ့ဩပုံတော့မရပါဘူး)သူ မဖက်တဲ့ ခင်ဗျားဖက်နေတဲ့ စာအုပ်စင်ထဲက စာအုပ်တွေကများ သူမွေးထားတဲ့သားကို ဖျက်စီးပစ်လိုက်သလားလို. သံသယပွားကောင်းပွားမယ်။
ခင်ဗျားရဲ့ညီ ညီမတွေကလည်းဒီလိုပါပဲ။သူတို့ရှေ့မှာ အဖေနဲ.အမေကို (ဘယ်လိုစကားစပ်တည့် သွားတယ်မသိဘူး)ခင်ဗျားက "မိဘမေတ္တာဆိုတာလည်း ပုထုဇဉ်မေတ္တာမို. လောဘ၊ဒေါသ၊မောဟ ဖုံးလွှမ်းနေလို. မခိုင်မာကြောင်း၊ဘုရားရှင်ရဲ့ မေတ္တာနဲ.တစ်တန်းတည်းထားပြီး ပြောဆိုနေကြတာဟာ မှားယွင်းကြောင်း" အလျှော့မပေးတမ်း ပြောနေတာကြားတော့ စိတ်ပျက်ကြတာပေါ့။မိဘကို စိတ်မကောင်းအောင် ဒီလိုမပြောသင့်ဘူးလို့  သူတို.ထင်မှာပဲ။သူတို.က ဒီနေရာမှာ ခင်ဗျားထက် ပိုပြီးလိမ္မာတယ်။သူတို.ဟာ ရိုးသားတယ်။(ဆေးလိပ်တောင်မှ ဘယ်သူမှ မသောက်တတ်ကြဘူး)မရိုင်းပျတဲ့ ပညာတတ်တွေဆိုပါတော့။သဘာဝသိပ်မကျတဲ့(ဘ၀မှာ တကယ်အသုံးမ၀င်တဲ့)အများသုံးခေတ်မီ အယူအဆတွေလည်းရှိကြတယ်။အရာရာကို သူများကြည့်မြင်သလို ကြည့်မြင်ပြီး သူများပြောဆိုသလိုလည်း ပြောဆိုတတ်ကြတယ်။(အဲဒီလို နေထိုင်တာက လောကမှာ အန္တရာယ်လည်းကင်း၊လွယ်လည်းလွယ်တာကိုး)ခင်ဗျားကတော့ သဘောမကျဘူး။
သူတို့ကို လွတ်လပ်စွာ တွေးခေါ်စေချင်တယ်။သဘာဝကျတဲ့ ဆင်ခြင်ဥာဏ်မျိုး ရှိစေချင်တယ်။ဒါကြောင့်လည်းလိုအပ်ရင်သူတို.နဲ. အတိုက်အခံပြောတာပဲ။သူတို.ကလည်း သူတို.အစ်ကိုကြီးအပေါ် မျိုးမတူတဲ့ အိမ်မွေးသတ္တ၀ါတစ်ကောင်လို သဘောထားတဲ့အခါလည်းရှိမှာပေါ့။တခါတလေလည်း ခင်ဗျားအတွက်ဂုဏ်ယူချင်ယူကြမယ်။သေချာတာတစ်ခုတော့ရှိတယ်။အဲဒါ ခင်ဗျားကို နားမလည်ဘူးဆိုတာပဲ။
ခင်ဗျား မိတ်ဆွေဆိုတဲ့လူတွေ ကလည်း ဘာထူးလဲ။တစ်ယောက်ကဆို ဒီလူဟာ "သမ္မကျမ်းစာရယ်၊ကင်းမလက်မည်းရယ်၊မိုးတိမ်ရယ် ရောမွေထားတဲ့လူပဲ" လို့ပြောခဲ့တာပဲ။ခင်ဗျားကတော့ပြုံးမယ်။ခင်ဗျားရဲ့အဘိဓာန်မှာမိတ်ဆွေဆိုတဲ့ အနက်ကိုဖွင့်ရင် အကူအညီတောင်းတဲ့သူ လို.ပဲ အဓိပ္ပါယ်ရတယ်မဟုတ်လား။လမ်းစရိတ်တဲ့။ဆေးဖိုးဝါးခတဲ့။ထမင်းဖိုးတဲ့။အဲဒီအထဲမှာ အဆိုးဆုံးက တန်ဖိုးဖြတ်ရခက်တဲ့ အချိန်နဲ. အကျိုးအကြာင်းမဲ့တရားတွေ ရောပါသွားတတ်တာပဲ။ခင်ဗျားက သဘာဝကျတယ်ဆိုရင် ကိုယ့်ခေါင်းကိုဖြတ်ပေးလိုက်ဖို. ၀န်မလေးတဲ့သူ။အဲ...သဘာဝမကျဘူးဆိုရင်တော့ ကိုယ့်ဘွားအေကိုတောင် ယပ်ခက်ပေးဖို.ငြင်းမယ့်သူ။
လူတစ်ယောက်ရဲ့ဘ၀မှာ တာဝန်တွေက အများသား။ကိုယ်ခန္ဓာထဲကိုဝင်လာနိုင်တဲ့ နှာစေးချောင်းဆိုးဖြစ်တဲ့ဗိုင်းရပ်စ်ပိုးရဲ့ အန္တရာယ်ကအစ ကမ္ဘာမြေကြီးရဲ့ပြင်ပလေထုအလွှာဖြစ်တဲ့ အိုဇုန်းလွှာပျက်စီးမှာကို ကာကွယ်နေကြရတယ်မဟုတ်လား။ဒီအထဲမှာ ကိုယ့်ဘ၀ကိုတောင် တာဝန်မယူနိုင်တဲ့လူတွေက ခပ်မြင့်မြင့်အကြောလျှော့တဲ့ အလုပ်(အနုပညာကို တာဝန်မဲ့ခွင့်လိုင်စင်တစ်ခုလို ကိုင်စွဲနေတာတော့ ခွင့်လွတ်စရာမရှိဘူး။လူတိုင်းဟာ ခင်ဗျားအလုပ်လုပ်သလို လုပ်နိုင်ပါတယ်။ဥပမာ-ခပ်ပေါပေါ ၀တ္ထုတွေကိုရေး၊ ရောင်းစားတာမျိုး။ကြောက်လန်.မသွားပါနဲ.။အဲဒါဟာစာပေ မဟုတ်ပါဘူး။ဖျာရက်ရောင်းသလို၊ တံမြက်စည်းလုပ်ရောင်းသလိုပေါ့။တစ်ခါက ခင်ဗျားပြောသလိုပေါ့။ "(တရေးနိုးထ ဘယ်ဘက်ခြေမကို မင်တို.ပြီး နောက်ပြန်ရေးရင်တောင် ဖြစ်တဲ့ စာအုပ်မျိုးတွေလေ)"ဒါမှမဟုတ် ခင်ဗျားလုပ်သလို မလုပ်ဘဲလည်း နေနိုင်ပါတယ်။ဘယ်လိုဘဲနေနေ ကိုယ့်ဘ၀ကိုတာဝန်ယူရဲတဲ့ သတ္တိတော့ ရှိဖို.လိုတာပေါ့။မြို့မငြိမ်းရဲ့ သတ္တိမျိုးလောက်မှ မရှိရင် ကြီးကြီးကျယ်ကျယ် မပြောကြပါနဲ.။ခင်ဗျားက "အနုပညာဆိုတာ တံတွေးထွေးတိုင်းတောင် ပါသွားတတ်တဲ့အရာလို့ ထင်တဲ့သူ မဟုတ်လား။အဲဒီလူတွေ စာမရေးခင် အရင်ဆုံး သူတို့ဦးနှောက်တွေကို တံတောင်ဆစ်ရောက်အောင် ခွဲစိပ်ကုသပေးဖို့ လိုတယ်။"လို.ပြောတတ်တယ်။ တခြားသူ တော်တော်များများကို သနားတတ်သူ။အနုပညာသမားဆိုတာ ယိမ်းသမလည်းမဟုတ်၊ အရန်မီးသတ်တပ်ဖွဲ.၀င်လည်း မဟုတ်လို. ညီညွှတ်စရာမလိုဘူးလို. ပြောတတ်သူ၊ တော်စတွိုင်းရဲ့ စစ်နဲ့ငြိမ်းချမ်းရေးဝတ္ထုကို ခပ်ညံ့ညံ့လို. သတ်မှတ်သူ၊ ကွန်မြူနစ်ပါတီ ၀င်ဖူးတာနဲ. ဘောလုံးကန်ဖူးတာကြောင့် ကမူးရဲ့ဝတ္ထုတွေဟာ ဖက်စရာမလိုဟု မှတ်ချက်ချသူ။ဗစ်တိုးရီးယား ဒီစီကားကို အီတလီသုခလို့ လှောင်တတ်သူ။မြန်မာပြည်က ပန်းချီပြခန်းတွေထက် နိုင်ငံခြားဖြစ် ရှပ်အကျီင်္ရောင်းတဲ့ဆိုင်တွေကို ပိုမိုတွယ်တာသူ(အဲဒီဆိုင်ကလေးတွေက ဒီဇိုင်းတွေကအာရုံကို ပိုလတ်ဆတ်စေတယ်။)စာပေလောကမှာ ဆရာခေါ်စရာ မထားသူ။ယုံကြည်မှုအတွက် တစ်ကမ္ဘာလုံးကို ဆန့်ကျင်ဖို. ဘယ်တုန်းကမှ ၀န်မလေးသူ။
ခင်ဗျားက ဘ၀ရဲ့ လေကွယ်ရာအရပ်မှာ တစ်သက်လုံး(ခင်ဗျားအဖေလို၊ပြီးတော့ တခြားသူတွေလို) ကျောက်ချကပ်ခိုချင်တဲ့ သူမှမဟုတ်ပဲ။ပင်လယ်ပြင်ကျယ်သမျှ ရွက်လွှင့်ပြီး ကျွန်းအသစ်ရှာချင်တဲ့သူ။ ခင်ဗျားဟာ ငယ်ငယ်ကတည်းက ကျောင်းလေ့ကျင့်ခန်းစာအုပ်တွေကို ကဗျာရေးပစ်တယ်။အတန်းထဲမှာ ဆရာနဲ. ရန်ဖြစ်တယ်။ကျောင်းပြေးတယ်။အိမ်ကလည်း ပြေးတယ်။ပန်းချီဆွဲတယ်။ စစ်တုရင် ကစားတယ်။လ္ဖက်ရည်ဆိုင်နဲ.ရုပ်ရှပ်ရုံမှာ အချိန်ကုန်တယ်။အားလုံးကို သရော်တော်တော် စကားပြောတယ်။အယူအဆကလည်း နေရာတကာမှာ ကန်.လန်.လို.ဆိုရမယ်။(လူအများစုနဲ. ဘယ်တော့မှ သဘောထားချင်းမတိုက်ဆိုင်ဘူး)ခင်ဗျားဟာ ဒုစရိုက်မှာ ပျော်မွှေ.တဲ့ မိုက်ကန်းပေါ့သွမ်းသူ မဟုတ်ဘူး။ဒါပေမဲ့ ပုံစံကိုက်လိမ္မာသိမ်မွှေ.သူတော့လည်း မဟုတ်ပြန်ဘူး။(သဘာဝတရားအတိုင်း ဖြစ်ပေါ်နေတဲ့ ချွှန်တက်တဲ့ ကျောက်စောင်းနဲ. တူမလားပဲ။)
ဘာပဲဖြစ်ဖြစ် ခင်ဗျားကတော့ အရာရာ(အစဉ်အလာ ဖြစ်ထွန်းနေတာ)ကို သဘောမတွေ.တဲ့သူ။အသက်လေးဆယ်ကျော်စမှာပဲ တစ်လောကလုံးကို သမ်းဝေစရာလို. မြင်တတ်သူ။ခင်ဗျားအဖေနဲ.လည်း မတူတဲ့သူ။ခင်ဗျားအမေနဲ့လည်း မတူတဲ့သူ။တခြားဘယ်သူနဲ.မှလည်း မတူတဲ့သူကိုး။
မှန်ထဲမှာ နှုတ်ခမ်းလေးတွန့်ရုံ ခင်ဗျားပြုံးနေတာ မြင်ရတယ်။ဗြဟ္မာကြီးတစ်ယောက်တောင် ခင်ဗျားရှေ့မှာ ရှက်ပြီး လဲသေသွားနိုင်တဲ့ အပြုံးမျိုးနဲ.ပေါ့။ ။
သစ္စာနီ
ရုပ်ရှင်တေးကဗျာ
Tuesday, 3 May 2011
လူ၏ကွန်တိုမျဉ်းများ
0 comments:
Post a Comment