အရင်းရှင်စနစ်ဆိုသည်မှာ မျှဝေရန်ဖြစ်သည် ခင်မောင်ညို
စီးပွားရေးလုပ်ငန်းများသည် ဧရာမ လူမှုရေးအမြင်များချမှတ်ကာ ကမ္ဘာကြီးကို
ကယ်တင်ရန်မဟုတ်။ စားသုံးသူလိုအပ်သည်များကို ၀ယ်နိုင်ရန်
ဆောင်ရွက်ပေးရမည်။
မကြာသေးမီက ကမ္ဘာတစ်ဝှမ်းဖြန့်ကျက်နေသော စားသုံးကုန်တစ်ခု
ထုတ်လုပ်ရောင်းချသည့် ကုမ္ပဏီအကြီးတန်းဒါရိုက်တာတစ်ယောက်ကို တွေ့ခဲ့သည်။
သူက အရပ်ဘက်အဖွဲ့အစည်းများ၊ အစိုးရအရာရှိများပါဝင်သည့် အစည်းအဝေးတစ်ခု၌
တောင်းပန်စကားပြောဆိုသည်ကို ကြားရသည်။ “ကျွန်တော်တို့
နိုင်ငံစုံကုမ္ပဏီကြီးတွေဟာ ဒီလောက်တောင်ကြီး မဆိုးပါ” ဟုပြောသည်။
တကယ်တော့ သူတို့ကုမ္ပဏီနှင့်ပတ်သက်၍ ပြဿနာမရှိ၊
မသမာမှုလုပ်နေခြင်းများမရှိ။ သူက သူကိုယ်စားပြုရာ
စီးပွားရေးလုပ်ငန်းကြီးတွေအတွက် တောင်းပန်နေခြင်းဖြစ်သည်။ သို့သော်
သူ၏ကုမ္ပဏီသည် ကမ္ဘာတစ်ဝှမ်းတွင် လုပ်သားပေါင်း သောင်းချီ၍ခန့်ထားသည်။
အများစုသည် အဆင်းရဲဆုံးနိုင်ငံများ၌ ဖြစ်သည်။ စားသုံးသူပေါင်း
သန်းပေါင်းများစွာကလည်း သူတို့ထုတ်ကုန်များကို သဘောကျကြသည်။
သက်ဆိုင်ရာဒေသများမှ ကုန်ပစ္စည်းထုတ်လုပ်တင်သွင်းသူများကို
ကမ္ဘာ့စီးပွားရေး အဆောက်အအုံနှင့် ကွန်ယက်ချိတ်ဆက်ပေးသည်။
အခွန်တစ်ချို့ဆောင်သည်။ လုပ်ငန်းခွင် လုံခြုံစိတ်ချရေးအတွက်
စံချိန်စံညွှန်းမြင့်မြင့်မားမားတွေသတ်မှတ်သည်။သန့်သန့်ရှင်းရှင်းလုပ်ကိုင်စေသည်။ ဖွံ့ဖြိုးဆဲနိုင်ငံများတွင်
ချမှတ်ကျင့်သုံးရန်ခက်ခဲသော သန့်ရှင်းမှုနှင့် ကိုယ်ကျင့်တရားများကို
လိုက်နာကျင့်သုံးစေသည်။ ထိုအစည်းအဝေး၌ တက်ရောက်ခဲ့သည့် မည်သူကမျှ
၎င်းတို့နှင့် ယှဉ်ပြိုင်ပြီး ဖော်ပြကြွားဝါစရာလူမှုရေး၊စီးပွားရေးအောင်မြင်မှုများ မရှိပေ။
ထိုသို့ဖြစ်ပါလျက်နှင့် အတော်ဆုံး နိုင်ငံစုံကုမ္ပဏီကြီးများပင်လျှင်အဘယ့်ကြောင့် ကိုယ့်ကိုယ်ကို သံသယတွေဖြစ်လာကြသနည်း။ ဒဿနအတွေးအခေါ်တွေသေသေချာချာလေ့ကျင့်ပျိုးထောင်ထားသည့် သူများက သူတို့၏ကိုယ်စား
ခုခံကာကွယ်ချေပပေးနိုင်မည်ဟု မျှော်လင့်ခြင်းကြောင့်ဖြစ်သည်။
ထိုသို့သောပုဂ္ဂိုလ်များထဲ၌ ဟားဗဒ်စီးပွားရေးလုပ်ငန်းပညာသင်တက္ကသိုလ်မှ
မိုက်ကယ်ပေါ်တာကဲ့သို့သော ပုဂ္ဂိုလ်မျိုးလည်းပါသည်။ မိုက်ကယ်ပေါ်တာက
အရင်းရှင်စနစ် ပုံစံသစ်တစ်ခုအဖြစ် အကြံကြီး ဉာဏ်ကြီးဟုဆိုနိုင်သည့်
“တန်ဖိုးထားမှုများ မျှဝေရန်ဖန်တီးခြင်း” ဟူသည့်စာအုပ်ကို ရေးသားခဲ့သည်။
ကံမကောင်းသည်မှာ မစ္စတာပေါ်တာ၏ဆောင်းပါးကို ဖတ်ရသည်မှာ ပို၍
ဂနာမငြိမ်စရာဖြစ်သည်။
စီးပွားရေးလုပ်ငန်းများအပေါ် မလိုမုန်းထားသည့်
အာဃာတများကို တိုက်ဖျက်ခြင်းမပြုနိုင်ဘဲ ထိုအာဃာတများကို
အားဖြည့်ပေးအောင်လုပ်သလို ဖြစ်နေသည်။ မစ္စတာပေါ်တာက
စီးပွားရေးလုပ်ငန်းများသည် အမြတ်ကိုသာ အားထုတ်ခြင်းမပြုဘဲ
လူမှုရေးပြဿနာများဖြေရှင်းခြင်းကိုိပို၍ အာရုံစိုက်သင့်သည်ဟု ယူဆသည်။
အမြတ်တစ်ခုတည်းရရုံဖြင့် ပြည်သူလူထု၏ လိုအင်ဆန္ဒများကို
ဖြည့်ဆည်းပေးနိုင်ခြင်းမရှိဟု သူကယူဆသည်။ လူမှုရေးရည်မှန်းချက်များကို
ဖြည့်ဆည်းရာမှ ရရှိသည့်အမြတ်သည်သာလျှင် အဆင့်မြင့်သော အရင်းရှင်စနစ်ကို
ကိုယ်စားပြုသည်ဟု သူကယူဆသည်။ ဤနည်းအားဖြင့် လူ့အဖွဲ့အစည်းသည် ပိုမို၍
လျင်မြန်စွာ တိုးတက်ကာ ကုမ္ပဏီများလည်း ပို၍ ကြီးပွားလာကြမည်ဟု
ရေးသားခဲ့သည်။
သူ့အယူအဆအရဆိုလျှင် စီးပွားရေးလုပ်ငန်းများနှင့် လူ့အဖွဲ့အစည်းသည်
တစ်ခုနှင့် တစ်ခု တစ်လမ်းစီဖြစ်နေသည်မှာ ကြာပြီ်။ သူက
အကောင်းဆုံးသောကုမ္ပဏီများသည် အလုပ်သမားများ၊ လူ့အဖွဲ့အစည်းများနှင့်
စီးပွားရေးလုပ်ငန်းများကို အထောက်အကူပြုခြင်းဟူသည့်
ရည်မှန်းချက်အမျိုးမျိုးကို ဖြည့်ဆည်းရမည်ဟု ဆိုသည်။ တကယ်တော့
ထိုသို့ဖြစ်ရန်ခက်သည်။ လူမှုရေးဆန်သည့် စီးပွားရေးလုပ်ငန်းများသည်
အတိတ်ကရှိခဲ့ဘူးသည်။ အထူးသဖြင့် ကွေကာကုမ္ပဏီများသည် ၄င်းတို့၏
ကုမ္ပဏီများကို ဘာသာရေးရည်မှန်းချက်တစ်ခုဖြင့် တည်ထောင်ခဲ့ခြင်းဖြစ်သည်။
ဘာတာဖိနပ်ထုတ်လုပ်သူ၊ ဂျီအီးကုမ္ပဏီ စသည်တို့သည် စစ်ကာလက ၄င်းတို့၏
လုပ်သားများကို ကြည့်ရှုစောင့်ရှောက်ရာတွင် နာမည်ကြီးသည်။ သို့သော်
၎င်းတို့သည် ခြွင်းချက်မျှသာဖြစ်သည်။
အလုပ်သမားများနှင့် ပတ်ဝန်းကျင်ကို ခေါင်းပုံဖြတ် အသုံးချမှုတွေ
များပြားသည်။ ယခင်ဆိုဗီယက်ယူနီယံခေတ်က မွေးသည်မှ သေသည်အထိ
လူမှုဖူလုံရေးစောင့်ရှောက်မှုများပေးခဲ့သော လုပ်ငန်းများသည်
အားကျအတုယူစရာမဟုတ်တော့ပေ။
လွန်ခဲ့သော အနှစ် ၂၀ခန့်အတွင်း ဆိုရှယ်လစ်စနစ်ကျဆုံးပြီးနောက်
ကုမ္ပဏီများ၏ လူမှုရေးတာဝန်ကျေပွန်မှုကို လက်ခံလာကြခြင်း၊
ဈေးကွက်အပြိုင်အဆိုင်ဖြစ်လာခြင်း၊ အင်တာနက်သုံး စားသုံးသူများ၏
လှုပ်ရှားတက်ကြွမှုများ ပေါ်ပေါက်လာခြင်းတို့ကြောင့်
စီးပွားရေးလုပ်ငန်းများနှင့် လူ့အဖွဲ့အစည်းတို့၏ဆက်နွယ်မှု
သိသိသာသာတိုးတက်ကောင်းမွန်လာခဲ့
သည်။ နိုင်ငံစုံကုမ္ပဏီကြီးများသည်ကွန်မြူနစ်ခေတ်လွန်ဥရောပကို ပြောင်းလဲရန်ဆောင်ရွက်ခြင်းဖြင်
့ ၄င်းတို့၏လူမှုရေးအရ အရေးပါမှုများကို ပြသနိုင်ခဲ့သည်။
သာမန်လူသန်းပေါင်းများစွာတို့၏ ဘ၀များအတွက် နိုင်ငံရေးသမားတွေထက်ပို၍
လုပ်ကိုင်ဆောင်ရွက်ပေးနိုင်ကြသည်။
မှန်ပါသည်။ ယခုထက်ပို၍ အခြေအနေကောင်းအောင် လုပ်ဆောင်နိုင်စရာများ
ရှိသေးသည်။ သို့သော် တန်ဖိုးများ မျှဝေမှုဆိုသည်မှာ အရင်းရှင်စနစ်၏
ပုံစံတစ်မျိုးထက် လူမှုရေး ပြုပြင်ပြောင်းလဲမှုသဘော ပိုဆန်သည်။
မည်သည့်ကုမ္ပဏီမျှ လူတိုင်းကျေနပ်အောင် မလုပ်နိုင်ပေ။ အကြင်နာတတ်ဆုံး
ကုမ္ပဏီများပင်လျှင် တစ်ခါတရံ၌ အချို့သူများကို ထိခိုက်အောင်လုပ်တတ်သည်။
ဥပမာ- ဆင်းရဲသောဈေးကွက်များတွင် လုပ်ခမြင့်မြင့်မားမားပေးခြင်းဖြင့်
ဒေသခံလုပ်ငန်းများအနေဖြင့် ၀န်ထမ်းများရရှိရန် အလွန်ခက်ခဲစေသည်။
လူ့အဖွဲ့အစည်းတွင် ကုမ္ပဏီတစ်ခု မည်မျှတန်ဖိုးရှိသည်ဆိုသည့် အချက်မှာ
အကောင်းနှင့်အဆိုးကို ချင့်ချိန်ကာ ဖြစ်နိုင်သမျှ အဆိုးလျော့အောင်
လုပ်ရန်ဖြစ်သည်။ အကယ်၍ စီးပွားရေးလုပ်ငန်းများက လူမှုရေးပြဿနာများကို
ဖြေရှင်းရန်ကြိုးစားသွားမည်ဆိုလျှင် အမြတ်ရရှိသည့်တိုင်၊၄င်းတို့ရင်ဆိုင်ဖြေရှင်းရန်ခက်
သည့် မေးခွန်းပေါင်းများစွာနှင့်ရင်ဆိုင်ရမည်။ ဥပမာ- မည်သည့်လူမှုရေးကိစ္စ ဦးစားပေးမည်ကို မည်သူက
တာဝန်ယူဆုံးဖြတ်မည်နည်း။ မည်သည့်အခြေခံအပေါ်၌ ထိုဆုံးဖြတ်ချက်များကို
ချမှတ်မည်နည်း။ အချို့ကုမ္ပဏီများအနေဖြင့် ၄င်းတို့လည်ပတ်နေသည့်
စီးပွားရေးလုပ်ငန်းအောက်တွင် ကိုယ်ကျင့်တရားဆိုင်ရာ၊
လူမှုရေးဆိုင်ရာတာဝန်များ ပို၍ကြီးမားလာနိုင်သည်။ လူမှုရေးဦးတည်သော
မူဝါဒများက ရည်မှန်းသလိုမဖြစ်၊ မလိုအပ်သည့်ရလဒ်များပေါ်ထွက်လျှင်
မည်ကဲ့သို့ဆောင်ရွက်ဆုံးဖြတ်မည်နည်း။ ဥပမာ- အဆင့်နိမ့်အပေါင်ချေးငွေလုပ်ငန်းများ။
သို့မဟုတ် ကိုယ်ကျင့်တရားနှင့်
ကိုက်ညီမှုရှိသည် မရှိသည်ကို ဂရုမစိုက်သည့် ကုမ္ပဏီတစ်ခု၏ တီထွင်စမ်းသပ်မှုက
မမျှော်လင့်ဘဲ လူမှုရေးအရ အကျိုးကျေးဇူးမြောက်များစွာ ပေါ်ထွက်လာခဲ့လျှင်
မည်သို့ပြောမည်နည်း။ ဆိုကြပါစို့။ အရှေ့အလယ်ပိုင်း၌
တော်လှန်ရေးဖြစ်ပွားအောင် လှုံ့ဆော်ပေးသော ဖေ့စ်ဘွတ်ခ် လား?၊ သို့မဟုတ်
အမျိုးသမီးပေါင်းများစွာကို အလုပ်သက်သာစေသော အလိုအလျောက်
အ၀တ်လျှော်စက်လား?။
စီးပွားရေးလုပ်ငန်းများသည် ကမ္ဘာကြီးကို ပြောင်းလဲပစ်နိုင်သလို၊
ပြောင်းလည်း ပြောင်းလဲပစ်သည်။ သို့သော် အားလုံးခြုံပြီးပြောသည့်အခါ၌
စီးပွားရေးလုပ်ငန်းတစ်ခုစီက ၄င်းတို့ရင်ဆိုင်တွေ့ကြုံနေရသော
ပြိုင်ဆိုင်မှုများကို တုံ့ပြန်ဆောင်ရွက်ကြခြင်းဖြစ်သည်။
လုပ်ငန်းအားလုံးအနေဖြင့် တုံ့ပြန်ဆောင်ရွက်ခြင်း မဟုတ်ပေ။
အချို့လုပ်ငန်းများအနေဖြင့် လူ့အဖွဲ့အစည်းကို ကူညီသည့်အတွက်
စီးပွားရေးအခွင့်အလမ်းများ လွဲချော်သွားစေနိုင်သည်။ သို့သော် ဤကိစ္စကို
ကုမ္ပဏီများက ထည့်မတွက်၍ မဖြစ်။ စီမံခန့်ခွဲမှု အားနည်းခြင်းဟု
ယူဆစရာဖြစ်စေမည်။ ဗျူရိုကရေစီနှင့် ကုမ္ပဏီတွင်း နိုင်ငံရေးများကြောင့်
အခွင့်အလမ်းများ လက်လွှတ်ဆုံးရှုံးကြသည်ဟု တွက်စရာရှိသည်။ မည်သို့ပင်ဖြစ်စေ
ကုမ္ပဏီရှိ စွမ်းအားစုများကို ရယူအသုံးပြုကာ အကျိုးအမြတ်ရရှိနိုင်သည့်
အခွင့်အလမ်းများ ရှိနေသည်။
စီးပွားရေးလုပ်ငန်းကြီးများအနေဖြင့် ကမ္ဘာ့လူမှုရေးပြဿနာများကို
ဖြေရှင်းရာ၌ ပိုမိုပါဝင်ဆောင်ရွက်နိုင်သည်။စက်မှုလုပ်ငန်းများနှင့်ပတ်သက်
သည့် မူဘောင်များ၊အကောင်းဆုံးလုပ်ထုံးလုပ်နည်းများက အဆင်သင့်ရှိနေပြီးဖြစ်သည်။
လာဘ်ပေးလာဘ်ယူမှု တိုက်ဖျက်ခြင်း၊ သွေးစွန်းသောစိန်များရောင်းချမှုကို
တားမြစ်ခြင်းတို့ကဲ့သို့သော စံချိန်စံညွှန်းများ ရှိနေပြီးဖြစ်သည်။
ကုမလသမဂ္ဂ ဂလိုဘယ်ကွန်ပက်သည် ကမ္ဘာတစ်ဝှမ်းက ကုမ္ပဏီများပိုမို ဆောင်ရွက်ရန်
အောင်မြင်စွာ တွန်းအားပေးလျက်ရှိသည်။ သို့သော် လူမှုရေးလိုအပ်ချက်များကို
ဦးစားပေးရာ၌ အသေးစိတ်ချမှတ်ထားသည့် မူဝါဒမူဘောင်မရှိလျှင်၊
တာဝန်သတ်မှတ်ခြင်း၊ အကျိုးကျေးဇူးများမျှဝေခြင်းတို့မရှိလျှင်
တန်ဖိုးထားမှုများ မျှဝေခြင်းဆိုသည်မှာ အဓိပ္ပာယ်ရှိမည်မဟုတ်။
အချောင်သမားတို့အတွက် အခွင့်အလမ်းတစ်ခုဖြစ်နေမည်။
လောလောဆယ်ကာလတွင်
စီးပွားရေးလုပ်ငန်းများသည် လူ့အဖွဲ့အစည်းကို အကျိုးပြုရာ၌
ဟန်ကြီးပန်ကြီးနိုင်သော လူမှုရေးအမြင်တွေ ချမှတ်ကျင့်သုံးနေမှမဟုတ်၊
စားသုံးသူတွေက ၄င်းတို့ထုတ်လုပ်သည့် ထုတ်ကုန်များကို ၀ယ်ယူလိုသည့်အချိန်၊
လိုသည့်နေရာ၊ မည်သူမဆို ၀ယ်ယူနိုင်ခြင်းဖြင့် အကျိုးပြုနိုင်သည်။
ကောင်းမွန်သော အရင်းရှင်စနစ် ကို အားပေးရန်အတွက်
ပိုကောင်းသည့်နည်းလမ်းမှာ မြင်သာထင်သာရှိသော၊ ပြိုင်ဆိုင်မှုရှိသော
စီးပွားရေးပတ်ဝန်းကျင်ကို ဖန်တီးပေးရန်ဖြစ်သည်။ ဤနည်းအားဖြင့်
လူတစ်စု၏အကျိုးစီးပွားနှင့် ပြိုင်ဆိုင်မှု ထိန်းချုပ်ခြင်းတို့ကို
ဖယ်ရှားကာ စွမ်းရည်အမြင့်မားဆုံးလုပ်ငန်းများသည် ငွေပေးရကျိုးနပ်သည့်
ထုတ်ကုန်များကို ထုတ်လုပ်ခြင်းအားဖြင့် အကျိုးအမြတ်များ
အများဆုံးရရှိစေခြင်းသာဖြစ်သည်။ ထိုသို့ဆောင်ရွက်နေသည့်အတွက်
ကုမ္ပဏီဒါရိုက်တာများအနေဖြင့် တောင်းပန်နေစရာမလိုပေ။ (အီကောနောမစ်)
Thursday, 31 March 2011
အရင်းရှင်စနစ်ဆိုသည်မှာ မျှဝေရန်ဖြစ်သည်
0 comments:
Post a Comment